火薈中日火鍋

Open Now

Now Closed

前排凍凍地，所以約左朋友打邊爐。經佢介紹黎左太子呢間日式火鍋店，聽講風評非常唔錯！首先黎既係日式刺身（松）。刺身種類都唔少，有帶子、鮑魚片、魷魚、蝦、北寄貝等等，食落去感覺都幾好鮮，最緊要係夠凍，作為開胃菜一流！今次揀左個雞湯湯底，職員好有耐性咁教我地要等水滾之後先食雞等左一陣終於水滾啦！雞肉入味且嫩，鍾意食雞既朋友絕對唔可以錯過，而且配料既味道都唔錯！食完雞之後就可以飲吸收曬日月精華既椰子雞湯，個湯飲落好鮮仲有椰子既甜味，唔錯！飲完個湯暖完胃之後，職員就會加水比我地開始打邊爐。配料有好多選擇，除左牛係必叫嘅，我地仲叫左即炸響鈴、水魷、冰巢豆腐同雜菜籃，配料食落算新鮮，份量又岩岩好！

太子比較少人講火鍋，講親都係飲野，今次呢間響酒吧街既火鍋店真係要推介下。湯底我地點左海南椰子雞湯，店員建議我地首先食雞再飲湯，雞既份量多又肉嫩，有別於普通湯底。打邊爐點少得食牛啊。我地就點左個牛肉塔，貪佢有齊幾種唔同嘅牛，乜都可以試下。啲牛都幾新鮮，色水唔錯，中上算幾靚，而且份量都夠我地幾個人食。其實呢間火鍋店都有幾多野食可以揀（刺身，小食都有）。除左牛，我地仲點左好多配料，好似水魷啊竹笙啊丸啊呢啲。呢度嘅丸係手打嘅，有別於出面果啲雪藏冰鮮野，最正係佢啲牛丸十足十酒樓果啲咁足料，真係第一次試打邊爐嘅牛丸係咁。牛丸真係必試！我覺得最值得一提既係員工好友善好主動幫忙，每次枱面清左野食，都會主動黎收，服務好周到。

位於太子既呢間火薈, 唔單止有得得打邊爐仲可以叫刺身食, 野食選擇超級多椰子雞湯底一煲有大約半隻雞份量既雞肉, 連同玉米同紅蘿蔔一齊煮的湯底個湯超香既鮮味!! 椰子味不算特別重, 但係雞湯既味道出哂黎 點了個刺身拼盤, 有帆立貝, 北寄貝, 鮑片, 甜蝦等等份量超多最正都係個甜蝦, 超鮮味的火鍋料我最鐘意食就係呢個蜂巢豆腐別看佢外表普通但係吸收哂湯底既味道超鮮味的手打黑椒牛丸超濃既黑椒味, 手打個質感都唔同D大大粒味道超好味

朋友介紹黎間火鍋店做緊7折優惠，聽講d野食都唔錯，餐廳環境好乾淨，火鍋醬料好整齊黑松露野菌鍋 $168不得不介紹湯底，店員介紹左黎個黑松露野菌鍋，黑松露味好重好香，加上d野菌，成個湯底都提升左刺身拼盤(竹) $188話明中日火鍋甘一定有d日式野食，就係黎個刺身拼盤，食火鍋前先食個刺身做前菜，有甜蝦、鮑魚、北寄貝、帶子同墨魚，相當新鮮鮮甜老友鬼鬼 $78老友鬼鬼其實係油炸鬼釀蝦膠，聽落已經覺得好吸引，係甘食就脆脆地，如果吸埋湯汁軟綿綿口感更加豐富火薈牛肉塔 $369食火鍋點少得牛肉，黎個牛肉塔有齊唔同部位既牛肉，有安格斯牛肉、牛柳粒、牛舌、牛同牛胸爽。牛肉好新鮮，每一塊油脂分佈好平均其他火鍋配料我地仲嗌左午餐肉、餃子等等，基本上全部野食都好新鮮，加上7折優惠，好抵食今次食得太飽未有機會試埋個甜品，但個雪芭都好吸引，下次一定會留肚食整體得分: 4 / 5

心血來潮想食火鍋，見到黎間火鍋店有7折優惠，所以一於就揀黎間。餐廳環境好乾淨整齊，枱櫈好闊落，坐得好舒服黑松露野菌鍋 $168(美味指數: 😋😋😋😋)打邊鍋最緊要係湯底，未上枱已經聞到好香既菇味，店長話專登訂黎隻野菌，因為佢真係好香，直頭香到想飲多幾啖湯，而且配搭埋黑松露，簡直就係香上加香老友鬼鬼 $78(美味指數: 😋😋😋😋)睇個名都已經估到佢係油炸鬼，不過估唔到原來係油炸鬼釀蝦滑先岩，真係唔係度度都有得食，所以真係值得一試。可以即食又或者擺落火鍋涮一涮，油炸鬼脆卜卜，配埋蝦滑係一個唔錯既小食招牌手打四寶丸(12粒) $138(美味指數: 😋😋😋😋)(墨魚丸、蝦丸、牛丸、豬肉丸)四寶丸真係手打自制，食得出真材實料，爽口彈牙😋整體食物質素：4 / 5💰性價比：4 / 5👍推薦指數：4 / 5

由太子地鐵站一出，一直行到花園街盡頭方向，門口只做接待，行樓梯上去便到餐廳。店員服務非常友善，會詳細解釋先喝湯、食雞，再加湯打邊爐。刺身拼盤 (松) $298有甜蝦、北寄貝、帶子、螺、飽魚，樣樣都新鮮甜美，貝類尤其爽甜彈牙。海南椰子雞鍋 $238用新鮮真椰子做湯底，加雞一齊滾熟，便先喝湯，湯鮮甜而且椰子味濃，雞相當嫩滑。頂級安格斯牛頸脊 $268肉質嫩滑、爽口，油脂分布適中，而且牛味濃郁。鴨紅 $48都係彈牙，質量高，只係湯底唔係重口味，索個湯汁唔明顯，所以如果湯底係麻辣的話，一定要叫這個!!美國桶蠔 $1484隻，大大隻，相當肥美，而且色澤光鮮，豐滿，熟透後，沒有收縮很多，咬下去，十分juicy，裙邊爽口，而蠔肉非常多汁，不用多力已經咬開，相當新鮮滋味。蟹子墨魚滑 $78稻庭烏冬 $42萵荀件 $32蜂巢豆腐 $36脆鯇骨腩 $78

我諗香港人10個有八個都鍾意打邊爐同埋食日本嘢一餐飯點樣可以滿足呢兩個願望呢？就係去有日本嘢嘅中日火鍋店！呢間火薈我留意咗佢好耐喺太子警署附近嘅花園街今次終於有機會同朋友嚟試一試鋪頭都幾多座位仲有一間VIP房如果人多book呢間房食團年飯做冬都得!一睇Menu梗係咋咋淋揀個湯底先啦店員熱情推介椰子雞鍋湯底係用椰子水煲出嚟未滾已經聞到好香嘅椰香味如果鍾情椰子味嘅朋友仔就一定唔可以錯過啦等湯底滾之前梗係嗌啲刺身食下先啦我哋嗌左個刺身拼盤樣樣都好新鮮呀打邊爐嘅食材都相當吸引牛頸脊好香好滑好有牛味仲有佢嘅蝦子墨魚滑又滑又彈牙！另外想大讚嘅係佢哋嘅服務係非常之周到我哋食完湯底啲雞搞到隻碟好多雞骨店員會即時上前幫手換過隻新碟俾我哋呢個價錢有咁樣嘅服務真係非常之抵呀

咁岩朋友喺太子收工，所以就搵下附近有咩食，見到呢間打邊爐又有7折優惠所以就想食下。呢度湯底有好多款，店員推薦我地食尊貴花膠魚翅雞鍋，冇諗到原來仲有鮑魚，好足料，魚翅份量都唔算少，仲有花膠大大片，個人最推薦係一定要飲佢個雞湯，好濃味，因為一加左湯就會變淡左！我哋每人都飲左兩碗，推薦！店員會幫手切冬瓜，冬瓜煲到好淋，我地叫咗個海鮮拼盤（$498），有波士頓龍蝦，聖子，海蝦，廣島蠔，因為冇晒大蜆，所以其他海鮮比多左我地，啲海蝦一上到黎仲郁緊，好新鮮，食落都好鮮甜，而聖子仲長過我隻手。呢個海鮮拼盤必叫。另外仲叫咗個刺身拼盤($298)，刺身款式都算多，而且都好新鮮，推薦甜蝦。另外最主要有七折優惠，所以叫咗蝦滑同墨魚滑，上面仲有蟹子，仲有自家製墨魚丸，另外估唔到仲有皇帝菜，因為好少打邊爐鋪頭有皇帝菜揀！ 最主要吸引嘅係七折優惠，所以大家可以叫海鮮牛肉以外嘅都有七折！下次會再嚟但係會揀其他湯底試下！

經過旺角太子附近，好耐冇打過邊爐，所以上OpenRice 搵吓有咩好食，見到呢間火鍋店呢排做緊七折優惠，所以我地就決定食呢間。望到有幾種湯底，本身諗緊食火焰波士頓龍蝦海鮮鍋，但係店員推薦花膠魚翅雞鍋，有鮑魚花膠魚翅金華火腿，所以我哋就揀咗呢個。呢個鍋鮑魚都有幾隻，一試個湯好清甜，好似屋企煲嘅老火湯咁，好正。我地叫咗個海鮮拼盤，有波士頓龍蝦，聖子，海蝦，廣島蠔。我哋四個人食份量岩岩好，我自己最推薦龍蝦，好鮮甜又多肉！而蠔都好新鮮！另外仲叫咗個頂級安格斯牛頸脊，呢個真係食到停唔到，牛肉肥瘦分布岩岩好，食落好香牛味！另外因為有七折優惠，所以就叫左自家製墨魚丸同黑松露鮮蝦丸，我自己就鍾意食墨魚丸，因為好香口彈牙，而朋友就好鍾意食黑松露鮮蝦丸，因為好香黑松露味。建議大家可以叫多啲其他餸，呢度仲有豆苗，不過個餐牌冇寫要自己問架，呢啲都有七折。下次都會想再黎食呢間，就會試下龍蝦海鮮鍋。

上星期同朋友慶祝生日，去咗太子一間坐得幾舒服嘅火鍋店，除咗空間咁大之外, 連坐嗰張櫈都好鬼舒服。我哋點嘅係海南椰子雞鍋， 首先係用新鮮雞連同椰子內椰子水 ，加上少許其他配料一齊煲煮，首先每人飲一碗鮮甜椰子雞湯，之後再加湯畀我哋去家火鍋配料，不僅飲嗰碗雞湯嘅時候感覺先甜連絡其他配料例如牛肉，手打丸，每件配料都沾滿椰汁水嘅味道，很清甜。響等 個湯底滾嘅時候我哋點咗一個刺身拼盤叫做“松”，裏面有海螺，北寄貝，帶子，鯛魚，魷魚同埋蟹子,朋友最喜歡嘅就係魷魚,因為佢十分新鮮而且口感一流,爽爽地之餘，完全冇唔新鮮嗰種黏笠嘅情況出現！ 帶子同埋北寄貝都係十分鮮甜，帶子雖然唔係有時食到好大件嗰啲質素,但係都好夠厚身,食完都有一種滿足嘅感覺.極尚本地手切牛肉, 打邊爐想係要食牛肉啦， 佢有好幾款唔同嘅牛肉，連牛肉拼盤都有，朋友話佢話食開手切嘅：我哋就點呢一款， 就咁睇落都知道係好新鮮，肥瘦分明， 淥完嘅時候佢冇縮到好細，好香油花嘅味道，而且佢一盤嘅份量，都好大我哋都食唔曬。 我推介大家點竹笙，因為竹笙可以完完全全索曬湯底，唔可以錯過湯底嘅精華！ 鬼馬油炸鬼外面係炸到好趣嘅又曬櫃裏面係手打蝦膠，，蝦膠嘅

生日食咩好？ 梗係食我2最鍾意既打邊爐啦！ 不過唔係我生日，係我friend生日，但大家都好鍾意打邊爐，仲就晒我friend過太子。去完迪士尼，打邊爐超滿足，可以大刷一餐。呢度幾清靜，雖然係打邊爐既地方，但啲食客都勁斯文，唔係勁大聲講野果種。原來餐廳開左3年，勁好彩，有7折優惠！講返野食先：# 海南椰子雞鍋 # ***** *** 8/10個湯底好清甜，最正係啲雞，吸收左啲椰子水既清甜，食落啖啖美滿幸福感！ 我真係超鍾意椰子雞啊，哈哈。啲2雞煮完都仲係好滑，因為店員好細心叫我地要熄火食左啲雞先。其實店唔講我都會咁做，因為我係椰子雞die hard fan！# 刺身拼盤 - 松 # ***** **** 9/10好多款刺身，有帶子，蝦，魷魚，螺，北寄貝等，我最鍾意一定係帶子，好鮮甜！螺都係我必食！# 極尚手切本地鮮牛 # ***** **** 9.5/10啲牛好有牛味，最鍾意本地牛，最唔鍾意食和牛，因為我鍾意本身牛入口煙煙in un有咬口有牛味！ 一個字，正！最緊要係，烚完啲牛，煲湯底無乜油！# 手打墨魚丸 # ***** **** 9/10好爽甜，打邊爐必嗌！ 無影到相。# 美國筒蠔

香港近排凍左咁多，就梗係要打個邊爐暖暖佢啦😌近排比我知道左原來係太子站附近有間舖開左三年，而家仲做緊七折大優惠😍所以即刻要同屋企人試試佢！來到之後，發現原來呢度唔止打邊爐仲可以食刺身，當然唔執輸，叫左碟來試下！刺身全部都好新鮮好鮮甜，無雪藏味！鮑魚片同帶子有浸浸甜味，好正好好食！接住落來梗係要打個邊爐啦，今之叫左椰子雞湯底。原來佢地係用純非洲椰子水，完全唔添加任何雞湯，煲滾左之後索晒啲雞味同埋其他材料，好鮮甜啊D雞又肥又大隻，足足半隻啊！！D雞好滑😚😚其他料方面墨魚汁墨魚丸從來都未食過黑色嘅墨魚丸㗎🤣佢撈埋啲墨魚汁落去令到墨魚嘅味道好重同時亦都好有咬口，feel到粒粒墨魚🦑花竹蝦之所以叫呢個蝦係因為老闆介紹食落果然冇介紹錯好大隻而且蝦肉肉質好爽口結實蟶子就更加唔使講啦鮮甜好味！食肉獸又點可以少咗牛呢呢幾層有唔同牛嘅部位隻隻都好重牛味而且油脂分布好平均淨係見到啲紋路都知係高級野個人就最鍾意食牛舌哈哈最後叫埋啲菇，索晒所有嘅湯汁，一流

天氣轉凍就特別想打邊爐，今次黎到呢間太子既中日火鍋店！去到門口見發現原來佢有7折，咁又好似幾抵下😍見間黎枱叫左刺身睇落好正咁，我地又叫左份刺身拼盤做左頭盤先！佢有6款刺身，每款大約4片，我最鐘意就係佢既甜蝦同帶子，好甜！🤗海南椰子雞鍋之後黎左個湯底，我地好奇問下侍應，原來個湯係純椰子水，再加雞落去！係佢滾左3分鐘之後就可以食啦，飲曬佢啲湯先最後加湯打邊爐。個湯真係好甜，加埋啲雞味真係好好飲，一人都有飲成2碗架！同埋啲雞好滑呢😛 記得唔好煮咁耐阿！仲叫左少少海鮮食下：花竹蝦同埋聖子皇。佢地都好新鮮👍🏼之後就係我最鐘意既肉啦！識叫就梗係叫火薈牛肉塔，有曬咁多款肉俾我慢慢試。佢個賣相仲好吸引TIM😍 推薦佢既安格斯牛肉同牛舌👍🏼墨汁墨魚丸, 都係墨魚味啦～什菇籃，有多種菇類，岩曬愛菇之人，份量都多架！

一人三行，突然想去打邊爐。剛巧走到花墟附近，我看見一間中日火鍋店，所以就決定試一試。-尊貴花膠魚翅雞鍋（$368）火鍋湯底全是真材實料，原隻雞、大量花膠，還有金華火腿、冬菇。湯底夠濃厚湯底，但絕不油膩。-白鱔片（$98）新鮮白鱔片，分量十足，鮮味無窮，是火鍋的最佳配料之一。-安格斯牛頸脊（$218）肉味濃郁，也是這裏必點之選。-即炸響鈴（$48）新鮮趣卜卜的響鈴，放進湯底2至3秒，吸收了湯的精華，簡直完美。-最近是餐廳的開業周年紀念，推出了多種優惠。尤其是七折優惠特別吸引，生日的壽星更有大優惠。在旺區竟然有一家優質和抵吃的火鍋店，下次必定會再來試一下。

在香港的火鍋店，很多都配料高質，但是用心製作湯底的不是太多家。這一次熊貓想為大家推薦一間不但配料美味的火鍋店，而且湯頭非常高質。這間位於太子的火鍋店，主打中日火鍋，他的用心製作火鍋湯底實在令人推薦。這次一行三人，點了這裏著名的花膠魚翅雞湯底，令人喜出望外的，是火鍋湯底竟然有原隻雞。首先湯底非常濃厚，用上非常高級的材料，包括花膠、金華火腿等等。火鍋湯頭絕不油膩，而且更想飲多幾啖湯底。火鍋配料方面，也令人喜出望外。喜歡吃牛肉的朋友，絕對不能錯過安格斯牛肩，肉味非常濃郁，配上用心製作的湯頭簡直正。令一款特別推薦的配料是，老友鬼鬼。油炸鬼上，加上鮮蝦，放在湯裏浸幾秒，非常好吃。而且這個菜式並不是每家火鍋店都有。環境方面，火鍋店非常舒適，每台之間都保持適當的距離，而且環境非常整潔。建議各位來之前預先訂位，就算平日也經常滿座。另外非常值得一提，適逢餐廳周年紀念，餐廳現正進行各款大優惠。最抵食當然是全天候七折優惠。用這個價錢，吃得到那麼高質的食物，當然要推薦大家啦！