Fish & Co (Closed)

After reading many good comment, I was so much tempted to try it out tonight with friends.Food is not bad, fish is good. But,Too little choice of beer,Too boring music, and just repeat only one single song (Santana) for the whole night.If these get corrected, it is really a good choice to dine out in Shatin.I will go again.

本人酷愛英式fish & chips，但香港很難吃到。之前有朋友介紹過位於中環石板街的Chipy(希望無串錯)，雖然有一名西人作廚師，但仍與在英國吃的有一段距離。今次吃到Fish & Co.的fish & chips，由於粉漿薄，令吃的時候不會感到太油膩，而且用鐵Pan上菜，令fish & chips的溫度相對保持得長久。不過生蠔則有不太新鮮的感覺，希望有所改善。另外一提，waiter及waitress速度略慢。

以前在英國讀書時曾在外賣檔做過兼職，負責炸魚薯條。返到香港，好少機會食到fish & chips，今次就約埋幾個朋友仔去試吓呢度。店舖分開兩邊，一邊室內，一邊室外咁。因為是晚落毛毛雨，所以揀坐室內。裝修很不錯，座位很寬敞，幾欣賞佢個魚型既木制pan，好有心思。侍應唔算醒目，要叫才識得給我們餐牌。睇睇個餐牌，大部份都係魚，再加上有少少其他既海鮮，選擇唔係特別多。諗一陣，四個人決定每人叫一個唔同既set dinner去share食。頭盤有三文魚凱撒沙律、炸魷魚圈和周打魚湯。三文魚凱撒沙律好大份，水準幾高；魷魚太多粉，很一般。湯我就冇試，不過朋友話唔係幾得。主菜叫炸黃金魚薯條、黑椒魔鬼魚配飯、青口通粉及鮮蝦寬條麵。先來的是青口通粉，估唔到佢份量咁細，同頭盤唔成正比。不過味道就唔錯，唯略嫌青口較韌。之後來的有炸魚薯條，條魚就超大條，真係唔多明佢點解。其實條魚幾厚身，亦算嫩滑，但芝士味超，"漏"之餘仲食唔到魚既鮮味，都算失敗。相信我佒的會比佢更好。魔鬼魚賣相唔錯，不過味道麻麻，同埋係好多骨。飯有些提子做點綴，甜甜地咁，比條魚好一些。最後的寬條麵亦唔係幾夠味，只屬一般。侍應唔多醒目，卻都算係做到基

人人都推介佢地既黃金炸魚伴薯條, 一個週二晚上, 和家人一齊黎食下晚餐, 六點過了, 很少人, 我地行到門口, 一個waiter 示意我地坐卡位, 但另一個waiter就叫我地等等, 唔好入坐住, 唔知佢地想點! 叫左兩份晚餐1)田園沙律, 黃金炸魚伴薯條, 飲品一杯(好似叫百香果汁)(2)煙三文魚凱撒沙律, 鮮蝦配飯, 飲品一杯田園沙律, 係雜菜, 但唔知點解會以豉油做醬, 鹹味沙律, 極怪! 相比之下, 煙三文魚凱撒沙律比較好味, 用沙律醬, 正常一點! 主菜鮮蝦配飯先到, 中size 既蝦有7隻, 每隻都開邊連殼, 除非落手, 否則都食得幾狼狽; 飯係黃色, 但唔係咖哩飯, 又唔係加左雞蛋, 唔知點整! 等左好耐, 都唔見黃金炸魚, 見個waiter 從廚房拿出兩盆炸魚薯條, 以為係我既, 點知係比第二張枱, 但跟住又將兩盆炸魚薯條拿回到廚房, 攪左好耐都唔知兩盆炸魚係屬於邊枱客, 我再等, 終於忍唔住, 叫個waiter 幫我跟下份黃金炸魚, 後來, waiter就從該兩盆炸魚之中, 取了其中一盆比我(因為我既座位係面向廚房, 所以我看到整個過程) , 唔使諗, 炸魚和薯條都已

今晚難得我同女友都得閒，諗住撐下枱腳，就諗住試下呢間Fish & Co啦！叫咗半打生蠔、一個一人份海鮮盤同一個鮮蝦細麵。生蠔等咗一陣就嚟，味道都ok。之後惡夢就開始喇！個湯同凍檸茶係大約五分鐘之後到之外，追咗幾次waiter個海鮮盤同細麵都唔嚟(waiter回應已追，兩分鐘後到)。卒之係食完生蠔九個字之後埋單走人。(間waiter們對我地愛理不理，水又冇杯。)

以魚為題有好幾樣.連張枱個碟墊都係條魚.我叫左個seasonal fish.不太清楚是咩魚.但不是很好吃.個cesar salad都ok.因為我愛cheeze..飲品方面叫左杯白色好大杯既飲品(forget the name).幾好飲.其實最好就係個環境.當然坐出面啦.晚上坐幾舒服...

專登走入去食lunch試下佢的炸魚,set lunch menu都幾抵,我叫了炸魚薯條,薯條及伴菜OK,但炸魚唔得,因為魚無味,個醬係鮮檸牛油醬,亦係嘛嘛.再叫了軟殼蟹沙律$30,扺加掂.另外仲叫了香菜麵,其實即係意粉,深綠色的,因為有好多芫茜碎,有d魚塊伴碟,個味一般啦.

估唔到預早3日前安排今日(星期日下午1:30pm)在這餐廳慶祝哥哥和兒甥的生日午敘, 竟然多番因差劣的服務而掃雅興, 且令我不得不在這裡寫下我第一次的食評. (先是姊姊多次要求11人每人1杯水而15分鐘還只得3杯, 繼而11人只得1份menu, 而我們帶備的2個生日蛋糕更遲遲未被放進雪櫃–當時室內座位未滿座, 沒有露天茶座食客, 加上根本沒有排隊等位的情況, 如此服務已令人不耐煩! ) 最不滿的地方是: 我電話訂座時問及帶2個生日蛋糕到餐廳切要否收任何費用, 餐廳職員主動提出除不收費用外, 更會為我們拍攝1張照片, 送2客甜品及2份小禮物(因為有2位生日). 但當我們今日吩咐餐廳職員取出我們帶備的2個生日蛋糕及餐廳所預備的2客甜品時, 餐廳職員竟要求出示身份證!! 基於之前餐廳職員在電話上沒有提出此要求, 而我兒甥又未夠年齡領兒童身份證, 我們即埸解釋以上情況並認為2個生日蛋糕亦屬證明, 但餐廳職員堅持要身份證或手冊才作安排! (若星期日都會帶手冊逛街的也可算經典了!!) 結果餐廳只送了1客甜品, 沒有照片及小禮物, 莫說第2份甜品及小禮物了. 雖然家人不計較餐廳沒有兌現他們的承

上星期五去了吃, 想不到不用等太久. 四個人,叫了: 蒜蓉芝士+青口, 炸尤魚圈, 炸軟殼蟹沙律, 炸魚薯條, Peri-Peri雞, 和大蝦寬條麵. 全部都不錯, 尤其是青口和尤魚圈. 炸魚亦很新鮮. 炸軟殼蟹沙律的分量比想像中的多. Peri-Peri雞跟黃飯很相配. 惟獨寬條麵得隻碟大. 雖然有不少蝦, 麵實在少了點.另外, 除了一個waiter比較忙亂, 其他的都很有禮及週到.

再度光顧, 八點黎攞位, 眼見裡面有三,四張吉檯, 但侍應話我地要等三張檯. okay, 等左20分鐘, 結果侍應帶返我地去坐其中一張廿分鐘已ready o既吉檯? 點解唔一早serve我地?anyway, 已經好肚餓, 即刻點菜.要左一個田園沙律, 炸脆蝦卷, 再加招牌炸魚薯條. 炸脆蝦卷先上, 原來係用網紙包裹脆膠炸脆, 趁熱點泰式甜辣醬食, 非常香脆可口, 好味!跟住上沙律,什菜配上脆銀魚+蒜片, 幾清新但細碟左d. 同行正在猶疑應該加order時, 主角fish & chips出場, 即刻打消念頭-- 今日炸魚係jumbo size, 兩個人分都好夠. 又係趁熱快快食, 脆漿一流, 魚雖然只係龍脷柳, 但係配埋tartar熱辣脆漿食, 味道口感依然一流.食到飽飽, 埋單$170有找, 又抵食又好食. 如果佢可以改善效率, 就更加好!

行下撞下入左去食tea..飛魚子紫菜意粉+ Fish & Chips好味道!!!!值得一試仲可以坐outdoorservice尚待改善

路過新城市買啤酒,忽然諗起來自新加坡的Fish & Co進佔新城市某角落,又有朋友向我呢個炸魚薯條迷講過下.時間大把,試下無坊.地方幾闊落,仲有露天茶座,是日天氣麻麻,又沒有本小說在身旁附庸風雅,還是有瓦遮頭作罷.打開餐牌,話就叫Fish & Co,但海鮮選擇,真的不多.如果你想叫個藍貝,無問題,但係心血來潮想整客Trount或Seabass的話,恐怕失望而回.遑論想要杯Icelandic prawn,Colchester Oyster....?而且,係無酒精飲品供應,定係無比到wine list我?食海鮮唔飲酒,成可體統?由其炸魚薯條黎講,無杯啤酒作伴,又點講都講唔通.既然打正旗號炸魚薯條的話,又怎會不試?炸魚通常用Cod,長年累月的歷史問題.外表金黃,粉漿恰到好處,非想香脆唔厚.唯獨是薯條只係Fries,唔係Chips,兩樣野,不能混為一談.根本唔算得上叫正宗"英式"Fish & Chips.如果去過大英,無理由食唔出兩者的分別.仲有跟餐上的醬汁,竟有蒜茸,他他,辣醬,我幾時去左老麥?最傳統的醋,要開到聲先有,失敗.吃炸魚薯條,點可以唔落醋?撇除正宗與否黎講,味道也不錯的.如果你唔

去開沙田,梗係黎呢個聞名已久既餐廳試試佢既招牌菜式啦!要左一客最普通最原汁原味既The best fish & chips in town!,67蚊未加一,都唔平!上桌時熱辣辣,味道的確好鬼正!塊魚炸得香脆唔多油,皮薄肉多,有少少沙醬係面,配檸檬四分之一個,可以自己落檸檬汁,仲有三小兜其他醬任點,不過我都係覺得咩都唔點,加少少檸檬汁最好味!至於薯條都唔差,但我覺得比想像中普通左d,只可以話係ok咁啦!無咩驚喜喎!整體而言,我愛佢件魚!另外,佢既餐具都幾得意,人人面前有一個魚型木製隔熱墊,好可愛呢!員工既衫又係一絕,其中一款背後"official"竟然以魚公仔代指中間"ffici"一部分,可愛極!

週末同家人去沙田，一個曾經住過好幾年而又好耐冇去o既地方，行街食飯~ 新城市開左好多新店同餐廳，店可以慢慢shop，非常good；可惜餐廳唔可以每間試哂，見Fish & Co有特色環境又好，就試依度~　餐廳分室內外兩部份，當然揀露台位，氣氛relax環境清新~ 但有d凍~ 午餐$40@，加$20可以有埋soup(係周打蜆湯，都唔錯)同drink~ 主菜我o地點左Fish and Chips, Prawn Fettuccini with Chili Cream x 2, 再散叫Hot Fudge Chocolate Cake~ 上菜要等10-15分鐘，食物味道中上，其中Fish and Chips o既炸魚份量足又好食，屬必食推介；另Fudge Cake亦有驚喜~ 細節唔講，總之覺得值得大家去試試~　食物唔貴有風味，環境唔錯，侍應有禮(全都講英文，相信係餐廳policy)，食得開心滿足o既一餐~

o係大英食過兩次Fish & Chips ^^ 番到黎念念不忘聽聞港島有一間做得不錯準備遲d去試今日心癮又起o係NG問過人知道沙田有間叫Fish & Co 做得不錯o係OPENRICE 睇過食評之後就決定一試^^首先18:30 去到~ 都幾full 不過因為驚落雨無坐露天o個邊等左10 分鐘左右就入左去D Waiter 好helpful ~ 解釋D菜式好詳細4個人叫左3個主菜另加湯同飲品New York Fish and Chips海鮮盤(2人份)烤三文魚(忘了菜名)忌廉磨菇湯<-- 口感很正好足料d湯都幾"杰" 唔似平時出面食既咁稀New York Fish and Chips ($71) <-- 有芝士味魚炸得脆而唔覺好油膩有九分似o係大英食既味道薯條都好正~ 如果D薯條再粗D就更加好喇海鮮盤(2人份) ($160) <-- 真係好大份其實一人份都應該夠食~ D青口同魷魚都好食 ~ 個蝦同魚一般仲有薯條同炒飯~ 飯有點硬, 又加了提子乾, 味道怪怪... 無人肯食...烤三文魚($7x)<--- 將三文魚烤至黑色, 但不是?, 加了胡椒等香料, 幾