大門拉麵 (屯門市廣場1期)

Open Now

Now Closed

之前一開張既時候去過一次但嗰時冇咩特別🙊🙊之後今次決定再比多次機會發現驚喜🤤🤤👏🏻坐既位置唔係好多都排左大約10分鐘先有位我就選擇左沾麵定價唔算貴 大約$70到但平時出面食都差唔多要$100👻👻麵質有咬口 唔會太淋👏🏻而湯底好濃 但又唔會太咸之前食過有d真係好咸掛湯力好好 👏🏻👏🏻而且叉燒好入味❤️總結黎講 味道⭐️⭐️⭐️⭐️環境⭐️⭐️性價比⭐️⭐️⭐️⭐️回頭⭐️⭐️⭐️⭐️

喺屯門市廣場四圍逛，見到一間日本拉麵館，大門拉麵，門口有十幾個人排隊。便想試下食碗拉麵。排了約十分鐘，便輪到我入座，我見到該店鋪，佈置簡單，所有傢俱都係木製的，有日本風味，環境清雅。岩曬同朋友家人傾計，唔怕太迫。除了拉麵，見到Menu, 我仲想試下其他麵條，便叫了一碗黑蒜油混面。不消一會，一碗熱騰騰的面放在我眼前，麵條是粗麵，食落咬勁十足，而且有幾分彈牙感覺，加埋有豚肉，蛋，和紫菜，味道濃厚，豚肉非常入味整碗麵有黑蒜香味，加上是微辛，所以非常適合我這個喜歡吃小辣的人。食完不會好想飲水，想必味精不是太多！在其他麵館，很少吃到有這種感覺的混麵，食落很有口感。食完飲杯茶已覺得很飽，埋單都係68元，免加一，非常超值。

在屯市Aeon超市購物完畢，見到側邊有間大門拉麵館門外有電視屏介紹拉麵湯底製作方法，好似幾好味，便想食碗拉麵才回家，排了15分鐘才坐低，叫了碗大門特製拉麵。食落覺得麵條有些咬勁，軟硬及分量適中，其中豚肉非常入味，加埋隻雞蛋和紫菜，簡直完美配搭，試下個湯，真係幾好味，雖然平時喜愛食淡味的食物，但偶然來一次重味，果然增加不少食慾，不消一刻，便把整碗湯麵掃清。意猶未盡，還叫了一碟小食忌廉薯餅，剛一上枱，我見眼前一碟金黃色香脆卷，非常吸引，食落也有驚喜，外面是脆脆的，裏面是香滑忌廉由於剛剛炸起，裏面的忌廉，受熱力影響，發出清香嘅味道，而且有少許甜味，非常好吃。享受完一頓豐富晚餐，埋單都係93元，免收加一，認真抵食。下次有機會，一定帶多些朋友來食，叫多幾味，互相分享。

自己一個孤獨食又黎啦，食咩呢？梗係食拉麵啦，一直都好好奇，點解大門拉麵長期都有人排隊，要食下啦！好，坐底睇下有咩好食先。鬼門拉麵，麵條係粗身麵，食落有咬勁，軟硬適中，湯底辣度夠，唔會太咸，仲有半肥瘦豚肉，正！忌廉薯餅，外皮唔係一般既脆，係超鬆化香脆，外皮既空氣感重，咬落係爆脆，裡面既忌廉柔滑細膩，完完全全表現岀外脆內軟既層次感！呢度仲要免收加一，孤獨食既價錢都係$80，已經有拉麵連小食，真係好抵呀！

抵食高質 大門拉麵收工同朋友去咗屯市食拉麵。這間拉麵鋪裝修看落不算很特別，不過拉麵又幾好食。大門特製拉麵 Daimon Special Ramen ($75)I took the menu's recommendation and took this Daimon Special Ramen and it was fantastic. There came a bowl of ramen, which looked nice. My eyes were immediately drawn to the pork belly.The broth holds the key to the success of any ramen store and well, I would have to say that their recipe has won my heart. The broth tasted rich and had good depth. And most importantly, it's reasonably priced. 湯底味道香濃濃厚，我幾中意！豚肉幾大塊，同湯底

周三特價日來到屯門市廣場的AEON消費，在瘋狂購物後便到附近的大門拉麵。接近六點的時間都有為數不少的客人進餐，坐下來都聞到附近食客香濃拉麵味。在其他拉麵店好少見到油麵這個選擇，於是點了大門油麵$58試一試。點單後數分鐘，大門油麵就好快上枱。油麵即是日本版的拌麵，粗身拉麵條作麵底，附有紫菜、叉燒、溫泉蛋、蔥花及筍絲等，底下放了一些醬油來摻拌。枱面貼有教學圖，有不同的食法指引，進食時可加上各種調味料，拌成自己喜愛的拌麵。個人喜好重口味，於是先加入白醋入麵條去增加彈性，之後加入辣油及蒜蓉增加味道增次感，拌勻之後，十分香口惹味。活乳酸梳打 $20:飲品解渴開胃~大門拉麵價格貼地公道，所以難怪吸引到附近不少的街坊進來消費。

成日係AEON買完野都見到呢間野條隊好鬼長, 今日收工去到條隊短過平時少少, 都要排15分鐘.同老婆排隊玩住手仔等, 個肥婆話好肚餓終於埋位開餐我叫左個黑蒜油拉麵，老婆食沾麵，老婆試左我湯，話好淡冇味。咁我飲一大啖，哇，同佢個沾麵比梗係無味啦！老婆個沾麵就ok既，飲佢個湯去我真係面容扭曲，不過除左咸左啲，其實都還可以，大家可以試下。老婆佢跟捉餐廳比既指引，沾完再加木魚湯，佢仲話好好味，飲上癮。老實講句，呢度既湯同其他相比下叫唔算咸了，個傻婆出街食野好少飲曬Ｄ湯的。每個人口味唔同架嘛！食完會覺得杯水特別好飲，下次可以嗌下其他。

在屯市Aeon超市的一角，常常看到一條人龍，排的是大門拉麵，趁今天早放工，又少人排隊，便心癢癢一試。店內裝潢很別緻。我被分派到坐bar枱。甫坐下，首先最吸引我眼球的不是餐牌上的美食，而貼在牆上的沾麵攻略和油麵建議食法。原來油麵可自行添加醬汁和配料，新奇又有趣，立即叫了個人氣大門油麵一試。跟據指示，我加了醋，一點點辣油，多多沙律醬攪拌。正！本人愛重口味，先食到沙律醬加辣油的香和豐原的味道，再慢慢滲出的醋味，中和先前的油膩感，好有層次的口感。份量可自行調節，又好食又好玩，最緊要是抵食！只是$58！食完還可加木魚湯把你的傑作一飲而盡，加湯後不會膩，反而有清新的感覺。再叫了個煎餃，即叫即煎，香口的外皮加上，多汁的肉餡，絕對值得一試。

等男朋友等到頸都長埋，終於見到面，去超市買嘢前食返個拉麵先，但去到已經排晒長龍，我地係第九張檯，以為起碼等半個鐘啦，點知佢又竟然十五分鐘入得。店舖細細，但咁多人排隊食，緊係要試下佢有咩可取之處啦。原來佢啲拉麵唔貴，50蚊左右可以有交易，而且有三種食法任君選擇，分別係沾麵，湯麵同油麵（姐係撈麵）。我就嗌左佢個最基本嘅湯拉麵嚟試下先，佢個湯唔算十分油，睇落好濃，飲落都好夠味。佢個燒叉燒係甜甜地嘅，都好軟腍，最抵讚係佢啲拉麵，好似做左負離子咁直，我第一次食呢種拉麵，好彈牙同滑好多。另外佢個醃筍係辣辣地嘅，令到啲筍味冇咁濃，岩我食。男朋友就嗌左個叉燒沾麵，佢個湯比起其他店嚟講比較淡同稀，可能呢啲係佢嘅特色。另外加左個味蛋，佢個蛋黃夠流心但唔夠甜，淡味左小小，可能係因為個湯再濃，有對比。但佢個煎餃子雖然賣相一般，但係就隻隻麵實的的，脹卜卜好足料。而且剪到個底好香脆。兩個人食到飽飽都係90蚊位，唔錯。

呢間拉麵係以日本直送湯底聞名今日我就黎試下先😛估唔到假日既下午茶時段都好多人排隊😨好日系既裝修🏮座位亦坐得很舒服⭐️特製大門拉麵💲7️⃣5️⃣濃濃既既豬骨湯底加上紫菜、味玉同一塊叉燒麵質有咬口😁同一般拉麵店既口感唔一樣麵體都係比較粗個種 飽足感爆崩🤰🏻叉燒燒得香而不油膩💥味玉蛋黃甜甜的🍳必點招牌💕⭐️大門菜湯麵💲5️⃣8️⃣🥗⭐️溫泉玉子💲1️⃣2️⃣打算清清地試下菜湯麵 湯底味道適中配住麵同菜咁食就剛剛好🥬適合喜歡清淡既朋友食💁🏻‍♀️溫泉玉子蛋黃生得來又唔會留漿同無腥味可想而知火喉控制得當同原材料新鮮🇯🇵⭐️日式炸雞💲3️⃣2️⃣外脆內軟既炸雞撈沙拉醬夠香口用來撈埋湯麵一齊食亦好味💁🏻‍♀️⭐️烏龍茶💲1️⃣2️⃣⭐️活乳酸梳打💲2️⃣0️⃣

屯門食嚟食去都係果啲野。今日就去左AEON入面食沾麵。星期日中午非常多人！等左十幾分鐘就入到啦！哥哥仔service 非常好。加分！個炸雞嘛，油左小小囉，亦都唔係好脆😂。不過起碼沙律醬係Kewpie 嘅。（不過日本餐廳都好小可沙律醬唔係Kewpie？）沾麵，叫左個辣嘅紅大門沾麵。麵質al dente。沾麵湯唔算好辣，非常濃郁，應該用左唔小肥豬肉炮製而成。當然沾麵個湯本身係幾咸，不過食完之後加埋啲木魚湯我覺得麵幾好飲。叉燒炒飯餃子定食，炒飯水準可以，粒粒分明。煎餃有點點偏稔，唔夠爽脆。都可以啦！最後，每個人都係$50上下落樓。CP值又出奇高喎！啲難食茶餐廳都收你$70嘅世代，都非常有良心。

前天逛Aeon超巿時意外發現的拉麵店，舖位就在同層的角落。一時興起，這晚便拉了好友來吃碗麵，也打個卡。等侯時查看餐牌，分別有拉麵、沾麵、油麵可選擇。價錢意想不到的親民，若以屯門巿廣場價來說，更可謂便宜。鬼門拉麵湯底是重辛辣感，湯頭較稠身，越吃越感到那股辣勁，但又非常惹味。拉麵附有豚肉片作配餸，份量也頗多的，不過不失的質素。拉麵麵條粗身，口感煙韌，所吸附到的湯汁也較多。稍嫌麵香度不高。同樣是粗身拉麵條作麵底，另附有紫菜、叉燒、溫泉蛋等，吃用時拌勻所有。筆者第一次吃油麵，其實就是日本版本的拌麵，底下放了一些醬油來摻雜。桌面貼有教學，進食時可再加上各種調味料，筆者分別加了辣油和拉麵胡椒。但個人喜好拉麵多一點，因為多了湯頭沒那麼乾身。吃辣拉麵又怎可能沒有解渴飲料？一杯冰梳打來解辣就最好不過，但乳酸料有一點未攪拌均勻，以致開頭幾口較淡味。

今日放工心血來潮好想食沾麵咁就係到openrice下屯門有冇啦原來屯市近近地都有住左咁耐都唔知😹一於同男朋友試下去到八點左右 都要等一陣先有位環境就麻麻 有少少擠逼枱與枱之間好貼近隔離枱唔算好大聲咁講野都聽到晒我同男朋友都係叫左同款沾麵最basic個隻塊紫菜已經唔脆一大敗筆🥺個沾麵醬汁我覺得好一般唔好同日本比較 香港其他沾麵店都完勝佢唯獨佢嘅麵質口感唔錯仲有就係份量好似比其他沾麵店少咁塊燒肉係極簿但有點一讚係呢到嘅侍應態度好有求必應又好禮貌我個人覺得呢點係加分位黎

拉麵就食得多，好食嘅沾麵你又多唔多食？ 所有野都分開上，連紫菜都唔會因為同啲湯上埋一齊而變腍😘我揀咗豚肉沾麵，豚肉偏硬身，肉味重，會有少量蔥花放喺上面，需唔需要就自行決定😎沾麵硬度、醬汁濃度全部都可以自己選擇，總有一款啱你口味，加錢就可以加埋流心蛋，成日都覺得食拉麵一定要配埋溏心蛋，如果唔係就唔夠滿足😋😋想食拉都呢間都係好好嘅選擇，湯底濃郁，好多時湯底就決定咗嗰碗拉麵🍜係好定唔好🤪🤪🤪

其實我好中意食拉面～只係食完多數都會肚痛...呢間拉面我強推薦，平靚正，我永遠都係食呢個大門油面，面條偏粗口感彈牙，碗底加左醬油，另外自己再加配料調味，我特別中意加蒜蓉同沙律醬🤤🤤🤤 食完啲面可以叫侍應幫你加木魚湯，個木魚湯溝埋食剩黑啲醬油超好飲。...另外仲叫左忌廉薯餅好似同以前食唔同左樣但都好好食 好creamy 不少少油不過係佢地自家制 限量供應最值得推薦係個定價，佢地份量好足夠，但我叫左一個拉面一個薯餅埋單都係七十幾蚊，其他拉面店要過百啦！