稻埕飯店 (V Point) (Closed)

相約幾個朋友去到銅鑼灣 食飯 慶祝新春 不過呢區有很多食店 又唔知食乜嘢好， 最後決定去呢間 稻埕飯店 食 台灣菜， 落到去 飯店 見到裝修幾特別又華麗 ， 而且環境唔嘈， 同條街喧鬧聲相差好遠， 好似另外一個世界咁。見到有個新春套餐， 就叫咗一客來吃。鵝不是鴨肉( 獅頭鵝)： 肉嫩滑不騷， 而且滷水入味， 幾啱胃口紅麴蒸日本珍寶帶子： 每一隻都夠大粒， 紅麴有少少甜味， 放在一起蒸 唔係太覺有乜什麼作用， 外觀上會好睇一點， 反而加埋粉絲先係最佳 拍檔， 粉絲吸埋啲汁， 唔好食都難。鮑汁 濃香花菇 干貝 扒菜膽： 雖然話係菜， 但因為有鮑汁 淋上面， 所以係好夠味嘅。滿滿骨膠原豬手： 呢度豬手 好淋 好入味， 美中不足嘅係份量唔係太多， 好快就清曬成隻碟。櫻花蝦古早油飯： 開初食嘅時候以為係糯米飯， 因為佢嘅外型同埋色澤及味道 都很相似， 雖然幾油膩， 不過帶有鹹香食下食下食曬一碗。黑芝麻 湯圓芋圓紅豆湯： 個餐包咗個甜湯， 芋圓係 錦上添花， 雖然已經好飽， 但紅豆湯幾好味， 又係 清埋。成個套餐 質素都幾平均， 食落幾令人回味， 下次要再捧場， 再發掘下其他新野。

食台灣菜大家通常都會諗起一啲小店，今次搵到間又大又型格餐廳，仲可以同朋友飲番杯，感覺煥然一新！坐低第一時間嗌碟醉雞卷！一放低已聞到陣陣酒香，雞卷大大份又啖啖肉，有酒香但唔會過重👍🏻螺頭燉湯滋補又暖粒粒，入口清甜，飲完即時有暖胃嘅感覺～紅糟文旦蔭樹蒸深海大花尾龍躉，龍躉肉爽彈鮮甜，可能係用咗台灣地道紅糟嘅緣故，醬汁有微微酒香同甜味，夠特別！呢個特色玻璃盒入邊裝著鹽酥波士頓龍蝦，望落更覺精緻，配有脆卜卜嘅豆角、南瓜同秋葵，惹味得嚟keep到健康感，食唔停口！龍蝦肉新鮮彈牙，鹽酥香味十足 ！八斗子炒飯材料好豐富，勁大隻虎蝦，仲食到一絲絲蟹肉，有帶子粒同鵝肉，脆脆嘅蟹子同香口肉鬆，口感夠晒多樣化，好快就清咗碟飯！最後點個滋潤紅棗丸子湯丸，又甜又潤喉～呢度環境夠chill，見有幾枱食客叫咗靚靚特飲打卡，下次都約閨蜜嚟飲返杯先！

今晚朋友話去銅鑼灣食一間台灣菜，很有80-90年代風格，入到餐廳已感受到華燈初上feel😆。先來杯cocktail微風醉人（賣相靚，有點奢華感覺🤣）。先來個蟹肉帶子蛋白泡泡脆米金湯，聽個名都勁🤭表面的蛋白好滑，又有脆米口感，加上濃郁蟹湯，一流水準😋。之後是白滷水九孔鮑魚，賣相吸引，食慾自然倍增，滷水醃很夠味但不鹹，適中👍🏻。這個鵝不是鴨肉不錯，反而鵝肉下面的豆腐很入味😋鵝+豆腐一齊食👍🏻。再來有燒菠蘿安格斯牛小排，肉質好嫩滑，加上有菠蘿汁，好醒胃。鹽酥波士頓龍蝦脆角豆金瓜這個菜式都幾特別，全部食材都脆卜卜香口野（龍蝦、脆米、南瓜片、秋葵）👍🏻。朋友話想試吓臭豆腐🤣，菜式未上枱已經聞到濃烈嘅味道🤣賣相算幾好，不過真的很臭，我投降😅。最後我地點了甜品🍮，黑糖珍珠疏乎厘pancake冰淇淋，原來係要必食，賣相靚，疏乎厘鬆軟，加雪糕及珍珠一齊食，口感非常豐富，味道出色。👏🏻👏🏻👏🏻大滿足的晚上☺️

台灣世界級金賞梅酒台菜盛宴 - $418 p.p.  [+ $200 p.p. 每道菜配一杯梅酒/雞尾酒]  第一次食梅酒pairing嘅menu 好易入口 又有幾有趣喎😄  📸 1️⃣ 金賞胭脂梅酒獅頭鵝肉扁  - 金賞胭脂梅酒獅頭鵝肉扁嘅鵝肉軟腍😊 - 配清香嘅金賞胭脂梅酒一流👍🏻  2️⃣ 招牌黑糖珍珠舒芙蕾班戟配抺茶冰淇淋  - 甜品竟然喺招牌黑糖珍珠舒芙蕾班戟配抺茶冰淇淋😍 - 非常台式嘅口味 超多黑糖珍珠🧋  3️⃣ 炭燒梅酒香煎骨膠原豬手  - 炭燒梅酒香煎骨膠原豬手有淡淡嘅梅酒香 - 燒完仍然好重膠質🤤  4️⃣ 柚子梅酒蒸花龍躉  - 柚子梅酒蒸花龍躉就啖啖肉 魚肉肉質彈牙  5️⃣ 蟹鉗肉古早味米糕  6️⃣ 華麗金賞四小碟 (話梅小山藥,胭脂梅酒釀柑仔蜜,醋釀蘿蔔,五花蒜泥白玉)  p.s. 依個menu原價喺$788/位 但由而家到1月31號做緊$418/位嘅優惠😱🈹

步入餐廳，眼前精緻嘅裝修令整個環境十分有格調，在紫色嘅燈光效果下，浪漫嘅氣氛濃厚。打開Menu，除咗台灣菜及滷水菜式外，仲有唔少特色嘅雞尾酒同飲品，感覺好Chill。 蜂蜜茉莉綠茶奶蓋綠茶上面有層好厚嘅奶蓋，飲落順滑，帶點芝士嘅鹹味，茉莉綠茶茶味清香， Mix埋奶蓋一齊飲，口感既rich又fresh！白滷水九孔鮑魚餐廳好貼心咁將鮑魚切成兩半，方便入口。鮑魚爽口彈牙，肉質鮮甜，雖然白滷水比較淡味但滷水味都滷到入鮑魚，味道恰到好處。白滷水6福拼盤白滷水用咗丁香、老薑等調味，滷水味道啱啱好，唔會太鹹，可以食到鵝肉、鵝翼、鵝腸、豆腐等等嘅原味道！蒼蠅頭爆炒韭菜花豆豉配搭肉碎炒韭菜，估唔到咁簡單嘅食材都可以煮到咁好食。秘製台汁骨膠原豬手花膠石鍋石鍋盛載上台，熱辣辣，花膠同豬手炆得夠哂淋身同入味；花膠入口軟滑，膠質豐富，豬手好軟身，好入味，食完後仲有黏咀嘅感覺，唔錯。八斗子炒飯原本以為係一個好普通嘅炒飯但入口就發現當中有好多材料包括帶子、鵝肉、蟹籽、蟹肉，每啖一鮮味，炒飯面舖上豬肉鬆令到口感及味道更加豐富。黑糖珍珠舒芙蕾班戟配抹茶冰淇淋十分有驚喜！班戟鬆軟，里面夾住香滑忌廉同埋黑糖珍珠，份量非常之

稻埕是高質台菜餐廳，主風格華麗優雅，秋色庭園景觀，和式紅葉飄搖，充滿文青打卡感覺，有偽旅行的感覺。樓底極高，紫紅色的燈光，配上懷舊酒廊傢具，十分紫醉金迷。坐在舒服卡位，加上柔和的燈光，和朋友們品嚐豐盛美食，私隱度高。·【台灣世界級金賞梅酒台菜盛宴】品嚐價$ 418 /位，兩位起（不配酒）+ $ 200 /位person（每道菜配一杯梅酒或雞尾酒）華麗金賞四小碟（話梅小山藥，胭脂梅酒釀柑仔蜜，醋釀蘿蔔，五花蒜泥白玉）蒜泥白玉肉嫰可口，被蒜泥完美提鮮，咀嚼間散發誘人蒜香，濃郁惹味。醋釀蘿蔔軟透，酸甜開胃，還有爽脆小山藥，十分清爽，是滋味的台式風味。金賞胭脂梅酒獅頭鵝肉扁鵝肉以玻璃高杯盛上，精緻吸引，肉質細滑柔嫰，入口綿化，吸收了<金賞胭脂梅酒>的香氣，十分提鮮，酒味齒頰留香，揮之不去。柚子梅酒蒸花龍躉花龍躉肉身圓厚，在蒸煮時吸收了<十里梅香>精華，魚皮黏糯，骨膠原豐盛，魚肉柔嫰，簡單而滋味。炭燒梅酒香煎骨膠原豬手豬手外皮煎至金香可口，賣相誘人。豬皮脆卜卜，酥脆迫人，肉質結實油潤，加上<金賞炭燒梅酒>點綴，肉味更香濃，十分滿足。蟹鉗肉古早味米糕

銅鑼灣最近人流少咗，餐廳都普遍唔使訂枱都有位。食客自然覺得空間感較大，坐得更舒服。有時代廣場過嚟登龍街，見到地庫有間開咗冇耐嘅台式餐廳。裝修格局有點像台劇華燈初上，用紫色燈光為主調，basement reception 有個 mic 同小舞台擺設。座位以卡位為主，枱與枱之間有好大距離。食物選擇有幾款二人餐，包括頭盤山藥，鵝肉，煎帶子炒蘆筍，奶油百合花，飯同甜品。Menu見到有個蟹肉蛋白南瓜湯好正，所以決定 al le carte 。個湯係一鍋上，足夠四人份量，蛋白同自己個碗一樣大好吸睛。冰鎮鮑魚入晒味，大大隻嘅夠睇頭。甜品係一定要order，珍珠pancake配上綠茶雪糕，上枱好大份，pancake 鬆軟。記得附近有甜品舖頭，但坐得好迫，下次食甜品都一定會嚟這家。

平時經過登龍街都會見到呢間V point喺一間要落電梯先入到去嘅餐廳一直都好好奇究竟下面係點以為係啲西餐廳點知原來係台灣fusion菜好少見有咁高級精緻嘅台灣菜今次特登過嚟試試佢門面高級得來個招牌幾有台灣感覺入到去環境好靚呀😍好似啲童話世界咁😂坐低首先梗係叫杯嘢飲再慢慢睇menu啦叫咗1️⃣Balloon girl成份有gin,新鮮葡萄,新鮮檸檬,烏龍茶。一上酒嗰陣時Staff呢整個波波喺杯嘢飲上面，之後個波波消失咗之後會不斷轉色，好神奇㗎！飲落去有少少酒味不過都有好清新嘅水果味酒精成份唔會太濃😊甜甜地幾好飲2️⃣苦瓜汁屋企人嗌咗杯苦爪汁，杯苦瓜汁好多苦瓜渣，苦瓜汁嚟講都唔算幾苦，可能第一彈會覺得呼呼地，不過飲落又慣咗，覺得最要讚嘅係有好多苦瓜渣，真材實料👍🏻3️⃣蟹肉帶子蛋白泡泡脆米金湯呢個湯10分推介，上面嗰四舊泡泡係蛋白嚟嘅，可以刺穿，軟綿綿咁，有啲似棉花糖，入口即溶。湯入邊有蟹肉，帶子，脆米，個湯質感有少少結結地，似湯羹多啲。兩個人分，每人平均都飲到三至四碗😋😋4️⃣臭豆腐呢個臭豆腐係我至愛，呢個臭豆腐係勁臭，不夠台灣夜市嘅臭豆腐臭，炸得十分之脆，入邊口腐軟林林，食落係有兩種口感😆睇你鍾唔鍾意

十分推介呢間餐廳俾大家聚餐，食物質素高、裝潢舒適高雅、地理位置方便、好適合打卡，一定有意外驚喜！呢個擺設好好睇，有不同名酒，吸引客人打卡拍照店內以紫色燈光環繞，很特別，但不會太暗。紙醉金梅 ($98): 採用Kokuryu Sake、梅酒、台灣高山茶調製，酒味不會太濃，酸酸甜甜，非常容易入口，mix埋高山茶，味道比較refreshing白滷水九孔鮑魚 ($238): 必點！此乃凍食，很美味的一道開胃前菜，鮑魚滷得很入味，肉質爽口嫩滑，而且切咗件，食落比較方便，亦方便share獅頭鵝-半隻 ($368): 真實好大碟，分量很足，鵝肉肉質鬆軟，滷得入味、具咸香，底下係豆腐鋪底，吸滿滷汁，食落非常嫩滑！燒香鳳梨芭樂安格斯牛小排 ($188): 牛小排煎得香口，肉質一啲都唔老，很有肉汁，最特別既係，跟埋燒鳳梨一齊食，都好夾，多了一分酸甜、鳳梨香，而個鳳梨非常出色，非常juicy, 我跌咗一塊鳳梨落枱面，都唔捨得放棄，照放入口，3秒定律🤤😛流心可可香蕉冰淇淋窩夫 ($102): 呢到除了食物同飲品都出色外，甜品亦十分出免！ 甜品大大份，好岩大家share。窩夫外面焗到好香脆，配上雪糕同cream

同客會人開完會經過銅鑼灣，想試呢度好耐了。見到今日唔使排隊就試下。一入門口已經見到裝修好靚，用左非常舊式華麗餐酒館為主題，仲有好多個打卡位。午餐 +$24可追加1款，+$44就2款 小食/甜品，另外跟餐都可以加好多款特色台式飲品🌱台灣海山醬油炒松阪豬配(台稉米)飯豬肉夠淋，海山醬味道甜甜地，都幾多汁。不過味道唔太特別🌱鹽酥雞排滷肉配(台稉米)飯食台灣嘢最安全嘅配搭，上枱係精緻，半隻糖心蛋味道OK，但其他味道就真係唔太突出🍴紅油豬耳(小食)豬耳堅辣，但都算脆口易咬，唔食得辣就唔好點🍴黑麻油雞翼(小食)都算煮得幾滑又爆汁，雖然唔太特別但都算唔錯🍵凍柚薑米水味道唔太甜，非常健康，但唔太識欣賞🍵茉莉龍珠綠茶每人會有一壺熱水，可以無限refill個茶

今日難得約左一班老朋友見面，我地決定試下近日人氣爆登既稻埕飯店😃晚市下餐廳用紫紅射燈點綴中西合璧既裝潢，相當有氣氛👍🏻誠意推薦以下打卡位🤩：1.入正門後一落電梯招牌旁有棵大楓樹2.進入餐廳後右邊的光環酒架🍾🥂3.男女廁之間的落地鏡霓虹燈「挑酒跟挑人是一樣的」環境就滿足左一班鍾意影相打卡朋友仔既願望，食物方面，餐廳主打台式fusion 菜，中西式style 既台灣菜都有，有d淨係睇菜名都覺得好特別，好想試呢晚我地就叫左個4人餐（前菜至甜品其9味）+追加菜式，小妹就將最難忘菜式記錄在此花彫藥膳雞捲花彫酒味好出，雞肉林身索哂酒味又保留雞肉原味皮蛋肉鬆豆腐擺盤精緻，皮蛋豆腐口感清新，配微甜肉鬆+燒汁，做開胃前菜唔錯！金銀蒜泥五花白肉三角形黑色碟令呢味經典川菜馬上變得型格有別於外面食到張滿辣油既蒜泥白肉，廚師將蒜蓉放系青瓜片同五花白肉片之間捲起，將三種味道匯聚一堂，蒜一啲都唔辣，清甜青瓜更減輕白肉油膩感金不換干貝螺頭燉雞湯嘩！又雞又螺頭，仲有滋保紅棗杞子等材料，冬天飲到咁足料既湯，真係暖入心稻埕滷水九孔鮑魚其中一款最期待的台灣名物「九孔」，朋友以為佢係迷你鮑魚，其實佢同鮑魚係親戚，但同科不同種，

Happy Gathering with girlsssss~間餐廳好靚呀，啲嘢食好靚呀，味道都好食呀～啲賣相都好靚呀！好彩冇揀錯！佢嘅嘢食係細細份，但係味道都夠嘅，同埋每一樣嘢細啲細啲，咁咪可以食到多啲唔同嘅嘢食囉😉我哋叫咗好多嘢食，叫咗黑松露鮮奶油百合花（好Creamy）、金沙蛋黃單骨雞翼（香口野難免熱氣）、蟹肉帶子蛋白泡泡脆米金湯（個蛋白波波係搞笑嘅，但係佢只係一個波波囉，冇咗佢個湯都OK..）、鵝不是鴨肉、櫻花蝦古早油飯（好似糯米飯咁，一啖就夠）、秘製汁骨膠豬手花膠石鍋（骨膠原膠着左個嘴）、古早味三杯雞（係台灣未啊～)、花枝月亮蝦餅、仲有好多好多唔記得咗佢個名- 有牛展、有滷水、仲有熱辣辣嘅鍋🙈🙈飲品方面，我地仲叫咗支紅酒，叫咗杯珍珠奶茶🤫扮自己去咗台灣甜品方面，叫咗個綜合八寶冰！正呀！超級大碗！有地瓜丸、芋圓、紅豆、珍珠、白肉頓、抹茶餅、紅油蓉、仲有雪糕🫶🏻整體嚟講，係比較高檔少少嘅中菜、呢個環境、呢個價錢、同埋唔限時，都呢個價嘅😊

源自台灣嘅「稻埕飯店」暫在尖沙咀K11藝術館及銅鑼灣V Point地庫設有分店，裝潢時尚新穎，除各式台灣菜/滷水菜式外，仲有唔少特色雞尾酒，感覺都幾Chill氣球小女孩 Balloon Girl（$108）：以鮮西柚、檸檬、烏龍茶及Gin所調製嘅一款雞尾酒，茶味唔濃，反而果味幾香，幾Fruity，Gin酒味道適中，唔會太濃烈，幾好飲。白滷水九孔鮑魚（$238）：鮑魚爽滑彈牙，早已預先切件，能一口一件，滷水鮮香入味。金不換干貝螺頭燉雞湯（$68）：天氣寒冷飲盅燉湯的確暖胃，燉湯足料，感覺係純天然嘅鮮甜美味，非常高質。滷水獅頭鵝（$368/半隻）：半隻鵝均已起骨，全是鵝片，啖啖肉食起上黎非常方便。鵝片香滑，肉質細嫩，食起上黎肉汁豐富，滷水味道較淡，反而鵝味更香。不夠。臭豆腐（$82）：臭豆腐香脆可口，蘸醬食幾惹味，但唔會好似街邊果啲咁一陣好濃烈嘅味道。黑糖珍珠舒芺蕾班戟配抹茶冰淇淋（$108）：呢個應該係店方嘅招牌甜品，班戟鬆軟，內裡夾著香滑忌廉，牛油奶香非常豐富，質感一流，連夾心都有唔少黑糖珍珠，但整體唔會太甜，非常出色。

之前試過下午茶時段. 今次預先訂咗枱, 到步已即被安排入座, 中午時段爆場.叫咗以下幾款 :鹽酥雞配滷肉飯套餐 牛三款(牛筋,牛展,牛肚)台灣自製麵套餐鵝唔係鴨配飯套餐燒台灣特色腸另外加配麻油雞翼甜品有 :豆花芋圓仙草熱桃膠杏仁奶 芒果醬芋圓服務唔錯, 款款食味OK中上, 性價比高.回頭机會大👍.

點菜之後10分鐘上了一杯梅酒，20分鐘之後才上了一碟前菜冷盤山藥，開胃，但等食物等得太久，已經飢腸轆轆，40分鐘之後才上熱菜。臭豆腐得個鹹字和臭字，完全不能入口，差過街邊檔九條街還要盛會$82（和收+1）。香煎帶子成口都是油，完全無味亦不香。虎蝦味道尚可但不新鮮。未有前菜山藥和炸香腸還算好味。不知為何，我們正在夾菜，職員就已經伸手過來收個空碟，搞到我們要縮手讓他收走個碟先夾到菜。第二次個碟入邊還有菜，職員竟然想直接拿起收走，還好被我們及時阻止。到付款時，竟然說壞機無法刷卡，等了好久才搞定。出品慢，菜品差，服務不周，以後一定不會再來。