緣屋 札幌元袓蝦湯拉麵 (信德中心)

Open Now

Now Closed

事緣今日要過澳門玩，由於早咗去到信德中心又未食飯就周圍揾下有乜好食，見呢間拉麵店都大大間幾四正，人客又有唔少，估計味道應該都會唔錯，就入去試下。入到去先知呢間拉麵店來自北海道，仲曾經係橫濱拉麵比賽以蝦湯底得獎而一鳴驚人，小弟真係有眼不識泰山。知道餐廳由來後就立即拜讀Menu，見味噌蝦濃湯拉麵o既蝦味濃度係最高就點咗一碗，焦香醬油蝦濃湯拉麵o既圖片幾吸引又點咗一碗。另外，小食蝦多士同元祖蝦濃湯雲吞都唔錯，再點埋。兩碗拉麵一送上來已經有好香o既氣味，令人食指大動，蝦湯頭味道果真利害，完全有北海道o既風味，非常濃郁。而我更愛焦香醬油蝦濃湯拉麵，除了蝦味更有一股不能用言語形容o既焦香味好好飲。另外佢蝦多士都幾特別，好有茶餐廳o既風味，而且炸得薄身蝦膠又夠多，作為小食非常好。至於雲吞，完全吸收了蝦湯味，令蝦肉雲吞更鮮甜，係一個非常好的配搭。食咗咁多野都係2百幾蚊，呢餐真係非常滿足。

👁‍🗨味噌蝦濃湯拉麵 (7/10)💲 78叫左個人氣既味噌蝦濃湯拉麵，成碗野出到離好橙啡色😂未食就咁聞都已經聞倒有濃烈既蝦味，食落更加吾洗講，蝦味濃郁得很🤡裡面已經包左半隻溏心蛋同一塊叉燒，溏心蛋整得吾錯，蛋黃吾會話完全凝固，叉燒不肥不瘦，啲拉麵叫左正常，都已經算硬身，個人認為吾洗揀硬身拉麵，可能會太硬，但係個湯底始終幾濃味下，食到尾會覺得咸左些少，太濃味，食慣重口味既人會岩啲😬👁‍🗨煎蝦餃子💲38➰煎蝦餃子面頭有好多蝦仔，以為佢只係同平時既餃子一樣，只係面頭多左啲蝦，點知食落，佢入面都有少少橙色，即係用蝦肉一齊包既，感覺出面好少有，幾特別🔛 整體評分（7/10)

好多拉麵🍜店都有落場😅 見到信德呢間系直落就去試下先😋😋😋一入到舖頭已經嗅到好濃GE蝦味😚😍4個人 一人試一款麵 🥟🍜我就叫左蝦濃湯拉麵🍜真系好有蝦味個湯底不自覺地會飲下飲下就飲左好多🤣😂叫一個麵🍜會送一杯烏龍茶☕️或者+$6要原味梳打🥤朋友試左佢個味噌濃湯拉麵🍜即叫即炒ge味㬝令湯底更厚更濃郁 🤙🏻🤙🏻🤙🏻不過因為有味噌ge關係 好快有好溜ge感覺⚠️⚠️⚠️⚠️總括嚟講 值得一試呀湯底真系夠曬入味😘😘😋😋

日式拉麵係我其中一款好鍾意既野食～ 香港黎講最常見最多人認知既應該係豬骨湯拉麵，但其實近年黎都多左好多款式既拉麵店進軍香港市場！呢日同屋企人就去左食蝦湯拉麵😋😋 「緣屋 札幌元祖蝦湯拉麵」係上環信德中心，之前都有聽過朋友食過、味道唔錯💁🏻‍♀️蝦湯拉麵可以配以唔同base既湯底，味噌、醬油、鹽味。menu寫話味噌既個蝦味最重，而且「濃厚既蝦湯同味噌既味道十分相配，係最具人氣既必選item」，所以我就揀左味噌蝦濃湯拉麵🤗 屋企人就揀左火炙味噌蝦濃湯拉麵、再加多塊叉燒。我地另外再叫多個乳酪蝦多士share～2個拉麵首先到💁🏻‍♀️ 望落去除左多片叉燒之外好似一樣咁，但一飲個湯就知唔同喇！先講我既味噌蝦濃湯拉麵🍜 一飲啖湯真係有好香濃既蝦味！😍 好似好多隻蝦衝入我個口咁🦐🦐🦐 呢個濃蝦味除左係黎自湯底，仲有拉麵上既櫻花蝦～ 叉燒算大塊，味道口感都適中！拉麵係屬於粗既麵條，個人鍾意食硬麵所以揀要硬麵，滿意緣屋煮出黎既硬度👍🏻 至於屋企人既火炙味噌蝦濃湯拉麵，聞起上黎已經好香！偷左啖試，飲落的確多左陣稍為燒香過既味道，據menu所講係落左炒香左既蒜頭～ 屋企人都覺得個拉麵好味👍🏻另外就係個乳酪蝦多

緣鬼拉麵 💲78三文魚子蟹肉丼 💲108乳酪蝦多士 💲38✅ 緣鬼拉麵湯底比較稠身😗 而且麵質彈牙爽口🦷 ✅ 蝦多士上面鋪著乳酪醬🗻 酸酸甜甜 減少左炸物油膩既感覺😊✅ 丼飯有啖啖魚子同蟹肉💕💕💕 大滿足😭👅Taste：3.5/5💰CP值：3.5/5🙋🏻‍♂Service：3.5/5👁‍🗨Stylishness：3.5/5

緣屋 札幌元袓蝦湯拉麵 (上環)上環干諾道中168-200號信德中心2樓228-230號舖-----呢間創立係1998年 黎自北海道札幌嘅拉麵店係上環開左半年左右 佢地最出名嘅就係用甜蝦頭熬煮嘅蝦湯 豬骨湯底就食得多 蝦湯底係香港真係唔常見 所以吸引左B仔為佢獻出第一次食蝦湯拉麵嘅體驗😝-叉燒蝦濃湯拉麵（$98）以甜蝦頭熬製湯底係從日本直送過黎 飲落會先有一種濃郁嘅鹹香味 吞落去之後 再會感覺到陣陣鮮甜味 整體感覺比豬骨湯底濃味 中意重口味d 嘅朋友應該會愛上 拉麵較粗身 好煙韌 叉燒大大塊 肥瘦適中 非常嫩滑 索左d湯汁 食落有少少甜味 好出色 係成碗麵最精髓嘅地方-替玉（$18）由於上述嘅叉燒拉麵有成5大塊叉燒 如果叫兩碗 兩個人可能會食得有d膩 建議兩個人食的話 其實一個拉麵加個麵底夠食（一個人都仲食到2.5塊叉燒啊😂）-炸蝦餅（$35-2件）同泰式炸蝦餅差唔多味 質感幾扎實 ～-煎蝦餃子（$35-5隻）本來想試蝦乳酪多士 但店員話太好賣 已經賣曬😢所以就叫呢個煎蝦餃子 好彩餃子都好食 皮好薄 煎到有d呈冰花狀態 非常脆身 餡料有蝦 豬肉同蔥 簡簡單單 但調味不錯～值得一試-緣屋

夜晚同男朋友行完街想食拉麵，就黎呢間試下！我叫左辣味噌蝦濃湯拉麵，男朋友就叫左叉燒蝦濃湯拉麵。辣味噌湯可以簡辣度，我就簡左最少辣，對我黎講岩岩好！個湯好香好入味，如果鐘意食濃味既話呢個好正麵既軟硬岩岩好，叉燒都好大塊好淋身，忍唔住食哂成碗！男朋友果款就相對清淡d，不過好香蝦味仲有好多塊叉燒，塊塊都好大塊，正！我地仲叫左2款小食！和風芝士年糕，佢得2舊，同我想像既年糕幾唔同，好特別！ 好多芝士，如果鐘意芝士既話應該會好鐘意食～另一款係乳酪蝦多士，幾特別係甜甜地！值得一試～Overall都幾好食，下次試下其他拉麵

星期日送響澳門做嘢嘅朋友返去，臨走前一齊食個late lunch, 見到一間裝潢幾日本地道嘅拉麵餐館，就被佢吸引左入去。食嘢嘅時侯上日本札幌本店嘅網睇，原來最出名嘅係🦐蝦湯底。店員都跟足日本店，一聲いらっしゃいませ歡迎你。入坐後開始睇menu。佢地大部分都係拉麵，另外亦有牛肉丼及小食。我地叫左兩個蝦湯底拉麵，一個要味噌mix一個要塩mix. 另外加一個🦐蝦湯底雲吞同烏龍茶。蝦湯底雲吞🦐 有四粒，㓎響蝦湯內嘅雲吞食起多左一分鮮味。蝦湯底拉麵🍜賣相非常好，有叉燒、蛋、燒過既粟米芯同埋大量櫻花蝦米🤗一口食落去蝦味散發到成個口腔，朋友嘅味噌湯拉麵蝦味更濃。麵底可揀硬、適中或軟，個人認為適中啱啱好。而麵條本身係北海道派，蛋味較重及粗身。叉燒、流心蛋皆美味，如果分量多啲就好😆走之前店員會一聲ありがとうございます😊appreciate 跟足日本店做法。

大食妹平時少食拉面，今日約左朋友仔系上環食飯，朋友仔提議試下信德呢間新開的拉面，大食妹恭敬不如從命，即管試下喇朋友仔系上環返工，佢話平時lunch 經過都好想試，但系開左幾個月都仲日日大排長龍，lunch 時間有限食唔到，睇黎緣屋的魔力真系沒法擋臺上面有唔同的調味料，大家可以跟據自己的口味加番唔同的調味粉一個人食可以簡單排位，裝修一點都唔hea ，好有日式feel 大食妹同朋友仔每人嗌左個拉面，再加多個小食share <醬油蝦濃湯拉麵$75>大食妹嗌左個醬油蝦濃湯拉面，加多左飯味蛋 賣相好吸引，一見到橙紅色的湯底已經感受到蝦味濃 先飲一淡湯，蝦味超濃，飲得出系由好多蝦仔淆成，湯面薄薄一層油脂相信系醬油香噴噴叉燒半肥瘦，好淋好味，味蛋甜甜地好流心<火灸味噌蝦濃湯拉麵$88>朋友點的火灸味噌蝦濃湯湯底比食妹點的醬油味多左陣焦香味，大食妹試左淡火灸湯底，即刻心心眼 焦香味有少少甜味，好香好好味，下次大食好一定會嗌呢個湯底朋友仔加多左塊叉燒，一樣肥瘦均勻好淋身，正<和風芝士年糕$30>呢兩舊睇落好飲蘑菇的物體其實系芝士年榚，大食妹誠諗推介平時食開

週末同男朋友諗住去上環行吓街，但又未諗到食晏食啲乜嘢🤔🤔🤔搭巴士喺港澳碼頭落😌就諗住喺順德中心搵啲嘢食下先😎😎就俾我哋見到呢間蝦湯拉麵👏🏻👏🏻好似幾好味就入咗去試吓啦！呢間拉麵店主打嘅真係剩係得個蝦😍😍😍無論係拉麵嘅湯，定係小食，都係以蝦為主題😍😍😍鍾意食蝦嘅朋友千祈唔好錯過♥️♥️♥️今次叫咗兩碗蝦湯拉麵，同埋一個蝦多士👍🏻因為係下午茶餐嘅關係，所以每人送多一杯凍烏龍茶添🙆🏻🙆🏻🙆🏻🙆🏻先講講下多士，真係有原隻大蝦係度😍😍😍可惜嘅係上面冇乜醬汁🤔🤔如果多番少少就會更加好😏😏叫拉麵嘅時候同大部份日本拉麵店一樣，都可以選擇面嘅軟硬度，湯嘅濃度等等，方便大家選擇比自己最啱自己口味嘅拉麵👍🏻👍🏻我叫咗焦香醬油蝦濃湯拉麵，😎首先第一口食落去，就有好濃烈嘅燒過嘅蝦嘅味道😍😍😍果然名不虛傳😍😍😍個湯濃度10分好👍🏻👍🏻男朋友就叫咗味噌叉燒蝦濃湯拉麵😎😎叉燒嘅質素唔使講真係幾好味😍😍😍半肥瘦唔會太多肥膏😬😬而呢一個湯底同我講一碗嘅分別就係,呢個係鮮蝦味!!!個人覺得呢碗味道更加好!!!信德中心唔算多嘢食,呢一間都可以一試👍🏻👍🏻

一直未試過蝦湯拉麵，今次就嚟咗上環呢間拉麵店試吓~入去見到環境都幾闊落，位置都坐得幾舒服，侍應都幾熱情~見到蝦湯拉麵嘅選擇都幾多下，就揀咗一碗蝦湯拉麵同一碗原味拉麵比較下~火炙味增蝦濃湯拉麵蝦湯味好濃，而且有一啲細蝦仔調味，撈埋一齊食覺得個湯底更加濃郁可口~叉燒都好大塊，不過貪心嘅我哋就加多左$10要多塊叉燒，不過其他拉麵嘅配料都幾多，有半熟糖心蛋，蔥同埋荀等等，去到最尾真係好想叫一碗飯撈埋啲湯底一齊食🤤緣屋原味味增拉麵都有好濃嘅味噌香味，拉麵可以自由選擇硬度，個人認為正常硬度比較彈牙~配料大致上同蝦湯拉麵差不多，但係個湯底就會係更濃嘅味增味道。最尾叫咗份小食-乳酪蝦多士，蝦多士啱啱炸起夠香脆，食食到粒粒蝦，可能因為加咗乳酪食到淡淡嘅甜味，味道也不錯~價錢都尚算合理，下次有機會再嚟試吓其他蝦湯拉麵~

大家都吃厭了坊間的豬骨湯拉麵嗎？不妨試一試蝦湯底，濃郁香醇的蝦湯，絕對會為你帶來驚喜👍🏻😋1️⃣醬油蝦濃湯拉麵$75🦐🦐，湯底充滿醬油蝦味，配上櫻花蝦乾及紫菜碎，令整碗拉麵的鮮味更濃。拉麵的叉燒份量較少，但叉燒肥瘦肉分佈平均，肉質頗嫩。👍🏻👍🏻😋😋2️⃣辣味噌蝦濃湯拉麵$88🦐🦐，呢款拉麵是用肉碎代替叉燒，湯底多了好多辣油，所以比普通的蝦濃湯油膩。而且加左辣後比較咸，完全掩蓋了蝦湯的鮮味。唔係唔好食，但我唔會再食🤣🤔🤔🤣🤣3️⃣一口牛油玉米餅🍘$28，幾好味，好似粟米濃湯小薯餅咁，會再食！🌽4️⃣🦐煎蝦餃子🥟$30，一款好值得食的小食，整隻餃子充滿蝦肉，上面鋪滿小櫻花蝦，係一款好正嘅日式蝦餃👍🏻👍🏻👍🏻/Ps 店員仲俾咗圍裙同橡筋我，好貼心💕服務我俾100000分！

#味噌蝦濃湯拉麵 $78 #焦香醬油蝦濃湯拉麵 $85  甜蝦頭熬煮湯底 醬油蝦濃湯拉麵，朋友就叫左味噌叉燒蝦濃湯拉麵 可以選麵硬度 硬麵剛剛好 最重要係粗麵好有口感 彈牙 有一片半肥瘦叉燒 比較薄身😆 味噌同蝦味道比較襯 甜蝦味道更加突出濃郁 反而醬油濃湯 醬油味搶d 特別在於 配料有炒香既木耳 大蔥 豬腩肉粒 而且附上薑蓉 相對地  焦香醬油 比較油膩  #🥟煎蝦餃子 $35 餃子皮薄身香脆 肉餡脂肪比例均勻唔油膩 肉質滑嫩 咬落去有肉汁🤤  不過呢 蝦係指表面嘅櫻花蝦乾  Yum: 🤙🏻🤙🏻🤙🏻🤙🏻🤙🏻/5 Revisit:😉😉😉😉😉/5 Price: $120/head ———————————————— 💡 緣屋 札幌元袓蝦湯拉麵  上環干諾道中168-200號信德中心2樓228-230號舖 ————————————————

W喜歡吃拉麵，差不多所有拉麵店都有過她的足跡。P ：我帶妳食最濃湯嘅拉麵？W ：喺邊㗎？P ：無論有幾遠，都阻擋唔到我。W甜甜地笑笑。W ：蝦啊！係蝦湯拉麵啊？！P ：妳唔鍾意咩？W ：唔係啊！不過蝦湯好難整㗎，一係就會好鹹，一係就得腥味。你試過呢間？肯定好食？P ：冇試過㗎，而家同妳一齊試下囉～不過妳放心，我做晒research 㗎啦，呢間嘢由北海道開到來香港，應該差極都有個譜嘅。W ：好啊！咁就食呢間啦～經過一輪等待，等待美食的時間好像特別漫長，終於過了很多很多秒，佢哋終於入座啦！W ：好開心啊，食拉麵！P ：快啲睇下想食咩。（同時窩心地打開menu）W ：原來唔係得蝦湯拉麵㗎，仲可以有飯食！你使唔使食飯？男人食拉麵好似會唔會唔夠飽㗎？P ：點會呢？我要陪妳一齊食㗎嘛～咁先知道個湯底係咪真係咁濃㗎！W : 咁我哋揀兩款拉麵？⋯⋯er⋯⋯我覺得辣味噌蝦湯拉麵應該惹味啲，不如食呢款囉？P ：妳喜歡就得啦！咁我食鹽味啦！可以試唔同口味？！⋯⋯嘻嘻，不如一齊食個雲吞？日式㗎～W ：哦！好呀！兩個愉快的人兒拿起筆開始在order紙上剔order。W ：好好味啊！啲蝦湯唔會好鹹喔，仲好鮮甜𠻹！

一去澳門就會諗起喺信德中心食嘢等上船，今次介紹入邊其中一間餐廳。( ´▽` )ﾉ緣屋以蝦做主打，以甜蝦頭的湯頭混入秘制湯底,成為日本首創的特色濃蝦湯拉麵。今次叫咗「味增湯蝦濃湯拉麵」，先講湯底，的確超濃蝦味，係會令人飲完一啖又一啖。叉燒薄得黎好林好有叉燒味，至於麵質夠煙un彈牙！(●°u°●)​ 」.另外仲叫咗兩個小食，「日式蝦多士」ʕ •ᴥ•ʔ蝦多士足料，炸到下面塊麵包好鬆脆，不過食兩塊我已經有少少飽飽哋。同「一口牛油粟米餅」。佢炸咗入面係栗米湯，凍咗無咁好食，建議一上菜就要即食！.計埋鋪面乾淨，坐得舒服加店員幾好禮貌，總括係nice嘅！