大衛餐廳 (Closed)

晚上六點係深井行完山肚餓又唔想食燒鵝. 在深井村游左一陣，就揀左呢間, 貪佢夠舊。6:15pm: 餐廳不大, 唔夠三十個位, 侍應哥哥安排我地兩人坐左一張四人檯, 時值六時十五分左右6:25pm 要了一份帶子牛柳及一份燒羊鞍, 本想叫個蟹酥盒, 點知佢話蟹肉賣晒。6:40pm 來了湯及蒜容包, 蒜容包都幾香脆, 羅宋湯很多料, 但稍嫌唔夠濃味6:50pm 坐滿座, 有人來都唔會派飛或安排搭檯7:15pm 上頭盤焗田螺及焗青口。有趣是青口用田螺盤上, 田螺用普通碟上。田螺無乜味, 但青口很鮮美肥美7:50PM 上主菜, 傳統港式扒房的內容, 但上碟很精緻, 很有心機的擺放。帶子分量不多, 牛柳真的剛好約七成, 美味; 薯菜的薯仔係剛煎好的, 層皮很脆, 其餘紅蘿白仔西蘭花正常羊鞍方面都煮很剛好, 好味, 佢用了較好的薄荷醬, 配埋高文的芥茉很好8:10PM 甜品及餐飲, 正常普通. 但見人食焗蘋果酥, 好似好好味咁8:20PM 埋單走人成間舖咁多檯客都係等咁耐無分彼此, 亦因為咁無乜人會催單.....看了別人的食評, 這叫慢食, 是法菜特色, 果然無錯。食品質素好, 有心思, 侍應服務也

經典舊式港式餐廳, 裝修求其, 價錢相宜, 味道普通, 地方清潔, 服務態度就像家一樣。 想起中學年代的車站餐廳, 那些年我們一起抄功課的日子; 是90年代香港還未對食有多大要求的街坊扒房, 是種不錯回憶。 法國人哽係踞扒喇! 是日就窩打左呢塊扒 - 這塊扒嘛, 林。 林就是風格, 好像意粉屋或披沙黑的意粉一樣, 林就是香港獨有的口味。 或者你會覺得扒要別國進口, 脂肪分佈平均, 這裡什麼都沒有, 就是一塊港式的味道。 調味過多亦是態度, 港式西餐的傳統。 不過這裡的配菜就連線不上, 因為好吃。 以前港式扒房的配菜是林過林子祥, 西蘭花必起黃邊, 又或者被染色至水彩狀(櫻花牌), 這裡的奇怪地新鮮, 爽脆, 像媽媽在家抄的菜一樣, 可愛。再細心留意下桌上的餐紙, 這種風格再下一城, 完全的攻佔我回憶的城池。 法國餐又何來有大大隻既中文字做名? 可能後生既會覺得搞笑, 但這種餐廳係時代巨輪不斷滾動下真係買少見少, 政府或許是時候要保育一下。

DINNER SET $88 加一蒜蓉包 - 好香脆, 我們三個人, 竟然有一大籃羅宋湯 - 好濃的牛肉和菜味, 難得蜜瓜沙律 - 一般的港式雜果沙律西芹焗豬排飯 - 時晚的白湯係西芹湯, 懷疑汁是thickened的白湯, 而且無乜味道, 但勝在豬排是新鮮整, 夠香肉味迷你APPLE PIE - 夠熱, 好香玉桂味, 夾咖啡一流熱咖啡 - 奶好香, 唔會酸, 拍得住UCC試了友人套餐的焗青口, 不錯, 有肉汁, 不痴牙, 底下還有薯蓉另外友人說她的西沙有西沙的口感, 無過份的軟上菜速度好慢, 店內唯一一位侍應服務幾專業, 有耐性!可以的話先訂枱, 熟客蠻多的整體來說, 可以一試

lunch食來食去都係茶餐廳,今日就豪d食下西餐....原來大廚/侍應/收銀都係同一人, 唉..水柸 ===> 污糟, 水都唔敢飲一啖餐湯 ===> 紅湯 ok 例牌貨, 白湯 奶水+豆粉水仲要唔落鹽, 10個差 x x x x x x x x x x食物 ===> 葡汁石班飯 (色) 得個黃字 (香)全無香味 (味) 淡到似張所有野白烚後放入碗入打個黃色"獻"咁, 最奇怪有d椰c灑在面上, 總之碟野唔似煮過亦唔似焗過, 唔知佢想點. ======> 吉列雞沙律 (色) 以番個樣 (香)有炸既香味 (味) 炸雞香, 肉唔乾, 算ok, 沙津有2個, 1個係撈左好大pat好杰醬+d雜果同西芹, 另一個沙律係有2片青爪,2片番茄,一殺西生菜(無鬆開, 都唔知有無洗過)+千島醬, 絕對不是羅馬生菜.上菜時間 ===> 等足半個鐘都未出食物, 要親自入去廚房摧 (因為門面都無人招呼), 連侍應都無個衛生 ===> 大廚上餐時見到佢隻手指上既紋鑲黑邊(唔係指甲), 食慾急跌總評分: 唔想比負分, 但又真係比唔落分, 所以係 0分

今晚老公既好提議.....由屋企 (荃灣) 行去深井食飯, 於是五點半出發, 行咗一個鐘鬆啲到達, 燒鵝, ciao 都試過, 呢間分數都幾高, 於是訂了七點....入到去餐廳細細, 約三十幾至四十個位, 全餐廳只有兩張卡位, 一入去...全餐廳只有這兩張沒有人, 我們佔上其中一席, 舒服且空間感足!看了餐牌, 套餐約 $8x - $13x, 我們選了一個羊鞍套餐 (羅宋湯 + 蒜茸包 + 焗青口 + 餐茶 + 芒果布丁), $118, 另叫了一個香煎銀雪魚, $88, 落單後十分鐘來了羅宋湯及包, 前者似足港式餐廳, 料多味濃, 蒜茸包脆脆, 再過了十五分鐘來了焗青口, 三隻熱辣辣, 但做得不太出色, 青口帶點韌, 再過了廿分鐘前菜未上, 於是我見隔離枱叫了凍朱古力...於是試試, 不過一分鐘便來了, 果然朱古力味濃, 唔錯, 又再過十分鐘....兩個主菜終於上了, 羊鞍要求五成熟, 似七成, 不過都幾腍, 不足的是...我地都覺得唔夠羶味! 銀雪魚煎得不油不膩, 夠嫩滑, 配菜有紅蘿蔔仔 + 西蘭花, 只略為灼熟, 味道寡, 啱哂我, 配汁唔多, 亦唔突出, 唔太食到咩味! 芒果

環境唔靚, 但係都好靜. 唔錯, 的菜上得慢, 咪下次唔好甘肚餓先好. 香噴噴羊扒, 比食神仔食哂. 銀鱈魚滑溜肥美, 魚皮厚膩彈牙.得呀 !!燒豬肋骨鬆軟入味, 得呀 !! 雞扒皮肉軟滑, 得呀 !!羅宋湯濃淡適中. 正呀 !!!沙拉新鮮爽口,正呀 !!!大大的梳乎厘.嘩 !!!!!! 滿足 !!!!! 我唔覺得等上菜係問題, 因為的野好食補番哂. 最唔得...有啦...係杯coffee. 埋單計數, 五個人食哂6舊幾, 都ok , 出去食扒都要啦. 下次去, 要試下牛排同龍蝦先.

這絶對稱不上是一間法國菜, 無論餐桌擺設, 上菜模式, 以至食物, 都與"法國"拉不上任何關係. 頂多是一間舊式的西餐廳而巳. 想到這裡吃個浪漫dinner的話, 你應該會很失望. 單說裝修巳經有令人不想進內的感覺.但是擺脫了"法國"這個匡子, 就食物質數而言, 可吃得出廚師的心思和功架. 洋葱湯味道不錯, 有濃沃的芝士味, 芝士入口還有點點的"煙um", 但卻沒有搶去了湯的鮮味. 剛焗好的小法包, 加上牛油和香草, 軟硬度又適中, 吃完想再order的. 嘗了焗青口和焗田螺, 青口比較出色, 青口的汁帶出了青口的獨特海鮮味, 混合了青口汁的薯容, 實在令人愛不惜手, 一口一口的把它吃光. 反而田螺的味道較啖, 比青口的香味吸引了. 主菜叫了銀鱈魚和羊架, 銀鱈魚做得恰到好處, 首先是魚的溫度, 吃到尾都是暖暖的, 外層經過烤焗的處理, 趣趣的, 魚的肉汁仍然保留在內, 還散發出濃濃的鱈魚油香. 羊架做得也不錯, 可惜的是伴碟的汁太多, 而且太重味, 有點兒蓋過了羊的味道. 如果有薄荷醬提供會更佳.最後的甜品... 不值一提了, 不吃也罷.

星期六我們共有九人開餐，大至上都唔係咁差，但比上星期去之食物質素差D，所以有點失望。魚扒餐：魚質冇咁新鮮又細件左小小。羊鞍餐：細件左同老左D牛柳餐：唔係件件都有水準，有些就做好正岩岩好，有些就一定熟過頭(七至八成熟)，所以咪UN左D囉。龍蝦餐：漏左冇問到，所以唔知。但賣相都OK我地期中一位係素食者，叫左個素湯加蒜蓉飽(湯唔錯)今次仲叫左件鵝肝試！唔夠鮮味仲左D (失敗)令叫兩個梳夫厘，但來左個大小小，話有一個爐歪了，所以連梳夫厘都可以二合一(咁都得喎！)其它野都係咁上下，服務係唔錯的。

聽人講深井這間餐\廳D羊扒好正，但起菜就好慢，通常都要預算一至兩粒鐘。星期日去試過仲book六點鐘就食早小小唔想去到又排隊。今次我地有四個人去試！一人一個餐\晚餐\：香芒大蝦沙律(新鮮唔錯)、西冷扒(叫五成熟來七至八成熟但都有牛味)魚扒餐\：法國薯蓉田螺(好味)、魚扒(好新鮮)羊鞍餐\：芝士薯蓉青口(芝士好好味)、羊鞍有三件(肉質好嫩唔肥好好味)其次紅白餐\湯(ok啦)、蒜蓉飽(好正)、跟餐\甜品就麻麻。我地仲叫個梳夫厘比想像中好食(留意Size有成8吋直徑大一個我有四個人先至食得哂。環境同食物都合格會再去食......(唔錯)

o黎openrice.com睇深井有咩食, 見到食家對呢間餐廳o既食評好正面, 所以去試試.我建議大家搵定地圖去好d, 因為間餐廳係一眾燒鵝店o既後面(後排村屋0既其中一間).男朋友點0左個set dinner, 有湯+燒牛肉沙律+焗吞拿魚螺絲粉+甜品+餐飲我點0左另一個set, 有湯+田螺薯蓉+鱈魚+甜品+餐飲質素以同區同價0黎, 算係中上.鱈魚肉質鮮嫩, 夠滑口.待應態度一般, 但老闆就好有禮物同友善. 我同男朋友都覺得呢間餐廳值得一試.泊車可以泊街邊(如果過10pm) or 泊麗都花園停車場.

家住深井兩年, 一直知道這家餐廳, 奈何因門面及價錢不吸引, 今天才第一次幫親.黑椒牛排午餐Set Lunch $52, 同區kcal 只要$38, 椰林閣$36.(以上要加一)order了羅宋湯，呆等了十五分鐘, 湯才到，看見了！卻是ｃｒｅａｍ湯，　天！都是麵泥．本人對港式忌廉湯沒有興趣．要換．　羅宋湯很足料，有牛腩香，但一樣犯下一般港式餐廳的毛病，番茄膏下得太重手，太酸．又等了二十分鐘，這真是法式午餐，法式時間，百般無聊，偷看人家吃什麼，沙律都是一堆千島醬，好唔好食就唔知．香橙豬排賣相還可以．黑椒牛排終於出場！半生熟剛剛好，黑椒汁是自家製作，滿滿都是黑椒粒，溶化了的洋蔥很香，現在這種黑椒汁很難找，有誠意．牛排沒有用梳打粉，有牛肉味正！午餐甜品居然有三款選擇，我要了ｐｅａｃｈ杏仁豆腐．很不錯．鄰桌五人，　跟我一樣時間到，我食完，他們的主菜才到，足足等了一個鐘，他們沒有生氣，是熟客吧！

我在深井居住，間中會光顧此餐廳，發覺它雖然裝修比較舊，但不失為一個地方整潔，坐得舒服的地方。這裏通常不是很多客，很擔心它不能維持下去。首先，我十分欣賞它所播的歌曲，使客人輕輕鬆鬆地進食。這裹的廚師便是老板，他很有心機的去做每一度菜，從食物的的烹飪質素及擺碟便可看到是經過一番心思，並非媽夫之作。這裏的午餐，下午茶及晚餐我都試過了，覺得此處的三文魚沙律用料十分新鮮，蒜蓉飽很香脆，牛排或朱排汁濃味美。午爸餐42元十分合理，但晚答餐88元則貴些，不過我卻覺得只要食品美味，吃得自在，便物有所值了。

星期六，同亞媽，家姐三個人係到食，一入到去，個侍應好唔好態度咁叫我地自己搵位坐，食物完全唔好食，叫左兩個ｓｅｔ，一個菠菜石斑魚意粉，一個意大利羊仔扖，另外叫左個蜜瓜伴意大利火腿& suffle, 首先前菜係青口，好雪藏味，個湯係周打魚湯，味淡，一般貨，之後係蜜瓜伴意大利火腿，ｏｋ啦，無驚喜，菠菜石斑魚意粉都係一般，意大利羊仔扖係全晚最ｏｋ既菜，甜品係peach bean curd,好難食好俘顯，飲品比茶記更差，最後係suffle，ｏｋ　ｌａ，總結，食物唔得，service超差，價錢貴total $344，no next time~~~

見openrice 有個深井咁特別的地點可以選擇，就同女朋友入去試下。入到去2張卡位都滿座，坐到角落頭，比隔離燒鵝店d燈射住，又比冷氣吹到正，唉! 叫左個厨師推介同一個帶子牛柳set。先上個湯，1紅1白，標準餐湯，不過跟的蒜蓉包就幾好味，份量亦好多。頭盤係芒果煙三文魚和蒜蓉焗青口，芒果煙三文魚都算新鮮，芒果好甜，ok啦; 蒜蓉焗青口d蒜蓉幾香既，有煙肉的，ok啦，收貨。個主菜- 法式羊排和帶子牛柳，都係跟薯菜，厨師真係好刀章喇，帶子薄薄的一片，仲要真係得一片，嘩，真係人情帶子咁薄，牛柳手機電池size兩件，要6成熟就變成近8成，個size就真係我想像中的6成，結果4口食完，個美極汁令佢可以又鹹又硬。羊排就不過不失，芥末蒜蓉味十足，ok啦! 甜品係朱古力mousse 和芒果布甸，mousse 太實了，有香濃的朱古力粉味; 芒果布甸，無期望，冇失望。餐飲咖啡唔掂，女朋友飲咗4份1就無飲。餐廳細細，老板娘1個，waitress 1個，waitress 係事非精1名，有枱客一走就同老板娘講佢地比得tips 少，點可以咁架，仲要比我這枱客聽到tim，女朋友好唔高興佢lor。值得一讚係d音樂，d歌

上幾個星期揸車入屯門, 見網友讚到佢地咁好, 於是入去試下。我地o係餐牌叫左佢地話出名既野, 叫埋佢地既梳乎里。d野實在好好好普通, 唔係唔好食, 不過係隨便搵間餐廳都做到, 可能期望高, 覺得真係唔係好似其他網友講得咁正。d野上得好好好慢, 等左成個鐘先上, 仲要已經唔係多人。環境又真係好唔掂。結論: 如果住o係副近, 都可以一試, 專登泊低架車去食就無謂。