四面泰泰式火鍋

Open Now

Now Closed

泰式邊爐新嘗試午市入座，有一人一鍋三款餐揀兩個人食一個牛一個豬三款湯底揀左冬陰公同椰香雞一人一鍋關係，用連鎖餐廳式加熱火所以由佢拎個爐到水滾，都等左10分鐘有多湯底聞到有香味，但食落就好湯底開出黎咁，味精味一盤肉，一盤蔬菜（菠菜/細旺菜/生菜/一件冬菇/兩薄片扎肉/金菇及河粉）蝦片任食👍🏻由於湯底好普通，所以其實食物質素真係好一般河粉係夠滑，不過好細份反而個三色汁係幾特別，咁樣就定性為泰底邊爐😕

昨天(10月13日)二人嚟沙田食晚餐 幸運地抽中2號優惠送飲品一杯。到結賬時雖然這杯飲品有扣除 但在收取服務費時這飲品要計算在內 心感非常不合理🤷‍♀️請問何為送贈呢？店經理解釋仲不合理 因為我哋服務左你 咩答案呀🤦🏻‍♀️今次抽中係杯飲品 要俾幾蚊服務費 如抽中蝶牛 就要俾幾十蚊服務費 到底是甚麼的電腦程式計算方法呀😤😤理論完仍堅持要客戶付單上費用 完全不懂變通 可以手改單寫下原因㗎嘛 吾係淨係同我講電腦係咁出單囉😡😡

沙田我最喜愛泰式打邊佬 最近新出一周年抽獎活動每枱客人1-5人可以抽一次 6人以上抽2次有機會抽到四面泰牛肉拼盤四面泰手作飲品 $42 任選一杯四面泰大象公仔一隻活動日期10月6日至13日.最鐘意佢地泰式湯底主打招牌⭐️秘製冬陰功鮮蝦鍋入面湯底真係用左鮮蝦去煮加左唔少泰式香料 湯式酸辣鮮甜記住叫埋⭐️寶藏海鮮手工金盒（3-4人）$598湯底加埋海鮮打邊爐 會愈煮愈鮮 大推金盒賣相都好華麗 上菜會加上乾冰有齊以下咁多款海鮮鮮活日本扇貝/鮮脆本地魷魚/鮮脆珊瑚蚌鮮活鮑魚仔/白鱔魚片/手打墨魚丸/海蝦最重要係 叫套餐會包埋鍋底 雙拼都可以⭐️椰奶雞湯鍋 都好好飲用左老雞慢火煲6小時 加左椰子水 椰肉 椰奶湯底奶白色 飲落清甜 椰香十足.除此之外 佢地仲新出⭐️古法咖喱年糕肉蟹$298肉蟹大隻 蟹鉗厚肉 已經幫你爆開左咖喱汁完全滲透入蟹身底下仲有幾多年糕 其實都幾飽肚.最後佢地甜品都品錯⭐️招牌椰皇凍$58 震震下 椰香清甜 又夠滑.#hkfunfoodrecord窮遊香港#hkfunfoodrecord_沙田.#四面泰泰式火鍋 (沙田)地址：沙田沙田正街18-19號新城市廣場一期7樓708號舖四面泰泰

聽聞呢間有冬陰功湯底幾特別，於是約左朋友一齊黎試午市套餐。午市套餐：基本上都係青菜，牛肉得四片，性價比一般，但係湯底味道都OK，但係火勁細，個湯完全滾唔到，好似溫水煮菜咁。我地兩個女仔食曬全部都唔覺飽餐廳員工服務：當時下午餐廳少人，我地係度食飯，員工係我地隔離拖地執野，服務速度都係慢到不得了，無咩禮貌可言，不過呢樣都可以忽略......問題黎了，食完當晚我同朋友都分別腹瀉幾次，情況到隔日都仲持續，嚴重懷疑餐廳衛生情況！以後絕對唔會再光顧呢間餐廳，請大家考慮避雷

話說我同朋友滿懷期望去試冬蔭功味湯底，午市一人套餐$99起諗住唔貴啦，我哋揀咗同一個餐，仲加錢嗌咗泰式BoBo奶茶。點知⋯⋯食物一到，我同朋友都呆咗。大部分都係菜，肉只有四塊（見圖）。湯底嘅冬蔭功係ok嘅，不過邊爐個火比較弱，搞到似飲緊冬蔭功湯多過似打緊邊爐。菜係正常嘅，而調味料係好味嘅。不過，我同朋友其實都唔大食，但係完咗都表示食到唔盡興，好似食咗空氣咁。返到屋企，夜晚我哋兩個都腹瀉咗幾次，去廁所去到懷疑人生。🥺

朋友上次食完呢間泰式火鍋話好正，想搵日帶埋我一齊去，難得今日放假大家約埋去食，餐廳環境好靚地方好大，座位好闊落坐得舒服。美國雪花牛小排牛肉好新鮮色澤均勻，油脂分佈得好平均，肉質一啲都唔韌好濃郁嘅牛味，而且牛肉好大塊食到好滿足。椰奶雞湯鍋+慢燉牛板腱青湯鍋（雙拼）椰奶雞湯鍋一定要試個湯底勁好飲，奶白色嘅湯底好重椰奶味，湯入面仲有雞肉、菇、椰子肉成個湯好鮮甜，我未放火鍋配料之前已經飲咗兩碗😂。而慢燉牛板腱青湯鍋好濃郁嘅牛味，湯底入面仲有牛板腱，個湯越煲得耐越濃味。清邁什锦田園另外再嗌咗個什菜，蔬菜好新鮮，種類都好多有3種菇類、蕃茄、粟米、3款菜，可以試勻晒咁多款。蜂巢豆腐打邊爐點少得食蜂巢豆腐，豆腐有蜂巢嘅形狀，吸晒湯底嘅精華每咬一啖，係口入面爆晒啲湯汁好好食。潮汕牛肉丸好濃郁嘅牛味，牛丸爽口彈牙一咬開好多牛肉汁流出嚟。招牌椰皇凍呢個椰皇凍係我打邊爐途中已經忍唔住食咗🤣，入口好絲滑，濃濃嘅椰奶味，而且份量十足好大個，餐廳每日新鮮製造保持到佢嘅水準。

第一次食泰式火鍋！估唔到幾啱自己口味🙂‍↕️湯底緊係有冬陰功，同埋叫多個牛板腱（以免冬陰功太辣😂）建議食法係先飲湯底，再淥配料，湯底飲左3碗！冬陰功辣辣酸酸，平時食開小辣可接受；而牛板腱好清甜，一加青檸就好泰國風味🤣而且係有肉㗎本身，感覺抵左😂😂配料就叫左一份牛板腱、娃娃菜、椰奶雞肉餃子、船面、可樂，埋單around$500。肉菜都新鮮，船面似幼河粉但煙靭少少，我係幾鍾意食，兩個人份量啱啱好，7-8成飽，湯係精髓！仲有蝦餅好食！

泰國嘢食得多，但未試過泰式火鍋，今晚嚟到沙田就試一試佢，可能時間比較早都仲有位，但到7點幾個陣都已經差唔多full。 坐低左冇耐侍應就擺低左碗蝦片，原來係可以免費refill，睇menu除左火鍋之外佢都有啲熟食可以點，另外湯底都有3款，今次試佢嘅椰奶雞湯鍋配海鮮手工盒($498)，海鮮有7款，全部都好新鮮，呢方面好有驚喜，椰奶雞湯都好好飲，飲完湯再打邊爐，湯底裡面嘅雞肉都唔會好韌，再叫左個蔬菜拼盤同埋豬肉卷，不過豬肉卷一般，另外再叫左個炸雞翼小食，好多炸蒜好香口。值得一提嘅係平時打邊爐用嘅醬料係豉油，但呢到係用返泰式醬料幾特別。 飲品方面，叫左個椰青同埋芒芒碌碌，用鮮芒果整，有少少似楊枝甘露嘅感覺。可惜當日椰皇凍售罄，有機會下次會再嚟試。

有個黑眼線金毛女店員態度差差咁話無枱，問佢下一張枱ard要等幾耐，佢就望住部ipad唔出聲，伸手去開佢包利賓納軟糖喺度𡁻，隔咗好耐先話「上一枱客都係照常咁攞飛，要等下」，然後就蹦蹦跳跳咁篤住手機入返鋪入面，阻鬼住後面個職員推車送餐。本身我地以為book咗九龍城分店，知道book錯之後打咗5 6次電話嚟沙田都無人聽，打的途中都係無人聽，嚟到先被告知啲枱遲5分鐘唔hold。重點係見到呢位金毛店員望住recep枱上面嘅電話響咗一輪都唔接… 其實你個崗位係負責失職？？預約嗰陣你話早一個鐘會打一次做confirmation，你無打到；打咗咁多次電話，你唔接，你接電話講聲過5分鐘就放枱我就唔l搭車過嚟啦；明明可以好聲好氣解釋，偏偏要用咁差嘅態度，我係嚟食飯，唔係嚟受氣，一間餐廳可以做到啲行政咁雜亂不堪真係開眼界。

早排見到有foodie介紹呢間好似幾好食想打邊爐就走去試下點知中咗招湯底冬陰功椰奶鴛鴦湯底 - 冬陰功好普通:味道唔豐富 椰奶更加淡而無味，竟然可以賣你$178，店員話你哋可以先飲一口湯，然後再打邊爐，但飲左一啖已經知出事，人地(湊x）d湯底同你好大分別😓配料牛板腱 - 正常份量正常毛肚 - 正常份量正常脆皖 - 垃圾又腥 又雪藏味 份量極少手打鮮蝦丸 - 垃圾冇蝦味 又唔爽唔彈牙 份量極少得四粒唐生菜 - 正常新鮮但份量好少泰國金邊粉 - 份量少啵啵奶茶 - 份量好少 飲管好粗，兩啖就飲完招牌椰皇凍 - 呢個真心好食價錢份量合理服務店員可能人手不足，9成店員全程黑面忙碌差唔多食完，諗住叫佢地幫我加水飲完就走叫完第一個侍應冇反應，叫第二個侍應就叫我地等等點知第二個侍應佢轉頭就走過嚟話，(你哋唔食啦可，我收埋你啲嘢先) ， 收完都唔會幫你加水，好似想赶你走咁衛生一開始個碗 同 匙羹上面都有好多塵， 係見得到嘅黑色一粒粒既塵，唔知放咗喺檯面幾耐結論:完全唔值呢個價，普通珍珠奶茶一杯都要$38，個脆皖難食到極點，2個人食左咁少野都差唔多$900，仲要唔好食呢個價錢去 (牛x）食最靚既和牛放題

之前係荃灣食過一次泰式火鍋 🍲 體驗都唔錯 今日約左朋友係新城市廣場 見到七樓又有一間係泰式火鍋 環境都光猛位置闊綽 決定一試湯底我地選左秘製冬陰功椰奶雙拼鍋建議一定要落配料前試左湯底先 由其是椰奶鍋 椰香味香甜 非常入味 最後都飲左2-3 碗🤣 冬陰功就帶有香茅微辣一開始就會有可以refill ge蝦餅俾大家墊下個肚先 另有茶水同埋有三款傳統的泰式醬料 加埋$15 位 價錢都合理 配料：美國嚴選牛板腱 紋理清晰 牛香味唔錯 配搭冬陰功湯底最惹味蜂巢豆腐 有層次感 吸收椰奶湯鍋最正泰國金邊粉飽肚感之選🤣鮮活海蝦鮮味唔錯冇雪味 本身冬陰功湯底都有幾隻 鐘意食海鮮可加點✅甜品：芒果糯米飯有兩種糯米飯 一口size 芒果鮮甜 如果想同朋友舒舒服服傾下計 食下泰國野 都係一個好選擇

My second time at fall in Thai since its opening. Safe to say, their soup base remains as one of their selling points as I just couldn’t get enough of their coconut based soup!! We ordered their beef platter and it was so good. It was around $300ish for at least 5 different types of beef, definitely value for money!!! Another highlight of their food was their oysters and I’m always a sucker for the fried beancurd roll. The beancurd roll was just drenched in all the flavourful broth, making it su

四面泰泰式火鍋回頭指數：⭐️⭐️⭐️⭐️⭐️推薦：午市一人火鍋套餐1. 味道：❤️❤️❤️❤️🤍2. 價錢：❤️❤️❤️❤️🤍3. 打卡：❤️❤️❤️❤️❤️4. 等候：❤️❤️❤️❤️❤️5. 位置：❤️❤️❤️❤️❤️食物：1. 午式一人火鍋套餐｜冬蔭功鮮蝦鍋｜$99+10%評價：◇默認會附上餐前小食炸魚皮調味料等，要收費，但可以要求取消♡鮮蝦很新鮮，上桌時甚至還在動♡酸酸甜甜辣辣的冬蔭功湯底很開胃♡直接點套餐一次滿足多個願望♡午餐時間人不多，空間很寬敞地址：沙田沙田正街18號新城市廣場一期7樓708號舖營業時間：11：30 - 22：00

之前有一日週末第一次去嘗試呢間泰式火鍋，位置就喺新城市廣場7樓，如果你住喺沙田區嘅話呢間火鍋店位置就幾方便。嗰日我同個朋友去食，就嗌咗一個寶藏海鮮手工金盒，同埋四面泰牛肉拼盤。湯底就嗌咗個雙拼，就係冬陰功湯同椰香雞湯，仲有嗌咗兩杯嘢飲，其中一杯係蝶豆花青檸梳打。上菜速度就幾好，湯底味道都唔錯，至於食物嘅水準我覺得係好過預期，海鮮都頗新鮮，食物嘅賣相可以以參考我提供嘅相片。至於杯蝶豆花青檸梳打賣相好好，味道亦都令人滿意。衛生環境唔錯，員工服務態度可以接受。兩個人最後食咗大約$900，我覺得性價比嚟講都算OK。

食到好嬲- 20:25落單，淨係黎個湯底，炸野仲快過啲生野黎到- 蝦餅：menu張圖係三塊，文字就寫兩塊，都算，仲要好細塊- 21:10先黎到碟牛，中間係因為店員覺得我地無嗌牛，所以無出俾我，但落單system明明就有牛… 催左兩次先拎到碟牛俾我地。後加嘅金邊粉仲快過碟牛上。- 湯底極重味精，唔好預期有椰子雞既清甜味，冬陰功亦都唔會有香料同辣味，食完成晚都好口渴- 21:10 先上碟牛，我哋先真係開到餐，但21:40又店員特登嚟提我哋仲有15分鐘營業時間，但冇見佢其他客人 （難道係我哋想食到咁晏嗎？）- 圖中咁嘅份量加埋碟牛食咗接近$1200，我就覺得性價比唔高，可以唔使試，講真去食牛x放題都唔使咁貴