火薈中日火鍋

Open Now

Now Closed

無意中經過太子道，見到門口圖片都幾吸引於是三個人想去試下，本來諗住食下火鍋，但係佢啲員工好好極力推介我試下佢個刺身，於是我就火鍋加刺身，先來一個刺身頭盤非常正無論賣相同味道都一流，有驚喜，食完刺身拼盤跟住就叫左個龍蝦火鍋，用料新鮮，價錢都合理，3個人2500左右埋單，呢一餐都食得開心又滿足

第一次上嚟寫食評，因為真心想推介一下呢間。。。週末即興book都有位，最緊要係冇限用餐時間，可以舒服自在用餐。初頭都驚會好貴，不過食完覺得，價錢雖然屬中上，但覺得食物質素唔錯，好過有啲舖頭又貴又唔好食！（埋單800，合理😌）服務亦相當唔錯，店員有禮貌！另外要大讚係洗手間，非常整潔，感覺良好！我地當晚點了：潮式水佬鍋湯底（又可以叫紫菜魚旦湯湯底🤣）手切牛（2××中份量，抵食，好味😋）雙拼餃（雲吞皮略嫌厚咗啲🤏🏻）粉腸（好味🤤）手打香茜牛肉丸（但師傅始乎唔記得落茜😅）淮山（唔係我杯茶，no comment😆）蜂巢豆腐（正常，好味😚）老友鬼鬼（油炸鬼拼蝦滑，小食，趁熱食好味☺）薯粉（太碎😏）整體感覺都好好，可以encore！😋

黎到太子呢間嘅火鍋店，佢係有幾間房可以book，私人度非常高。老闆同員工嘅態度都係非常好同埋親切。今次揀咗佢哋推介嘅冬陰功湯，老闆娘話湯係秘製嘅，有傳統嘅泰國口味。食落真係唔錯酸酸辣辣咁，非常開胃。至於海鮮方面，真係冇得彈，無論選擇邊種海鮮，都係非常新鮮同埋爽口，所以基本上都唔會浪費直接刺身食。但係就會將啲黑頭再放入湯一邊煮一煮，啲蝦頭隻隻都有蝦膏，非常甘香。至於牛肉都係油脂分明，半肥瘦均等，肉味濃郁。

早前朋友介紹下去食火薈中日火鍋，食過一次就返唔到轉頭，用料新鮮唔多講，湯底正，火鍋料亦多選擇，最近仲推出抵食鮑魚鮮蝦海鮮餐，每位只需$298！超吸引加拿大A級象拔蚌刺身都係 $598 起，共五款湯底可選擇。上次試過超大塊靚花膠湯底，今次就點了用50斤豬骨煲成的芫荽湯底，芫荽味不重，豬骨湯香濃，火鍋另一邊的麻辣湯底飲完亦唔會覺得口渴或太油，值得一讚！前菜我們點了香脆可口的椒鹽墨魚咀，還有凍食的冰火魷魚，少少辣味口感特別。優惠期間，火鍋配料全部七折，於是除了鮑魚鮮蝦海鮮套餐包的五款海鮮（波士頓龍蝦、聖子皇、大連鮑魚、海中蝦及沙白蜆）及五款火鍋配料（手切鮮牛肉、手打三寶丸、即炸響鈴、稻庭鳥冬及雜菜拼盤）外，我們還加點了極上本地手切鮮牛肉、紐西蘭羊肉片、回味豬腩肉、四寶餃（雲吞、水餃、韭菜餃及黑松露餃各3件）及野生竹笙王，又是大滿足的一頓豐富晚餐！

疫情暫緩難得好朋友相聚，在太子火薈中日火鍋訂咗房間打邊爐，之前已經來過一次，環境舒適食材也相對當新鮮，這次點了龍蝦刺身及象拔螃刺身，龍蝦爽脆象拔螃刺身鮮甜好味，服務也不錯，員工勤力不停推介各類海鮮，其它火鍋材料非常新鮮，份量及價錢相對合理。

呢晚去左「火薈」嘆火煱好彩一早book左如果唔係又冇得食啦😭呢度打邊爐一滾起，一定要飲番碗湯先啦😽正呀 夠晒味😼等我下次試吓海鮮湯底😻呢個極上本地手切鮮肥牛，厚度適中！牛味夠濃！每啖都有好重牛味！呢啲包鮫啊都唔錯！呢d手打手包系列就係試到火煱店既誠意啦！呢間唔錯！誠意💯手打黑松露鮮蝦丸😽😽必食呀！今次人少啲嘢食唔算太多，但真係幾好味😋另外我想試個火鍋底應該會下次再食！呢度嘅食物誠意滿分！

火薈中日火鍋 4 位 食物新鮮環境乾淨。不錯不錯的體驗。價錢算中上。象拔蚌刺身好新鮮👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻

因為疫情問題，真係好耐無見過朋友，所以係之前疫情平復果陣，專程約出黎食餐飯。由於我地一行3個人都好鐘意食火鍋，所以我搵左依間中日火鍋 – 火薈，有得食火鍋之餘，仲可以食埋刺身添，一次滿足2個願望。 火薈比較近太子地鐵站，門口裝修好顯眼，所以都好容易搵到。一上到去眼見座位都好闊落，店員安排我地坐窗口位，自成一角，而環境唔算嘈，同朋友傾計都好方便。 一坐底就有清茶飲，店員都會好熱情問下會唔會需要叫埋其他野飲，之後就放低埋調味盤，辣椒、生蒜蓉、葱等等都好新鮮，明顯係新鮮切，唔係放係雪櫃過夜。 黎到依到中日火鍋，梗係要叫下刺身食啦！係菜單見到有刺身拼盤，好吸引，一於叫黎試下！我地揀左刺身拼盤(松)，因為店員講刺身種類係會豐富啲，而且分量都係大啲架！ 刺身拼盤一上枱都好震撼，因為係大大大隻刺身船，影相打卡真係一流。帶子大大粒，厚肉又鮮甜。墨魚撈蟹子口感，墨魚既軟同蟹子既脆好夾，口感特別。鮑魚都好鮮嫰，甜蝦鮮美，！ 輪到食火鍋啦，火鍋湯底我地叫左海南椰子雞鍋，店員叮囑我地水滾先飲湯，因為湯底係用左純椰青水，所以會特別甜，零舍好飲，飲完湯同食埋雞之後再加湯打邊爐。 跟著到揀打邊爐嘅配料，我地揀左新

高級中日食品，平民價錢朋友話旺角有一間中式火鍋，又有日式刺身。呢間火薈中日一定要試wo，見佢講到甘吸引，今日一於約咗佢去試吓。去度見到都好多客人，雖然店舖位置並非大街，但都有甘多生意，必定係搶手食店。朋友大讚呢度食材新鮮，食刺身最緊要新鮮，所以我地叫左一客加拿大象拔蚌刺身。一上枱，刺身切到大大片又薄，咬落超爽口，份量都唔少。四人食都夠。有一位朋友好怕食刺身，俾我哋鼓勵下都食咗，佢話刺身好鮮甜，一點都唔腥，所以最後都食左幾件。見象拔蚌刺身都幾新鮮，所以我哋都加咗個刺身拼盤。刺身拼盤好平，$298咋。但係都有六款刺身， 一樣係新鮮。店員同我哋講原來食象拔蚌刺身，仲會送個湯底。真係好抵。我哋揀咗蕃茄薯仔濃湯鍋，之後加咗一啲火鍋料打邊爐。烏冬好食，分量多多。另外仲叫咗自家製韭菜餃同鳳城水餃。大大粒，入面餡料味道好足夠。火鍋料都好新鮮，而家仲有全單七折，所以我哋叫左好多野食，食到飽飽捧住個肚返屋企

我本身都幾鍾意打邊爐，係OpenRice見到呢間好似唔錯所以過嚟試吓，入到去見到個內龍都幾靚，裝修都幾有心思叫咗個都幾有特色嘅湯底，入邊有鮑魚花膠雞同埋冬瓜湯，非常鮮甜，齋就咁飲都冇問題店家都好窩心俾咗啲信封我哋擺口罩呢個和牛刺身簡直係一定要試，非常好味另外佢哋嘅日式刺身拼盤都好好食，好似去咗日本食咁樣另外當然都要叫番啲粟米啊午餐肉嗰啲香港人一般打邊爐都要食嘅嘢總括而言今次都食得幾包幾開心下次一定會再去!

就算天氣熱都要打下邊爐過下癮啦! 今次去左呢間姆有特色又姆好味既火鍋店門面裝修內龍都幾好, 最緊要坐得闊落舒服, 出面太多打邊爐好迫叫左個特色雞鮑冬瓜盅湯底, 好鮮味新鮮煲出黎, 打邊爐之前點都要飲返2碗湯try try, 好好味!呢個和牛刺身簡直不得了, 好新鮮靚貨, 拍得住係日本食! 呢個真係一定要試下!另一份打邊爐牛都好鮮味好到牛肉味, 唔係cheap野魚食刺食同日本餐廳食果啲都無乜分別都係靚野, 呢個實在係估唔到墨魚滑幾出類拔萃, 依家先知墨魚滑質素都有分級數都係同出面同類型既手打丸, 但係真係材料靚味道就無得頂

太耐冇一家人去食飯，所以星期三晚我地四個去左太子既火薈中日火鍋打邊爐。椒鹽雞軟骨：即叫即炸既雞軟骨食落熱辣辣，仲有脆脆地既口感；雞軟骨份量好足，每粒既size大小適中，口感剛好，不會太硬口，而油份也不太多，很喜歡食這菜色！海南椰子雞鍋：依個鍋中包有新鮮椰子，餐廳示意是絕無添加成份；湯中全是椰子水，味道極為清甜！至於雞件既份量很多，而每件雞也同樣啖啖嫩肉！先飲完椰子汁再叫職員加入湯底準備打邊爐吧！西班牙特級豬仔腩：賣相經已精緻，由於家人不食牛肉，所以點了豬仔腩。起初好怕豬肉片會好鞋口，但原來口感吾鞋，反而好滑，這可能是由於是薄切既關係，令豬仔腩快熟又吾鞋，值得一讚！手打鮮蝦丸 (6粒)：個人推介必叫！！手打鮮蝦丸既size大大粒，因是手打關係所以食起黎特別有膠質又彈牙，而且蝦味十足～當中更帶有鮮甜味！黑椒牛丸：牛丸是我既至愛，所以決定點了。牛丸口感同樣彈牙，牛味濃郁，可惜黑椒味吾太突出。桂花蚌：桂花蚌既份量剛好，焯後既桂花蚌口感好爽口，而味道帶鮮甜；同樣值得推介啊！牛柏葉：份量也很多，焯後既牛柏葉帶點爽口，而且沒有雪味。出前一叮：價錢不貴，由於家人想令自己更為飽肚就點了。鳳城水餃(6隻)

餐廳一去到招呼已經唔錯。坐低我哋好快就揀咗湯底，揀咗椰子雞湯潤一潤。個湯好香椰子味，等湯底滾好就食啲雞。食完啲雞就準備打邊爐。加湯之前就飲左個椰子雞湯先，椰子味好香，湯好甜！另外叫左刺身拼盤，好豐富，有帶子、蝦、北寄貝、魷魚等等，樣樣都新鮮！份量亦都唔少，四個人食剛剛好！火鍋配料叫咗白鱔片，真係好好食！唔會腥，而且淥完之後好爽脆，高質！韭菜餃好大隻，而且充滿韭菜香！雜菜籃好抵食！有好多唔同嘅菜，好豐富！仲有啲蕃茄、粟米等等。當然唔少得叫牛。極上本地手切牛肉，真係好好食！肉質優質，又有牛味！呢度打邊爐，所有食物都好好食！真係搵到好嘢食！

一班朋友最鍾意就係打邊爐，今日就嚟咗呢間太子嘅火鍋度食。平日晚上時段已經滿座，非常好生意！點左湯底之後就即刻叫個刺身食下先。刺身質素唔錯，而且好新鮮！三文魚厚切夠肥美；帶子亦都好大粒鮮甜。甜蝦鮮味，象拔蚌爽口；北寄貝亦都幾爽；魷魚有好多片，口感唔錯。我哋叫咗椰子雞湯，非常足料！雞肉夠滑。店員話食完啲雞一定要飲啲湯，因為真材實料，飲落真係好鮮甜，有驚喜！極上本地手切鮮牛肉，估唔到份量都有好多！牛肉夠鮮味，有牛香，食落有口感！手切牛肉呢個真係好好食！黑豚肉擺盤好靚，用個豬仔盆裝住。黑豚肉肉質幾香，而且豬肉夠林，肥瘦適中！廣島蠔漲卜卜夠肥美，有鮮味！鬼馬雙星一定要叫，係油炸鬼配蝦滑！油炸鬼脆口，蝦滑又夠爽口。呢個唔係度度整得好食！呢間火鍋食物質素高水準，晚上仲有七折好抵食！四個人食，人均消費$350左右！

打邊爐同屋企人夜晚打算打邊爐，無意之中見到呢間火鍋店做緊七折優惠，加上係太子站附近，就諗住去試下。黎到之後發現，店鋪環境算乾淨，食材選擇多，而且性價比高。係呢個疫情期間，會為客人準備擺口罩嘅信封同埋提供酒精搓手液。揀左個胡椒豬肚雞鍋🤩 雞肉嘅肉質鮮嫩，胡椒味都夠重，仲搭配埋酸菜，味道唔錯👍🏼肉類係必叫嘅😋 今次叫左安格斯牛頸脊同埋鹿耳島黑皮豬，兩款都唔會令人失望😌 牛嘅油花分布均勻，質嫩爽口。而豬，肥瘦相間，肉香純正，值得嘗試😉其中手打雙拼丸同埋鮮蝦雲吞都係真材實料嘅火鍋料理，肉丸口感爽脆，雲吞肉餡裡面有一隻完整嘅蝦🦐 料足之餘，蝦味十足一開始以為火鍋店嘅刺身拼盤一般，但食嘅時候口感唔錯，好鮮甜😋 唔輸出面嘅高級壽司店其他小食同埋食材都好新鮮，料夠足👍🏼 食落去口感豐富，令人忍唔住一直咁食😎