大門拉麵 (屯門市廣場1期)

Open Now

Now Closed

出左新的冷拉麵未有人評過，鐘情試新野的我當然要試下。呢款2022年夏日推出的棒棒雞冷拉麵（$68），不出所料麵底一如寄往的粗身彈牙，比普通冷麵出色。汁是非常清爽的麻醬，偏紅的顏色應該是加了辣椒油/鮮蕃茄汁，醬微微微辣，加了花椒油，所以口味獨特。整體來說是美味的，如不想食得太油膩，會再點。別外點了炸魷魚（$38），非常脆，但今天員工太少又不熟手，炸魷魚上桌已不夠熱，但這家的炸魷魚是值得一點的，不油，但脆，咬起來也新鮮！記得要求沙律醬，不然不會自動附上。

次次過aeon 都見到排晒長龍。咁多人我就唔多想排隊。今次因為朋友食過話好食，咁就一齊去食。星期六唔算多人，等左十分鐘左右。叫左碗大門拉麵，等左一陣就有。湯底都算濃，係用魚介粉煮的，市面通常係豬骨湯底，感覺幾特別。同行朋友連湯都飲埋。麵比較硬，我會鐘意軟硬適中，不過都可以接受。平時去啲拉麵店，麵質可選軟硬適，多葱少葱等，但呢間就無得選擇。荀有好多片，但叉燒就得一塊，不過$65 ，仲要無加一，我覺得性價比高。

每次經過門口都見到好多人排隊望入去入面有位可能疫情關係坐疏啲是日平日 見隊伍短少少就都排排看點了個鬼門拉麵 加個味蛋雖然很多評價說抵食但認真看只係將配料續個分開收費如是者 我獲得一碗拉麵上面有豚肉 蔥少許 然後甚麼都沒有紫菜要加錢 荀要加錢當我後悔時 餐廳的炸物已沽清還好有嗌到味蛋鬼門拉麵如其名就是辣然後 就甚麼味都沒有 哈哈哈湯底應該是白開水？ 然後加了很多辣粉原本菜單上寫日本直送湯底讓我很期待結論不建議嗌呢個湯底下次如果不用排隊可能再試其他

平時都有幫襯開大門拉麵嘅咁一直對佢嘅評價都好高啦。咁今日見多人等，就試吓外賣啦，咁熱嘅天氣就食大門油面 黑蒜油混面 。一向覺得佢地面條有嚼口同韌勁哈～今次既嘅麵條比較硬身，🍜硬到要自己煮淋啲。而且重口味好多，塊叉燒又細，又唔靚仔。就算佢平左，相對都難食左～仲要黑蒜油個面好辣下…🥲可能佢地落左辣油，仲要啲醬料多到，勁重味到苦苦地，失望。食食下都哽唔落，唔食啦～🥲🥲堂食可以，外賣🥡⋯⋯唔建議囉～

間中都會有拉麵癮起，特別係思鄉既時候啦。好多拉麵都已經過百蚊一碗，而小資既我一直都係食開大門拉麵，算是抵食之選了。每逢假日或者係假日，門口都會有一條小小人龍在等侯。餐單選擇不多，都係幾款拉麵同小食。 我既不二之選係大門特製拉麵，有叉燒同味蛋。麵底係粗身既麵種而且比較硬身，湯汁濃厚，食完麵再飲多兩啖湯就爽曬，滿足。 同行朋友揀左咖哩混麵，咖哩底極濃兼辣度十足，有叉燒同一隻生蛋，撈埋食又不錯。每條麵都充滿咖哩汁 👍

每次想食日式拉麵🍜，又唔想食太貴😂，呢間係唔錯嘅選擇( ´▽` )ﾉ佢嘅麵底好好食，係煙韌控嘅會幾鍾意❤️(鍾意食煙煙韌韌，唔要好冧嘅麵)。不過佢個湯底會係遍咸，但其實好多拉麵嘅湯底都係遍重口味。所以又覺得冇咩野，係食完最好飲返杯水就ok。👍🏻👍🏻總括嚟講，大門拉麵我覺得係性價比高，又好食嘅一間拉麵店。有沾麵，又有湯麵揀！🤤🤤選擇都幾多，又唔算係好貴！已經encore過好多次！一想食拉麵都會去

屯門食拉麵🍜諗起吉之島轉角有間拉麵，3:00黎到要排隊，可能因為派左消費卷，大家都出街食飯。等左半個鐘終於有位，排隊時頭兩位可以先點餐。叫左No.1推薦既大門拉麵 $62想食溏心蛋同薯餅，特此加點。講返個拉麵🍜麵既硬度偏硬，岩我，湯底屬於濃湯，飲完有少少口渴，湯麵上有一塊新鮮既紫菜，香脆可口但一啖就比我食左，啲筍上面有七味粉，筍比其他拉麵店多，但叉燒得一片，好彩有加到溏心蛋。（其實自己整好容易，但食拉麵無蛋感覺好唔滿足🤣)薯餅入面好creamy，外面啲麵包糠好足好脆口，good ending。

今日同朋友過嚟食麵，本身我個人鍾意食沾麵，因為我好鍾意啲麵掛湯嘅感覺。於是我叫咗一個黑蒜油沾麵，食物一落枱嗰下，我滿心期待，先飲咗一啖湯，發現個湯好稀，稀過對面碗拉麵，而且個湯竟然冇味。我心諗可能係呢間拉麵店嘅口味偏淡，所以我就試咗一啖朋友拉麵嘅湯，朋友個碗拉麵嘅湯係有味嘅。我同店員講，我呢個黑蒜油沾麵，冇蒜味，湯好稀，亦都冇鹹味，可唔可以俾我加錢換一碗麵。店員回答，黑蒜油沾麵係無蒜味嘅，所以食唔到有蒜味係正常。「黑蒜油沾麵無蒜味係正常」「黑蒜油沾麵無蒜味係正常」「黑蒜油沾麵無蒜味係正常」其實我都唔知佢講嘅嘢係咪真，但係我諗都唔至於碗湯係一啲味都冇掛。😂至於湯底冇味，店員回答，係因為曾經有客人投訴過佢哋嘅湯底太鹹，而家就整得冇咁鹹，所以個湯就咁淡。我唔明白，有乜理由我朋友個碗嘅湯底係會有鹹味，而我個碗係一啲味都冇㗎呢？而且沾麵嘅湯底，味道唔係應該要比起拉麵嘅湯底要濃少少嘅咩？聽完店員嘅解釋，我比唔到反應。😂（店員嘅態度係唔差嘅）佢冇回答我，到底可唔可以加錢換麵呢一個問題，於是我就問，咁有冇辦法加啲乜嘢，去令到個湯底有返啲味呢？店員表示，可以加番啲醬油俾我⋯嗯⋯⋯我毫不猶豫將佢拎到過嚟嘅

成日經過都見唔少人食，今次終於幫襯試吓。叫咗大門特製同大門拉麵。呢度冇得指定麵嘅硬度，心諗都唔緊要啦，正正常常就得。入座時只有大概三枱顧客。落單後慢慢等到餐廳滿座。中途聽到有客人專程早到幫家人攞位，表示平時好快滿座。後來等到新入座嘅客人都有得食，我張枱都仲係冇野嚟🥲 通知職員後，原來係廚房搞亂咗啲單。但如果樓面職員都留意下啲客人的話，可能就唔使等半個鐘先可以開餐🤦🏻‍♂️🤦🏻‍♀️唔知係咪因為催過單，兩碗拉麵嘅麵都非比尋常咁硬⋯ 真係冇食過咁硬嘅拉麵！！！唔太清楚大門拉麵嘅湯sell咩特點。但飲落就冇豬骨味，反而非常重鰹魚（粉）味。雖然價錢比同商場內嘅拉麵店平，不過質素麻麻。見Openrice咁多好評，唔通係因為我黑仔🥲

行完Aeon,諗唔到食咩，就過去隔離😂有啲肚餓，就叫個個叉燒炒飯套餐，包左3隻餃子，炒飯好好味，味道岩岩好，😋😋但餃子🥟就煎得唔香，好似趕時間出，(食完無影)反而單點唐揚炸雞唔錯，男朋友食黑蒜油沾麵，湯汁較稀，掛麵就咁差啲，但枱面有詳細食法介紹，好細心，而且食完可以叫店員加湯，飲埋啲精華。值得一提既係店內既蒜蓉，真係好岩我口味(個人喜好😎)，如果係食沾麵，一定記得加啲落去一齊食，成個層次唔同哂😝由於出面排隊等候人較多，都係食完就走啦。

行完屯門市廣場，又睇埋戲，經過見到呢間「大門拉麵」好多人排隊，價錢合宜，都幾吸引，所以選擇晚餐食呢間，我地點左兩個拉麵及兩款小食。餐廳除了有拉麵、沾麵，仲有好特別的油麵（撈麵），口味有豬骨魚介、黑蒜、鬼門（辣）。大門特製拉麵有味玉、叉燒、紫菜、筍、蔥……味玉好入味，蛋黃流心好濃郁；叉燒厚身軟腍，肉味濃脂肪香，入口快要溶化，湯底加魚介，特別香濃帶鮮，拉麵較硬身，係我鐘意嘅口感，都掛到湯汁。大門油麵好有特色，係撈麵黎，本身個醬汁都好惹味微辣好香，再拌勻溫泉蛋，蛋汁令麵更香滑。仲可自由加入醋、蒜蓉、辣油、美奶滋……醋可消膩又開胃，蒜蓉超香，辣油刺激食慾，美奶滋好正，多食法又好味，好玩。明太子玉子燒好厚身嘅蛋卷，鬆軟多汁，富有蛋香，唔甜的，係微咸口味，配咸鮮微辣明太子，味道更提升。日式炸雞份量幾多，有5大件，即炸好熱辣辣好香脆，雞肉保持彈性，又有肉汁，味道幾好。

🥢屯大門拉麵🍜屯門宜家越來越多拉麵店親民貼地價嘅選擇都越嚟越多但最緊要嘅都係好食！實而不華嘅拉麵 濃郁嘅湯底先至係拉麵嘅王道🥇今次仲有夏天嘅明太子特選揀咗明太子玉子燒仲有明太子丼佢獨特嘅微辣口感無論配飯 定係配上玉子都一樣咁好味😋當然唔少得要食佢哋招牌嘅大門拉麵湯底有濃濃嘅魚介香味唔會食到成口油加上佢哋嘅拉麵麵質比較煙韌比較粗 完全係我嘅最愛🤎📍大門拉麵 @daimonramen 屯門屯順街1號屯門市廣場一期UG樓AEON屯門店3-4號舖#屯門美食 #屯門拉麵 #大門拉麵 #tuenmun #tuenmunfood #hkfoodie #tuenmunshop #tuenmuntownplaza

係屯市行街，一落左扶手電梯就見到有間食肆好多人排隊，望一望餐牌，最吸引我眼球既係明太子拉麵😍（至愛）終於排到隊入，一坐低睇餐牌，原來都有好多選擇，最後點咗明太子油麵+明太子玉子燒🤭枱面都貼左介紹油麵各種食法，有興趣可以樣樣都試，因為店員一早預備左生蒜同埋蛋黃醬😋個人鍾意落生蒜撈，不過就驚有口氣，自己一個人食就無所謂啦😅如果帶埋同心上人食就諗清楚😂油麵嘅明太子份量十足，就咁撈已經好夠味，蛋黃醬同個麵出乎意料地夾，每條麵都掛到醬，麵麵好彈牙，整個口感好豐富。而明太子玉子燒即叫即整，熱辣辣上枱，都係一個唔錯既配搭👍滿足我呢個明太子愛好者🤪

明太子配沙律醬就係出色的食物個個都話明太子好鹹，但偏偏我就鍾意食🤗明太子油麵 $88我其實我食之前唔知道咩係油面，但就咁食就甜甜地幾開胃，跟住仲有幾個教學唔同嘅食法。總括而然個個食法都好好食，最後我加咗沙律醬，醋，辣油同蒜蓉，真心好正，好食過拉麵好多。食完碗麵你仲可以叫佢加啲木魚湯俾你飲🤣明太子玉子燒 $58唔好意思我又係另類食法，將上面嘅明太子加沙律醬，明太子沙律玉子卷好正🤣門面同埋裏面都有日本風，幾時先去到日本🥺

基本上佢加咗價價錢越嚟越貴，如果論好食佢就唔算係好不過最鍾意係佢夠蒜蓉醬一口面一口蒜蓉勁正佢啲蒜蓉好cream嘅感覺但係今日買外賣先知道而家換咗😔依家變咗普通嘅蒜蓉粒完全唔同以前本身淨係為咗食佢個蒜蓉先至見埋佢麵依家真係好失望