睿海御宴 (Closed)

大坑好嘢食多就係人都知，竟然唔少人都推介呢間中菜，今日嘅人嚟到附近就決定試一試佢。一上樓梯已經好有大坑嘅特色，一條栩栩如生嘅火龍畫像映入眼簾。首先，嚟到嘅係猴頭菇燉雞湯，餐廳得意之處係用茶壺形式將湯盛起，咁樣好方便一班唔鍾意湯渣嘅人。至於湯好香濃，眼見用作湯底既雞都有唔同嘅款式，入口又舒服，唔錯唔錯。前菜，醃青瓜，啱晒夏天嘅餐前小食。青瓜清爽、醃汁清新，成件事10分夾，好開胃👍👍。今次起店員介紹吓試試佢新推出嘅套餐，包括炸子雞及兩款小菜。炸子雞啱啱上枱已經好靚啦，雞皮香脆、第一嚿甚至乎係爆汁，好好食😋。配上側邊半碟嘅蝦片，啱晒鍾意食香口野嘅我哋。第一碟小菜，我哋叫咗咕嚕蜜汁黑豚肉，食得出黑豚肉係剛剛炸起，外邊香脆裏面彈牙。👍第二碟小菜，我哋叫咗XO醬炒四季豆，呢個要讚鑊氣好足，加上XO醬唔會太搶，調味剛剛好，四季豆軟身得來仲保持到水份，高水準嘅小菜。🤘🏻最尾都仲有少少，想試吓其他菜式，叫咗個煎蠔餅。蠔肉比例超多，配上特製嘅醬汁、同埋醃洋蔥，又估唔到識落咁夾咁好味🤤。最後店員亦都請我哋食糖水，綠豆沙，唔算太甜，但就都煲到溶。整體來講，呢間中菜位於旺中帶靜嘅地區，所以人數唔多環境質素亦好高

。籠仔糯米蒸膏蟹 ($588) - 外賣黎講幾吸引，但整體過濕，令糯米飯過黏，調味亦稍為遜色，不夠惹味，可以加多些蔥蒜或會更惹味。 。香辣水煮石斑 ($438) - 魚肉是連骨一超炸過，但個人不太喜歡炸過的魚肉，有點鞋口。以水煮黎講不夠辣，成個味道有點單調，整體一般。 。福建酒糟雞 ($328/半隻) - 喱個感覺係全餐最好食，酒糟味道入哂味，非常香口，而且雞肉都夠滑，送飯一流。

最近發現一間超高質素的私房菜中式菜館，這裡的出品真係做得非常出色。 佢哋嘅柚子脆蝦球是我嚐過最好吃的海鮮小菜之一。這道菜用新鮮的蝦裹上一層脆皮，蝦非常爽彈，再加上柚子的酸甜口感，讓整道菜的層次感更加豐富。接下來，佢哋既澳洲龍蝦麻婆豆腐也不容錯過。龍蝦肉質鮮嫩，配上微辣的麻婆豆腐，讓這道菜更加香辣可口。豆腐的口感極為滑嫩，麻辣並沒有將龍蝦的鮮甜蓋過，可以話係完美結合， 讓人意猶未盡， 絕對需要嗌一碗白飯撈住啲部麻婆豆腐嚟食，必食推介。枝竹鮮茄魚湯浸時蔬是這裡的一道較為清淡菜品。清淡的魚湯裡面加入了枝竹和新鮮的番茄，讓湯的味道更加鮮美。脆爽的蔬菜和湯汁的搭配非常協調，讓這道菜的整體味道更加平衡。最後一道菜是五香雞卷，亦都係一道好傳統的中式菜。雞肉卷入面嘅喺混入左豬肉，質地非常嫩滑，配上五香味道的調味料，讓整道菜的味道更加豐富。 豬肉的外皮煎得金黃酥脆，內裡卻極其嫩滑，令人食咗之後回味無窮。

從美國回港探親的老友住在大坑；在OpenRice 見到睿海御宴的評價不錯，就近她們，訂此午餐。餐廳地方不大，大廳只擺有8張飯堂式的方桌及一大一小的包房；裝飾除了樓梯的舞火龍圖設計外，還有一個比例相當大的神位。服務還算可以，當然不能要求這類食肆會有餐巾預備，可惜的是連紙巾也欠奉。三人點了個鑽石套餐，有五個小菜，很多評客都話椒鹽牛油果特別，但食落就沒有什麼驚喜，或者這手牛油果不佳，没有牛油果香味，只是「特別」的菜式而已；其他四欵小菜也平平無奇，不過不失。本來想試他們的日本甜蝦多士，但當天没有供應；而他們推介腐皮香酥鷄卷，就相當不錯。但最失望是他們在大餐牌內的福建海鮮炒麫線，海鮮只是𧐢仔，蝦仔及炸魚片；麫線粗度又似是米粉；收$188 的價錢，性價比相當低。

今天來到銅鑼灣大坑浣紗街的「睿海御宴」中菜館吃午餐。餐廳在1樓，樓梯間畫上「大坑舞火龍」的壁畫，畫工精細，火龍栩栩如生，騰躍於雲間。餐廳不大，但有幾個貴賓廂房，裝飾清雅，牆壁裝有大幅字畫，平添不少文藝氣息。我就點了個“午市二人黃金套餐”，包括三個小菜、白飯和甜品，再加添些點心小食。“椒鹽牛油果”，牛油果做中菜比較少見。外皮炸脆的牛油果，口感和味道跟做生果有很大的分別，裏面的果肉仍是軟綿綿，還有牛油果的香味，非常特別。“風沙蒜香骨”，由糖醋醃製的肉排，爽口彈牙，肉汁豐富，伴以炸香的蒜蓉，特別香口。“蜜桃咕嚕黑豚肉”，咕嚕肉配上蜜桃，原來也不錯，酸甜惹味，份外開胃。甜品：紅豆沙糖水，起沙的紅豆蓉，隔去紅豆皮，口感幼滑。其他點心：“鮑魚燒買賣皇”，原隻鮑魚放在燒賣上，絕對是個驚喜。蠔汁鮑魚無論口感、味道都不錯。綜合而言，這裏的中菜有水準，服務也不錯，而且價錢貼地。

今晚同屋企人晚饭，佢哋订咗大坑这间睿海御宴。治楼梯行上餐厅都有火龙的壁画，好夹大坑的传统。黄金椒盐豆腐粒 : 人人至爱。外脆香口，少少椒盐好惹味。煎蚝饼：啖啖蚝仔。点埋甜酸酱，好惹味又好醒胃。金沙吊涌仔: 鱿鱼好弹牙，加埋外面的黄金沙，好够味又特出鱿鱼仔的鲜味。鱼汤杞子云耳浸时蔬：鱼汤好浓味。简单的烹调令白菜仔更鲜甜。柚子脆虾球：虾球外面脆口，虾肉大件又弹牙。柚子酱令成件事好清新开胃。黑松露海皇炒鲜奶：炒鲜奶呢D菜式已经好难找到。师傅炒得好滑，连埋黑松露酱同细虾球，好惹味又好有口感。陈年花雕鸡：成只鸡用有花雕酒的鸡汤浸煮。个鸡汤好浓味，又同时饮好花雕酒。鸡肉好嫩滑又大只。😋😋笼仔羔蟹糯米饭：这个菜一上枱我哋都哗咗声。蟹羔巳分散在糯米饭上。糯米饭已经调味，而且有荷叶同蟹的香，超正。💕💕XO 酱和牛炒陈村粉：陈村粉一层一层好有口感。配埋薄薄又充满牛味的和牛同少许的XO酱，今餐大家食个满足。🥰🥰

朋友介紹呢間私房菜中菜館，menu 選擇唔算太多但每項都好有特色。澳洲龍蝦麻婆豆腐-一上枱有被驚艷到！澳龍大大隻，就咁睇以為豆腐好多冇咩龍蝦肉食但不是！每一羹都有龍蝦肉！-龍蝦好鮮甜，就算個汁係麻婆豆腐咁濃郁但都食到澳龍的鮮味。-麻婆豆腐完全唔會過辣，會食到有辣味但唔會過火。豆腐好綿綿好滑。柚子脆蝦球-蝦球用左海蝦，十分鮮甜。size 比坊間的蝦球大隻。-有8-10隻，爽口彈牙。柚子作輕輕調味更顯清新五香雞卷-心機之作，雞肉mix 左香葱，雞味好出滿滿的蛋白質感-外皮係腐皮卷，炸後酥脆，沾上香甜醬食到停唔到口！馬蹄爽-自家製，非常滑溜。-馬蹄清甜解暑，十分香甜。

女友最多朋友也有好多資訊, 今晚她訂了檯, 我們去食私房菜.   大坑 睿海御宴,  餐廳入門好搶鏡, 有龍飛鳳舞感覺.  令人眼前一亮.沿樓梯上一樓,  舞龍圖畫繪得特式又出色.左右牆壁,  舞火龍氣勢真不凡.  中秋節舞火龍的熱鬧氣氛返晒黎!餐廳裝飾清雅高尚, 有大魚缸養活海產.燈光明亮, 座位整齊, 坐得舒適.店長好招呼, 介紹了多款餐廳主打的名貴粵菜, 川菜, 又有家常小菜, 價錢豐儉尤人.   侍應送上青瓜小食, 很爽脆, 蒜味香.前菜點了冷盤,   溏心皮蛋豆腐.  賣相好普通,  但入口便知龍與鳳, 溏心皮蛋切碎配合豆腐及芝麻醬, 味道相當好.  夏日開胃涼拌小食, 做得出色. 紅燒乳鴿,  炸得香脆,  醃得入味,  乳鴿肉質好,  外皮香脆唔肥膩, 皮脆內軟.令人越吃越愛.  伴有日本淮鹽同喼汁, 可以自己再調味.香辣水煮海石斑 店長話可以小辣.   上檯熱, 水煮海石斑 大大碟.  石斑去骨, 魚片好鮮嫩, 啖啖肉, 酸菜鮮甜好味,  可以飲埋個湯 爽呀！入面仲有雲耳, 萵筍片,  蓮藕片,  同薯粉, 十分之豐富.   配料好入味,  沒有太麻辣.  大家吃得好.

父親節要搵地方食飯，阿爸對食嘢比較腌尖，但又鍾意試新嘢。咁我哋幾兄弟姊妹就試吓呢間响大坑睿海御宴，OK先至同佢食黃金椒鹽豆腐粒，炸到好靚，碟底冇油表皮脆裏面嫰滑福建煎蠔烙，有別於一般嘅炸蠔餅，佢落嘅粉漿好少，韭菜嘅份量就超多，啱哂鍾意重口味嘅老爹金沙吊涌仔，鹹蛋黃落得重手，吊涌仔吸收咗蛋黃嘅鹹香，加上本身嘅鮮味，非常好下酒柚子脆蝦球，鮮蝦彈牙，粉漿又唔會過厚，加咗柚子醬，甜甜酸酸好開胃籠仔羔蟹糯米飯，係餐廳嘅招牌菜，糯米軟糯，吸收哂膏蟹嘅香味，蟹肉鮮飯又夠味，果然係招牌菜陳年花雕雞，係餐廳嘅另一招牌菜。用上新鮮雞，花雕黃酒嘅煮法非常補身。師傅處理火候啱啱好，雞肉唔會過熟，軟滑又入味，好食到停唔到口XO 醬和牛炒陳村粉，改良版嘅乾炒牛河，用咗陳村粉更加有口感，索汁能力更強。而和牛嘅油脂落咗啲陳村粉度，油脂感更強魚湯杞子雲耳浸白菜，清清哋好滋潤嘅一個菜，白菜選用最靚嘅菜心部份，配上魚湯非常夾今次試菜非常滿意，咁要早啲訂位，因為父親節應該會好 Full

朋友帶路今日去咗大坑試一試呢間中菜。黃金椒鹽豆腐粒，外皮炸得好香脆，顏色幾好，控制到金黃色，入口豆腐，依然香滑。福建煎蠔烙，煎的口感比較煙韌，有蛋香，中間很多蠔仔及芫荽，送酒一流。金沙吊涌仔，吊桶仔用金莎嘅煮法，一入口鹹蛋黃味湧出嚟，口感仲少少濕潤，非常惹味！籠仔羔蟹糯米飯，餐廳嘅主打菜，打開見到個蟹蓋蟹膏非常之豐富，糯米飯煮得非常軟糯，又好入味，蟹肉夠新鮮彈牙，蟹肉唔會黐殼，非常之好味！陳年花雕雞煲，用上一隻新鮮雞，酒味非常香濃，雞肉見到就知道又香又滑，雞皮又唔會過肥，新鮮嘅雞肉係幼嫩些，最緊要個湯汁都好有雞味，之後一定要打包返屋企，煮米粉一流！柚子炸蝦球，外皮炸得非常薄，又唔會鞋口，彈牙嘅蝦肉配合清爽嘅柚子，唔肥膩，幾啱夏天食。店員推介XO 醬日本和牛炒陳村粉，同乾炒牛河非常類似，鑊氣足夠，個粉底係一塊塊摺疊嘅， 加上XO醬更加香口，當然和牛唔使醃鬆，牛味更突出，入口自然更嫩滑。魚湯雲耳浸菠菜，魚湯非常好味，簡簡單單又好吃，清淡得來食得非常舒服的一個餸。餐廳主打餸都幾好味，又有特式，同埋呢度有啲套餐推介，價錢比銅鑼灣酒樓更合理，食得出係用心的餐廳，值得一試！

每年中秋節, 大坑有傳統舞火龍習俗,  睿海御宴,  中式私房菜, 承傳這個文化, 如畫廊般繪出精彩舞火龍 圖 畫.  入門便可欣賞 .餐廳在一樓, 步上梯級,  沿路看見舞火龍圖畫, 美侖美奐, 漫畫化了, 更吸引.大坑舞火龍已列入香港非物質文化遺產名錄了.  可喜可賀.  餐廳裝修高雅時尚,  座位闊落, 燈光充足, 分大廳,及 VIP 廂房,  適合朋友宴會,  更可保護客人私隱, 家庭聚餐, 坐得舒服, 餐廳主打時令 巧手粵菜,   高質海產烹調.    侍應招呼有禮,  我們坐下, 點了鐵觀音茶,  水滾茶靚.   店員快速送上餐牌及開胃小食,  青瓜很爽脆, 蒜味濃.店長介紹夏令前菜,  溏心皮蛋涷豆腐 賣相一般,  溏心皮蛋切碎, 蛋粒, 榨菜粒混合芝麻醬, 鋪滿豆腐面.  入口感覺非常好, 出人意料.   涷豆腐好滑嫩, 豆味香濃, 加入溏心皮蛋, 榨菜碎粒, 拌上芝麻醬, 好吃 !脆皮乳鴿,    炸得金黃香脆,  上檯香氣撲鼻.乳鴿 醃得入味,  肉質嫩, 炸得吾會乾, 有肉汁又好肉, 少油膩.  另備淮鹽,  脆皮乳鴿, 必食之選. 青檸焗肉排上檯熱, 肉排炸得好

大坑好多嘢食，呢間算唔錯嘅粵菜！1. 黃金椒鹽豆腐粒香脆可口，豆腐粒充滿了椒鹽的香氣，好開胃。2. 金沙吊涌仔吊涌仔炸得剛好，外層酥脆內裡嫩滑。3. 籠仔羔蟹糯米飯這道菜品是招牌之一，味道鮮美，蟹🦀️肉肉質細嫩，糯米飯口感軟綿，滿滿蟹香。4. 陳年花雕雞 一上枱香氣撲鼻，雞肉肉質鮮嫩，口感非常好，加上陳年花雕，讓人食指大動。5. 柚子脆蝦球蝦子鮮美爽口，柚子的酸甜滋味非常與眾不同。6. 黑松露海皇炒鮮奶黑松露的香氣非常迷人，蝦肉帶子新鮮美味，與鮮奶混合在一起，味道濃郁。7. 福建煎蠔烙煎得剛好的蠔加上大量韭菜，烙餅外脆內軟。8. XO 醬和牛炒陳村粉牛肉嫩滑可口，陳村粉口感Q彈，香辣的XO醬更提升了整道菜的風味。9. 魚湯杞子雲耳浸菠菜非常清淡，但是魚湯味鮮美，是非常健康的一道菜品。總的來說，烹調手法精，價格也非常合理。不錯😇😇

今早陪屋企人去維園晨運做運動之後，行入大坑睇吓有咩食，見到呢間有點心有小菜，啱哂我地就入去試吓。我地點了3個點心同一個黃金套餐一齊食。XO醬炸蘿蔔糕外觀認真吸引，外皮金黃色，入口香脆內裏嫩，好香蘿蔔同蝦米，美味。鮮蝦菜苗餃（2件）有2件，個皮非常薄，晶瑩剔透，內裏菜苗鮮嫩，鮮蝦爽口，非常好吃。花菇棉花雞魚肚份量都幾慷慨，吸收晒雞汁同埋啲汁，好入味，啲雞件都好滑。個黃金套餐有三個小菜、2碗白飯同2份甜品椒鹽牛油果炸得好乾身，食落爽口，入面綿密，幾有大排擋風味，幾惹味。蜜桃咕嚕黑豚肉酸甜味適中，用蜜桃一齊整，令到食落有d果甜香味，用黑豚肉整咕嚕肉，食落更高級。北菇紅燒豆腐清清地點左呢個，好入味，配料同豆腐都配合得好好，味道好濃郁，好啱送飯。甜品今日嘅甜品係番薯糖水，個糖水嘅薑味好夠，番薯粉粉，仲有啲芋頭，正。今日有飲茶同私房菜既感覺，媽咪都讚d小菜好味，而且價錢都好合理，唔錯。

位於大坑 以大坑舞火龍為主題的私房菜餐廳裝潢都很中式 上樓梯時會看到牆上畫了舞火龍 很特別食物當然好吃😋👍🏻🐟香辣水煮海石斑 💰438每塊魚肉都很大片 還有雲耳 萵筍片 蓮藕片薯粉等其他配料可以吃 帶微辣 魚料跟配料還算入味 沒有到麻的程度 🦀籠仔糯米蒸羔蟹 💰588是這家的招牌菜 糯米飯跟羔蟹放在荷葉上 用竹籠蒸煮 糯米飯裡有臘腸跟蝦米 吸收到荷葉跟羔蟹的精華 入味之餘口感煙韌 蟹也很大 一翻開蟹蓋 有滿滿的蟹膏 混著吃非常美味🐓福建酒糟雞 半隻 💰328酒糟雞帶好濃的南乳味道 用蔥蒜炒過 好香口 跟平常大牌檔吃到的啫啫雞煲味道有點像🥗瑤柱花膠浸翠苗 （莧菜）💰288莧菜用上湯浸 入味 可以解油膩感外 好吃😋

朋友介紹來吃點心。基本上，點心是可以的，不過部分有點蒸過頭-例如，菜苗餃的餃皮比較軟，紅燒乳鴿不夠鮮甜，炸雞卷太甜與炸過頭，蒸牛肉球味道很一般，太多鷹粟粉、太甜，說不出有何出眾。整體說，比較特色反而是他們的福建小菜，包括了那個福建家鄉煎蚵仔烙，與福建海鮮麵線，味道有鮮味，質地做得好！其實我們還有很多小菜沒有機會試，有機會還會再來的。看到他們有好多其他的海鮮菜式，包括了蒸大蟹糯米飯-照片拍得好吸引。謝謝蔡小姐的招待。