瀛喜日本料理 (Closed)

我地一行4人淨係揀左放題，冇食海鮮，但滿足感同飽足感都好開心! 刺身幾新鮮，帶子同蝦好甜熟食要讚嘅係牛柳粒，好好食唔韌花甲煲都好好味食左3鍋雞軟骨同天婦羅都好出色!芝麻雞翼no.1呀!一定會再食

今日晏就心血來潮想食放題，搵齊人之後想訂穩陣既樂天大喜屋 點知已full⋯⋯同行一人話不如去荃灣食，之後openrice見到呢間「瀛喜日本料理」既rating唔差就諗住試下，同埋見到佢放題有磯燒就試下啦。去到即時入座，$258一位 加一，正常價錢店方安排左房比我地... 入到去好暗 暗到連張柯打紙都差d睇唔到😪😪😪同埋d碟好污jo，有漬既_🌚🌚🌚 雖然好多餐廳既餐具都唔乾淨，但加上咁既環境真係...因為食磯燒既關係 佢送左一盤蜆比我地 都唔錯食的，雖然有小小沙，但都不能避免...所以個心 定左一定🙃好快手落左一盤刺身，三文魚、有頭甜蝦、赤貝、北寄貝果d都走唔甩三文魚刺身有骨...食3舊 3舊都有🌚🌚🌚wt...有頭甜蝦同埋赤貝都係好腥，我係蝦既忠實粉絲，但我都係食左一隻就放棄左好嬲諗住食下熱野啦咁，叫個燒菠蘿，芝麻雞翼，諗住佢係即燒即炸啦， 上到枱：咦！乜原來係冷盤黎？😨😨😨Ok,咁雪花牛肉鍋（壽喜燒既朋友）應該係熱喇掛！ 嗯嗯，呢個好d... 係微暖🤗🤗🤗咁最熱既應該係自己燒既野食喇😪😪😪（注意：蟶子要$28一隻🙈）呢盤野既賣相唔差啦👏🏻 佢既大蜆同蝦係好食既！ 認真講（但一定要係自

辛苦咗成個星期， 本來唸去美酒節， 太累啦唔出去啦， 近近地食野， 點知。。。。 見open rice 食評ok 決定去呢間一試，一去到冇人係門口， 心唸死一次囉， 先黎煲蜆比你食， 老實食物可接受，再黎上刺身，同時間上咗雞軟骨同牛柳粒 小碟， 食食吓就開始。。。 你明白當張枱有蜆殼蝦殼似垃圾枱咁真的受不了，。個事應完全無視，叫佢黎收拾吓好似聽唔到野， 每個事應都有耳機係唔係助聽器呢， 個個都聽唔到野咁， 老實唔係一百幾十 兩位都要6百幾蚊架， 我真心唔認為可以接受d咁嘅服務態度囉， 上枱食物時d 汁係會飛彈出黎架， 真心希望大家好好考慮去定唔去

荃灣出名多野食簡 呢間真係咩都有得食 唔洗諗咁多佢價錢都好低 仲未過正常日式放題勁多野飲簡 有酒精同冇酒精都要分開兩大個雪櫃呢隻低飲呀 回本首選 平既超市賣都要差唔多二十蚊 又細又快飲晒 任飲就唔驚啦仲有我至愛既甜品細細件 唔驚食飽左食唔落其他先黎個卜卜蜆 勁多勁大隻 又新鮮 好好食跟住可以打邊爐 但係我就緊係再攻返更刺身啦 又有龍蝦 d甜蝦又勁大隻不得了 食返兩轉已經蝕死佢地方都好大 唔會坐到好逼 唔錯唔錯佢小食都好多 我就最鐘意食雞翼好夠脆

當日去到差唔多6點鐘我哋食5點30價錢放題+磯燒 2人同行一人半價講真 2同行一人免費都唔值坐底叫左個刺身等左大約10分鐘先到刺身甜蝦 蝦頭黑到見到都知擺左唔止一日連我最鐘意食嘅赤貝都係無味啲人一定會話因爲太多芥辣 豉油不過我慣性食刺身會食左一件乜都無點既先所以真係無味 一啲都唔覺得新鮮蟹籽沙律 其實真係唔知點夾好 擺到好滿好滿好滿寿司方面 我食左唔多 不過不失無左海膽就真係有啲失望跟住叫左嘅熟食慢慢到牛柳粒都可以嘅不過個炒蜆..食左一粒就無食喇 唔識講個口感 總之難食焗帶子 係唔錯嘅個汁 粒帶子就唔好食好啲天婦羅 落到枱已經淋晒煮蜆都幾好食嘅 小沙 夠酒味個粥都唔錯 係大碗左啲其他熟食都無乜特別磯燒方面等左好耐先到我唔知點解咁耐 不過算拉我哋好開心咁燒燒左好耐 滿心期待嘅聖子 蠔聖子其實好難燒得靚 食落就一般拉蠔 一燒就不停有野飛岀尼 食落真係好「新鮮」成晚講真 食左兩隻蠔 三隻聖子唯一讚嘅係啲虎蝦其實打邊爐食下丸同菜都無咁嬲個環境 好暗 好亂眼見 侍應比較小 不過見佢哋都幾關心 有個高高瘦瘦嘅男仔成日唱歌咁 細細粒個個女仔又幾好態度不過係有啲嘈 耐唔耐都聽到有啲粗口 正常人聽到粗口

因為大家都忙，未有時間搵食咩，所以同友人邊行邊睇下D廣告版啦。友人話想食放題，我想打邊鑪，所以揀左呢間又可以打邊爐，又可以放題既瀛喜。先來一份刺身船，大大隻蝦、肥美既三文魚、鮮帶子等。都算新鮮。跟住仲有小龍蝦，小龍蝦好多膏，望落已經超吸引，食落啖啖肉，彈牙鮮味，唔使一陣，我都友人都消滅左佢。跟住上枱既係卜卜蜆鍋，份量超多，鋪滿蒜蓉粒、莞茜，再加左少少辣椒，滾左陣，己經見到蜆開始慢慢開口，啱晒呢排涼涼地既天氣呀，蜆肉吸收左蒜味同辣椒味，香辣惹味。而且蜆都幾肥美，啖啖肉.食完卜卜蜆，跟住打邊爐就緊接住上枱，我地揀左椰子雞湯底，香甜的椰香味好啱配海鮮食，唔使order，侍應已經送上呢盤海鮮，有鮑魚、鮮蝦、元貝、蟶子、蠔等，果然係航母級海鮮盤。鮑魚同蝦肉質都幾彈牙，幾鮮味。魚肉好滑。元貝夠晒肥，啖啖肉。另外，仲有大量火鍋配料可以order，豬牛雞、丸類和蔬菜，食到捧住個肚走呀!放題食物選擇都好多，所以想食埋放題都一樣無問題。

難得去開荃灣，梗係搵朋友帶我去食餐好野！原本佢介紹瀛喜我都唔感興趣，因為今個月已經第二次放題，點知有驚喜！ 一坐低去攞野飲，竟然有果汁啤酒，即試！又唔錯喎！仲有好多其他飲料！因為我地食放題+火鍋！第一時間送左鍋波波蜆，別睇少佢平平無奇，連我平時唔好蜆既人都俾佢滿分！ 微微辣的汁底煮波波蜆，滾左五分鐘左右就開晒，仲非常入味，食到停唔到口！最衰冇得再叫，我地見火鍋未到點左刺身，好快就黎到，師傅好好心機，一睇師傅的精心製作，即刻胃口大開！成十二款刺身！甜蝦、三文魚、油甘魚、帶子、北寄貝、希靈魚、飽片等等，款款都好新鮮，特別要讚油甘魚，肥美可口，入口有種即溶感，零腥味，好新鮮！送的凍龍蝦好大隻，好多人望住我地！羨煞旁人！仲有人問我地點解有！龍蝦又有膏又多肉，味道比酒店的要新鮮及有龍蝦味！芝士波好脆，咬開會流晒芝士出黎，滋味！芝麻雞翼味道好食，炸得爽脆！燒蝦！大愛！新鮮，蝦肉彈牙，燒得香口！ 火鍋好多料揀！我地要左椰子雞湯底！又一盤令人傻眼的海鮮盤！鮮蝦、帶子、蠔、螺、蚌及飽魚！大部分都好新鮮，海鮮打邊爐真係冇得輸！ 再Encore 左鮮蝦！正肥牛油膩都幾靚，滾三下就食得，香香的油膩滿口打滾，好

真係好見可以放題+火鍋, 一次過可以滿足晒兩個願望! 而且瀛喜好抵食 !火鍋醬料不需另加收費, 有8款自由配搭!罕有見放題有果汁啤酒, 我揀呢隻得2.5%酒精濃度, 但味道唔錯! 值得一試!我地有火鍋, 所以送左個波波蜆, 唔好睇佢好普通, 我覺得超好食!!! 辣辣地, 好惹味, 調味VERY GOOD, 又入味, 又無沙! 大愛!刺身當然要每款都試啦~超過十款刺身, 好多都好新鮮又有驚喜!! 第一次喺放題食冷龍蝦, 本以為好似酒店果D咁, 冇咩味, 肉質唔太好, 呢度剛好相反!! 唔會雪得太凍, 龍蝦的膏唔會硬到實晒, 入口好香, 龍蝦肉係好新鮮, 而且好濃龍蝦味, 口感十足!! 厚切的油甘魚及三文魚好肥美, 入口即溶, 絕冇腥味! 其他都好食, 不逐一介紹了~火鍋我地揀左椰子雞湯底, 我在未放任何火鍋料時飲左少少, 的確好香濃, 唔似有味精味。海鮮盤的氣勢十足, 有乾冰進場! 蝦十分新鮮, 肉質彈牙; 花螺、蠔、帶子及蚌都好鮮甜; 鮑魚都算幾大隻, 收水唔多, 軔左少少, 可能我地滾耐左! 鵝腸一份都好多啊, 比較爽口。紫薯波波&榴槤波波都好好食, 甜度剛好!焗帆立貝由經調味的沙律

一入到店內已感到好焗我地兩個人去食 簡佐普通放題，坐底填完野食 去拎野飲 選擇好小，野食黎 到 啲天婦羅大蝦係凍既，牛油粟米啲粟米乾既，羊扒微暖，芒果蟹子沙律啲醬仲多過青瓜 嚴重漏單！9:30入去雖然唔洗等位 但得一個侍應 招呼兩行枱既客人 食佐60分鐘有30分鐘都係坐係到等野食到 加單後都無黎 吹又吹佐 再等多15分鐘都無黎 谷鬼氣嗌埋單 最後埋單係480(已加一 )真心唔值呢個價！ 我永遠都唔會去呢間野 如果有意去食真係要三思

我對高質邊爐一向難以抗拒, 朋友不停推薦D間位於荃灣既瀛喜所以我忍唔住啦, 今晚要同女朋友黎大食一餐我地直指D個SET!汽水啤酒任飲刺身拼盤有齊晒三文魚, 帶子, 甜蝦, 龍蝦, 三文魚超厚肉, 食落又新鮮又有口感, 龍蝦鮮甜, 好滿足十八禁卜卜蜆我地叫左辣, 食落真係幾辣下, 但好好味, D蜆隻隻都好大隻, 隻隻都識開, 證明好新鮮下跟餐小食有齊晒出去食放題我最LIKE的其中兩樣, 芝麻雞翼同芝士年糕, 全部都係即炸的, 雞翼炸完仲KEEP到好多肉汁, 好食, 芝士年糕係芝士控必見的火鍋配料湯底: 我地叫左椰子雞湯底, 清清地又香椰子味, 幾好海鮮: 有齊晒鮑魚, 魚, 蝦, 蜆, 蠔, 扇貝, 其中最好食係蝦, 好彈牙, 其他海鮮都好鮮甜, 但蠔就有少少腥腥地味, 但都可接受既安格斯牛: D個跟餐每人一份, 牛味好香, 口感好好普通肥牛: 明顯同安格斯牛質素有所分別, 但係勝左任叫, 而且唔算話好肥(我最怕食肥肉多過肉), 都幾好味脆肉鯇: 幾脆口, D骨幾易揀出黎, 魚味夠鵝腸: 夠爽口, 幾濃味下墨魚丸: 唔夠彈牙, 有待改進烏東: 係稻庭烏東黎, 好彈牙, 放底湯底幾好食甜品

今晚得返我同老媽子食飯, 身為孝女既我, 想請老媽子食好D問佢想食咩, 佢講話食放題, 就帶左佢黎之前食過幾好食既瀛喜大食一餐上到去見到好多人打邊爐, 以為入錯餐廳原來佢地做緊一個打邊爐+放題都係貴多少少而且打邊爐唔係一般打邊爐, 而係超多靚料咁, 即刻去馬橦building裝修緊, 好彩拉起左個易拉架先見到係D度入六點幾左右上到去都幾多人已經十八禁卜卜蜆好快就上左個卜卜蜆比我地一邊醫肚一邊諗一陣打邊爐要咩湯底要咩配料, 我地揀左少辣, 但都算幾辣下, 但梗係要少少辣先夠開胃既! D個蜆幾大隻下, 而且入面無沙, 吐沙做得幾好, 而且幾鮮嫩下, 打個靚底先刺身船食完卜卜蜆就即刻上刺身船比我地, D個刺身船個樣已經好正, 最估佢唔到竟然有龍蝦, 老實講, 質素仲好過唔少五星級酒店；另外三文魚係厚切既, 而且色澤好靚好新鮮；而D蝦又超大隻, 超好食椰子雞湯底D個出面比較少有所以試D個, 一上到已經聞到好香既椰子雞湯味, 飲落幾好味, 完全唔係溝水之作航母級海鮮盤真係成架航母咁! 出場已經殺晒! 而且海鮮份量超豐富, 有鮑魚, 廣島蠔, 蝦, 蜆, 鱔, 帆立貝等等, 全部都好鮮甜, 而我最

聽朋友介紹荃灣有間食火鍋和日本放題店好好味，見到門面介紹廣告的瀛喜日本料理，一於入去食晚餐。叫了海鮮拼盤來火鍋，當中的生蠔好大隻，熟的生蠔肉好彈口又肉汁多多。 其中的鮮蝦充滿蝦的鮮美，火鍋不可少。好大型的蜆，唔怪得蜆肉這麼肥大。 鮮嫩的聖子皇，不多機會食到架。大隻的帆立貝在滾燙後保持著鮮味，變成是海鮮餐。叫左安格斯牛肉、嚮鈴等等...見餐牌仲有好多火鍋料可叫，下次再來食。叫了刺身拼盤，龍蝦保持鮮味，蝦刺身好正，還有三文魚刺身... 各種都有鮮嫩的肉質。

同朋友晚上去了荃灣搵食店，見到瀛喜日本料理幾好，於是便入去試試。先叫左卜卜蜆小辣，蜆熟左會打開蓋的，急忙食佢落吐，蜆肉很鮮滑，及盛於碗中，唔想滾到太熟及蜆肉散落在鍋中，這樣可保持鮮味，又可慢慢食用。換鍋打邊爐莞茜皮旦湯底，這樣的材料湯底可清熱氣，皮旦又出味。安格斯牛肉第一眼看出肉質鮮美，將佢用作火鍋，熱熱的牛肉真係食到人口水流量增加，真係想要叫多一份食不厭。食了小量放題物，很有日本食物風味，香港人都喜歡💕食日本野真是開胃。

中秋節前幾日同阿媽食團年飯，佢話唔想煮，咁我就帶佢去食放題啦！！經開荃灣呢邊，見到有火鍋加放題，個menu幾吸引，有鮑魚又有龍蝦咁，咁就試一試啦！坐低之後就梗係睇吓有醬料可以用嚟打邊爐啦！ 又幾多喎！ 一開始就黎左一鍋十八禁卜卜蜆成個煲都係蜆個湯汁辣辣地幾好味我食左勁多！刺身船（二人份）都好有睇頭，一隻龍蝦、又有珍寶蝦、帶子， 幾新鮮架都隻龍蝦幾多膏小食盤係 芝士年糕、雞翼同埋炸蠔，食完可以再點。 芝麻雞翼好脆，幾香芝麻味打邊爐湯底揀左蕃茄濃蝦湯，個湯有好多蝦！如果蕃茄味再濃d就好啦再黎個海鮮盤！！有大大隻鮑魚同生蠔、有筷子咁長嘅蟶子，原隻帶子都好好味！蟶子夠鮮味！ 好大條帶子爽口再黎安格斯牛一碟份量夠晒兩個人食！ 牛魔王岩晒食完晒個set都已經飽到七七八八，食埋d甜品就夠晒！P.S. 甜品質素唔錯

呢幾日媽媽係咁話要食放題又話要打邊爐...成日問我幾時帶佢出去食野，哈哈！ 咁岩行街經過見到瀛喜做緊火鍋+日式放題，所以今日就帶媽媽黎食，孝順下！入到去店員問我地食邊款，再提我 佢地會上晒一set套餐先，我地可以差唔多食晒時再點其他野食。 因為套餐已經有一大盤刺身，又有小食。先黎左個十八禁卜卜蜆， 可揀辣 / 唔辣我揀左辣， 樣子有點可怕！！ 但食落還好 D蜆幾辣鮮，鮮味無被辣味蓋過刺身船原來有龍蝦！！ 我媽見到好高興 哈哈龍蝦肉質幾彈牙，帶子就細左少少， 我最鐘意係大蝦😍差唔多有筷子咁長！食落好爽口，有鮮甜味！再加左d 三文魚子係上面 幾吸精海鮮盤 超豪華嘅海鮮盤！竟然有鮑魚、生蠔、蟶子王、帶子！ 最鐘意蟶子王，煮完都仲係咁大條，好爽食完海鮮仲有安格斯牛，兩人份量好足夠啦已經。好有牛味，記得唔好滾太耐 咁就會好嫩口！呢度有酒任飲，有清酒、梅酒、果汁酒同啤酒等等，一路飲酒一路滾下滾下都唔錯！ 梅酒好好飲，唔會太甜食完之後我地叫左d炸榴槤、炸芝士波波食，仲拎左兩枝雪條，好滿足！