點心友 (Closed)

點心友, 可以話係我屯門最喜愛既點心食堂之一總係1至2星期去一次!!!不過點心友質素比較唔穩定, 時好時壞, 4,5次總有一次唔太好食我發現午市會比較好食, 可能專注點心較多!!!本身唔係食「7」, 仲有「差」燒餐包, 不過賣晒!埋單$218蚊 3個人好味之選咖喱魷魚, 今次咖喱汁好辣, 好入味, 同埋好爽口(之前食過霉霉地口感)腐皮卷我每次都會點蝦肉非常足料, 外皮好脆, 正所謂啖啖肉 燒賣一般魚翅餃, 第一次以為唔熟, 叫佢再蒸過第二次再黎, 又係好難食, 點解呢點解呢?? 我之前食係一舊肉, 有雲耳, 類似魚翅既野, 口感好好, 較乾身, 好實既感覺但今次咬落去好似一舊肥豬肉, 好淋, 個皮已經爛晒, 好難食(估計係失準, 之前食係好食既, 下次比多次機會佢 會再試)  蝦腸, 可能已經都晚市, 天氣又熱, 蝦已經霉霉地......排骨鳳爪煲仔飯, 多左火喉同埋排骨好食左, 其實同佢地26蚊既飯係一樣, 一樣只係煲上定碗上 (我覺得XD)沙薑雞腳 真係好難食視覺上已經甩晒骨, 好淋, 煮左好耐無人點咁, 爛晒同黑左, 味就差唔多, 但唔會再點最後, 可以佢地習慣性趕人地走, 我

今天難得放假 與媽媽一起外出用餐又不想吃快餐 就到了這間店用餐第一次來  感覺是迷你版的酒樓可點的菜不多 但是都是酒樓中比較多人會點的菜用餐環境還好  看似乾淨但是有蚊子在飛來飛去就對了 還有蒼蠅😣😣😣我和媽媽點了這幾道 吃不完啦要打包走😂春風得意腸 不錯吃的春卷上來以後還是脆的很好吃但會上火就對了😔免收加一但服務有點太超過了被監視似的 很大壓力

朋友話聽聞這裏點心很新鮮，所以特別拉我一起去屯門試食。地點其實都算方便，在建新輕鐵站下車，行約五分鐘便到了。因為不是茶樓，裏面的客人反而以一至四人左右為一枱，而且是每人一茶包，放在自己的杯子裏，可能各選各自喜歡的茶。我們點了蝦餃，叉燒腸，金錢肚和棉花雞。蝦餃一籠只有2隻，但也滿大隻，裏面的蝦也多和滿新鮮的。叉燒腸味道一般，但也很足料，每一口都能吃到叉燒，只可惜香茜味不足，感覺作為叉燒腸好像欠缺了些什麼。金錢肚味道偏重，煮得很軟，很易咬開，讓人想一吃再吃。而棉花雞的味道也不錯，雖然只有一片雞和一隻香菇，但確實有許多吸了味的棉花（豬皮），吃上去軟綿綿帶上些許爽滑的口感，很讓人喜歡。每個點心的份量其實都不算多，但相信如果一個人，只要吃一個點心，一盅飯，便可吃很飽，而且價錢也不會太貴 。（其實是看見旁邊的客人就是這樣點的。）

約兩年前曾經光顧過, 輪候人數眾多, 至少要等三十分鐘才可入內, 而整體點心和味道水準都OK, 唯獨蝦餃蒸得過火, 令到蝦餃皮有點爛, 影響賣相, 當時服務態度還可以, 埋單時最少基本也有禮貌地說聲多謝.兩年後的今天再次光顧, 輪候人數不多, 只等約兩至三分鐘可以入內, 點了章魚肉餅飯，可惜飯比較溶爛, 味道不過不失。 燒賣和腐皮卷都鹹得厲害。 千層糕有3層，味道甜得厲害, 中間那層餡料像膠質一樣硬而顏色異常鮮艷, 應該加了很多色素入內。 唯獨芥蘭和牛肉腸粉味道OK。 蝦餃已回復正常水平。至於服務態度比兩年前差很多, 不論四眼老闆和員工都一致黑口黑面, 沒有禮貌地對待顧客, 當時入內找朋友, 顧客不多, 居然可以自出自入沒有店員詢問及協助找朋友, 埋單時更沒有多謝一聲, 所以這間店舖已經不值得我再次光顧了。

完全親身感受到之前食家的劣評。話說初初開幕吃過一次，當時食物質素已經是很差差差，蝦餃皮可以蒸到霉霉爛爛夠膽死拎比客人食，自此不敢再來。事隔差不多2年，心想是時候比多一次機會呢間食店。未夠7點，不需等位，可以直入坐底。因為尚有2位朋友未到，所以自己先劃住點心紙。過了5分鐘，突然有位架眼鏡的，黑著面，看似是老闆走過來，呼呼喝喝的說：其他人仲有幾耐先到㗎，如果太耐你要先出番去等位㗎喎，出面已經有人等位㗎啦！我説他們尚有5至10分鐘就來到，此時他的面容直情像黃子華talk show𥚃面，比喻為畢加索的畫像般的面容，扭曲成一團並説：吓.....（拉長音)！仲有5至10分鐘咁....耐....呀....，嗱，我最多比多5分鐘你！嘩！乜嘢服務態度呀???? 怎能這樣對待你的顧客呢??? 好！暫且忍你，我又不想轉地方，這時朋友亦已到來。我們點了章魚肉餅飯，不過不失。燒賣，咸得利害。腐皮卷，餡料是豐富的蝦肉，但敗筆的又是咸得驚人，廚房𥚃的鹽好像是免費般的。千層糕，其實只得3層，中間層餡料應是加了很多色素，橙得來帶點可愛。唯一可取的是那碟芥蘭及用長長的碟子盛著的一大條牛肉腸粉。蝦餃今回已熟正常水平。其他食

某日經過見到呢間野,本住一試何妨既心態入去, 點知非常有驚喜!我最欣賞係佢超長既腸粉, 粉質幼滑煙韌, 口感非常好, 尖椒釀魚肉同燒賣都非常美味! 可惜唔記得影相~食過附近多間酒樓既點心，最正都係呢間，食物質素比稻香/功夫點心優勝！每個點心都相當有水準，價錢又唔貴！最唔好就係無外賣，地方太細，我又唔喜歡等位，希望佢快d擴充營業啦！

如果你是想傳統的慢慢喝個茶，食個飽。我想這裡不是你的選擇。這裡的環境比較像餐廳。地方有少少逼，不過一讚的是這裡的服務十分好。招呼上佳，有禮貌。這裡首選的是腸粉，賣的是造型夠特別，一條過好長長碟上，不過皮不夠薄，口感一般。其餘的蝦餃，燒賣，鳳爪，飽點不算十分特別好食，只可說在屯門有一間是專做點心的吧。

當日我女朋友突然話想食點心，我就上Open Rice睇下屯門邊度有點心食，發現“點心友”嘅食評都唔錯，我哋就去試試，可能我哋1200前就到，所以等咗5分鐘就有位，餐廳可能細，所以座位比較窄，但我哋一坐低就即刻有人招呼，服務都ok喎，可能我哋太肚餓，所以2個人點了5個點心，起初以為即叫即蒸會等好耐，但好快已離齊所有點心！1,牛肉腸粉:一條過嘅腸粉夠特別，粉皮唔算太厚，好好味！2,燒賣:夠大粒，有口感，正！3,叉燒包:好大個又冇乜肥肉，好食！4,雞札:腐皮夠薄又足料！5,鳳爪:好大隻，唔太咸又唔算太辣！

下午茶係屯門食點心，當然係去點心友啦，因為D點心品質高，又係即叫即蒸。兩個人食4樣嘢，個胡椒朱肚湯，味道啱啱好，唔會太咸，胡椒又有少少辣，good 👍鮮虾菜苗餃，皮薄又多料，虾肉好爽，又大大粒，爽😁燒賣大粒，有口感，非常好😆最後就係奶皇馬拉糕，馬拉糕中間有一層厚厚嘅奶皇，又熱又香，味道有正，其他地方未見過有這種點心。必食。😘侍應服務好好，環境乾淨整潔，值得一去再去。

在功夫點心附近,有另一間駐足較久的點心專門店,往往夜間在門前經過,都會被其煲仔飯的飯香所吸引住.擇定日子,在某晚與食友一同試試!店內都是來點中式裝修設計,不過這店坐位都空間較為闊落,枱面亦較易容下多碟食品及茗茶!坐下後稍為看看餐牌後就點了數款食品一試了!當然少不了深深吸引我進門的煲仔飯呢!由於友人不吃牛,所以選擇方面有點難度,大約只可以選這款章魚雞粒飯了.可能這店的飯都是熱門產品之一,落單之後就第一時間就送上來了.熱勁逼人當然是煲仔飯的賣點!稍為放涼之後就試了兩口,飯香與我在門前經過所感覺到的程度差別頗遠!可能因為要預先製作,飯預先焗好,暖著,變得有點乾身過度.章魚雞粒還可以的,雞肉都剁成肉餅,質感剛剛好,夠札實之餘在中間部份還有點肉汁呢!混著甜豉油飯也多吃兩碗吧!只嫌不太夠章魚,味道似吃單獨吃雞肉餅.這店供應幾款灼煮的瓜果菜蔬,友人主動要求試翠肉瓜!還要求煮得軟身一點!店方都一一按她意思做呢!不過出來的成品看來友人都還嫌不夠軟,哈.我則嫌太過寡吧.基本上是零調味的,吃慣了炒的朋友,相信都不太會對這種放在水中單煮而成的有興趣吧!是時候講回這店的主力產品:點心.由於我們進店的時間太晚了.

是日放假(星期六), 12:00左右黎到"點心友"~ 等左15分鐘就有位~ 假期黎講都算OK~以我所知, 呢到開左一段時間, 次次經過都有人等緊位~ 相當旺場!入左米芝蓮既 "一點心" 同 "添好運" 又試過晒喇~~~ 今日, 就同爸爸, 媽咪試下"點心友"果然無令我失望! "點心友"位於屯門建生, 建生輕鐵站下車, 大概5分鐘左右路程便可到達, 總算方便~店內有兩種茶包提供, 分別係"鐵觀音" & "普洱", 茶包不是茶粉茶包, 而是茶葉茶包! 茶方面, 比起"一點心" 同 "添好運" 做得好!  除此之外, 店員幫忙加熱水亦很快手, 值得一讚! 香茜叉燒腸 $21 腸粉皮屬煙韌型, 皮會厚一點, 雖然皮厚, 帶有煙韌口感 ; 腸粉餡料有一點點驚喜, 叉燒用的是叉燒粒, 大粒而足料, 吃起來叉燒感更實在~   千層馬拉糕 $16馬拉糕鬆軟, 層次方面, 分別有3層, 第1, 3層是鬆糕, 第2層是餡料~ 個人較為喜歡有5-6層造出來的馬拉糕, 略厭層次感不夠. 荔芋鴨腳扎 $21芋頭正直當做時期, 咬落特別粉! 大大隻鴨腳,相關有睇頭! 雞絲炸春卷 $16平時, 蝦肉春卷食得

曾經，點心只能夠在大家上酒樓飲茶的時候才能品嚐到。然而，近年來隨著大家對精緻點心的需求日增，令到很多點心專門店應運而生，有一些更甚至單憑點心就可以得到米芝蓮的星級名譽! 今天介紹的小店雖然名氣上比不上添好運和功夫點心，但卻依然值得一試! 這裡的面積不大，但每天依然吸引不少食客光顧，故此食客通常都需要排隊輪候。那麼，到底這間點心店有什麼特別的吸引之處去吸引為數眾多的食客呢? 或許答案就在於其「特色」和「速度」。說到特色，不特不提這裡的特色點心，當中「春風得意腸」可算是必試之作，這道長條型的腸粉，從外觀上看有點像炸両，但細意品嚐後就發現薄薄的腸粉內包著的是新鮮即製的春卷，軟滑的腸粉配上香脆的春卷，給予食客雙重的味覺衝擊! 除此以外，為方便食客分享美食，整條腸粉都是預先切好才上菜的，省卻平常要用筷子「夾開」春卷的煩惱。另一方面，多樣化亦是這裡的一大特色，除了供應一般可以吃到的點心外，食客可以同時吃到煲仔飯和時蔬! 其中，腐乳通菜可算是比較特別的，有別於普遍使用的腐乳，這裡的腐乳並沒有太大的辣味，反而是帶微甜的，配上通菜後給人開胃的感覺!除去以上的特色以外，「速度」亦是這裡的特別之處，吃點心，

今日大約十一時去左這間點心友買外賣"糯米雞", 以前這一間店舖開張時,免茶芥和免加一的, 可能生意太好了, 開始收茶芥3元一位, 新開張時, 我覺得"糯米雞"很好吃, 包都好好食, 但可能生意太好了, 食物開始慢慢加價, 今日買"糯米雞"外賣, 職員態度麻麻,  首先食物又加左價了,之前"糯米雞"係 $20,現在係$21, 外面下緊雨, 客人也不算多, 職員要求我企出店舖外等候, 不准企入裡面等, 外面落緊雨, 我沒有帶雨傘都要我企出外面等, 唔通我比錢你賺, 仲要我淋雨? 好現實啫 "糯米雞"以前好好食的, 會很軟身和水份充足, 熱辣辣, 用料充足,今日我買的"糯米雞", 不但乾身, 而且水份不充足, 只係暖身的, 最大問題係那粒臘腸係一粒肥肉 (大家要小心呀, 食左落肚的話, 只係食肥肉)我覺得這間店舖自從生意越做越好後, 食物質素便下降了, 服務態度都差左, 食物開始加價,又開始收茶芥錢, 以利益為先, 以下是我之前堂食的經歷 :以前不用人齊都可以入座, 現在未人齊, 不准你進入,當你的食物到齊和食完後, 茶都未飲完, 職員便會立刻替你收拾碗筷, 好似想嗺促你快些離開咁,

今晚同老公揸車去屯門新開個個泳池度游水，游完之後就去附近搵野食，search openrice見到d人話呢間幾好食，於是就決定去呢間試下啦! 因為當時都已經係差唔多夜晚10點啦! 幾驚佢已經收左工呀，好彩佢仲未閂門啫，不過其實佢都差唔多收舖啦，所以有好多吉位根本唔駛等，而且d服務超好超殷勤超快手，因為就黎收舖，所以我地揀個d野食好多都已經賣晒，有少少失望，但係又冇計，唯有改食其他，我地兩個人叫左1個飯6個點心，因為差唔多收舖既關係所以上菜上得超快鳳爪排骨煲仔飯     雖然我唔鍾意大熱天時食煲仔飯，但係因為老公好鍾意食，咁我就唯有陪下佢食啦，估唔到出奇地好食，個飯唔算太油，d排骨都算多，d鳳爪好淋好夠味，冇落好多豉油都好夠味，正沙律明蝦角     原本我係想食鮮蝦腐皮卷架，但係賣晒，之後就改食呢個，估唔到呢個好食好多，外皮夠脆，新鮮炸起仲係熱辣辣架，加埋個沙律就唔會覺得太熱氣，又唔會炸到油淋淋，真係超好味，不過都係想下次食下個腐皮卷比較下叉燒腸     呢個叉燒腸好搞笑，平時酒樓個d係3條疊埋一齊架嘛，兩條下面1條上面咁樣，呢個係一條勁長咁架，好新奇好得意，未見過咁長既叉燒腸，不過略嫌

哩間鋪剛開張既時候..我試過食物質素係不錯，我也推薦給朋友....但我現在一定不會，我會跟朋友說千萬不要去現在它生意好了..上至4 眼老闆..下員工阿姐都當左食客係狗咁，拿飛等位時已經要睇佢面色..唔緊要..到有位時候..我跟家人(其中一人行動不便) 進入樓面..因老頭子行得慢而被4眼老闆吹..話: 哩度好多人.你行快小小啦..我即刻回頭..同佢解釋老頭子係行動不便..佢都唔係有心嫁..!!!佢個口面我宜家都記得..黑口黑面咁走左...咁中間佢既眼神同行為我不想多談..總之一句講曬就係 串.... 我地好歹都係你顧客..消費者..我地唔係要做皇帝..但你都應該比返d尊重丫對人都...我以後一定唔會再去..叫埋d朋友親戚..學生..(希望身體出問題，等佢歧視我老豆咁賤) ..格離功x點心食物都唔錯..各位有機會就比較下啦@@好自為之...