Drink氣鍋

Open Now

Now Closed

今天阿媽慶生日，去咗食喺香港都紅咗好耐嘅海鮮蒸鍋。阿媽鍾意食比較健康菜式，所以揀咗呢間餐廳。少油少肉，食海鮮又有菜，啱晒佢啦！坐低安頓好就睇下食邊個餐，咁阿媽生日就佢話事啦。佢最尾都係幫我哋慳錢，點咗$398個餐，最緊要佢歡喜就得啦。慳錢又唔係無嘢食嘅，相對平價嘅set居然有龍蝦食，仲要好新鮮，蒸熟咗啖啖肉，size都唔細隻。扇貝同貴妃蚌都好好食，蒸完好鮮甜。其他有黑豚卷、龍躉，份量都唔少，食埋粥就夠飽。留返少少位返屋企食蛋糕就perfect啦。

我之前都想食呢間噶啦，但我地無預約，直接walk in 嘅，店員同我地講今日比人包場。所以食過一次閉門羹。時隔多日，大學同學約食飯，有人提議食呢間，仲話要包場，我梗係舉雙腳讚成啦！我都想比人地食一次閉門羹，哈哈。我就係沙田去嘅，餐廳係火炭，最近係我，最遲到又係我，原因就係搵唔到路……後尾要同學嚟接我過去，真係樣衰咗……鋪頭裝修幾小清新架，入面又投影機又有麥克風，似係私房菜+party room嘅組合。呢度主打有機蔬菜創意蒸鍋！我就覺得食材嚟講真係幾新穎下。唔單只係平時食果啲海鮮蒸鍋，佢呢度仲會用到水果，例如桃，百香果。令我印象深刻嘅係百香果蒸鮑魚，食落酸酸甜甜，好清新。雖然無影低啲相，但我記得啲味道，係好味嘅，fresh嘅！

一直都想去食蒸海鮮，舊同事推介一間叫Drink氣鍋，佢話食過一次，menu嘅配搭係好健康。提供嘅海鮮也好新鮮。我們這次點$498套餐，有龍蝦、扇貝、海膽、蕃薯貝、老虎斑…等，都超新鮮美味！因為海鮮一道道上，吃完再煮下道，食蒸氣鍋要多花時間去享用，我們大概吃了兩個多小時，可以好好談近況，啱晒慢活嘅生活方式。菜式結合多款健康概念，以花生芽、豆腐、栗子及多種蔬菜入饌，好彩我地都鍾意食菜。蒸網有洞，上面蒸食材的時候，食材的湯汁就會流入粥裏面，最後在吃十六穀粥的時候，就能吃到海鮮的精華啊！舊同事的介紹，都真係不錯呢！

蒸海鮮都食過不少次，不過今次呢間又與別不同，先講地點，佢不是位於旺區，而是在火炭工業區內，基本上放工時間後都相當靜，但正因如此，食既時候更加感覺悠閒，唔洗滾水淥腳咁款，餐廳裝修亦迎合這種味道，整間餐廳只有三張枱，似乎每晚serve的客人人數不多，服務亦相當周到。其次，這店選用的食材較為特別，而且每一道菜也有很多蔬菜相伴，很健康呢!我們要了一個$498的餐，蒸海鮮前先把粥底材料放入煲，包括粟米、魚肚、粟子和黑豚肉等，米是十六穀日本米，感覺不錯。然後店員就把餸菜逐一端上，幫忙放上爐上蒸，交好Timer，夠鐘就有得食。放上先來一味「XO醬瑤柱北海道扇貝」，鮮甜的扇貝帶點XO醬的辣，帶來味覺的一點刺激。接着有「蒸紐西蘭托托貝拼蕃薯貝」，分別有象拔蚌、貴妃蚌和蕃薯蜆，以及紅莧菜墊底，蚌類新鮮彈牙，好味！第三道菜是「有機花生芽蒸海老虎斑件」，花生芽就是花生出芽後，一截好像芽菜的東西，又稱長壽芽，據聞營養價值十分高，一般食店不常見到，吃罷有點花生香陣陣發出。而主角其實是老虎斑件，都好味。第四道菜是「紫蔥栗子蒸本地新鮮雞」，有紫洋蔥和栗子作配菜，配搭鮮雞的嫩滑。然後店員把三個菜放在一起蒸，分別是「鮮拆

繼上次去火炭食過私房菜後，今日再發掘到新地方，原來呢度都有得食蒸海鮮，餐廳距離火車站有點距離，可以選擇坐小巴，我行左大約10-15分鐘。餐廳細細，只有三張枱，可以容納十幾位客人，所以記得book位穩陣d! 高高的樓底下掛著大螢幕，播著我喜歡的陳奕迅演唱會，牆身也掛著黑膠碟，也有一個放著咪高峰的角落。點餐後就是等著吃，餐廳小的好處就是有細心的服務，店員全程幫忙操作蒸食物、收骨收碟和加水，我們只負責吃就好了。今日這個$498餐有9道菜。一開始先把粥底材料放入煲，有粟米、魚肚、粟子和黑豚肉，用上十六穀日本米，似乎更好營養。放上XO醬瑤柱北海道扇貝，中間有幾棵菜心，扇貝都得鮮甜，但因有XO醬所以帶點辣，不吃辣的朋友可吃前先把醬撥開。然後是「蒸紐西蘭托托貝拼蕃薯貝」，看名完全不知為何物，簡單來說就是象拔蚌貴妃蚌和蕃薯蜆，真的時間剛剛好不會太老，肉質鮮甜可口，還有大堆紅莧菜在底。第三味是「有機花生芽蒸海老虎斑件」，第一次食花生芽，似一條放大左嘅芽菜，食落真的有花生味，好得意。配菜中仲有一個紫色的西蘭花，店員說是溫室西蘭花，好特別。老虎斑件啖啖肉，正！接下來是「紫蔥栗子蒸本地新鮮雞」，蒸雞相對比較耐

今日book左九龍灣既drink氣鍋食飯，餐廳面積不大，但勝在私隱度高，而且會有店員全程為你服務。餐廳環境雅緻舒適，坐得好舒服。我地點左個B餐，會係$498/人，包括大量海鮮同粥底。呢到既粥底非常特別，係粟米魚肚栗子黑豚十六穀米粥，從未試過用呢款粥底做蒸氣火鍋，感覺好新奇。而且每蒸完一款食物，店員都會幫手隔走少少啲粥水，免得最後個粥底太稀身，影響口感。蒸XO瑤柱北海道扇貝，我地會先飲湯汁，食到海鮮既原汁原味。XO醬冇遮蓋到海鮮既鮮味，反而有昇華作用。有機花生芽蒸海老虎斑件，食物擺碟好精緻。蒸海老虎斑件口感香滑。我好鐘意紫蔥栗子蒸本地新鮮雞，食落有淡淡既栗子香氣，雞件夠嫩滑，蒸既時間亦都控制得岩岩好。雞件上仲有蒜片坐陣，香氣逼人。蒸蕃薯貝同鮑魚都非常唔錯。鮑魚爽口，貝類多汁，新鮮度滿分。牛肉香軟，配埋露荀一齊食用好夾。手工豆腐口感好特別，好似食緊麻糬咁，不過我就覺得比較膩。龍蝦啖啖肉，爽口彈牙，鮮味十足，粟米都好香甜。

就快生日，朋友約我係火炭食私房菜，仲要係蒸氣鍋私房菜?!又幾新奇喎...搵食搵到去火炭?!餐廳氣氛幾好，雖然地方唔太大，只有十幾個位，呢度提供包場服務，約一班朋友包場都係唔錯既選擇既然係食蒸氣鍋,粥底係好重要既一環。我地果個SET既粥底係花膠姬松茸杞子黑豚十六穀粥，見佢落料都幾豐富，食既時候肯定好正!前菜係溏心皮蛋車厘茄配上自家秘制醬汁，帶點醒胃既酸味，酸味同皮蛋永遠係最佳拍檔。然後侍應就過黎幫我地蒸野啦~每一道菜都由侍應親自操刀，我地只要慢慢品嚐就OK啦蒸扇貝果然鮮味十足，扇貝既精華融入湯汁裡面，扇貝肉質口感一流！第二道既菜式係有機花生芽蒸老虎斑件。花生芽好粗好大條，我地都係第一次食咁大條花生芽。據知花生芽營養價值好高，口感爽脆，多一份特別既青澀味。老虎斑肉質偏實，唔會一夾就散，但佢實得黎唔會鞋口，幾好食。青花龍蝦雖然每位只有半邊，但佢肉質鮮嫩，鮮甜爽口，勁正!仲有膏添!而蕃薯貝就有大大片肉，質感爽口帶豐富既湯汁，味道超甜!最後就食埋粥底，粥底吸收左咁多食材精華絕對係正到飛起!個粥底唔會煮到過軟，有少少咬口既。粥底味道甘甜之餘帶有少少咸香味，花膠煮到好有骨膠原感覺，既滋養又好食!!呢

門面實在太似酒吧。我行過都以為未抵達，結果我兜了一個大圈😂😂😂經理仲要打電話黎問我在哪兒，笑死。成個佈置真的好似KTV 的房我選擇了set B. 我特別叫他們份量少一點。但都好飽😂一開波就煮米先。然後上面就盛一個鐵盤裝餸，用蒸氣煮熟。一改我對芽菜的觀感。大大粒芽菜意外地甜。魚肉也很有質素。容易入口。貝殼類都很大份。我挺喜歡這個蘆筍牛肉。蘆筍甜，肉都有牛味。可能有下一班客到，想我們快點離開。侍應的服務好快手，不斷夾食物給我們。因為都幾飽下。未消化晒，唯有放棄慢慢食啲粥就要走。不過食物質素都okay 嘅。

My friend Zita took me to this restaurant and the reason she gave was that I am a health-conscious person. She said this place offer seafood that are steamed and only minimal seasoning added. This totally sounds interesting, so we fixed a date and went to try.They offer a few different sets with a mix of different seafood so you can choose what fit your budget. We had the mid-range  set at $498. All the seafoods were fresh especially the scallop and crab. I enjoyed the beef and chicken as well.

朋友早幾日約我話補返我餐生日飯~仲話帶我食D特別既蒸氣鍋~但要去到火炭個邊為左食我係唔會嫌遠既~一於去試試佢餐廳既門面好似CAFE~我爭D走漏眼睇唔到內裡既裝修其實都算幾舒服自在，原來仲間唔中會有LIVE BAND架添每道食物所跟配既蔬菜都好特別，呢樣都係吸引到我地黎食既原因之一。例如龍躉件配花生芽、豆豉蒸扇貝會配蒜芯、蒸本地雞件配紫洋蔥、蕃薯蜆配波菜苗等等...我仲見到隔離枱有紫色椰菜花添~可見餐廳對於營養均衡方面都有關注到講返食物先，餐廳咁著重健康，所以佢地既食材都唔會落太多調味料，反而食到食物原本既鮮甜味道，呢樣都係值得一讚龍躉件剛好分配到多肉既部位俾我地，食落啖啖肉，根本唔需要豉油既點綴都已經好好食！扇貝都幾大隻，配上豆豉原來又幾唔錯喎 (本身個人唔鐘意食豆豉)~最值得一提既就係鮮拆蟹肉手工玫瑰花生豆腐啦~~佢個豆腐真係塑造成玫瑰花形，而由於佢係加入左蝶豆花去整，所以顏色係灰灰藍藍咁豆腐個質感就偏向結實，同我認知既豆腐質感完全唔同~豆腐入面亦都真係有滿滿既蟹肉，係一絲絲真材實料既蟹肉，唔係用蟹柳黎扮~結尾食埋個十六穀粥~既豐富又綿滑，為美妙晚餐寫上句號。

朋友是火炭的地膽，幸好有朋友的介紹，一嚐這區蒸海鮮的私房店。餐廳特別裝修很有格調，環境舒適又乾浄。我們點了這間出名的海鮮套餐，店員會先煮粥（據稱是採用日本的十六殼粥），再蒸不同的海鮮，最後才還客人品嚐吸取了海鮮味道的栗米魚肚栗子黑豚粥，很令人期待！先來蒸貴妃蚌，店員建議我們先喝一口湯汁，真的很鮮甜，令人回味無窮，可惜只有珍貴的一口有機花甜芬蒸海老虎班件，配搭不同顏色的西蘭花！賣相很精緻。鮮折蟹肉海膽粉卷，卷皮煙韌，配鮮味濃郁的蟹肉海膽，口感味道皆豐富。櫻花蝦手工玫瑰花生豆腐，賣相很精緻，令人不捨得吃。味道也相當特別，豆腐的花生味挺香濃，清甜而不油膩。堂灼安格斯牛肩胛拼露筍紫蔥栗子蒸本地新鮮雞蒸青花龍蝦，龍蝦肉蒸得剛剛好，鮮、嫩、甜！最後是一碗熱騰騰而且味道鮮甜的粥作結。這間餐廳每一款菜式從賣相、用料至烹調手法都很有心思，盡量突出食物的鮮味，味道很令人滿意，值得再來！

行行吓見到有一間氣氛十足的餐廳，一開始以為係酒吧，喺門口望入去見到有蒸籠，先知係食蒸氣海鮮鍋😱我同男朋友叫左個Set Dinner 價值每位$498 的 Set B 海鮮餐，同叫左酒，買一送一$58-Set B $4981.粟米魚肚栗子黑豚十六穀粥2.有機花生芽蒸海老虎斑件3.蒸XO瑤柱北海道扇貝4.蒸紐西蘭托托貝拼番薯貝(改了-蒸孔雀鮑魚鮮雪耳拌豆苗）5.鮮拆蟹肉海膽粉卷6.櫻花蝦手工玫瑰花生豆腐7.堂灼安格斯牛肩胛拼露筍8.紫蔥栗子蒸本地新鮮雞9.蒸青花龍蝦·半隻-1️⃣蒸青花龍蝦🦞［滿星］⭐️⭐️⭐️⭐️⭐️‼️龍蝦嘅size係有iPhone X咁大，係放入去蒸籠之前，龍蝦係新鮮到仲識郁😱一蒸完之後啲蟹膏就出晒嚟，用筷子一撩，真係成條龍蝦肉撩哂岀嚟，龍蝦殼都係好鮮艷嘅紅色❤️/2️⃣蒸XO瑤柱北海道扇貝⭐️⭐️⭐️⭐️係扇貝上邊放咗一啲XO醬，蒸完出嚟個味道意外地夾，扇貝好有鮮味，直情蒸完之後係會有啲汁出黎，一樣都係充滿鮮味，而且都幾多下😍/3️⃣有機花生芽蒸海老虎斑件⭐️⭐️⭐️⭐️原本諗住佢都係好普通嘅魚，但係佢竟然個魚皮食落去好似骨膠原咁，第一次食到咁嘅口感，好食到搶着嚟食/4️⃣蒸孔雀鮑魚鮮雪耳拌豆苗⭐️⭐️⭐️⭐️因為賣晒

位於火炭工業區嘅drink氣鍋裝修其實幾特別佢地個門面同入面嘅裝修俾人感覺以為係一間coffee shop，真係憑佢外型係估唔到原來係食海鮮蒸氣鍋餐廳原來仲有得包場同埋唱K，啱哂一班人包場唱K。不過餐廳座位唔多，建議先向餐廳訂位。餐廳提供好多唔同嘅新鮮食材，視乎來貨同時令而定。今晚我哋叫咗$588個套餐都有好多嘢食，仲要樣樣都啱哂我胃口套餐包括有前菜、十六穀粥、斑件、扇貝、鮑魚、北極貝拼蕃薯貝、五花腩、牛肩胛拼露筍、新鮮雞同龍蝦前菜 - 「手工皮蛋」。皮蛋甘香配合蕃茄仔酸酸甜甜確實係幾開胃。第一道係有機花生芽蒸海斑件。花生芽營養價值好高，具有抗衰老作用，口感爽脆，比起芽菜少一份青澀味。另外伴碟仲有紫色椰菜花都係幾特別，從來未見過紫色嘅椰菜花，佢比普通椰菜花多咗一份鮮生味。斑件肉質嫩滑新鮮，剛好選用咗無骨嘅部位，抵讚。蒸北極貝拼蕃薯貝 - 隻隻都好新鮮，一粒沙都無。貝肉好鮮甜多汁，真係未試過咁大舊貝肉。蒸青花龍蝦 - 龍蝦膏頗多，肉質彈牙爽口。孔雀鮑魚，另外單點鮮拆蟹肉手工玫瑰花生豆腐。鮑魚蒸得剛剛好，無變到擦紙膠之餘仲好好食。海鮮果然只要新鮮嗁話，唔洗加任何調味料都咁好食。而花生豆腐都

小吃貨好耐冇食過海鮮啦，呢一日同阿哥嚟到火炭附近試吓呢一間健康養生海鮮蒸氣粥底鍋大擦一餐！😆 海鮮蒸氣鍋我之前都食過但係呢一間同市區餐廳唔同，餐廳環境佈置好靚好特別，坐得又舒服，安靜嘅環境配上音樂，聽住JJ嘅歌未食個人已經覺得好陶醉~點解我唔係同男朋友去食而係同大食懶阿哥去食呢🙄環境好啱情侶一齊嚟食，或者三五知己Happy Hour 一大班朋友包個場私人飯局又得，聽講包場仲可以有live Music！啱晒鍾意食嘢聽歌嘅朋友仔我哋叫咗個Set Dinner海鮮餐，北海道大扇貝、蒸青花龍蝦、蒸鮑魚拼番薯貝、安格斯牛蘆筍卷配蟹肉海膽粉皮卷、紫聰栗子蒸新鮮雞、龍躉配花生芽，最後配上多款海鮮精華熬出嚟嘅16穀米粥，哇~~又正又健康😛食材好新鮮而且每道海鮮都會配上健康有機配菜，每一道海鮮都有服務員服侍計好蒸嘅時間而且會講解食材同有咩功效 服務好又細心，好值得一讚呀！👍🏻👍🏻👍🏻呢餐好豐富好健康！食飽飽非常滿足😋因為座位唔多所以去幫襯嘅朋友仔記得預先訂定枱啦😉

媽媽生日，諗住帶她去食比較特色和比較清的晚餐慶祝，上網看見覺得呢間合適，便打算來試試. 我是在網上訂枱的，最初，是訂18:00，也訂了甜品（因為媽媽生日，要求寫上生日快樂），後來計劃有變，晚餐三日前在whatsapp改訂18:30，之後佢回訊息，要落一千蚊訂金，我也覺得合理，當晚已轉賬給他及跟他確定.點知當日18:15，突然致給我，問我何時到，因為要20:00還枱，我說已跟你們通知了改18:30，她解釋可能overlook，還請盡快過來，因要短時間還枱，我聽了心知不妙.因媽生日，本想找間飯店，可慢慢輕鬆地慶祝. 原來呢個都未算最差的服務，最差的是，當我們晚餐到了中段，有位小姐走過來，突然跟我們說，不好意思，今日無甜品，當時我心裡真的想說一千字的粗口，呢個咩服務來架，我已經說了是慶生的晚餐，點解去到last minutes才說無甜品供應，一個有sense的人都會一早通知人，讓人早一點有另一些方法安排慶生啦😡 總結 服務跟價錢不相稱，中上的價錢，食到趕頭趕命，又沒有服務，一點也不值！我以後都不會再來! 我咁大個人都未寫過食評，只是希望其他人唔好中伏！