日熹樓 (Closed)

第一次寫食評👎平時見到朋友搞生日宴有留意過呢間早餐廳影相放一百碟講真幾吸引 但去完一次之後 真係中伏咁我地就叫左一百樣野食果個餐 $46xx總共有十幾個人左右啦一開始見佢慢慢上冷盤醉雞好重酒味 好難食 然後果個咩雞軟骨先係重點 食完都唔知係雞軟骨 炸粉太多食唔出係咩黎 成碟辣椒先三四粒雞軟骨 雞丁又切到好細粒 好啦 咁中意食水煮菜既人應該好期待 重點菜分別有水煮豬 牛 羊 本身食左好多冷盤 但熱食黎到唔太熱 水煮只有辣味 但唔吸引 三樣肉類都好普通咁好啦 最後等到黎水餃和甜品一樣上菜水餃好普通 煎餅和什麼菜包 好難食 皮很厚最後最難食的是甜品南瓜糕🎃外皮沒味道 你試完之後會知道係點差法埋單雖然有85折 十幾個人 每人都320蚊呢個價錢吃這麼品質既食物真心不值如果你純粹想影相 不介意難吃 可以試一試

公司係呢間餐廳舉行活動，一入到房間食物已準備好。冷盤睇落好似好多款，其實好多都係重複😒味道真係好一般，有啲失望。到主菜我哋叫咗水煮魚，蔥爆牛肉，糖醋排骨等，呢幾款主菜根本就唔係嗰回事。我真係未見過水煮魚係辣汁同埋魚分開上😭。員工服務OK，但係食物必須要改善，如果唔係好難喺香港競爭。

日熹樓出名在佢個百味菜宴，100樣餸盛惠4888，咁我就梗係食唔起啦，亦都唔夠人腳食，就咁食個晚飯小試牛刀先。醉雞不過不失啦，有酒味，雞肉夠實有咬口，雞皮唔肥，但係比起唐宮小聚嘅醉雞，尚有距離。四色小籠包係全晚水準最高嘅，有茴香，孜然，原味同埋唔記得咗四隻味，好食在於皮薄肉汁豐富餡料新鮮之外，呢啲茴香，孜然同埋唔記得咗唔會太過濃味，唔會喧賓奪主，值得一讚。至於冇鑊氣嘅清炒河蝦仁，其實係好新鮮彈牙，味道適中。睇落好似細細兜，其實份量亦都好夠，可惜身為一碟炒餸，佢係完全冇鑊氣。喺呢方面表現緊貼蝦仁嘅蔥爆羊肉，肉質其實亦都唔差，食落亦都頗為惹味，可惜亦都係完全冇鑊氣。最後碟炒年糕亦都有心爭奪全晚最冇鑊氣嘅寶座，本身上海年糕係有分現成切定同埋餐廳自己切兩款嘅，後者會彈牙啲立體啲好食啲，而呢度本來係屬於後者，但係好遺憾地喺全晚最冇鑊氣比賽入面三碟參賽者係打和啦super。

第一次係openrice寫食評，因為食得非常嬲。日熹樓係openrice上面有吾少好評，本以為都有幾好既質素，但實際令我好失望。平心而論，瑤柱蛋白炒飯$98，四喜烤麩$48，生煎包既$58 味道都吾錯 （但都size比較小），但係一道辣子雞$198真係食到一肚火，令我忍吾住出食評。再認真睇返其他評論，都見到有類似既情況： 睇圖會覺得個份量ok, 但其實佢全部都係辣椒甘滯，雞肉同骨既比例大約係2:8, 全程都食緊炸皮同軟骨甘，少得可憐既肉連指頭大都無，個經理仲夠膽同的講個度有半隻雞既份量！$198正係食啲雞骨，真係好嬲！好似食緊廚餘甘！我有照俾錢，不過感覺我俾既意見距地只會當耳邊風，聽完就算，所以忍吾住開post！請間餐廳正視同改善問題！其實其他食物吾差，吾明白點解道辣子雞甘無誠意，搵笨！

早前同朋友去試吓新潮派嘅中菜其實呢間餐廳，我唔知佢應該係北京菜還是上海菜因為樣樣都有啲。以前本人唔太喜歡去酒樓食嘢因為覺得好嘈環境好差，但近年香港社會已不再守舊了。我哋訂了位早段食，一出lift原來我哋是當晩第一位客人所以坐得比較舒服一啲都唔嘈。check完個toilet 後就點了日熹signature cocktail 可能唔係咁啱本人口味覺得麻麻地食物做得非常好比想像中滿意小籠包然後有蜜汁火方再有老北京牛肉卷之後仲有碗羊肉麵，好飽喔！牛肉卷我會俾個讚佢因為材料好豐富

🌶️一開始係俾水煮既圖吸引左先叫呢味，有豬魚牛羊雞菇，選左魚、雞、菇，但真係睇少左佢，好鬼辣，辣多過麻，唔合格，而且班片同水煮既味一啲都唔夾，好失望。🍲津白煲可以照顧唔食得辣既朋友，內有粉絲，清清地。🐉四色小籠包，皮算薄豬肉餡，有唔同味道 。❌生煎包底好硬，不推介。🐖外婆紅燒肉， 五塊肉煮得啱啱好夠淋， 連埋肥肉食好甘香， 筍甜甜地幾入未。🐂 牛肉捲啱曬芫荽控，入有蔥洋蔥，即使有肉都好清新。🥄 四喜烤麩， 唔會太淋唔會太硬口感啱啱好又入味。🥄 雞絲粉皮，都係正正常常但分量好少。🥄 黃金魚粒薑米炒飯，食唔到魚粒但食到鹹蛋黃。 ➡️呢度嘅小菜好味過主菜，定係我唔識嗌🤷 。........#hkfood #hkfoodblogger #hkfoodreview #hkig #hkfoodie #foodstagram #eatstagram #foodie #foodblog #foodig #instafoodie #foodporn #foodreview #foodhunt  #travelhk #eatlife #life #taste #먹방 #맛집 #맛 #홍콩  #comida #

為慶祝家中長輩60大壽，特別安排別創一格的新派中菜 - 《日熹樓之百碟宴》！😀百碟宴，故名思義就是有100碟，份量如tapas的菜式，感覺像一個迷你版滿漢全席，喜歡「相機食先」的朋友，一定興奮萬分！📷😁有關菜式方面，雖說是100碟，但種類只有44款，不過已經可以嚐盡這裡的招牌餸菜！😋個人最愛的菜式是黃金蝦、糖醋魚、水煮魚、賽螃蟹⋯為何會越寫越多，皆因每款味道一流，未能一一盡錄！😋👍🏻😆特別要寫的是甜品！原來老闆是西環中式糖水老字號「源記」的女兒，所以甜品也繼承源記一樣的味道，絕不能錯過！😉最後，要感激老闆，知道是晩飯是慶祝大壽，他們十分有心思的送上特大壽包！正如餐廳中旨，每一道餸菜，包括壽包，也是食香味俱全！💯若然要找一間具創意中菜，《日熹樓百碟宴》必定帶給難忘的體驗！🙂

行完sogo 的亞洲食品節想醫肚，男友便帶我來食，他極力推薦，特別是中式烈酒的cocktail.叫了擔擔麵，花生醬同辣油的比例剛剛好，肉碎索到啲汁係錦上添花。叫了，小籠包，皮夠薄，咬落爆汁，十分滋味。清炒蝦仁，大熱天時食都幾開胃，不過如轉做龍井蝦仁會更惹味。叫了兩杯cocktail,叫攻同守，攻係有花雕成份，都幾有特色，守則係有tequila同青瓜，十分清涼。如果cocktail menu 有中文就好啦。同場有人叫百小厚，幾十碟餸鋪滿桌面十分壯觀。

這晚天氣十分寒冷，入到餐廳逢上熱茶招呼，侍應服務都很不錯。整體食物質素都很不錯，不過並沒有哪道菜特別能留下深刻的印象，價錢比想像中合理，餐廳裝潢也很有特色，是和朋友們聚餐的好選擇

這頓兩人晚餐叫了六款食物，有前菜、有肉、有主食、有菜、有包點，只兩人進餐來說是過份的多，但因對這間食店有點期待，所以有些失去理智地點菜。心想食不完可帶回家，最終我們是有失望感而完成這頓晚餐。在餐廳裝修及員工禮貌的角度來說，是滿意及好評，但食物質素真有待改善。首先，食物出菜前後不是跟先前菜後主食，叫了6款食物居然第一樣出是川鹵麵，叫了前菜薰蛋亦居然是跟鴨最後送上。奇怪到一個點！次序不適當亦其次，最可惜的是味道不合格的兩款食物是一開始送到。失望感隨即出現。川鹵麵湯底很稀很淡很油，是一碗沒有味道的湯麵，料也不太有味，100分滿分我只會比30分。一碗兩人分也剩一半沒能完成。另一樣確實難食的是蕃茄蛋餃（即叫即做），6隻只食了2隻，這些蛋是有一股非常濃郁的油益味，真的吞不下。作為惜食的我，今天浪費了食物很不高興。其他的食物是可以的，但因是後來，先食了不合格的再食可以的，食慾減了很多，無心情刻意品嚐。全餐我只會推介香酥鴨。鴨賣相看似很乾，但其實皮脆肉有汁的。老北京牛肉卷餅

杜老誌道一向都非常熱鬧，群策大廈近年更是閃閃生輝，誰知十年後會在這裏重遇你，我帶著戰戰兢兢的心情和你吃一餐消夜晚飯。我本身少吃中餐，何況是京菜呢⋯⋯看着厚厚的餐牌簡直花多眼亂，今晚一於由你發板，為我點了些特色美食。荔枝米酒＄108 ，五香薰蛋每隻＄28，雞絲粉皮＄58，京派冰鎮鮑魚＄78，日熹灌湯四色小籠包＄58，蜜汁火方＄118，碧綠萵筍絲＄58，宋嫂魚羹＄38，桑寄生茶＄28。這間餐廳最吸引我的是這個大吧枱，可以為客人會調教特色飲品，酒保特別為我調教了一杯名叫”和”的荔枝米酒。首先兩隻五香薰蛋先上枱，中間橙黃色的溏心色澤光亮，蛋黃會呈半凝固，一口咬開除了有濃郁的煙香味外，還有美味的酒香，入口醇香美味。雞絲粉皮味道也不錯，粉皮口感順滑，雞肉撕得幼細，和青瓜絲沾有淡淡的麻油香，再配合芝麻醬，簡單好味。京派冰鎮鮑魚被切成一小片，煙韌有咬口，帶有微微酒香，感覺很清新。日熹灌湯四色小籠包外表非常吸引，皮不算薄未算通透，但咬開汁濃肉香，可惜四色的皮味道不算突出，未能清楚分辨四種不同的特色。蜜汁火方這道菜，其實是用蜜汁浸金華火腿，再用饅頭皮包着一起吃。金華火腿瘦的部分肉質酥鬆，肥的部分入口即融。

日熹樓用西方 Tapas 小碟形式，精心製作京川滬經典菜式，尤其適合多人分享，獨創「百碟宴」，配上紅白酒、啤酒或雞尾酒，意念創新，價錢合理。一行十多人到來日熹樓，先來多款涼菜，薰蛋煙燻味幽香，溏心度剛好，加了蟹籽增加口感。涼拌海蜇爽口，七里香醉乳鴿賣相靚，但我認為醉香味道不及醉雞。 宮保蝦球辣度夠，蔥油雞嫩滑，蔥爆羊肉、回鍋肉、雪菜毛豆百頁及碧綠的炒窩筍絲也有水準，醬茶鴨則一般，或許因為冰鮮鴨鴨味遜色有所影響。 菜肉末配叉子燒餅是我其中至愛，肉末不會死鹹而餅做得新鮮脆口，灌湯小籠包及生煎包也充滿湯汁，最後麵食點了羊肉麵及排骨上海粗炒，味道一樣好。 甜點選了足料芝麻卷及荸薺餅，以馬蹄、椰絲、花生及奶黃作內餡，像煎堆的外型十分討好。 老闆是源記第二代，日熹樓順理成章供應馳名糖水，六款糖水包括桑寄生蓮子蛋茶，陳皮紅豆沙，陳皮綠豆沙，杏仁糊，芝麻糊，核桃糊，用祖傳秘方烹調而成的，一定有款合你心意，好滿足。

話說定期每隔三幾個月，我都會搵班舊同事食飯，不過今次已經係講緊隔左半年都有，先搞到今次嘅飯局，其中一位老細就提議灣仔日熹樓，係上海，京府菜而話晒大家返工都喺港島區，揀番灣仔都方便一點。上openrice睇睇，原來有得網上book枱，二話不說我就爭住做呢樣野，(可以儲積分)6:45pm左右，我就已經到步，起初以為喺後街，點知行行下就見到幢大廈，搭lift上4樓就到，都唔算難搵上到去，大概因為時間尚早，只有一枱客 (都10幾人)，見環境都唔錯，幾寧靜舒服，店員安排座位後就坐低，茶就叫左菊花同香片轉個頭，大家都已經陸續到達，就諗下食乜，(一致認為交比提議去呢間餐廳嘅個位老細去決定)一口氣叫左好多款菜式，當中我最鍾意有幾款，燻蛋做得好出色，流心蛋嘅形態，上面有少少蟹子或蝦子，好別緻，食落亦好有煙燻過嘅味道生煎包係另一樣我嘅喜愛，最緊要係夠熱，事實的確係，碟生煎包 有枝旗仔寫住"小心燙口"，溫馨提示值得一讚另外，店員將醉乳鴿放上枱個一下，有一下驚訝，見佢砌得好靚，將乳鴿肉整到好似羽毛咁樣好仔細，利害 !最後都叫左甜品，杏仁露食得出係自己磨嘅，而非買番黎溝下水咁，杏仁味幾濃整體而言食物不錯，但每碟

一早打去訂位點知唔係好多人冇叫百碟宴因爲得四個人叫咗個水煮魚辣到痴線個侍應仲要同我地講唔夠辣可以叫佢再比辣椒另上之後帶咗個生煎包有湯寫明話會好熱係幾好飲嘅啲湯係個包入邊但係個皮有點厚炒年糕再唔好食但係最多人食因為得佢唔辣

朋友仔喺whatsapp group 吹雞話想去試「百碟宴」唔夠腳，結果就join埋去。friend lung friend結果有11人出席。一去到見到中間有張大圓檯好明顯就係reserve咁比我哋😜喺等食嗰陣搵張menu睇睇原來唔係100味餸係50味分2碟上呀waiter哥哥同姐姐都幾搞笑話由於擺唔晒所以第一次先擺好66碟靚靚咁比大家影張相先仲話嚟食無非都係為咗張相呃like🤣食完第一輪就會combine食剩嗰啲碟再上埋其餘嗰啲最後當然係食剩打包返歸啦50味好難逐一品評Overall嚟講食物質素唔差 雖則未至於特別好味但假於約到一大棚人(14人最好)而又肯洗吓錢都不失為一個有趣難忘嘅飲食體驗