睿海御宴 (Closed)

大坑舞火龍這個傳統的香港本土節慶,大家都耳熟能詳,這家以大坑舞火龍為主題的粵菜~睿海御宴 @dynasty_cove 鋪入門口在長長的樓梯的牆上,就畫上大坑舞火龍的情景,不但逼真,甚具氣勢而且富有特色,我也不禁在梯間多拍幾張照片 這家精品粵菜餐廳裝修清雅簡潔,特設三間廂房,歡迎三五知己,親朋戚友,小型團體飯聚慶祝訂位 落單之後侍應會先上兩款餐前小食🔮琥珀合桃    這個餐前小食絕對是上乘之作,廚師將合桃炸至金黃香脆,再加庶糖再炒,每粒合桃也均勻地被糖衣裹著,入口十分香脆,而且清甜,作餐前小食或送酒,簡直一流 🔮蒜泥青瓜     以新鮮蒜頭攪拌成蒜泥,略為調味,蒜香味濃郁,青瓜清新爽口,非常開胃 🔮溏心皮蛋凍豆腐     沒想過一道簡單的糖心豆腐擺盤也如此精美講究.食物盛在以山水畫為花紋的瓷碟上,再以一芫荽沙律菜等作點綴,整體看來擺盤真的十分精美.溏心皮蛋香濃引人,廚師將其切成小粒均勻分佈在嫩滑的凍豆腐上,再淋上秘製的芝麻醬汁,入口冰涼,酸甜香滑又不膩,十分醒胃 🔮黑松露海皇炒鮮奶  這道炒鮮奶絕對看得出廚師的功架,鋪上菜已聞到陣陣的黑松露香,蛋白炒鮮奶火喉剛剛好,蛋白剛剛熟,入口不但有

中菜館以中式佈置， 簡潔明亮，舒適寬敞， 入口處牆壁塗上大坑的 地標~舞火龍， 栩栩如生， 十分吸引。陳醋金針菇海蜇頭海蜇頭是水母的觸鬚部位，肉質厚實， 營養相當豐富 ，最佳作涼拌菜， 紅黃色有光澤的海蜇頭，入口充滿韌性， 口感一流 ， 拌上香香麻油醬， 加上墊底的爽口金菇菜 ，完美的配搭，讓人喜歡。柚子明蝦球大隻黃金的蝦球， 蝦肉鮮味爽彈，每隻蝦球，表面完全被蜜甜柚子醬汁包裹著， 口感相當清新、 清爽， 滋味得令人停不了口。麥米粥糖水飯後有我喜歡的甜湯，熱的米粥， 麥米口感煙韌，甜度適中， 香甜潤喉，正好滋潤秋冬乾澀的喉嚨。

今日黎到位於大坑既哩間粵菜餐廳飲茶。餐廳門口位置既牆壁繪有特色壁畫，因為餐廳位置係一樓，所以要行一層，上到去係一排排既四人檯，最入面有圓桌包廂位及卡位。🍵茶芥 $25👧🏻午市茶位 每位$20🔸琥珀合桃 ＄20一坐低店員就會放低香脆可口既合桃。🔸睿海點心盤 $198點心盤包含餐廳幾項特色點心，包括鮑魚粒南瓜仔、黑松露帶子鳳眼餃、刺猬麻蓉包、金魚餃及蜂巢糕，每款有二件，其中部分點心有得意造型，而黑松露帶子鳳眼餃及金魚餃就較好食。🔸XO醬炸蘿蔔糕 $38蘿蔔糕外脆內軟，加上XO醬辣辣地，幾惹味。🔸日本甜蝦多士 $38蝦多士非常香脆，面層仲有唔少芝麻。🔸韭菜魚腐皮卷 $38外皮同樣香脆，韭菜味道唔會話好突出。

天氣轉冷除左打邊爐之外，嘆返個羊腩煲都係冬天必然之選，今晚相左老婆同兩個朋友去大坑睿海御宴食晚飯一齊嘆返個羊腩煲。😋 睿海御宴位於大坑，入口嘅樓梯畫左富有大坑嘅壁畫，餐廳地方不大，不過座位寬闊，另外仲設有獨立廂房。我地4個人點左一個羊腩煲再加幾個小菜，邊傾邊嘆。😙古法扣黑山羊腩煲（配時蔬）$498睿海御宴新推出嘅羊腩煲份量羊腩份量十足，4個人分享都相當足夠，腩位肥瘦有致，肉質非常軟腍，最重要係羊腩新鮮冇羊羶味，配埋厚肉大冬菇，馬蹄同埋支竹，非常惹味可口。😍黑松露海皇炒鮮奶 $268帶子粒和蝦肉加上黑松露本身已經非常鮮甜，再加上黑松露同埋炒香左嘅幼滑鮮奶，無論口感同埋味道層次都非常豐富。👍🏻柚子明蝦球 $298柚子明蝦球份量都係非常多，大蝦大大隻，外層香脆，蝦肉爽滑彈牙，配上清新嘅柚子香味，一啖一隻，香味係口腔久久不散。😍 黃金椒鹽豆腐 $88椒鹽豆腐份量實在係太多，幾十粒鬆脆椒鹽豆腐排埋一齊，賣相已經十分吸引，加上惹味嘅椒鹽，$88非常抵食👍🏻 燉桃膠最後食埋餐廳送嘅甜品燉桃膠，呢餐非常滿足。😊

呢間位於大坑嘅私房中菜館，一入門口已經見到充滿大坑特色嘅壁畫，入面都坐得幾舒服，如果想同朋友聚會嘅話，佢哋都設有private room。今次試咗佢哋幾款特色菜式，全部味道都唔錯，有啲甚至都幾有創意。🍶冰鎮南非鮮鮑魚鮑魚嘅花雕味好突出，冰鎮過後更加帶出左海鮮嘅鮮甜味，鮑魚食落亦都好爽彈，味道唔錯。🍖琥珀蜜桃咕嚕肉咕嚕肉炸得啱啱好，外脆內嫩，粉漿亦都唔會過厚。酸甜汁味道平衡得恰到好處，配埋蜜桃同埋炸合桃，口感同埋味道更添層次。🥩自家製XO醬和牛炒陳村粉陳村粉食落都幾夠鑊氣，配上豉油同埋XO醬呢個冇得輸嘅組合，食落去好惹味。和牛亦都好嫩滑，牛味亦夠突出。🦀XO醬奇香膏蟹腸粉蟹嘅蟹膏非常之多，金黃色嘅蟹膏非常邪惡，食落鮮甜美味。呢碟菜會配有腸粉墊底，腸粉吸收晒海鮮嘅精華，好食！

今天立冬氣溫下降，好想食羊腩煲暖一暖身，約左老公和一位朋友到大坑附近食飯聚舊，朋友推介一間樓上私房菜睿海御宴吃羊腩煲。 睿海御宴位於大坑浣紗街浣紗閣1樓，從地下沿樓梯上一樓都會看到樓梯間的壁畫，是以龍為主，相信是和大坑舞火龍的故事有關。而餐廳面積不大，但也有一間獨立房。店內裝修簡潔明亮，以白色為主調。 黑松露海皇炒鮮奶海皇炒鮮奶有帶子和蝦，再配上黑松露，一上桌已經聞到黑松露的香味和撲鼻而來，炒鮮奶當中能吃出蛋白和鮮奶的幼滑，帶子和蝦切粒後每一口鮮奶都能吃到鮮甜的帶子和爽彈的蝦，配上脆卜卜的脆米，口感十分豐富。 黃金椒鹽豆腐椒鹽豆腐炸得鬆脆，外脆內軟，豆腐表面的椒鹽粉拌得均勻，每一粒都沾上椒鹽粉，十分惹味，我喜歡沾上喼汁吃，酸酸甜甜多吃幾粒也不會膩。 柚子明蝦球一碟有八隻大蝦球，炸後用柚子蜜調味，入口酸酸甜甜，大蝦炸得香脆，蝦肉爽彈，炸粉薄薄一層包裹住蝦球，一隻接一隻吃得津津有味。 古法扣黑山羊腩煲（配時蔬）是今年第一次吃羊腩煲，期待已久。羊腩份量充足，腩位每件肥瘦均勻，炆得十分入味，肉質軟淋一點都不會韌，而且沒有羊羶味，值得一讚。羊腩煲的配料有冬菇，馬蒂，支竹，配料全部都好入味，我喜歡

這間位於天后的粵菜餐廳，聽聞大廚是來自前金紫荊和會展中菜廳的大廚班底，於是帶屋企人來試下。餐廳位於一樓，由地面通往樓上的梯間兩邊牆身，畫上大坑舞火龍的手繪壁畫，非常生動。一樓用膳區則走簡樸裝潢路線，樓底不高，也沒有華麗的水晶燈，大部份是四方枱，只有廂房才有大圓檯。🌸睿海點心盤 $198這個點心盤有齊鮑魚粒南瓜仔、金魚餃、黑松露帶子鳳眼餃、刺猬麻蓉包、蜂巢糕，五款點心各兩件，滿足人少少飲茶，又可以食多幾款點心的心理。點心造型可愛精緻，非常討好。🌸醬炸蘿蔔糕 $38半煎炸的蘿蔔糕，外脆內軟，上面放上XO醬，更添滋味。🌸日本甜蝦多士 $38外面灑上大量芝麻再炸，非常香口，如果配上蛋黃醬或沙律醬就更好。🌸韭菜鮮蝦腐皮卷 $38韭菜味不算太濃，怕韭菜味的朋友也不會太抗拒。🌸琥珀合桃 $20香脆可口不黏牙，吃不停口。🌸茶芥 $10位

「睿海御宴」名字改得有點雅意，位於樓上一樓，需要先付出努力方才有得吃！幸好沿路不會悶，兩旁牆壁畫上巨龍，每年中秋節，大坑舞火龍之百年習俗我知道。 到達用餐大廳，裝潢簡約，一幅字畫掛在牆，符合店名的形象；傳統中式飯店格局，設置海鮮魚缸，可與龍蝦互望，有三間貴賓房，打通可擺放兩圍。二人飯局點四餸，吃得豐富。 蒜蓉青瓜 $25這個餐前小吃是預設的芥，收費$25，爽脆口感，另茶位每人$20。 脆皮滷水五層肉 $108香口惹味是最貼切的形容，相比一般脆皮燒肉，皮脆肉嫩是標準，更添上鹹香，佐酒一流，但若然淨吃的話，不能多吃。黑松露海皇炒鮮奶 $268炒鮮奶主要為吃滑不留口之感，以蝦仁皮帶子切粒伴之是一般的做法，刻意添上一份黑松露香。 孜然鮑魚雞煲 $298香氣撲鼻，瓦煲熱力十足，所以鮑魚及雞件煎至微焦，很大鑊氣之感，調味豐富，大量青蔥正好添香吸香。 瑤柱扒豆苗 $238味道非常豐富的瑤柱芡汁，成功為豆苗提味。南瓜西米糖水最後贈送糖水，南瓜西米露，輕輕的甜味，材料煮至軟腍，唔錯。 剛才吃完，竟然遇到朋友亦來用膳，嚐了他們的煎蠔餅、五香卷及炸豬油渣各一口，看來福建菜式做法正宗，水準唔錯。大廚手法傳統，

又係喺附近做嘢，做到食晚飯時間，見到對面招牌「睿海御宴」好似新開，就決定來醫肚。一樓樓上店，環境舒適。我鍾意食香口野，即件即點脆皮滷水五層肉，皮脆肉嫩的燒肉，口感極好，再加上豬肉曾經滷水醃過，多咗一種鹹香，要來送酒或送飯都非常好。另一款惹味高級煲仔菜，孜然鮑魚雞煲，熱騰騰非常有鑊氣，上枱面前再炒一炒，香氣冒出，鮮鮑魚煎香好食好多，加埋孜然，更加帶出鮑魚的味道。炒咗碟菜，瑤柱扒豆苗味道豐富，瑤柱汁非常好味。

大坑有好多小店，大部分都係cafe為主，難得中午搵到間可以飲茶，而且門面有條氣勢磅礴嘅火龍，咁吸晴，唔打得都睇得，所以俾佢吸引左上去。同一般酒樓一樣，點心都係大路嘢，選擇都多。鮑魚燒賣好大粒，粒鮑魚響向上面，整件事變得好豪華。鮑魚爽口，蝦肉豬肉比例適中，彈牙爽口。黑松露帶子角炸得好脆，入面好足料，好重松露味。帶子好鮮細，比蝦膠更甜更鮮。韮菜鮮蝦腐皮卷，腐皮好薄好脆口，而且炸得好乾身，裡面蝦肉好多，韮菜嘅香味，鮮蝦嘅爽口，外脆内軟嘅口感，非常好味。鮑粒咸水角，啤梨嘅造型好得意，煙靭嘅煎堆皮，彈牙嘅鮑粒，juicy 嘅肉碎，雖然只係咸水角，但都睇得出廚師嘅功力。壓軸登場嘅係魚翅灌湯餃，原盅上，湯入面已經有好多魚翅。餃子好大隻，餃皮又薄又滑，入面好足料。湯頭好甜鮮，再加上餃子入面嘅肉汁，甜上加甜。想開胃少少就可以加入醋，增加味道層次感，食落無咁滯。

大坑中菜館睿海御宴大名頂頂，一直都係好評如潮，今日見識過之後真係要介紹比朋友知，餐廳以中國風為主調，滲透大坑文化，餐廳入口掛上一盞黃色大燈籠，樓梯壁畫系大坑舞火龍氣派十足又充滿特色。⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️️「是日餐點」👉🏽 蒜泥青瓜 💰25HKD一坐低，侍應就送上餐前小食碟蒜泥青瓜，口感清新，令人幾開胃 。👉🏽 泰國蝦膏煎腸粉💰68HKD上菜有效率🤣份量都幾足，不算油膩，腸粉煎得很好香口，面層有肉鬆，口感層次豐富👉🏽蝦餃皇💰32HKD一籠兩粒，大粒飽滿，蝦肉彈牙新鮮，推薦👉🏽鮑魚燒賣皇💰38HKD 賣相吸引，鮑魚軟冧，大大粒燒賣非常新鮮👉🏽魚翅灌湯餃💰88HKD名貴食材吖！賣相冇得輸！餡料豐富，非常新鮮滾熱辣📍 睿海御宴大坑浣紗街1-5號浣紗閣1樓（港鐵天后站B出口，步行約9分鐘）.

朋友介紹位於大坑浣紗街1-5號浣紗閣1樓有家私房菜睿海御宴，今晚前往一同試嚇。這是家中菜餐廳，由經驗豐富的大廚主理，供應高質的粵菜及私房菜，並按時節炮製傳統且別緻的佳餚。店內更繪上不同的龍騰牆畫，打卡一流。招牌菜黑松露奶黃炒鮮奶：奶白色的鮮奶上面有黑色的黑松露點綴，色澤靚麗，令我食慾大增，口感一流。黃金椒鹽豆腐：外層呈金黃色，外脆內嫩，豆香味濃郁，十分香口。老陳皮焗肉排：酸酸甜甜中帶有老陳皮果香，肉排肥瘦相夾，肉質軟腍，口感豐富而有層次。柚子明蝦球 ：大大隻明蝦炸成球狀，配有翠綠的西蘭花伴碟，買相十足，蝦肉彈牙，西蘭花爽口，色香味俱全。餐廳環境舒適，裝修雅致，鬧中取靜，是朋友相聚的理想場所。

今日又係去大坑搵好野食，今次係搵左間中菜館，位置好方便，如果揸車，門口就係咪錶位，泊好車就係餐廳門口。行過見到地上有個燈光標誌就係睿海御宴，上一層樓梯就到，條樓梯沿途裝修好特別，係風情畫，感受到餐廳老闆有用心裝修。黑松露海皇炒鮮奶送飯一流，炒鮮奶加上好濃味既黑松露，小朋友好鍾意食，而且入面有帶子同蝦做配料，相當足料。黃金椒鹽豆腐呢個係必食，好食過出面大排擋既味道同口感。老陳皮焗肉排我最怕一大塊用，呢個肉排係切開左一嚿嚿，適合女仔細細啖食，而且佢有陣陳皮嘅甜味，味道幾新穎。柚子明蝦球用左大蝦去做，大大隻蝦，出面個汁係用柚子去做，又唔會太甜，味道剛剛好。

𝗮 𝗽𝗹𝗲𝗮𝘀𝗮𝗻𝘁 𝘀𝘂𝗿𝗽𝗿𝗶𝘀𝗲 𝗳𝗿𝗼𝗺 @dynasty_cove ✨𝘁𝗵𝗶𝘀 𝗶𝘀 𝘁𝗵𝗲 𝗽𝗹𝗮𝗰𝗲 𝘁𝗼 𝘁𝗵𝗼𝘀𝗲 𝘄𝗵𝗼 𝗹𝗼𝘃𝗲 𝗮𝘂𝘁𝗵𝗲𝗻𝘁𝗶𝗰 𝗰𝗮𝗻𝘁𝗼𝗻𝗲𝘀𝗲 𝗰𝘂𝗶𝘀𝗶𝗻𝗲 𝗮𝗻𝗱 𝘄𝗼𝘂𝗹𝗱 𝗹𝗼𝘃𝗲 𝘁𝗼 𝗵𝗮𝘃𝗲 𝗮 𝗽𝗿𝗶𝘃𝗮𝘁𝗲 𝗱𝗶𝗻𝗶𝗻𝗴 𝗿𝗼𝗼𝗺! 𝘁𝗵𝗲 𝗵𝗶𝗴𝗵𝗹𝗶𝗴𝗵𝘁𝘀 𝘁𝗼 𝘂𝘀 𝘄𝗲𝗿𝗲 𝗯𝗮𝗸𝗲𝗱 𝗿𝗶𝗯𝘀 𝘄𝗶𝘁𝗵 𝗹𝗶𝗸𝗲 𝗴𝗹𝗮𝘇𝗲𝗱 𝗮𝗻𝗱 𝘀𝘁𝗲𝗮𝗺𝗲𝗱 𝘀𝘁𝗶𝗰𝗸𝘆 𝗿𝗶𝗰𝗲 𝘄𝗶𝘁𝗵 𝗴𝗿𝗲𝗲𝗻 𝗰𝗿𝗮𝗯😋.成日入大坑食嘢都無發現呢間高質中菜，餐廳唔大但見到有兩間房，應該都主要係做接booking～ 坐低無耐就上咗小食泡椒青瓜同芝麻合桃，兩樣都好食到未上菜已經清哂🤤 必叫餐廳招牌青檸檬焗肉排，以青檸蜜糖裹住炸至金黃嘅肉排，半肥瘦食落充滿豬油香更過癮，加埋酸酸甜甜嘅醬又係秒清！另外籠仔糯米蒸羔蟹都好推介，果陣蟹膏同荷葉嘅蒸氣完全就係秋天嘅味道，糯米飯熱辣辣索哂蟹肉香，而羔蟹除咗爆膏之餘仲好多肉添，師傅預先夾碎哂啲殼所以一蚊即開超方便，整體嚟講好推薦✨