Dreamix廚 (Closed)

Step工作繁忙，一直想和阿妹補祝生日飯，但奈何總是時間不合而未能全家一起用膳…直至這個月，大家終於能騰出相同的一晚，一家人可以一起吃個晚餐補祝阿妹2016年的生日了。 Step問阿妹：『難得可以一起出來吃晚飯，有甚麼想吃啊?』 阿妹回答：『今年想吃中餐，但能否可以不在酒樓呢?想吃一些與眾不同的中菜食店…』 嘩…這個真的考起了Step，又要吃中餐，又要不在酒樓吃，好像猜燈謎般難啊!!?? 突然娘子回答：『剛剛有同事在一間私房菜和家人用膳，聽她說味道不錯，值得一試!!位置在觀塘工業大廈裡面…』問過阿妹沒有問題，Step便立即訂位享用私房菜… 這家私房菜位於觀塘道404號時運工業大廈，由觀塘地鐵站行過去大約需要10分鐘，位置不算方便，而且位於工業大廈裡，晚上來到這裡會較為僻靜… 步出工廠貨運電梯，走到走廊盡頭，看到門口牆身舖滿了人造草皮做裝飾，而中間有一個不秀鋼的金字名牌，名字為Dreamix廚!! ------------------------------ ~裝潢擺設~ 這個門口設計得很有特色，很有田園感覺，不說不知創辦人原本是新界開辦有機農場，就連門口也要給人一個像是進入大自然用

近年來，觀塘愈來愈多好野食，特別是因為商廈多，漸漸成為許多私房菜的落腳地。Dreamix廚－這裡沒有味精，有的只是每一個家的味道。欣賞小店把上至經典花功夫懷舊菜，下至家常菜，都帶到我們面前，如果你想跟朋友來個聚會，找不多人的地方，加上可口的美食的話，這裡絕對是不二之選～地方十分舒適，坐位與坐位之間的空間非常足夠，很少可以在平日的餐廳能有這裡的寬闊，他們的open kitchen 也是我喜歡的設計來呢，一間私房菜有兩個廚房，可見他們實在很重視食物的質素！八道菜的餐牌，教人實在心花怒放～除了可以在這裡享用美味的食物，也可以購買一作小手作和手工製的清潔用品。原來這裡每一晚只會接待四枱客人，以提供有質素的食物，也好讓客人可以好好來一個聚會，不用趕頭趕命的吃吃吃，跟朋友們完全零交流。最教我驚喜的是飲品除了平日提供的清水外，還有無限量的自家菊花茶，滋潤一下轉天氣的喉嚨不適，很細心的舉動和安排！先來送上一款冷盤吧！這個冰鎮花膠真的很出色，不但淋上的胡麻醬味道剛好，而花膠軟滑又入味，加上底層的青瓜超爽脆，清甜得來令人一口一口不停地吃，兩者混起來一點也不感到油膩，很出色的餐前小吃～窩心滋潤老火湯，每一口

朋友介紹下到Dreamix廚和另三位朋友一同試試看。我個人很少到私房菜，先講工業區的環境已令我扣分，樓下臭氣熏天，如有心試菜的朋友要有心理準備！但一出𨋢又覺得另一個天地，門口乾淨整潔，店內環境更令我放鬆。聽店員說每天只招待四枱客人，所以可舒服和慢慢的享受晚餐。冰鎮花膠：前菜確實出色，凍食的花膠爽口彈牙，芝麻醬帶少許酸十分開胃。青瓜亦處理得出色，爽口清甜，一道屬高分的前菜！淮山杞子響螺雞湯：吃過凍食後，當然要喝啖湯暖胃，不得不讚處理雞湯的經驗，不但清澈而且夠火喉，每一口都滋潤和甜美。朋友們連湯渣都不放過呢～豉油皇煎蝦：令我失望，老實說蝦只夠大但不新鮮，肉質一般。通常豉油皇會連殼一同吃，但煎得不香口，所以我亦放棄，最重要太太太咸，咸得連我舌尖都損了....清湯蘿蔔蝴蝶腩：合格而已，炆的火喉不夠，刀法亦算一般，切紋較弱，所以變得有咬口。但賣相不錯。臘味炒糯米飯：只能說整餐飯最差的一道菜，炒糯米飯個爐十分重要，火不夠猛，糯米變得不分明亦沒有咬口。吃罷一口就算了。蟲草花上湯浸時蔬：普通菜式。Dream皇帝雞：新鮮雞，吃得出雞味，時間亦控制得好，但可惜薑葱太咸！浪費了！清蒸沙巴龍躉：蒸的時間控制得

之前上網睇過呢間私房菜既介紹，所以今次特登約埋班朋友一齊食試下呢度既手勢。其實食私房菜最希望就係食得出係用心煮食，同埋健康無味精，dreamix廚呢度絕對pass!!首先頭盤見到甘大堆綠色係青瓜，我本身唔係好好食青瓜，而且通常出街食青瓜都無可能食哂，呢度既份量仲要甘多，我地竟然食得哂！因為真係好爽口，好好味，無諗過青瓜可以甘好食！配埋黑松露胡麻味既花膠，好岩女仔食啊~~呢度既菜好特別，係出面唔會食得到。例如呢個淮山杞子響螺雞湯，真係真材實料，我連湯渣都食埋！不過廚師叫我地要留肚，一陣仲有好多好菜，一樣有雞食！然後就係呢碟大蝦，淨係用鼓油調味煎香都已經好惹味，好香口，蝦肉又爽又彈牙。清湯蘿蔔蝴蝶腩其實係豬腩肉，配蘿蔔一樣好好食，好似食牛腩甘！我平時好少食糯米飯，估唔到呢餐可以食到。我本身好驚食糯米飯會好難消化，但估唔到同蠟味一齊炒都炒得甘香甘好味，我忍唔住食左兩碗。食到啲糯米炒得好香好腍，我諗消化應該唔成問題，我反而驚食得太飽會無肚食其他好野！我本身都無預到會有甘大條魚，仲要係我最中意食既龍躉，好新鮮！平時係酒樓都食唔到呢個質素。簡單用蔥同鼓油調味已經好足夠霸王雞既雞油香味一樣好正！雞肉

朋友推介知道左有呢間私房菜，入到去裝修都幾靚，而且嘢食亦都比到驚喜我地！ 冰鎮花膠用咗青瓜做襯托，加左芝麻醬同黑松露，味道都幾匹配😝食完之後都唔會好膩 淮山杞子響螺雞湯，真係好足料架！仲有埋湯渣😏飲落唔會好似落咗好多味精咁～螺肉仲好淋，好有咬口！真係好似置身屋企一樣 豉油王煎蝦，每隻蝦都好大隻，蝦肉帶點爽口，夠入味😊好多肉，配白飯食個汁一流 清湯蘿蔔蝴蝶腩，睇得出豬腩落咗心思，炆得都幾入味，肉質吾會好硬身😉食起黎亦吾會好咸😝而且蘿蔔亦都好夠味，切得細細粒咁，方便進食，好細心🙂 臘味炒糯米飯認真大碟，足以夠五六個人食得飽飽的😊糯米飯煙軔有咬口！加上蔥花令到味道更香🙂臘腸花生亦都不吝嗇，見到有好多😍好抵食 蟲草花上湯浸時菜比較清淡嘅一碟餸😉不過有時食得多油膩野，真系想要清淡一下嘅😝上湯咸度適中，又唔會令到時菜冇晒味🙂加上雜菇，增添口感 皇帝雞唔會好多油，加左蔥花去調味，連薑蓉都唔使點，已經到晒味😊雞肉嫩滑吾會有雪藏味！幾新鮮 清蒸沙巴龍躉都幾大條架！煮得吾會過熟，加左爆香過嘅豉油去食，味道更佳😉好抵食 最後以奶凍做甜品😝味道特別，有啲人食得出咖啡味，有啲人食得出焦糖味！

上星期因為朋友介紹 於是簡咗哩度同爸爸慶祝生日 餐廳幾大但店內位置較少 只有三張大圓桌和一張長方桌 配上簡約的裝潢 令人有種舒適既感覺 而且牆上掛滿之前食客的合照 感覺店主十分重視每位客人☺ 爸爸同媽媽見到都話好想影返張相留念全個餐牌有好多款菜式 一人$350 我地成家4個人就夾埋$1400 菜式既豐富度都夠哂高 侍應仲好親切咁同我地慢慢介紹各款菜式 岩哂鍾意聽故事既爸爸媽媽😬 仲會好細心咁教我地點食先最好 有好多款餸我地都好鍾意食 特別係哩幾款: 淮山杞子響螺雞湯湯同湯渣是分開上 可見依碗湯係由真材實料而製成 睇得出份量夠哂足料 另外淮山杞子都係滋陰養生的食材 再加上響螺同雞 所煲成嘅湯十分鮮甜 而且湯的份量十分多 每人都可以再添😍 糯米鴨鴨內填滿糯米同栗子 一切開隻鴨已經聞到好香既味 入面既糯米有濃濃的鴨香味 而鴨肉就比較軟身 充滿肉汁 值得一提的是栗子超甜 而且焗後亦能保持到口感 Dreamix 雙喜 — 蟹盒和酥炸生蠔蟹盒係由人手拆出既新鮮蟹肉 蟹子再加上蛋漿而製成 另外因為加上蟹子的關係而令整個蟹盒更有口感 而酥炸生蠔係我同媽媽既至愛😍 我地不嬲都好鍾意食生蠔 今次炸得好脆

今次食完真係好想同大家介紹呢度心機私房菜，其實都係朋友幫我book，但一入到門口已經好有家的感覺，有個open kitchen，有幾張大枱for多人聚會用餐，仲有舒服既梳化，同美麗既環境，仲唔係有屋企feel?食物方面仲surprise! 頭盤竟然有花膠，仲要係冷盤，用青瓜做底，好fresh然後就係淮山杞子響螺雞湯，店員好細心幫我地不起哂湯渣，見到甘多材料都知個湯唔惹少！飲落好鮮甜，真係無味精，非常健康。其他菜一樣都係好健康，又有心思。霸王雞肉質鮮嫩，簡單調味已經好好味！仲有好大條龍躉，清蒸都好好味！啖啖肉，呢餐非常豪氣！呢度鼓油煎蝦，大大隻虎蝦煎到卜卜脆，連蝦殼都食得！咬落啖啖肉，好正。最估唔到係呢碟好似牛腩，其實係豬腩，非常有心機。煮到好腍身，用煮牛腩既方式食煮，配白蘿蔔，清清地，好好味。然後菜用蟲草花湯浸，個湯都好好味，有蝦米既味道，好想連湯都飲哂！食甘多好餸，點可以淨係配白飯？食哂臘味炒糯米飯，味道剛好，糯米亦好腍，唔會難消化，very good!最後仲有甜品奶凍。以私房菜黎講，有甘既環境，甘既質素，甘既味道，真係好perfect,非常抵讚。

家姐番教會經朋友介紹得知有呢間私房菜，於是我就上openrice 睇下，見到裝潢好特別，好有家既感覺，就book左枱一家人去試下。距離地鐵站大概行四分鐘左右，去到門口已經見到綠油油既牆身上有「DREAMIX廚」，需要按門鈴等待開門，私隱度極高！入到去我對眼不停周圍望，因為裏面既所以擺設都有好心思，牆上掛滿唔同既裝飾，仲有一個開放式既廚房，簡直好似番左屋企咁。就連餐具都特別可愛，而且負責人話一晚只會做四枱客，為左盡力做好食物既質素。坐底左之後就拎左一壺菊花茶俾我地，等我地可以等上菜既同時嘆啖茶，個人黎講比較中意飲菊花茶，而佢地既菊花茶真係比我系其他地方飲既好飲好多，因為菊花茶嘅味道好香好清甜，唔會沖到淡晒。第一道菜係冰鎮花膠，花膠面放上黑松露再拌底層既青瓜一齊食，清甜爽口得黎仲有黑松露既香味，中意食辣既推薦佢地自家制既辣油，夠辣又夠香！第二道係淮山杞子響螺雞湯，見到盤湯料就知道落足料去煲，湯既味道好清甜，完全係家的味道～而且份量多，六個人飲完再添完都仲有！第三道係Dreamix雙喜，雙喜係指炸蠔同炸蟹磚。炸蠔既外層非常鬆脆咸香，咬落去裏面嘅汁泌出黎，鮮味十足，完全唔會乾爭爭。而炸蟹磚就係

私房菜的其中一個特點就是人情味濃。今晚除了感受到濃濃的人情味外，高質素的菜式同樣令人難忘！餐廳的暖色系格局令人放鬆，帶有家的感覺，而角落擺有不少護膚品及自家設計的袋可供售賣。自家煲的桑杏茶解渴潤喉！第一道菜式就是醉香南非鮑魚(冷盤)，一上枱已聞到好香濃的酒味。鮑魚頗厚身，有咬口，而且很入味。湯未到，先捧上湯渲。雞腳及豬肺簡簡單單蘸上豉油已經好好味。由於南北杏預先搗碎後才煲，所以令到湯的杏味更易滲出。豬肺洗得乾淨，所以完全沒有異味，再加上蝴蝶腩、雞腳等材料，每一口都嚐到鮮甜味道。第一次試江南百花雞，果然有驚喜。原來百花就是蝦膠，將蝦膠釀入雞內，表面看根本察覺不到有異樣，但側面看，就可見到一粒粒釀蝦膠！蝦膠十分彈牙，夾着薄薄的雞皮一齊食，雞味及蝦味並重，好味道！元蹄的份量真的很大，可以用「入口即化」去形容！軟腍的元蹄入味可口，而且吃得多飽都好，有梅菜汁自然能吃多兩碗飯！飄香荷葉飯的材料加有雞塊、冬菇、木耳等，味道很清淡，剛好配搭味濃的燒元蹄，實在好味！這裡每碟餸菜都很大份，連菜都大碟過人！蟲草花上湯浸時蔬清清淡淡，減輕剛才元蹄的滯膩感。平常不太愛好吃鱔，但這個百花蜜脆鱔卻不錯！鱔大塊而肉厚

幸得好友推薦，還是頭一回品嚐私房菜，想不到是這麼令人驚喜及滿足。餐廳位於工廈，一推門入去，感覺舒服，裝潢清新，牆上掛滿食客的即影即有相片。餐廳亦另闢一個角落售賣有機護膚品及自家設計的袋飾。因為訂枱前已先決定好今晚的菜式，所以我們一邊喝着桑杏茶，一邊聊天等待食物上枱。桑杏茶用上桑葉、雪梨及紅蘿蔔去煲，味淡解渴。醉香南非鮑魚先來冷盤小食，就是醉香南非鮑魚！聞一聞，濃濃的酒味撲鼻。咬一口，厚肉的鮑魚彈牙，吃落酒味卻不刺鼻。杏汁豬肺湯其實我頗喜歡飲杏汁豬肺湯，但因為功序太繁複，平時根本不會在家品嚐到。記得之前在一家潮洲菜館喝到，就念念不忘，所以當初知道這裡亦會提供，當然要落order！聽店主介紹，炮製湯前，會先將南北杏攪碎，令湯更濃香。他們棄用豬骨，反而用價錢較貴的蝴蝶腩，加上雞腳、馬碲等材料，入口清甜！江南百花雞這是一道花心思的菜式！別以為江南百花雞是一隻雞，除了雞頭、雞翼外，其實雞皮下全部釀有蝦膠！百花即是蝦膠，面上撒有江南時令花。將雞夾起，可看到薄薄的雞皮下，釀有蝦膠。一入口，蝦膠爽彈鮮美，雞皮帶少許爽口，薄而不膩，整體口感豐富，令人有驚喜。紅燒元蹄又一碟令大家「哇」的菜式！這是一隻真元

早就想一班朋友一齊食私房菜，聽同事講過話觀塘工廈有好多私房菜食，今晚我地一班人決定黎試下水。由港鐵觀塘站行過去同事介紹嘅餐館所在工廠大廈，都只不過係幾分鐘時間，比想像中近。店內嘅環境尚算寛敞，當我們入座後，負責人細心招呼我地喝餐廳自家製嘅菊花茶，等我地人齊之後就才叫廚房開始起菜。醉香南非鮑魚冷盤內嘅飽魚夠晒爽口，一啲都唔軟淋淋，配上適量嘅花雕酒就十分惹味同開胃，最後食完晒飽魚，剩低嘅酒仲可以飲埋，絕對唔會浪費架。紅燒元蹄元蹄超大隻，師傅整到元蹄非常軟身，佢吸收左醬汁嘅精華同埋份量十足，即使係脂肪位都可以做到油而不膩，所以呢碟紅燒元蹄真係絕對唔可以放過。江南百花雞廚師真係好用心去做呢個菜，餐廳係用百花代替雞肉，並從新組裝成隻雞，非常有心意。聽職員介紹，這是廣東的一道名菜，無諗到係呢度都有得食，絕對係值得呃like。另外入口肉質亦十分嫩滑，而且唔會太咸，真係令我地成班都回味無窮百花蜜脆鱔可以睇得出鱔好大條，每人分到的份量不算小。鮮甜嘅蜜汁再加上嫩滑嘅鱔肉，真係夠晒惹味，黎呢度食飯真係絕對唔可以錯過。飄香荷葉飯飄香荷葉飯賣相雖然好普通，但食起落就一啲都唔簡單，粒粒分明嘅飯粒，口感十分十足，另

星期五收工，太太話book左枱約左一家人去食飯，睇menu已經好吸引，因為我收工遲左，最遲先到，上到去先知原來係私房菜。行到門口已經聽到入面好熱鬧，開門見到全場坐滿，果然別有一番風味，環境好光猛，又乾淨，最特別係有個開放式廚房，可以比客人用，店長話電池爐可以整簡單食物。而廚房既另一邊就係賣一啲手工皂等等既特別野。一坐低，由於頭先趕住黎先飲啖野順番條氣先，暖暖地既菊花茶，冬天就啱曬。飲完茶即刻已經有前菜食，冰鎮花膠食落同平日食到既有啲分別，比較有咬口，配上黑松露芝麻醬，夠香口，有咬口，絕對值得再食。依次序就係哩個淮山杞子響螺雞湯，湯同渣分開上，非常有誠意，飲得出冇味精，而且肯定係用左唔少時間心思去煲，亦見到非常足料，螺肉比外面既螺肉湯亦較多，雞肉亦煮到較軟身，平日無飯主婦既我湯水冇啖就啱曬。未飲完湯就上一個Dreamix雙喜，其實就係炸蟹肉盒同埋炸蠔。蟹肉盒尼講蟹肉係明顯食得出係鮮蟹肉而唔係蟹柳肉，混合左蟹籽，增添左唔少口感。炸蠔，非常脆口，咸咸地既裙邊中和左蠔既腥味，咬開仲有汁出，並冇炸到乾身，食得出廚師非常有技巧。食左咁多野，休息一下傾一陣偈，店員就為我地上一道家.昌媽媽炆豬肉。哩一