Explore Kitchen (Closed)

地點上嚟講都好方便，油麻地A2出行幾分鐘就係了。假日Lunch Menu比平日比較貴一點點，不過款式都算多。可惜嘅係需要加一！環境都幾舒服，多採自然光同多窗，可以懶洋洋咁享受個午餐！我點嘅巴馬火腿早餐配咖啡，佢每樣嘢味道都唔錯，而佢個火腿同茄汁豆帶啲咸味，令到個餐味道都幾均勻。我自己好喜歡食All-Day-Breakfast，因為每樣都有啲！朋友嘅兩個扒餐，賣相都不錯，而且份量都算夠，所以都食得夠飽！總括嚟講，繼續支持黃色經濟圈！

普通過普遍嘅餐廳，服務唔好，咖啡店壞機無咖啡飲，普通bb櫈都無。。😔我覺得可一不可再！絕對有大把更好嘅餐廳！完全無味嘅意粉，料好少。。我地狂加黑椒先食很落口！我地但個個都話屋企煮仲好！炸生蠔意大利飯，相對叫okay，都好重菇味同忌廉，但炸物粉漿太厚，而飯都太渣杰！炭燒安格斯，好食！煮到啱啱好！無血水！沙律正常！不過算細兜！同無乜醬汁！牛扒太多血！🥶🥶🥶同埋好多肥豪膏！點解可以衰到咁！太差！

叫佢攞幾隻碟，態度好似欠咗佢咁然後有三杯飲品好耐都未到，催第一次嗰陣有個女人黑晒面話拎緊出嚟。等左10分鐘之後都仲未拎到，然後催第二次，佢又話拎緊出嚟，完全唔明點解拎左10分鐘都未拎到。如果真係未整好，咪同客人講幫你跟跟囉，重點係佢全程黑面，好似殺咗佢全家咁。當時有一半場係比一大班包左食聖誕餐，我同朋友都留意到佢對個堆人態度反而好好，對其他人就好差。有客人啱啱到想拎位，個女人一句冇枱啦，就打發啲客人，但明明就有好多空枱，又冇同客人解釋啲枱係已經俾人book咗，又得個客人好迷惘咁企喺度等，feel 到個客人都對個女人態度好唔滿意。到最尾埋單，完全冇講過一句多謝，找返錢嗰陣，態度仲好差咁問： 邊位呀？！真係聽到我O晒嘴。總括來講，嘢食整得幾好食都無用，態度咁差搵鬼幫襯咩，朋友們都好嬲，話以後唔會再幫襯呢間野。我冇試過寫食評，但真係忍唔住想話俾大家聽。上述我講嘅只係針對其中一個女侍應，但一個員工嘅態度已經會好影響客人對餐廳嘅感覺。

I went to this restaurant on the weekendWe had ordered steak and pasteThose are pretty good and affordable. However, the staff there seem not welcoming and responsive to customer.When we asked them for chilli sauce, they never response. I noticed they treat every table are the same. When we talked to them, they just look at us without nod or say anything. It was embarrassing because we didn’t know they heard it or not

連月來的社運，減低了一般市民的外出就餐意欲，影響了不少餐廳食肆的經營。是日週末，要出油麻地睇醫生，經openrice篩選結果，揀咗樓上舖的explore kitchen，探索美味廚房。樓底夠高，裝潢簡約略帶文青風；落地玻璃設計令感覺更光猛開揚。男友格外喜歡飲湯，普通餐湯滿足唔到佢，唯有加錢upgrade龍蝦湯俾佢過下癮。味道整體👌但略嫌不夠香濃；但都有幾粒蝦肉過下口癮，爽口。常言道，細節決定成敗。調味料架好的骰，也很乾淨。職員送上微暖的餐包，沾義大利醋吃，即使是澱粉，也分外香甜。最愛鵝肝多士！香煎過後的鵝肝外脆內軟入口即化。略嫌多士唔夠脆。通常都是伴水果，而這款是義大利油醋沙律，新鮮，醒胃。興之所至，我們order了一瓶house wine，增添了用餐氣氛。酒色深不見底，氣味偏青澀，口感比較厚重，整體性價比正常。太耐冇食水牛城🐔翼啦～ 見到就忍唔住order咗一份。餐廳好貼心，一開二變成單骨雞翼，不夠份量睇起身就顯得略少。酸酸辣辣，很開胃；雞翼冇乜雪味，唔錯。通常義大利飯都是以肉、魚或菜為基底的高湯燴制，但explore kitchen有龍蝦湯燴飯，梗係要試啦！同頭先嘅龍蝦湯相比，這款

整體覺得好難食，食到影得一張相已經唔相再影！因為真係冇咩好影！肉眼扒好梅，炒蜆有沙冇特別，意粉一般！ 得d單骨雞翼叫好少少，總算香口！但俾得一定以後唔會再去，就算去黃店都仲有其他選擇！真心難食...服務質素又超差，叫極俾水都話轉頭！😑三條油每人21x蚊落樓好唔抵！😑唔明點解會咁多讚！

這間西餐廳位於旺角彌敦道562號的4樓。是非常近老師上課的地方。我們點一個二人套餐，二人套餐有多款食物可以選擇，每人會跟一碗餐湯和一個餐包。小食可以選款我選了香草牛油炒雜菌非常有鍋氣。頭盤選了香煎鵝肝多士，鵝肝煎得非常香脆，外脆內軟。主菜選了炭燒安格斯西冷牛扒，牛扒非常鮮嫩多汁。和香烤西班牙黑毛豬柳意大利飯。甜品選了兩款提拉米蘇和朱古力幕斯兩款甜品都不會太甜。兩杯飲品一杯凍檸水和一杯熱檸水。二人餐加埋總共才$658就可以吃到高品質的西餐真係超平吖。

升降機原來响佢餐廳入面開門，冇指示話另外轉灣果邊先係正門，個waitress嘅語氣俾人感覺係呼喝叫個客去第2邊睇餐牌。我最後都坐低叫lunch，但佢啲egg benedict果低下塊面包係索晒水，爛溶溶咁，好核突，我從未食過啲咁嘅egg benedict，仲要冇黎味道。另一道risotto 就煮到淋晒，大排檔啲泡飯都硬過佢。佢間餐廳冇改錯名，只可explore，飲杯野係咁多(其實連飲品都冇特別，都係茶餐廳飲到過啲)，真係5會返轉頭再幫襯。

同朋友食飯，佢地揀左呢間餐廳，地點都方便 近mtr~😛😛👍🏿餐廳環境寬闊 都舒服👍🏿👍🏿👍🏿吾算多人岩哂吹水～👍🏿我地叫左兩個main dish 同一個小食😛份量都夠 大家都好飽😊😛小食叫左芝士薯條 $5x 幾好食 不過有d熱氣😖😖墨魚汁意粉$148 幾重味 都ok ge 😊😊個大蝦意大利飯 $148 有蛋黃味飯 正 推介！👍🏿👍🏿👍🏿👏🏿👏🏿👏🏿朋友超喜歡 💕下次會再黎試！😊😊

彌敦道人多車多就梗㗎啦，如果想搵個清清靜靜嘅地方食下嘢，唞一陣，其實都唔難喎，今日就畀我哋撞到三人行買嘢行到三點鐘仲未食晏，行行下，見到呢度四樓有間西餐廳，先上網search 下先，發覺環境，價錢都ok，就上咗去啦4樓全層，落地大玻璃同超高天花好吸睛，非常之舒服，完全休閒mode有lunch同tea set揀，全部包嘢飲，lunch仲有麵包同餐湯。有橄欖油同醋自由添加配麵包食香煎烤雞配露絲瑪莉汁跟飯。 份量十足，烤雞燒得好香，仲配有新鮮沙律菜香煎澳洲西冷牛扒配露絲瑪利汁跟薯條。呢個性價比頗高， lunch set有呢個水準真的俾個讚煎得香濃又不失肉質鮮嫩Tea set 揀咗芝士牛肉漢堡，配薯條同沙律菜。牛肉漢堡好juicy，加上生菜，芝士。 一啖咬落去，多重享受我哋飲咗凍cappuccino同伯爵茶。意外地搵到呢間環境好，食物質素好，價錢合理，餐具講究的餐廳，食完嘢遲遲唔捨得離開

今天同朋友在旺角油麻地逛街聚舊，晚上我們反而不想否旺角覓食因為人又多又較迫，所以我們走過油麻地，發現這棟562的美食大廈，我們看了看選擇了這間"Explore Kitchen"。上來餐廳，有驚喜的是樓底甚高，一排落地玻璃望出多面好開楊，餐廳坐位之間十分闊落，坐得都好舒服。看看餐牌三文魚籽墨魚汁扁意粉 $158朋友很喜歡吃墨魚汁類的菜式，這款啱曬，賣相漂亮，三文魚籽舖滿意粉面，三文魚籽配上墨魚汁鮮上加鮮，份外夾，不過要留意下食完記得抹嘴。雙層牛肉芝士漢堡 $128賣相有誠意不馬夫，不會輸外面的Burger店，上下層麵包都煎香過的，牛肉厚身Juicy味道香濃，配菜亦新鮮爽脆，整體好夠厚，一啖都咬唔曬。另美式薯條鮮炸，夠熱夠香，好邪惡。

在油麻地地區，開設了不少的樓上餐廳，鐘情食西班牙菜的我又發揮的覓食的精神，發掘下性價比高的餐廳，今日在網上找到一間「Explore Kitchen」，主打都是西餐為主，但都有不少是西班牙菜式，吸引了我與友人來一試。食物方面頭盤主打有一些炸魚薯條、單骨雞翼等，還有西班牙蛋餅八爪魚、 風味炒蜆等.....仲有沙律、湯、漢堡包、全日早餐、意大利飯等.....款式都不少選擇。餐廳裝潢擺設都是以木枱木櫈、白色的牆身、吊燈，再加上幾幅掛畫，環境都比較簡潔舒適。看了一陣menu ，我們選擇了以下的菜式.......西班牙伊比利亞黑毛豬火腿沙律$78 選用了西班牙36個月黑毛豬火腿，配以蜜瓜享用，甘香微鹹的風乾火腿帶點果甜，再配上香甜的蜜瓜，輕減風乾火腿的油膩感，爽口果甜 ，簡直是perfect match!!西班牙風味炒蜆$78鮮蜆肉份量十足，有香辣的口味，蜆肉肉質都是飽滿大粒，蜆肉爽口入味，且鮮味無比，加入了西班牙辣肉腸去炒，辣肉腸滲出鹹香味道，用了大量蒜片少香，讓蜆肉盡情吸收，香辣惹味且有濃厚蒜香，真是十分吸引西班牙辣肉腸蘆筍扁意粉$138這個意粉主要都是採用了幼身的蘆筍、辣肉腸煮成，扁意粉有彈

情人生日要慶祝，找來這間餐廳，位置鬧市高空之中，居高臨下，特別有情調，好適合和情人共度美好時光。室內設計裝潢簡單直接，又不失優雅。一般西式座椅，座位之間活動空間足夠，多了一份空擴舒服。燈光效果柔和，覺得特別放鬆。除了提供普遍餐單之外還有提供二人套餐，吾想煩的話直接在二人餐裡面挑選食物還是覺得更加集中和容易得多，而且比較有著數添。餐前先提供一碗熱湯和面包填充一下小肚，面包表面充滿芝麻，增加視野效果又增加營養價值。吃完包不一會兒，就呈上小食和前菜，為來緊的主菜提到鋪排作用。炒什菌加入香草和牛油，即時提升口味，吃落好香哦。西班牙風味炒蜆味道屬於帶少少甜酸，好惹味好開胃。情人正施行減肥計劃中，𠝹飯，不吃飯便選擇的主菜是意粉，香農黑松露忌廉汁為意粉帶來豐富的味覺層次，鋪上炸香的軟殻蟹，身份頓時提升。食得高興，之後還額外叫了水牛城雞翼，味道足夠提神，只略歉不夠辣味。最後由藍莓芝士蛋糕作為完美的句點。

常言道：衣食住行，食排在第二位，佔舉足輕重的地位。吃一頓美食的確可讓人心情舒暢。還俱有減壓效果呢。位於彌敦道鬧市中，電梯直達，4/F全層雅座。空間寬敞，讓人坐得舒服，個人覺得若果加點輕量背景音樂會更讓人放鬆。全落地玻璃設計，讓外面都市風景一眼飽覽，融入餐廳。隔上一層玻璃卻顯得內外的繁囂和此處的寧靜形成強烈對比。非常享受這種鬧市高空居高俯瞰夜市用餐嘅感覺。室內裝修撲素而務實，牆壁上偶爾用綠色盆栽點綴裝飾，增加藝術氣息。二人餐＄598，首先淺嘗粟米羹濃湯，份量十足，每喝一啖都是滿滿的粟米粒。餐包有兩款，一邊喝口熱湯，一邊享受面包，打開味蕾等待餘下美食的來臨。小食有四款，包括:芝士溶岩薯條、水牛城雞翼、香草牛油炒雜菌和巴拿馬火腿凱薩沙拉。我們選了其中一款香草牛油炒雜菌，味道濃香牛油味厚重，我比較喜歡雜菌切大粒點會更有質感和更加有嚼口。頭盆是西班牙風味炒蜆，蜆隻肉厚，無沙，味道鮮美入味，烹調手法令肉質鮮嫩，味道相當吸引惹味。份量也不少，一碟大概有約20粒左右。主菜炭燒澳洲羊架，一碟約三件，佐佴烤蒜、青綠蔬菜和蕃茄仔伴碟，附上薄荷醬和秘製醬汁，炭味不算突出，肉質尚算鮮嫩，咸度剛好。甜品選擇了提拉

如此清優的環境雪白的牆壁掛上浪漫風情的圖片透亮開明的落地玻璃讓陽光的溫暖滲進場內樸素潔淨的裝潢配置嫩緑植簡陋的擺飾在寧靜中加添些活潑由如鬧市中隱藏著一遍仙境麵包不算出色不過加上olive 油和黑醋就必定是很健康的吃法湯估計把大量蝦縠一同去煮太香太濃味了，光是肉很難得到這個效果湯裡不忘放入好幾粒的蝦肉爽口又彈牙❤️一絕冷蕃茄海藻沙拉茄蕃有點生，切割是一開四吃時自己再切吧醬汁也滿多的，有黑醋,olive,至少兩種香草，法式沙拉醬還有軟軟味淡的芝士做陪襯層次感強烈的朱古力咖啡層層享受不同滋味章魚點上淡淡的清草汁結實的肌肉和冰凍又清新的味道和龍邊調好味道的白米混入味濃的肉條形成了極大之對比同時讓人止不住口更越吃越有後勁微辣的感覺慢慢從喉嚨滲出慢慢染滿整個口腔又帶著洋蔥的蔬果鮮甜各種不同的刺激在咀巴內不停衝擊著