農圃飯店

Open Now

Now Closed

終於寫到第一百個食評嘞^^十一月十四日- 星期三一早鎖定農圃為目標，以前從未嚟食過，睇完各位既食評之後抱有極大期望。一心諗住想試杏汁燉豬肺湯，可惜是晚沽清，有些兒失望。先嚟兩款前菜，有涼瓜及醬汁炆牛展，涼瓜唔苦帶甘甜，炆牛展醬汁惹味，牛展炆得很腍又入味，正。翻開餐牌，最終決定點二人套餐($288/位)，有糯米雞翼、南瓜翅、黑豚肉、魚茸湯米線、流星壽飽、甜品椰汁燕窩凍及自選小菜一款（是但）。呢個套餐其實屬水準之作，絶不馬虎，我好滿意，以下四款本人最喜歡：糯米雞翼- 炸得外皮香脆可口，色澤金黃，望見已令人垂涎三呎，雞翼包著糯米飯，滲著油香，食落十分夾。南瓜翅- 湯料足，連同南瓜茸一同吃，又一健康選擇。魚茸湯米線- 很喜歡濃濃既魚湯味，米線很滑，非常好味。流星壽飽- 壽飽十分軟熟，流沙餡料夠熱又夠滑。農圃位處民安廣場，附近一帶全是貴價食肆，這餐當然不算便宜，埋單盛惠七百一十蚊，不過我覺得物有所值，食得開心，亦很滿意這一頓晚飯。

希慎道一帶的食肆出名高檔，小弟很少去幫襯。有日同事提起此食店，好像話會結業，於是一行四人又即慶地去食番餐。坐落先上前菜，與別的酒樓不一樣，是青瓜和炆牛筋展。兩款前菜都不錯，青瓜幾爽口青甜，牛筋展則又淋又有味道。這樣水準的前菜，使印象分都增加不少。大家商議一輪後，吃什麼也終有定案。order了牛柳卷、雞煲、菜和是但，當然也少不了例湯。例湯是佛手瓜煲豬展，味道一般，沒有清甜潤喉的感覺，喝一碗已足夠。黑椒牛柳卷，牛肉幾有味，也淋，黑椒不會太辣，包上爽口的西芹，配搭算是不錯。但相比起前菜的牛筋展，這顯然變得遜色。是但，上層是蝦仁、翠肉瓜、磨菇、蛋黃等，下層即蒸蛋白，賣相幾吸引。蛋白蒸得幾滑，上面的餸也好送飯。雞煲(忘記名字)，做法像三杯雞，用乾蔥和紅蔥頭爆起，香味十足。同時，雞淋得來也入味，肉質很不錯。夾著紅蔥頭來吃十分野味。菜，是菜心上面鋪上酸菜，也是我最不欣賞的一味。菜心還可以，但酸菜的味道總是出不了來的，送飯也不是味兒。高檔的酒樓，服務亦未算十分到位，頂多是叫中規中矩。呢個笑面，勉強俾啦！

估唔到每人二百幾o既價錢, 只可以點到五六極普通o既菜式, 仲要味味都勁咸, 最厲害都係個福建炒飯, 咸到難以想像, 搞到要叫伙計換o的白粥返o黎.如果你問我, 我一定唔會再去呢間舖頭, 因為超唔值.

媽媽朋友生日﹐放工上去’癡’餐~每人叫388一位套餐…highlight was the 南瓜翅~ 真係好好味﹗又甜又鮮﹐雖然食已經好飽..其它食物都唔錯~ 只不過not as yummy as the pumpkin sharksfin!服務認真麻麻.. 只有個manager全程有笑容.. 有個女waitress 就全程黑面…其它笑容/親切欠奉﹐至少唔至于黑口黑面~

(28/7/07)在我的list內要試這個包,今日適逢有機,要買。單買@$15,我要六個平D,$80門口的姐姐service非常好。我地買左凍既,番去蒸8分鐘,met開即流!味道唔錯,唔太甜,有咸蛋味。有點透明粒粒,就是...燕窩吧。皮較薄,似個殼多D,這點扣左唔少分。

Very "Lay PO".Reserved 4 yellow oil crabs for Mother's b-day dinner. Two is good, one is borderline and the other one was "dead".How could we tell? the "yellow stuff" is not yellow but in dark brown. Waiter opened the crabs for us and he seems to purposely give the "dead crab" to the youngest of the family, hoping that the youngest one will not notice that it's dead! Dad noticed of course and took up the dead crab. Manager quickly took away the crab but no apology at all. It's $650 per crab,

好耐都冇食過農圃,尋晚特登同朋友去=)午餐前小吃係午筋展同西芹素雞炆牛筋展--超淋!!!超入味!!西芹素雞--普通兩個女仔,叫左:豉汁帶子蒸豆腐--帶子蒸得唔韌,唔鞋,豆腐好滑花菇婆參唐生菜($160)--d朱婆參比西苑的要好,比較真材實料,花菇好淋,個汁好濃,正!兩隻糯米雞翼($38/隻)--外面炸得好脆,糯米飯先炒香再釀入雞翼,夠晒味,雞肉仲係粉紅色gah 甜品:杏汁木瓜($60)--杏汁唔杰,有少少香味,唔甜,木瓜都仲有好多肉燕窩流星壽飽($15/隻)--有糕星形的蛋黃(所以叫'流星'),入面的流沙好濃送三色糕--係燕窩香芋椰汁糕--好清,芋頭味濃服務成晚都好好,一飲啖茶就即刻再加滿茶杯,但可能是我只給了$6 貼士的關係(我一時唔記得晚飯應該要俾多d ><) 走的時候,冇人同我bye bye =(埋單$524同對面西苑差不多價錢,農圃好食d,又唔使趕住交抬,坐得舒服好多,服務又好好多,至少d侍應唔會好似西苑o個d咁黑面!

一個人,好耐冇飲過老火湯,所以買來試下..當然要order d 一定唔會o係屋企煲gei湯lah!!杏汁豬肺湯--好好飲!!!豬肺洗得非常乾淨!!完全冇血絲,冇腥味!! 好lum , 仲落左少少金華火,瘦肉,有2隻雞腳, 係新鮮雞腳arrr!!!十分足料!!!仲有杏汁香味,好正呀!!!!!!!!!!!!!雖然有d貴, 但呢d係人工錢,豬肺洗得咁乾淨, 都值呀!!

妹妹在附近上course，一家來陪她吃個early dinner。妹妹愛香口，於是特意點了糯米雞翼($38)和焗蟹蓋($60)給她享用。這裡的糯米雞翼已大不如前，糯米太濕，雞皮不夠脆；焗蟹蓋亦不見得好，只吃到濃濃的咖哩味，size迷你，不值$60元。妹妹亦愛海鮮，於是點了經理推介了阿拉斯加蟹($660/份)。一份蟹有兩大隻蟹腳，兩大隻蟹挾，和兩大舊蟹身；蟹本身非常厚肉，肉質鮮甜爽滑，確無介紹錯。另外多點了數款家常小菜：- 杏汁豬肺湯($240)，比港大校友會出色很多，口感milky，我們連湯渣裡的豬肺也不放過- 是但($80)，即係海鮮蒸蛋白，蛋白十分滑，海鮮足料- 魚湯津白($75)，津白超嫩- 鹽焗雞($160/半隻)，失敗，無味如雪雞- 杏汁木瓜($60)，原隻木瓜盛着香濃杏汁，水準依舊，推介一如以往，這裡絕不抵食，招稗食物水準還可以，不要抱太大期望。

經朋友推薦去農圃試菜，找了半天才找到飯店，原因是銅鑼灣友邦中心的外觀確實不算醒目。入二樓店後，眼睛一亮，裝修不錯，但望著站在一堆干鮑上的“主席”像，不禁笑出聲來。坐落後，先上茶和醬芥。醬芥十分豐富和美味，有XO醬、青瓜和炆牛筋，尤其是炆牛筋，燒得正是道地，色著紅潤，味濃、入口嫩且有絲絲甜味。相信在港島很難再找到比它更好的醬芥了。需要提醒的是一分價錢一分貨，醬芥的價錢絕比你想象的貴。當晚，點了一個288元/每人的套餐。有原個金瓜海鮮鮑翅、野菜黑椒黑豚豬、椰香碎燕凍、壽包、糯米雞翼、魚茸米線、蟹肉滑蛋圍蝦。菜只只好味，不過最值得推薦的還是當晚的金瓜海鮮鮑翅。用南瓜煲的海鮮翅湯味濃料足，湯厚但不膩，入口順滑，食後唇齒留香。糯米雞翼算是一道功夫菜，上次吃這款菜印象是在上海新天地的采蝶軒。去骨雞翼裏面包著熱騰騰的糯米飯﹐炸到脆卜卜的外皮﹐咬上去口感十足。最後，提一下椰香碎燕凍，碎燕質麻麻但量絕不含糊，加入冰涼的椰奶，十分清爽和清口。席間，問服務生，農圃是什麼菜系？答為廣東菜。但感覺上，每菜必落糖，更似上海菜（當屬海派上海菜）。當晚，唯一不足之處是套餐的量有點大了，最後壽包只能打包帶回。

心血來潮約父母親和男友來久未幫襯的農圃食晏，這裡的經理仍然熟口熟面，裝修也沒大變動，即便兩年沒來亦不覺陌生。個人而言，農圃最令我期待的，並不是什麼珍貴菜式，而是他的一道前菜-炆牛筋。牛炆得極淋，入哂味，每次我同媽咪都要encore，嚟多碟。今次食晏，我們沒叫點心，卻點了很多特點：- 招牌糯米雞翼，雞翼去骨後只剩少量雞肉，無咬口；糯米鬆散，雞皮唔香脆，水準不復當年- 魚湯雲吞，普通貨，雲吞皮唔夠薄滑- 魚湯浸魚蛋魚片，魚蛋魚片算爽，魚味濃- 梅子蒸魚雲，爸媽盛讚，梅子味剛好，魚雲部位靚- 腸粉煎蛋，腸粉超淋，我和男友都不欣賞- 茄湯素菜，茄湯濃郁，帶點西菜風味，創新- 煎蘿白糕，內含一絲絲蘿白，味道清甜，推介- 蜆芥鯪魚球，一啲都唔彈牙，唔掂- 杏汁木瓜，杏汁香濃，一喲都唔甜，正- 奶黃馬拉糕，勁甜，奶黃開粉，難食埋單$548，連貼士每位約$145蚊，唔算太貴，acceptable。

今日朋友請食飯, 一行九人, 叫了每位約三百元既套餐。食物不錯, 特別是原隻南瓜魚翅, 日本黑豚肉, 蟹粉小籠飽以及芒果椰汁燕窩都食得我們津津樂道。服務十分滿意, 他們不斷為你添茶, 換碟, 每位員工都十分細心有效率!每位消費約三百元, 值得encore!!

昨天父親節, 一家七口到呢間農圃食dinner, 上到去, 冷氣唔夠熱到死, d射燈又勁射, 個個人成塊面都紅卜卜.....問watiress點解, 佢話中央冷氣無得救.... 算吧..叫菜囉...睇睇menu...都唔平喎...我們本想點鹽焗雞, 佢話無, 我們問佢有乜雞食, 佢話淨返豉油雞! 果時都係晚上八點半之喎.... 真係咁好生意? 我們本想點五點菜, 個waitress話我們唔夠菜食, 係咁叫我們加多碟菜遠班球:1. 豉油雞: 無乜特別, 我媽整得仲好味, 唔明點解要三百幾蚊....2. 菠蘿咕嚕肉: 唔係好食, 又唔係難食..無乜特別... 好細碟囉....3. 瑤柱白菜仔: 好細碟, d菜整到又黃又梅, 我自己係企住仲正呀!!!!4. 菜遠班球: 得果幾條菜心, 幾片班塊, 要成幾舊水.. 好過去搶..5. 椒鹽豆腐排骨: d豆腐同排骨好"的適", 無乜特別.6. 四川帶子蝦仁: 味道ok lar. 不過帶子蝦仁都唔知有冇四件, 一人都分唔到一舊.....但又收舊幾水, 唉... 之後, 我們點了甜品, 我無食. 但屋企人話d杏仁茶and 合桃露唔夠滑.waitress

星期六lunch,環境寧靜(但又9成滿),感覺舒服.呢度的糯米釀雞亦好味好多人都知,但我最回味係鮑汁鳳爪(利苑都無噤好味),真係汁香,爪"林"又入味.正!其他的點心都ok啦,叫叉燒飽(飽汁都幾多),蝦蛟(ok)同帶子腸粉(料都算多).全部過關!

It's food quality in general is very high. I like most of its dishes. The stuffed chicken wing of course is a must-try. Yes, it's a bit on the expensive side but I think the consistently good quality compensates the cost.Service, however, could be unattentive. Pretty average basically.