蛋哥 (Closed)

難得令你有窩心的服務，食物質素已屬其次了！哈！第一次包場食早餐坐位舒服，環境清潔，燈光光猛，最令人窩心的是那位男侍應的招待，就如我點的熱齋啡，他說要等10分鐘，他貼心的提出先給我一杯清水，太細心了！而且很有禮貌吃飽後，他還走來問問食物如何，令我感受到他們是願意接受別人意見，不斷進步的小店，還有一點令人食得舒服的是不會「監視」食客進食過程，一個開心的good morning, 蛋哥比到你！食物質素，不錯不錯，熱辣辣的番茄火腿通粉，湯味夠濃，通粉烚得剛剛好，最滿意的是上枱時夠熱。太陽蛋+烘多士， 太陽蛋賣相非常好，完整無缺，多士烘得金黃色，厚度適中。最令我驚喜是那杯熱齋啡，身穿粉紅色外套的我，竟遇上粉紅色咖啡杯，很有幸福感呢！是巧合還是侍應有留意呢？說回熱齋啡，味道香濃，沒有苦澀味，容易入口。食後感：價錢$38一個早餐，比同區的多$2-3，食物品質接受，一般簡單早餐，如果太難食，我相信都好快不存在了！現今早餐時段，想吸引食客的大概是服務吧！完全感受到蛋哥的用心對客，我會再光顧的，證明他們服務保持水準不變。

老闆及員工服務超好 。一開始覺得奶茶可加多少少奶，員工立即配合。老闆亦會上前關心食物資素。禮貌十足。食物方面也不錯，蛋好鮮好滑，蕃茄湯底夠濃，多士都好食。奶茶最後都沖得好好飲。餐牌方面都有好多選擇，中意食蛋嘅朋友仔就岩曬。環境十分衛生、簡潔舒服。哩個係我第一個食評，我食過咁多間餐廳從來唔留食評。係因為今次真係有賓至如歸嘅感覺。今時今日有咁嘅服務真係好難得！餐廳係工廠大廈第一層無咁起眼，估唔到會有驚喜。

之前叫到傳媒介紹觀塘新開的雞蛋主題的餐廳，就心癢癢的來試試，這家店不太好找，在沙爹王的旁邊。雞蛋鰻魚蛋看上去還不錯，配的是炒飯。飯量並不是很大，不過午餐的話也是足夠飽的。雞蛋煎的有水準，還有蛋液在上面。炒飯也夠味不油膩。鰻魚的話我覺得一般般，無功無過。涼瓜滑蛋牛肉飯因為想吃點蔬菜，就試了這個涼瓜滑蛋牛肉飯。這一道比較一般。蛋煎的好吃，但是白飯好硬，配雞蛋感覺有點單調。看到這家店的招牌菜之一是椒鹽豬扒飯，下次試一下。

喺openrice發現咗呢間餐廳，所以諗住去試下。 上網話lunch時間好多人，所以要事先book定位。 我哋專登早少少過去，入去嗰陣大約有三至四枱。 我叫咗佢哋出名鰻魚飯， 好快就上咗餐。 佢條鰻魚唔算好大條，但係睇落都燒得幾靚。 佢哋用雞蛋包住啲飯， 啲飯係炒過嚟，都幾大份。 佢個set仲有一隻雞蛋， 個蛋黃係liu過出黎，加咗啲紅色既材料再塞返入去(我自己唔係好食得出加咗啲咩落個蛋黃度)。 飲品我就叫咗佢哋杯薑蜜， 見到都有幾片薑係上面， 應該係真材實料。 大約到一點左右，就好多人要係出面排隊， 所以建議大家打嚟book定lunch time。

今朝同朋友三人行食早餐，其中一位叫常餐，我同另一位叫左餈飯，落單嗰位女仔話「餈飯要等耐少少」，唔緊要啦咁有啲餐廳即叫即整通常15-20分鐘走唔甩，於是ok左。過左5分鐘左右？常餐到左，我地記得餈飯要耐少少，就繼續等。結果過左30分鐘，都仲未有。（我朋友話遲過我地入黎既叫外賣女仔都一早拎齊野走埋）於是我朋友去追單，結果得到既答覆係「廚房冇飯」、「煲緊飯」之類，咁即係未開始整！？然後我朋友就嬲到即刻埋單+拉大隊走。我想反映一下：1. 如果餈飯既製作時間係需要30分鐘或者更長既話，希望可以喺menu上寫明，又或者職員落單時講明，因為真係唔可以用「耐少少」黎形容。2. 如果平時唔係咁，係咁啱冇哂飯要煲過，其實可以同客人講聲，等客人決定等唔等。我地唔介意等待，但介意過左30分鐘都冇人話我地知發生咩事，就算話假期，我地有的是時間，都唔代表要不明不白地等，如果朋友唔去追單，到底要等幾耐先知原來仲煲緊飯？希望只係我地黑仔既個別事件。

蛋炒得太dry， 完全冇流心嘅效果。份量都過少， 炒飯裏面只有幾粒雞肉同三片煙肉。絕對唔值呢個價錢， 試過一次唔會再嘗試。正正因為店舖名叫蛋哥， 所以對蛋嘅烹飪有很高嘅期望， 所以失望亦其大。

多數幫襯隔離間沙嗲，見有間新嘢係隔離，雖然外表唔算光鮮搶眼，今日貪新鮮試吓。2:00pm黎到，內裡好寬敞，算好坐。枱上menu大約有5-6款，少係咪等於精呢？叫個港式蛋包飯試吓先。有成3個蛋黃咁多！足料！真係包到整個飯！兩塊半塊嘅午餐肉就乾咗d, 不過都算ok. D尖尖飯都算ok, 飯煮得好食，證明個廚識煮嘢食。杯熱檸茶真係唔苦喎，好多茶餐廳都苦，佢唔苦，好嘢！D杯上都有店主個樣做logo , 好落本喎！成件事feel到有心經營，值得繼續支持！

今午到附近法院大樓辦事，累死人了。下午兩點左右，急著找東西吃。這裡附近餐廳不少，但已知不好的也不少，懊惱，可幸見一店新裝修，店員熱情招待，也好。裝修走小文青台灣風，名叫蛋哥，相信以蛋為主題。午餐高峰過後，人客就兩三台。餐牌不大，就數種，我也不點以蛋作主題，反倒點一個椒鹽豬扒飯，天口熱，要了凍齋啡走甜走冰。餐飲先上。少冰還是太凍了，其實我本來就不應該飲凍飲。咖啡貨式一般，偏重苦澀。用鐵杯上，增添了一種鐵銹味。所以一直不建議作餐廳飲品。椒鹽豬扒飯。豬扒厚薄均勻，現點現做。做法異於平常斬件上，而是原塊炸熟，灑上椒鹽，再淋上炸蒜椒蔥等。豬扒處理得好，味夠，鬆軟有肉香，多件是美國貨。調味也好，獨欠小菜鍋氣。煎蛋色澤橙紅，用的是湖北蛋。撈飯豉油也有較過，濃甜滋味。附上手做蛋捲，有心機。味也到家，不輸一田買到的。整體而言，中上餐廳。店員有心，有了解出品質素。要彈就是冷氣太凍，可考慮加裝冷氣擋風，始終不是寫字樓客，平時已太凍了。

上堂前先去觀塘醫肚，在工業中心閒逛了一陣，在店外看到大大個雞蛋標誌，見咁得意就入內用膳。平日早上大家都返工吧？差不多十一點半都沒有客人，如店員話齋，隨便坐。由於時間上介乎早餐與午餐之間，店員就問我食早餐還是午餐，仲細心講解有沙茶牛肉麵餐呢個神秘menu，作為牛肉嘅愛好者，當然二話不說就揀牛肉麵啦。稍等一下，咖啡就被端來了。正當我疑惑點解咁大杯之際，店員仲懷疑係咪寫錯飲品。咖啡偏向多奶，幸好仍有咖啡嘅香味。之後沙茶牛肉麵、炒蛋、多士都分別送上。以蛋做主打嘅餐廳，當然要好好品嚐一下其炒蛋啦。炒蛋滑溜又有蛋味，配多士認真好。可惜多士好像過烤了，有點硬。之後到吃牛肉麵了，店員提提我，撈勻醬料和公仔麵會無咁濃味及好食啲。牛肉都算腍身，可以一試嘅。環境寧靜，用膳後再坐一會吧。呢度俾我嘅感覺好舒服，可以好好放鬆一下。唔知到午飯時間嘅時候多唔多人呢？

話説我係蛋控，好鐘意食蛋既，近排又知道觀塘工業中心地下以蛋黎開餐廳🤝🤝即係主打食蛋架啦🤩🤩🤩唔係唔黎試下佢呀嘛😋😋😋店舖收每日既1800hrs星期六咁岩放半畫，所以就黎試試佢先🤩店舖樓底闊落，裝修簡約，木系舒服既感覺由於去到餐廳都四點幾，望下嗰下午茶menu，諗唔到食點既時候俾我見到另一個menu有招牌蛋捲同埋蛋治，一於就試哩兩樣啦，嗌左一杯凍奶茶同熱奶茶☕️同店主傾開計先知啲蛋用湖北蛋，因為炒出黎會橙黃色啲既。哩店既職員好有禮貌，態度好誠懇🤩🤩小店就有哩種好💋💋食物好快送到，奶茶茶底唔錯，熱飲仲好飲蛋治既炒蛋炒得好靚仔，啲蛋仲包住小小既蛋漿係我鐘意既。至於嗰蛋捲賣相好有台式既感覺，舖滿芝麻汁，咬落去有蕃茄，洋蔥同埋雞肉，不過當我切落啲雞度既時候，發現啲雞未全熟即刻通知店主，店主好好即刻幫我再整，雖然野食出左啲意外，但店員同店主既態度好好，加油呀小店💪💪💪💪

又到左happy Friday , 去左公司附近既《蛋哥》食個lunch, 最初睇到餐廳名以為係蛋黃🥚哥🤣🤣🤣 聽到個名就知最出名係食蛋啦，所以叫左個椒鹽豬扒飯$58配熱檸水，等左一陣就上菜啦，香噴噴既椒鹽豬扒同蛋香味，我要開動啦！😋😋😋 椒鹽豬扒好腍身，豬扒食落咬口十足，而且醃得夠惹味，食落有肉汁又唔會太乾，再將蛋黃篤開流入白飯中，超香蛋香味，格外份外滋味，算係誠意之作😋😋😋 再飲埋杯熱檸水，消化一下，再有動力番公司繼續工作☺️！ ******************如果大家中意我寫既食評📝，麻煩幫幫手禁個❤比我，我會搵更多正野既餐廳、寫更多食評比大家！😌😋******************

今日lunch一個人係觀塘搵野食, 見到一個二拉架有呢間蛋哥嘅menu, 飯餐好多款都以蛋為食材, 價錢又唔貴, 所以決定試一試。😄餐廳裝修簡潔明亮, 樓底高而且座位寬敞, 感覺舒適。店員服務懇切, 佢推介左午餐menu上面冇嘅一款滑蛋牛肉飯俾我, 連埋凍飲都係$49。😁滑蛋牛肉飯賣相好吸引, 滑蛋熟度剛剛好, 口感超軟滑, 牛肉肉味濃郁, 份量唔算好多, 白飯混入滑蛋同醬油, 非常惹味。加埋凍檸茶, 埋單$49, 性價比唔錯。👍

今朝趁有d時間，特登去試下同事所講傳說中的蛋哥，傳聞呢個新店味道十分好，也十分有創意雖然在毫不起眼的巷仔，但其實十分近地鐵站D2出口。8:15分，我終於到達了目的地！我睇左陣菜單，心大心細中，因為樣樣都想試最後我經十分用心和介紹的店員分析後，我決定了，我叫左個沙嗲牛常餐，配炒蛋凍奶茶，班尼迪克蛋沙嗲牛我大約等了3分鐘左右，我立馬試下先，炒蛋十分香，好味，沙嗲牛的味道也同市面大部分的沙嗲牛唔同，我唔識點形容，但好好味。奶茶也十分出色，夠香夠滑大約10分鐘度，班尼迪克蛋來了！一坐低時，店員也有十分親切的提示，因為怕班尼迪克蛋的製作時間，會影響到我的時間，幸好我今早比較得閒，入返正題！我試了第一口班尼迪克蛋，蛋味超香，烟肉配上有煎過的番茄，再加上上面的蛋和特調的醬汁，味道十分好，令人忍唔住一啖接一啖！轉眼間我已經清光了枱面上的沙嗲牛和班尼迪克蛋，不過真的十分飽，本身早餐一份沙嗲牛，我已經夠飽了，只是好好味，我忍唔住，最多lunch晏d先食我聽日都要再來試其他菜式家下香港好少何有餐廳，價錢適中，味道好味，最重要係店員服務態度十分好加油

好味喎！官塘返工見到有間新野食！主打蛋蛋仲開早市！早餐黎試下，無乜人識早餐有癡飯團、蛋餅等等新奇野唔洗日日沙嗲牛雖然佢都有。。。我叫左個牛油果碎蛋包，最愛牛油果等左5分鐘左右，正常呢d包係碎蛋沙律，加幾片牛油果響面，呢度掉轉，係牛油果醬，碎蛋做面，好突出蛋呢個主題！d蛋黃顏色比平時食o既橙黃，好有味牛油果醬好濃牛油果味！好好味！仲見到有果肉，加塊清新生菜個包似豬仔包，好脆！下次再試其他野～如果可以揀唔同國家o既蛋就好玩啦，一齊做試蛋員🤭

呢間店應該係我第一次寫食評，因遇上一間太有heart的小店，係附近番工，同事收到一張很特別的傳單所以吸引了我同佢注意，就搵左日去試下！第一次想去食 但去到門口見到佢地成班店員好失望咁，原來因遇上煤氣爐問題 ，炒飯類暫時做唔到。。。見到佢地咁既樣，之後又係附近見番其中一個店員，佢叫我地搵日再來呀！一定好快ok! 我地就再比機會佢地 搵第二日再到訪。第二次再試 店員很好👍🏻很有禮貌，又介紹食物，飯市我地比較早到 人流不算多所以可以同我地幾個人吹下水，食物貴精不貴多，價錢算合理，點既食物味道都很不錯👍🏻 餐具都用心撰過的。試同事撰的星洲炒米，很香好吃！我點了乾炒牛河，一樣炒得很好！有些餐會配上蒸蛋，好家庭式，不算滑但味道ok,注意呢個蛋不是日式的呀！整體來說 很好！新開店 希望佢地可以保持到呢個心去做，香港飲食很艱難呀！加油💪🏻