德國餐廳 (博文街) (Closed)

大角咀除左奧海城，其實地舖都有唔少美食，位於大同新村嘅Das Bier係其中之一店面裝修簡樸，牆身有個德國地圖，襯哂餐廳本身豬手啤酒嘅招牌菜。芝士巴馬火腿沙律，味道清新，醬汁開胃，配上芝士粉調味，係一道不錯嘅前菜煙三文魚雜菌意粉，意粉彈牙，煙三文魚同芝士嘅鹹味，加埋菜同車厘茄嘅清爽平衡，好味。香腸拼盤，有3種德國腸，其中芝士腸特別推介，切開時熱辣辣嘅芝士流出，非常香口！薯仔都係新鮮炸起，仲有茄汁同芥末兩個選擇。德國鹹豬手，真正外脆內軟，外皮烤得鬆化，咬落卜卜脆，豬肉醃得入味，又夠腍滑，配菜仲有酸菜同薯仔，夠哂地道，推介！飲品方面，由於當晚不便飲酒，所以無緣嘗試佢地嘅啤酒，點左西瓜汁同熱薑蜜亦都不錯。

偶爾講開以前歐遊，我就有點掛念德國咸豬手。在openrice 一搜尋德國的關鍵字就出了這餐廳。我們見有豬手，於是便來試試。位置接近奧運站。唔行過都不知道成條巷都是餐店。店內座位闊落，大致上類近酒吧的裝潢。加上晚上的格調也不錯，幾適合三兩個坐低飲酒傾兩句。除了啤酒也有不少其他飲品。而餐廳的食物方面也做得合水準。我來的目的: 德國豬手($218)，都烤得不錯。肉的份量比其他食開的豬手有點少。女生食完都不會覺得太Heavy. 皮夠脆。肉也嫩滑和入味。至於薯菜我覺得普通了一點，味道有點單調。我寧願食多幾舊肉。至於德國超級香腸拼盤($188)都幾有特式。我們可以試晒不同口味的腸。我個人最愛這款。肉很香軟。

平時比較少嚟大角咀呢一區，今日因為就朋友放工，所以嚟咗呢度覓食！呢一區嘅餐廳都幾有特色，我哋今晚就揀咗食德國菜啦！原本見到個全日優惠好抵，想同朋友啤一啤佢，可惜佢哋兩個聽日都要返早，所以唯有下次先啦！餐牌都幾多選擇，我哋太肚餓嘅關係，叫咗好多嘢西班牙火腿配凱撒沙律呢個沙律好清新，而火腿味道濃，配合埋嘅時候味道啱啱好，做頭盤一流！好開胃！香草醬煙肉三文魚意粉好懷念香草醬嘅味道啊！以前係歐洲嘅時候經常都會食呢一個醬嘅pasta，但香港就比較少餐廳會用呢一個醬。配合埋煙三文魚嘅味道，呢個意粉調味啱啱好，唔會過鹹，唔錯！德國豬手配酸菜及薯仔沙律食德國菜又點可以唔嗌德國豬手呢！呢一個豬手上枱嘅時候熱辣辣，證明係新鮮製造。而且層皮炸得好鬆脆，而入面嘅肉仍然係香嫩可口，非常唔錯！德國超級香腸拼盤另一個signature嘅德國菜一定係德國香腸！呢幾條德國香腸唔會醃得太鹹，配合埋酸菜一齊食，好味！呢一個晚餐令我回想起係德國旅行嘅時光，好懷念啊！

我幾份工都日日係工廠區搵野食, 食尼食去都係果幾間太悶, 難得今日尼到想食德國餐, search 到呢間多好評米尼試下。 間餐廳幾大, 易等位。見佢set dinner 真係幾正, 好靚又大份, 我地2個人都大食xppp。 我一望到就叫左豬手, 個芥末好正好夠味, 做得岩岩好,有水份咁唔會太乾。原來呢幾樣野係咁夾味道!!! 朋友分享一起食, 佢就叫左steak, 好香好正. 原來呢頭有咁正既野食. 一向食德國野係香港都有點貴, 呢間叫係平d. 呢度幾有人氣, 但都有位坐。同埋野食都上得快! 大家一致認同幾好食, 最緊要足料!呢度幾旺場之餘可以坐近門, 有個秘密機關幾搞笑, 所以可以坐耐少少, 好傾到計~~dinner食係幾飽, 岩哂同同事或朋友尼吹水!!!我會再encore 佢!!

有日同朋友提起好內無食過正宗既德國豬手同德國腸，佢話佢都係，一提起就好鬼想食！所以就即刻上網搵啦，發現呢間係大角咀既德國餐廳都幾多好評，就一於試下啦！呢間餐廳都好近奧海城 唔難搵～夜晚7點幾去到見到已經好多人係到飲緊德國啤啦🤣好正咁！mean主打第一頁都係豬手同德國腸，咁我地即刻緊係叫個德國咸豬手配酸菜及薯仔沙律$218同埋德國香腸拼盤$162。仲有一個煙三文魚配凱撒沙律$128（汁分開上）。飲品呢我就叫左凍檸茶$30，朋友就飲apple cider$62!呢個煙三文魚配凱撒沙律都好足料，煙三文魚同沙律菜既份量都好足夠～又新鮮！做前菜岩哂～食完傾下計，德國腸拼盤都黎啦！有好多款唔同既腸，都好特別！覺得白色果款雞肉腸好好食！😍點埋芥末更正！仲有好多薯條tim~主角終於黎啦！呢個德國豬手份量好大，廚師仲起哂肉tim,好方便～個皮超脆，亦都keep住好多肉汁，好正架！仲可以選擇點蜜糖芥末同芥末汁～我超鐘意食德國酸菜，所以好快比我清哂！酸味剛剛好，好好食！薯仔沙律又好正😍個豬皮真係超脆超好食！肉又肥瘦分明～個豬手真係大推！會再黎食過～

平時一諗到德國餐就會第一時間諗起豬手同埋德國啤，呢排天氣好悶熱，想飲番杯冰凍嘅啤酒舒服下落左屋企附近間德國餐廳嘆下冷氣飲下啤酒，今晚9點半落到泥都坐到差唔多full哂，平時放工行過都大排長龍，果然係熱門隱世小店Lowenbrau都係第一次試，好清，飲完成身人爽哂，好啱女仔飲，大大杯飲起上泥好痛快😂😂😝現實同圖片是一樣出色的，外脆內嫩，超賺，起哂肉食起上泥方便又美味，推介呢到收晚上10：30，飲完剛好打烊，回家🤭🤭飲飽食醉，今晚實好好訓啦

好耐無食過德國嘢，同朋友食飯就揀咗嚟呢間德國餐廳。呢度德國豬手、德國腸等等既經典菜式都有齊。知道要準備食大量肉落肚，就叫咗個沙律先 - 煙三文魚凱撒沙律($128)，菜好新鮮，煙三文魚都好好味！德國香腸拼盆($162)，有好多唔同種類既德國腸，粉量都幾多，每條都好重肉汁味，咬落去好有質量，好食仲有啲薯條同酸菜做配菜，好正宗，因為德國菜都見食物真係會放好多酸菜係底俾人開胃既。重頭戲嚟啦！德國鹹豬手配酸菜及薯仔沙律($218)，份量好大呀，個皮好脆好好食，肉都好嫩，味道勁惹味，食到停唔到口呀！飲品朋友叫就咗杯涷檸茶。我就覺得食德國嘢一定唔可以無啤酒，所以就叫咗杯Cider！

我同朋友提議不如今晚食德國餐，因為好想食豬手所以就去左食德國餐廳，Das Bier餐牌上既選擇好多，有小食，有意粉有飯，好多選擇，當然我仍然想食豬手首先我地叫左一德國超級香腸拼盆，有幾款香腸，每款味道口感都有唔同香腸拼盆上重有薯角配另外我地叫左一份 香草醬煙肉三文魚意粉我最鍾意係佢個醬汁，香草醬味道好濃郁，味道每一啖都好均勻，份量都好夠食。重頭戲黎喇，我地最期待既德國豬手好驚喜既係，會幫我地切好晒，同埋肉同皮會幫我地分開，好細心豬手肥瘦適中，豬皮好香口另外豬手有兩個醬汁，配豬手食會有另外既味覺同朋友聚會真係好適合

今晚約左位大胃王朋友出嚟大角咀飲嘢聚會，佢話想食德國嘢加飲啤酒，所以search 完一輪就決定嚟依度飲飲食食。依間店比較偏細，位唔多，但就幾闊落，坐得幾舒服。德國最出名係咩？當然係德國腸同德國鹹豬手啦。我地先叫左一個德國鹹豬手配酸菜及薯仔沙律同埋德國超級香腸拼盤。叫完嘢等上菜時，當然要叫反個啤酒一邊飲一邊等菜啦。我地兩個Erdinger dunkel。德國黑啤：以前飲過德國黑啤係偏苦既，但今次飲依隻德國黑啤就唔苦，而且飲完後，口腔有陣好明顯既穀麥味，幾好飲。德國鹹豬手：個鹹豬手上臺前已經預先砌好咗，方便我哋進食。而且佢個豬手嘅皮好脆，食落去索索聲，啲肉就偏實淨都幾入味。 佢有兩隻醬畀我哋點，一個係黃咖哩，另一隻就有少少似麥樂雞醬。 薯仔沙律就不過不失。德國超級香腸拼盤：呢個腸拼盤有四種腸：脆皮而長嘅嗰隻，就比較香口。白色嗰兩種肉腸，腸生比較軟但肉質地就實淨啲，而且有陣香草味。短嗰隻脆皮腸就最juicy。佢有酸菜同薯條。食左油膩既腸，食返少少酸菜中和返，幾好。因為同大胃王出街食飯呢兩碟嘢都仲未夠飽所以我哋再加碼叫咗香草醬煙肉三文魚意粉&儀式肉丸燴松露意大利飯。香草醬煙肉三文魚意粉：個意粉

下班後相約2個朋友啤一啤，月頭可以喝得奢侈一點，於是索性光顧一家德國特色啤酒+美食的餐廳。一直覺得大角咀的博文街是很適合喝酒晚餐的地方，氣氛有點像尖沙咀的寶勒巷。來到店外已經可以看到各款德國美食的照片，很快就選擇了Das Bier（是The Beer的德文意思）餐廳。坐下後當然先點啤酒，又高又大的啤酒杯裝滿德國入口的啤酒，很有忘記工作辛勞的感覺。店員哥哥還為我們解釋不同品牌啤酒的特色，我選擇的是Das Bier Lagen，是較為順滑易入口的，朋友選的黑啤則較為濃郁，麥味更加突出。德國美食當然不能少的鹹豬手。配有薯仔沙律和德國酸菜。香腸拼盤也是德國的特色。兩款主食份量十足，也同時有著細膩變化。共同的特點是皮脆肉嫩，爽脆的外皮下有鮮嫩多汁的肉。配上不同的醬汁，每一口食物均有不同的味道，怎麼吃也不厭。尤其是香腸，五款的香腸內餡能吃出明顯分別，一定要仔細品嘗。吃一口肉，喝一口啤酒，再說一個笑話，這就是我們打工仔盡興放鬆的聚餐呢。店內另外有一些新穎的菜式，如德式肉丸燴松露意大利飯。香濃的黑松露那種類似石油氣的香味讓人把滿滿的Cream包裹圓潤的飯粒吃個不停。這豐富的一餐吃完的感覺可以用四個字形

今日見早收工就同女朋友去大角咀附近搵下有啲咩嘢食,行行吓發現呢間德國餐廳，之前都係大埔見到佢嘅分店，但一直都無機會去試吓去,咁就入左去試試佢。去到佢比左個角落位俾我地座,位置都算幾闊落，坐落都覺幾舒服。由於今日唔係幾肚餓，所以就叫左個super disagree platter,Mexican pizza with cheese 同兩杯啤酒，一杯係店員推介既fisher,另一杯係hoegarden Ge rosee,去呢度最正係呢排全部酒所有時間都只係44蚊，平過一般酒吧好多，另外啤酒的選擇有好多,可以揀唔同嘅酒飲，咁先係leben genießen。除左氣氛之外,估唔到佢呢到d野食都好好味，先講下個腸，個份量都幾大下，兩個人食呢個都差唔多飽。個腸有好多唔同種類，可以咩都試吓，好有滿足感。個墨西哥薄餅陪個醬好好味，有少少酸味唔會太過heavy，中和翻中間d cheese。最後講吓兩杯啤酒，杯fisher好香，飲落唔太苦，女仔都啱飲，rosee就飲落好甜，有類似莓既香味，完全唔中意苦味既就可以揀佢。總括來講，下次係附近都會再來，下次再試試個豬手先。

今日同男朋友行開大角咀果頭，想搵間德國野啤啤佢，見到依間裝修唔錯就入左去了 。間野都幾大，等左一陣就入到去了。黎到德國餐廳就緊係叫個德國咸豬手食啦 ，之後仲叫左個香蔥芝士焗薯條再加多杯啤酒。豬手再加薯條，2個人食已經好鬼飽，本來仲想叫多樣🤣唯有下次再黎試上碟黎到發現切好一舊舊，好細心！岩晒我唔洗晒力去切！豬手的肉質嫩滑，外層又做到好脆。再加埋啲汁，好match。豬手底都有德國的酸菜，好開胃，食豬手前都可以食啲酸菜先。十分推薦依個豬手！香蔥芝士焗薯條，估唔到香蔥同芝士都幾夾，食落有小小似蔥油餅既味，但再加左啲芝士，味道好夾。而且唔會太油膩！啤酒都簡左隻店員推介既德國啤，幾易人口，飲落唔會太苦，飲完有小小甜甜的，好適合女仔飲👍🏻一啖啤酒一啖豬手，3個字 冇得彈👍🏻

呢間德國餐廳好多地方都有分店，今日嚟到大角咀呢一間，當然唔少得叫一份脆皮豬手，同埋叫咗一個香腸拼盤同一個沙律。爸爸叫咗一個黑啤佢話幾好飲，我就飲芒果汁😂😂脆皮豬手都幾大份，外皮真係好脆，而且豬手幾入味！酸菜配埋豬手都幾好食，不過一定要夾埋一齊食，如果唔係我就覺得幾酸🤣不過我更加鍾意佢個香腸拼盤，因為有好多款香腸，而且我好鍾意食脆皮嗰啲，德國嘅味道啊！另外個三文魚沙律都幾好食，因為啲沙律菜好脆好新鮮！

突然好想食德國豬手，於是就係openrice搵到呢間德國餐廳。今晚黎到見到客人比較少，我地本身都有啲擔心。睇完menu都係覺得叫餐最抵食，所以就叫左個dinner set for 2。跟餐叫左杯hoegaarden rosee，飲啤酒就梗係要食栗米片，但個蕃茄醬汁的調味就怪怪地。腸仔就正正常常，點埋醬都幾好味。最後就輪到今晚的主角-德國鹹豬手。隻豬手好大份，已經起哂骨，方便食用。豬手的皮非常脆，雖然肉就硬左少少，但整體都算唔錯。不過呢度的酸菜就真係麻麻地。

今晚與舊朋友聚一聚🧡第一次嘗試大角咀這間德國餐廳！地點很方便，鄰近也有很多不同的餐廳，但我卻選了這間，沒有令我失望！！😆😆😆而且，店舖的裝修十分適宜少人的聚會，能夠輕鬆舒服地談心🙆🏻‍♀🙆🏻‍♀🙆🏻‍♀味道很正宗，跟我以前到德國吃的味道一樣😘😘😘我們選擇了德國香腸拼盤，香蔥芝士焗薯條，還冇重頭戲 - 德國鹹豬手配酸菜及薯仔沙律！風味十足，就像在德國的餐廳享用🍴🍴🍴鹹豬手的味道跟我想像中的不一樣，我以為會十分油膩和重口味，但是味道剛剛好，也沒有十分油膩。而且酸菜及薯仔沙律也中和了鹹豬手的味道。至於德國香腸拼盤，對於一個香腸熱愛者，我和朋友都是十分滿意的，不會太鹹和油膩，也十分飽肚。我和朋友吃完豬手和香腸拼盤肚子也填滿了一半，但是這個香蔥芝士焗薯條再次給我們的胃開通了！！！因為真的是十分好吃😋😋😋芝士和薯條融合得非常之好，芝士控表示很滿意😝😝😝我們還點了一杯德國手工啤酒，我和朋友兩人share一杯就已經夠了😘😘😘總括而言，對於這間德國餐廳的菜式也是十分滿意，也比想像中好！！☺☺☺