Eden Rose Restaurant (Closed)

當日我用左tablemap訂位，可惜去到餐廳，餐廳話無記錄，而且佢地唔知有人用左呢個function. 好彩我一早 print 左 confirm 我既 email,另外，我立即用電話上網俾 tablemap confirm 我既email餐廳睇，最後擾攘左一輪，餐廳老細就俾左張二人枱我，不過當時係7:45分，而我就要9點還枱，由於當日星期五晚，相信處處都無位了，所以我就答應9 點還枱啦。後來安排入座後，侍應都好有禮貌招待我，不過，我就聽到老細不停叫其他人打電話去openrice 問過究竟，之後佢地仲問我攞左打印出黎果張 hard copy. 朋友到左，我地就點餐，點左"黑松露帶子意大利飯 " , "燒春雞" , 燴龍蝦雲吞" ,跟餐沙律( +30蚊) 黑松露帶子意大利飯 -- 好味燒春雞 -- 雞肉無味。朋友同我都對呢個菜比較失望 (如果餐廳老細見到呢個 post,我提意你去灣仔日街既Spoil試下佢地既燒春雞，我覺得果間係我食過比較好食既地方)燴龍蝦雲吞 -- 不過不失跟餐沙律 -- ok當我叫埋單時，餐廳老細過黎同我地打招呼並且講唔好意思，而且送左一客法式燉蛋同檸檬雪芭俾我朋友。

是晚又跟好朋友們試菜, 能夠一行五人一同吃, 一同傾, 時間也過得特別快, 也特別開心. 說的是來到Eden Rose的晚餐, 在此先要謝謝店方的邀請. 坦白講, 在同區內有不少相類似的店子, 那究竟這裡又有甚麼優勝之處能夠在同業中突圍而出呢?先講講環境, 是幾有情調, 燈光偏暗. 也因為如此, 是晚的照片效果不太好, 希望大家不要介意. 其實這個格局是相當適合大家前來慶祝生日, 週年紀念, 甚至是求婚, 是晚就有好幾檯客人在慶祝生日, 生日歌聲此起彼落. 至於我們, 坐在靠窗的位置, 看著銅鑼灣的夜景, 是幾迷人的.香草蒜蓉包: 8分, 先來的就是香草蒜蓉包, 又再說一次, 是很怕不夠熱甚至是冷冰冰的餐前麵包, 這裡的香草蒜蓉包就是熱辣辣, 焗得香脆, 帶點香草味, 有水準, 大家也忍不住連吃兩塊呢.香煎鵝肝多士: 7分, 先來的頭盤是香煎鵝肝多士, 鵝肝是煎得幾香脆的, 配上焦糖蘋果同吃, 但蘋果的切法令到兩者是幾難一同去吃, 也令到蘋果的功效減輕了, 不太能夠中和鵝肝的油膩感.原汁燴龍蝦雲吞: 6分, 另外一款頭盤就是原汁燴龍蝦雲吞, 或許大廚想有點突破或者特色, 於是這客rav

上週四五都是FHY齊人的日子，而happy friday的Eden Rose之約，除了老公連文迪也有出席（不過為食寶寶這晚就留家了），自然更加高興了! 特別當晚大家均沒趕回家的壓力，吃得超級愉快呢。　餐廳位於銅鑼灣SOGO旁邊永光商業大廈樓上，走的是高貴優雅、但價格親民的路線，當晚所見食客頗多，大家要吃真要先行訂位。當晚我與老公最先抵達，店方貼心的為孕媽媽送上熱水，還有2人份的前菜小吃---香草蒜蓉包。蒜包本身固之然是香脆可口，熱暖又吸引，而同上的蕃茄salsa又極得我心，除了蕃茄的清新還有點點黑醋香氣，那化學效果很迷人! 後來人齊店方再送上數客，最後每人都吃了兩件大件多士以上，可見其美味魔力。　 當晚大家主要試店方專心設計的Tasting menu（暫未定價，構想約是$450/位），首先頭盤是香煎鵝肝多士，就算單點也只$68並不貴，而鵝肝不很巨但頗為厚身，煎得香脆，配以精緻的焦糖蘋果，也挺吸引而且抵食。　另一頭盤是原汁燴龍蝦雲吞(散叫$88)，為減輕飽滯感廚師特意用上廣式雲吞皮，來包裹龍蝦肉膠，最後再加上龍蝦汁而成，心思令人讚賞，不過效果吃來又未如理想，我們大多還是喜歡傳統較厚皮的

做打工仔有時都幾煩惱, 物價年年上漲, 但人工又不見會年年加, 加上現今科技發達, 買個手機閒閒地又幾千, 還有那些生果幾星的產品一年出幾十樣, 荷包的錢真的不見得好好用. 所以有時拍拖想找家有情調一點的餐廳吃頓飯, 那些高級酒店的當然漂亮, 但動不動每位都要上千元, 除了慶祝日子, 那些實在不是常常可以去的地方. 不過最近得知這家位於鬧市的西餐廳環境有情調之餘晚餐更居然只是百多元一位上落, 絕對能合乎我們這些打工仔經濟原則!這家名叫EDEN ROSE的西餐廳, 中文意即是伊甸園的玫瑰, 單聽名字巳覺優雅. 餐廳去年12月才開業, 藏身在銅鑼灣鬧市中心的一棟商廈內, 地點不難找, 地鐵站B1出口往左手邊行幾步便到, 方便得很. 上到19樓推門進內, 內裡果然跟外邊完全2個樣, 整家餐廳燈光都偏暗一點, 枱頭吊著2盞華麗水晶燈, 而每枱都放了個精緻的小蠟燭杯, 透著微微的燭光, 果真滿有浪漫情調的!餐廳其實不算很大, 但地方寬敞, 椅子用上具華麗感而且寬闊的絲絨座椅, 就算是餐墊也不是平日看到那些求求其的紙墊, 而是用上有格調的籐墊, 由小至擺設到大至餐廳周圍都裝修得頗骨子, 絕不會因為

三月十二日(星期二)銅鑼灣食肆林立，不少餐廳更不想食客付的都交到業主手上，會選擇在商廈內開業是晩來的Eden Rose，是位於永光大廈十九廈，同一大廈內，便有大家較熟悉的Go Go Curry!餐廳開業只約三個月，主打意大利菜，全由擁豐富經驗的大廚親手設計及泡製雖然位於銅鑼灣心藏地帶，但因上樓關係，租金也便宜得多，定價是比附近的食肆相宜以晚餐為例，套餐包括沙律/餐湯，再配以主菜(漢堡/肉眼扒/野生虎蝦拼羊架等)，定價也只是百多元餐牌上食物款式不算很多，但也不算少餐廳也會定期更換菜色，讓客人品嚐到時令的意大利菜大廚每天都會到附近街巿選購海鮮，以確保食客吃到的都是最新鮮的環境方面，燈光幽暗，除了適合三五知己，最合意的莫過於情侶來撐枱腳裝潢也是以黑色為主調，配以柔和燈光及悠和的背景音樂，感覺高貴而舒適 先吃香草蒜蓉包包挺身的，外脆內鬆軟，蒜蓉也十分香口蒜蓉包更配以蕃茄粒，甜酸之間，清新又開胃來自法國的生蠔碰一碰黑色裙邊即有收縮反應，新鮮度十足入口感覺creamy，海水味濃郁，加上陣陣清甜感覺先吃片薄薄的原味生牛肉，質地軟腍，但牛味不算十分香濃醬汁由芥末子,橄欖,油乾蔥而製成配上帶微酸的特製醬

有訂位所以唔洗等雖然上菜比較慢(當晚full booking)不過服務員都好有禮貌好helpfulmenu換咗 選擇多咗 價錢亦比較平民化啲(當晚友人請大概每位200)推介:湯!他們的湯特好味!忌廉湯的磨菇味好香好濃口感亦一流!另友人的南瓜湯亦聽說不俗!有香橙的味道好特別!牛扒好juicy!肉質好lum好好味!友人的石斑魚就稍為遜色另外豬手聽說不俗甜點都是喜愛他們的chocolate parfait!煮熱了的朱古力淋上面然後中心會掉了下去!好得意好特別!第一次睇覺得好神奇!今次點了兩個有一個不成功有點失望...不過還是好吃的...如果不喜歡太甜就未必會喜歡,個人就十分愛另外友人的pineapple sorbet聽說不俗!賣相亦好!

老友食家接受到餐廳方面的邀請前來試食, 我同另一位食友又可以跟埋來啦, 呵呵, 我地今晚有口福喇~ 大廈位於銅鑼灣地鐵站出口, 非常易搵... 準時來到餐廳, 電梯一打開, WoW... 白色的牆壁, 黑色的壁報版, 紅色的絨布座椅, 格調簡潔鮮明而不失高貴優雅, I Like It... 餐廳新開張了不久, 壁報版上貼著剛出爐的剪報, 熱切期待今晚的晚餐呀... 餐廳入口放置了非常時尚的屏風, 還有閃耀奪目的水晶吊燈... 說實話, 不擋風的屏風是第一次見, 所以說它時尚囉... 令我聯想到電影中的太陽能電筒, 嘩咔咔咔...開放式的酒吧區, 讓人身心放鬆... 宮廷式絲絨梳化椅配襯黑色餐桌, 餐具經過精心擺設... 餐巾摺疊成水鳶尾(Iris)花型, 靚到唔捨得打開... 配埋Candle Light, 好浪漫呀... 桌上的酒杯仍未斟酒, 就已經開始半醉啦...環境浪漫之餘, 餐牌亦相當典雅, 簡約中展現出優雅的歐陸氣質... 是夜餐廳已為我地準備好4道菜的Tasting Menu, 另外店員極力推薦生牛肉他他... 現時餐牌是暫時沒有的, 是Fine Dining菜色, 有興趣

Eden Rose，不就是伊甸園中的玫瑰嗎？好一個美麗的名字。當這餐廳與我聯絡，邀約試食的時候，我已覺得這餐廳的名字挺特別，也滿有詩意。日前往訪，一試這兒的 Tasting Menu 後，更覺得這間地方雖不太大，但陳設華美，佈置不俗的西餐廳，無論食物的味道，以至餐廳經理的招呼，都令自己甚為滿意。即使不是試食，自己也很樂意再次到來，享用這兒的午或晚餐。來的時候是晚上，店中的燈光是較為昏暗的，但天花上的水晶燈與桌上的燭光，正好營造出一份較為浪漫的情調。而餐廳內的紅黑主調，也帶給人一個高貴的感覺。這兒的經理謝先生雖然在自己最初道出來意是約好了試食的時候，似乎有點兒錯愕，好像與餐廳另一位負責邀約試食的經理在溝通上有點兒誤會。但在查清楚後，卻令自己感到他是一位十分專業的經理，不僅對餐廳的菜式瞭如指掌，而且待客態度甚佳，既健談，又有禮，令自己十分欣賞。這晚的試食餐牌與正式的餐牌是有分別的，所有菜式都在 I Pad 中顯示，有夠特別的。切成長形奉客的「香草多士」是這夜晚餐中的第一道食物，也是第一個驚喜。這「香草多士」香脆可口，配上蕃茄沙沙之後，味道更佳，教自己在侍應詢問是否需要再來一客的時候，第一時

首先要感謝餐廳的邀請，是晚我和鬆弛兩個人一起來去試試這裡的歐陸菜。餐廳位於一座商業大廈之中，裝潢以黑紅色為主，掛著白色的水晶燈，頗有情調。負責人已經為我們安排好tasting menu，我們也樂得等著吃廚師的拿手菜式。香煎鵝肝配脆多士。煎鵝肝放在一塊小多士上，伴碟有一塊用焦糖煮過的青蘋果片，蘋果片中間是中空的，裡面插一些沙律菜，擺盤顯然是設計過。煎鵝有少許筋，並不嚴重，鬆弛很欣賞這裡的鵝肝煮得夠生，沒有浪費掉鵝肝的油脂香。青蘋果片上有脆脆的焦糖糖片，酸甜爽脆，不過可以切得薄一些，會比較容易配搭鵝肝同吃。原汁燴龍蝦雲吞。雲吞餡是用蝦肉與龍蝦肉混合再打成膠的，所以吃起來很彈牙，也有蝦和龍蝦的鮮味。雲吞皮沒有正宗的那麼厚身，薄薄的吃起來不會那麼粉那麼漏，配上濃郁的龍蝦汁，作為頭盤恰到好處。相當欣賞這裡的湯夠熱，因為西湯一向都不及中湯那般熱，但這裡的湯本身還有盛著的碗也是熱的，細節做得不錯。黑松露菌湯非常杰身，把大量蘑菇打成蓉，不過鬆弛說有少許苦澀味，我覺得還好，不過多加一些忌廉去煮或者會溫和一些，另外可以保留一些蘑菇的小顆粒，喝起上來口感會更好。龍蝦湯不會太澀，也有龍蝦的鮮味。主菜有三款，鬆

最近自己比較懶散，累積咗好多食評都未有時間寫，排名大大下跌之下都收到餐廳嘅試食邀請，真係滿心歡喜，在此多謝餐廳嘅邀請，今晚又係食家三人行出動，上星期先係銅鑼灣一齊試食完，今個星期又係銅鑼灣。雖然係星期二，不過剛好今日是驚螫，銅鑼灣好似多咗少少人。我們約在銅鑼灣地鐵站 B 出口，步行不夠 5 分鐘便找到該大廈，真係好方便。餐廳位於該大廈嘅 19 樓，升降機門一打開就看到餐廳嘅門口。黑色底，白色字嘅招牌名，加上紅色嘅絲絨櫈，簡單時尚嘅感覺。一進入餐廳，又好似去咗另一個世界咁，黑色嘅牆身，紅色嘅絲絨櫈，水晶燈嘅擺設，好有宮廷氣派，加上環境燈光柔和，氣氛也幾浪漫。餐廳為我們安排了試食餐牌，當中都包括咗餐廳嘅招牌菜。生牛肉片餐廳先奉上一客未推出嘅生牛肉片，配上蒜蓉等才料嘅特式醬汁。醬汁係放係一個圓筒內，再用一個大圓杯盛著，有啲似冰陣奶茶嘅感覺。由於老友食家唔食生牛肉，於是我哋兩個又瓜分咗呢碟生牛肉。生牛肉切得好薄，顏色鮮紅，脂肪不多，食起來很軟腍，入口即溶，再撈埋蒜香味濃嘅醬汁，真係幾開胃。香煎鵝肝配脆多士 (Foie Gras Toast)睇番 Full Menu，香煎鵝肝配脆多士一件係 $6

第1次寫食評! 多多包涵;)朋友幫我補祝生日...一行5人去左sogo附近既樓上餐廳.餐廳好易就搵到 地點都算方便 sogo行過去都唔駛5分鐘 再搭電梯到19樓.朋友講明Fine Dining, 確實令我有期待! 門口睇落唔錯: ) 入面環境 氣氛亦確實幾好(我去既時候係夜晚環境比較暗同有蠟燭所以情調幾好 都幾o岩情侶慶祝)不過唔記得影下個餐廳d環境...淨係掛住影之後d野食 haha其實係1個 4-course dinner: starter, soup, entree, 再加dessert, 包一杯飲品(coffee or tea or soft drinks)如果有興趣亦可以飲紅酒之類, 不過由於我唔好酒類所以朋友冇叫.前菜可以揀麵包配蕃茄salsa 或者 廚師精選頭盤. 我地另外仲點左煙三文魚凱撒沙律同芝士酥皮焗蟹肉.上: 煙三文魚凱撒沙律: 個樣好特別, 用左洋蔥圍住d菜 旁邊再放麵包同煙三文魚. 菜十分新鮮 不過個人就比較中意多d dressing 略嫌中間既菜唔夠dressing (dressing都o係外圍)..;D左下: 廚師精選頭盤: 左起龍蝦雲吞配龍蝦湯既汁, P