四季芬芳

Open Now

Now Closed

四季芬芳是蛇王芬第四代的餐廳，選了主食香酥豬扒擔擔麵。豬扒十分鬆軟，外皮炸得香脆，搭配微辣的擔擔麵，每一口都帶著豐富的豬肉碎和蝦乾，並以花生味香濃的調味料提味，讓人愛不釋口。蟹粉豆腐是另一道值得品嚐的菜式，蟹粉和蟹膏味香濃，搭配石鍋上的豆腐，口感綿密軟滑，是一道深受蟹粉愛好者喜愛的菜式。蟹粉豆苗同樣是蟹粉的精華所在，溫室豆苗鮮嫩爽脆，搭配上蟹粉的獨特香味，令人回味無窮。三色小籠包絕對不容錯過。除了原味和黑松露口味之外，每個小籠包都蒸得剛剛好，餡料豐富，湯汁暖口，而小滴管內的是醋，適合打卡。餐廳的招牌超級水果茶讓人感到清新的，味道清甜可口，加上像是剛剛打開的百香果味道，喚醒了大家的味蕾。

周三晚市一家四口吃飯，怎知吃到一肚氣。到達後，只得門口一張枱，我們說看看裏面有沒有其他枱，侍應已黑面😡說只有這張，你們坐這張。坐下後，看到枱上有一壼茶，但我們有人是不喝茶的，我舉手示意叫侍應過來，侍應視而不見，在遠處傾計，不願意過來。我再三示意，才有個侍應慢慢走過來。我叫侍應開多一壼水給我，她態度很不友善地說，你已有一壼茶，我說我們有人不喝茶，可否給我一壼水，她只說一係我拎走你壼茶，只開壼水比你。一係你要多一杯定兩杯水，態度極差！😡為免麻煩，我就要兩杯水。食物味道一般，油很多。埋單時看到茶錢是$10/位!!! 總之貼錢買難受!!! 不會再幫襯!!!

平日晚上都九成滿，本身以為佢主打蛇，唔食蛇就無野岩，但係係門口睇牌餐又見到都有唔少夏天秋天岩食的選擇，堂食多人之餘都有唔少人walkin買外賣。炸龜苓糕一款從未見過的甜品，估唔到可以咁創新。軟腍口感與椰汁斑蘭汁出奇地夾，雖然本身個味道微苦，但係汁底的甜又平衡返，有趣有趣!燕窩蛇羹海鮮節瓜湯湯底足料，其實佢係有個小套餐係仲fit，可以優惠價叫埋佢的特色飯，但係今次只係齋叫湯，留返quota食其他！好足料同入味 中，有火腿、瘦肉片、冬姑、節瓜及薏米等，重頭戲當然係瑤柱同燕窩啦😍黑松露小籠包有支小飲筒去鎖左D醬汁，皮身薄得黎又唔會夾起就爛，豬肉餡結實入味👍臘腸芋絲春卷貼心地幫食客一開二，上碟時已分成四件，方便分甘同味，其他食物水平較高🙈招牌雙色蟹膏撈面叫得招牌，一定唔會令人失望。打完卡就將流心蛋、蟹膏等撈勻，個麵條將所有醬汁完美地吸收晒，好滋味好邪惡!醉雞雞件嫩口冰凍清爽，酒底暖口，配上粒粒紅棗，補身又補心😚整體坐得幾舒服，仲有間房間for多人聚餐(唔知有冇最低消費🙈)

我是十分相信中藥對身體的效用, 所以平時都會遵循中醫師的建議及飲食食療, 今天好開心, 了解更多膳食的奧秘.  欣賞四季芬芳的變革創新, 帶出四季養生新潮流, 最近就有全新春夏養生食療料理.蛇, 滋補不燥, 透過不同的烹調方法對人體產生不同功效, 四季芬芳根據季節以不同藥材入饌, 全年也可吃蛇!  就如這款燕窩蛇湯燉節瓜盅, 以蛇骨、雞肉、豬肉等新鮮食材熬煮半日而成, 又有節瓜釀帶子、蝦仁、瑤柱, 最正是有祛濕的生熟薏仁燉2-3小時.特別要讚湯中加入玫瑰花瓣, 賣相靚之餘又能疏肝理氣解鬱.喝完湯, 可吃個飯 - 紫椰菜臘味粒蟹肉蛋白炒飯, 粒粒分明, 喜歡陳皮絲的清香, 即使有臘腸也不覺油膩.喜歡香口美食的話, 就要吃太史蛇羹酥, 蛇羹湯水凝固成為啫喱肉凍，再以酥皮包起並炸至金黃色, 一口咬下就嚐到原汁原味!藥膳醉乳鴿王, 肉質嫩滑, 加入女性恩物、補血活血的當歸杞子於醬汁中, 把乳鴿浸一整晚, 很入味! 最喜歡上碟時淋上的花雕酒.四季芬芳也有點心吃的, 例如清熱解毒的菊花蝦餃, 很特別呢~ 首次看兩者的結合, 新鮮彈牙的鮮蝦加入平肝明目的菊花, 為餃帶來淡淡花香, 而此餃也很適合肝火

1️⃣招牌雙色蟹膏撈麵係凍的,醬係夠多,但味道唔夠濃味,較普通💰HKD$1392️⃣生炒糯米飯依個的確炒得好香好入味.但細碗左D,偏貴💰HKD$59餐具污糟有塵,叫左店員2次先幫我換

這天行開沙田，見到新城市這間餐廳突然想試試，果真不錯。點了一飯一煲一雞兩個湯同兩支野飲：蛇王芬臘腸蟹肉蛋白炒飯：風味非常特別，芬臘腸和蟹肉的味道完美地結合在一起，帶來深厚的海鮮香氣。蛋白的加入讓口感更加豐富，炒飯的彈牙口感也讓人回味無窮。大澳蝦乾家鄉粉絲雜菜煲：有蝦乾的味道非常鮮美，加上粉絲和雜菜，湯汁鮮甜可口，以雜菜煲形式將各種材料的風味充分釋放，讓整道菜品更加美味可口。雪梨沙參玉竹燉老鴨：這道燉湯以老鴨為主要原料，加入了雪梨、沙參和玉竹等多種中藥材料，湯味鮮美清甜。老鴨肉燉得非常入味，肉質細嫩，食用後還有補益養生的功效，絕對是一道非常健康美味的湯品。冬瓜瑤柱燉響螺：這道菜以冬瓜和瑤柱為主要材料，加入了響螺和其他調味料燉煮而成。湯汁鮮美，冬瓜入味，瑤柱的鮮味和響螺的口感也非常出色。整道菜品味道平衡，我朋友都飲到讚不絕口。花雕醉雞：用上了優質的花雕酒，將雞肉燉得非常入味。雞肉的口感非常嫩滑，酒的香氣也非常濃郁。整道菜品口味獨特，我地去左外國咁多年，番到黎香港食這隻雞感覺特別親切。最後仲點多兩支野飲：分別系竹蔗茅根馬蹄薏米水同埋桃膠菊花桂花雪梨，用上了多種中藥材料，包括竹蔗、茅根、馬蹄和

呢日走到去沙田蛇王哈哈！其實係同老婆大人同埋朋友走咗去四季芬芳食蛇先真。我已經唔係第一次嚟四季芬芳，上次去宅度假之前就係嚟呢度食晏晝印象非常唔錯，難得呢日入沙田一於嚟重溫下好味嘅點心先。睇睇餐牌竟然見到有平時冬天先至會食嘅蛇肉菜式，乜春夏天食蛇都得唔會燥嘅咩？我第一眼就睇中呢個燕窩蛇湯燉節瓜盅拼紫椰菜臘味粒蟹肉蛋白炒飯嘅孖寶，有靚湯又有個炒飯食好鬼豐富咁。呢個燕窩蛇湯燉節瓜盅入面嘅燕窩都有唔少，入面有蛇肉、大蝦同埋乾瑤柱，加埋正氣嘅節瓜個湯好飲落去香甜。另外呢一個紫椰菜蟹肉炒飯都好好味道，炒飯夠乾身拍得住化老婆大人嘅手勢，仲有好多鮮甜嘅蟹肉而且份量唔小添，呢個湯加飯嘅孖寶賣百五蛟真係好抵食。                               跟住呢個藥膳醉乳鴿王估唔到質素會咁好，個乳鴿肉好鬼嫩滑但係唔會好淋仲好有咬口，酒味同鹹度較得啱啱好呢隻乳鴿王係正斗嘢嚟。除咗蛇肉同埋燉湯餐廳仲出咗好多新款點心，全部都七彩繽紛好鬼養眼入面有唔少係滋補養生又唔會燥嘅點心。呢個白雪雪嘅係太子參帶子餃個皮好煙韌，入面有好多鮮甜嘅帶子肉食落會有少少回甘，嗰啲應該就係太子蔘嘅味道。呢個金黃色嘅就係菊

今日去試咗蛇王芬旗下新嘅年輕線品牌「四季芬芳」，即刻睇吓有咩好食！🔖菊花蝦餃💰34蝦餃皮用咗菊花粉入饌🌼調配出淡淡金黃色，帶有陣陣嘅清香，煙煙韌韌🤓而入面嘅蝦肉都好彈牙🦐皮薄餡靚啊✌🏻💫推薦指數: 8/10🔖翡翠蘆筍餃💰29呢款餃都係屬於全新嘅養生系列！入面嘅餡料包括有新鮮豬肉、雞髀菇、秀珍菇同蘆筍，另外仲有百合添😙蘆筍爽口，豬肉好juicy，經炒香之後好惹味啊🤗💫推薦指數: 8.5/10🔖黑松露小籠包💰34聞落去已經有好香嘅黑松露味🥰小籠包上面插咗一枝test tube仔，係醋嚟㗎🤓所以一咬落去，就會有湯汁、肉汁同醋🤤相當有驚喜！💫推薦指數: 8/10🔖雙重黯然銷魂煲仔井💰89呢個飯呈現咗兩種腩肉嘅煮法🐽一邊係薄切，灑上芝麻~而另一邊就厚切，用汁煮過，相對會juicy啲，香口啲🤭食之前將飯粒同汁醬同蛋黃撈匀，輕鬆食咗兩碗🤣💫推薦指數: 9/10🔖蟹粉蝦仁💰139好足料啊😍超多蝦仁！質感爽彈🦐加上蟹粉，鮮味double up!!💫推薦指數: 8/10🔖桃膠菊花桂花雪梨茶💰26成個配搭完全係清甜又滋潤🤩飲落去好舒服，完全係屬於夏天嘅飲品😋💫推薦指數: 9/10

沙田「四季芬芳」係中環「蛇王芬」嘅年輕線，除了傳承老香港味道之外，更要與時俱進，以新潮粵菜、點心及輕食貼近都市人健康日常飲食模式，將傳統與現代融合。今日同朋友做完GYM, 就去咗四季芬芳食Dinner, 餐廳裝修風格以中式帶點懷舊。蛇王芬特色蛇羹套餐: 包括有花膠太史蛇羹+生炒臘味糯米飯蛇羮不愧該店嘅招牌菜，材料豐富有蛇絲、花膠絲、筍絲、雞肉絲、瘦肉絲、冬菇絲木耳絲等。伴上薄脆、白菊、生菜絲，入口清甜有層次夠味！生炒糯米飯粒粒晶瑩分明，色澤均勻，再加上香噴噴嘅臘腸粒、潤腸粒同花生，入口香口軟糯！原味小籠包: 每粒都插住一枝裝有醋的膠管，因個人喜好酸度而吱出, 小籠包皮薄餡料足有湯汁，再加上吱入嘅醋更提升了味道。菊花蝦餃:用菊花粉入饌調配出獨特淡淡金黃色皮，蝦肉餡料新鮮彈牙，絕對係實而不華的地道點心。蛇王芬子薑紅油抄手:皮薄潤滑，餡料有蝦同肉碎，入口柔嫩鮮美，湯汁微辣濃香十分開胃。酸菜石斑魚:酸菜魚可揀辣同唔辣，石斑魚肉每件都切得厚身大大件又冇骨，入口嫩滑得來又帶少少爽口，非常新鮮，酸菜酸爽，配菜還有本菇、秀珍菇同芋絲吸湯汁好惹味！

嚟到沙田朋友介紹蛇王芳，個名好熟嘅原來係指四季芬芳，間店舖細細但客人唔少，六點半已經有十幾台客！門口寫明食用時間限時一小時，好似短咗少少，但都入去試試；坐落都舒服，用手機點餐比較方便！點了一個蛇羹湯燕窩和蟹肉炒飯套餐，再加個特別嘅潤腸鹹水角，小籠包和菊花蝦餃等等；之後再加多個黯然銷魂拌麵，柑桔生煎包和花甲菠菜；首先嚟到嘅蛇羹湯燕窩，湯清甜再加少少燕窩，感覺特別潤喉；而蟹肉炒飯雖然色澤就比較淡，但食落都有鮮甜味；而鹹水角賣相真係比較特別，好似一舊炭咁樣！但係食落又唔錯，加埋條潤腸一齊食，別有一番風味！小籠包嘅特色就係浙江醋要自己唧落去，食落都還可以；菊花蝦餃仔啲蝦餃上面有小小菊花，嘅花瓣香味都比較創新！最吸引嘅柑桔生煎包外形成個桔一樣，外脆內軟又多汁，值得推介！銷魂拌麵就不過不失，啲麵質都可以；花甲菠菜有花甲嘅清甜，而菠菜再加上紫菜食落感覺健康同埋潤喉！整體來講菜式好有創新意味，食落味道亦都可口，值得推介！

其實經過中環店一役， 對「蛇王芬」的出品有點保留但是沙田市廣場的食物選擇實在不多，主要以連鎖店為主所以唯有選這間有點特色但又不會太多人排隊的餐廳- 四季芬芳來到「蛇王芬」的餐廳，理應吃蛇/ 糯米飯， 但今天實在對其興趣不大，加上有陰影，還是試一試其他招聘菜式雙重黯然銷魂丼$89中間是流心蛋可拌飯雙重，顧名思義，其叉燒則有2 種製法-薄切的3塊是炆腩肉 -厚切的則是叉燒汁腩肉各有特色， 個人較喜歡叉燒汁那款， 味道甜而不膩，也帶點鹹味薄切的炆腩肉 則是醬油味為主可惜自稱的煲仔丼， 竟然一點飯焦也沒有， 基本上只是一煲以煲上菜的叉燒飯（炒底），不過炒飯底她們的炒飯，的確炒得不錯， 乾爽粒粒分明，有蛋味飯香。另外的主菜蝦球海味葱油乾撈麵$89撈麵做到基本夠乾身，有被其海味乾驚艷到了，有鮮味， 不太硬，有咬口，炸過的葱絲有葱味，葱香濃郁撲鼻撈汁不會過鹹帶點甜味且野味麵條不一定要追求彈牙，她們家用上粗一點的上海麵，麵煮得夠淋而不是爛，很掛汁。配菜蝦仁是最失色的一項，有４隻，不是新鮮蝦又是急凍打水蝦， 只有彈，沒有其他可取之處。還點了小食蛇王芬子羌紅油抄手$49有4 顆， 味道不太辣， 醋味甜味較

廣受食家名人鍾愛嘅蛇羹🐍同臘味飯向來係蛇王芬嘅傳家寶，有別於一般嘅蛇羹專門店，年輕四季芬芳研創、協調新舊美食；百年老字號之初哀、𡚒鬥故事。回顧老字號蛇王芬百年歷史，讓我哋一齊閂入時光隧道，由1895年開始，吳桂芬祖母喺台灣經營蛇羹攤，頗有拿手好菜，當時有唔少客人都特地跑去品嚐，而呢股風潮一直傳承到依家。🌟燕窩蛇湯燉節瓜盅🥣：營養豐富，清補不燥。配上臘味粒蟹肉蛋白炒飯，粒粒分明。🌟太史蛇羹酥🥐：蛇肉營養高，肥肪少，蛋白質豐富。外酥內嫩，保留住蛇羹嘅原汁原味。🌟翡翠蘆筍餃：餡料有豬肉、雞髀菇、秀珍菇同埋蘆筍，加入中醫師推薦嘅百合，清涼解熱，寧神鎮定。🌟菊花蝦餃🌼：餃皮加咗菊花粉，菊花可以疏散風熱，平肝明目，藏喺蝦餃內嘅蝦肉新鮮彈牙，好好味。🌟紅菜頭素餃🥗：用上營養價值高達200分嘅紅菜頭，含有天然抗氧化物同埋補血功效，餡料有雞髀菇同埋冬菇，加埋中醫師極力推薦嘅杞子，蒸餃最能夠保持蔬菜嘅原汁原味。🌟太子參帶子餃：混入中醫師推介嘅太子參粉，氣陰雙補，太子參嘅藥性較溫和平實。加咗太子參嘅帶子餃甘香味濃，鮮味十足。🌟橙皮蓉柑桔包🍊：餡料用豬肉同埋鹹柑桔混合而成，鹹柑桔消炎止痛，含有大量維生素C同埋

行經餐廳，見到入面嘅裝修好有格調，行中式懷舊風，而且菜單又加入唔少創新元素，於是就入去試下。雖然以食蛇為主，但其實有好多唔同嘅菜式選擇，唔食蛇嘅朋友都可以一試。唔講唔知，蛇肉有好高營養價值，四季都可以食用。餐廳用QR Code落單，Menu 內有前菜、點心、小菜、特色飲品、燉湯同蛇羹等等。 由於朋友唔食蛇所以今餐就冇叫到相關菜式。灌雞湯百花丸賣相好似一粒荔枝，咬落爽口彈牙，味道鮮。黑松露小籠包味道唔錯，黑松露味突出，小籠包插住一支醋，將醋注入小籠包內同里面嘅肉汁混合埋一齊，相當有驚喜，我都係第一次咁樣食。蟹粉蝦仁蟹粉份量超多而且仲有蟹肉響里面，蝦仁爽口，非常鮮味。香辣半筋半肉湯麵香味撲鼻，牛腩同牛筋都炆得好入味，配合埋湯底及配料一齊食，真係唔錯。招牌雙式蟹粉蟹膏撈麵好有特色嘅一道菜，蟹粉嘅鮮味加埋蟹膏嘅咸香，配合溫泉蛋、蟹子同葱絲，令味道更豐富，口感更有層次。

約左朋友去沙田聚下， 我地去左沙田新城市廣場「四季芬芳」最近佢哋就推出咗全新春夏養生食療調理 ，非常適合春夏進補之用，今次食療主菜仍然有蛇，而佢哋嘅菜式大多數都 好有色彩，打卡一流，而且很美味。燕窩蛇湯燉節瓜盅 拼紫椰菜臘味粒蟹肉蛋白炒飯蛇湯營養豐富，節瓜祛濕消暑，仲有燕窩潤肺滋陰， 而且仲加入咗玫瑰花瓣，氣味更香，個湯味道很清甜，飲完個胃暖暖的；配上臘味粒蟹肉蛋白炒飯，炒飯粒粒分明有口感，加上紫椰菜及陳皮絲，清新爽口，令臘腸油膩感減低， 炒飯清清地鹹鹹地，食完唔會好滯。藥膳醉乳鴿王用上當歸和杞子等醬汁浸泡一晚，乳鴿肉質嫩滑，味道鮮甜，而且淋上紹興花雕酒，所以非常香，愈食愈想食。橙皮蓉柑桔包又好味又得意，柑桔包入面餡料有豬肉與鹹柑桔混合，包皮加入橙皮蓉在麵粉當中，用天然的食材，令顏色像更似， 手工細緻，打卡一流。太史蛇羹酥用鬆皮酥皮包起炸到金黃色，外層鬆脆香口，入面嘅蛇羹原汁原味，非常美味。另外仲有各種賣相高的特色，包括翡翠蘆筍餃、菊花蝦餃、紅菜頭素餃、太子參帶子餃及黑芝麻豆沙包，味道同樣一流。

四季芬芳推出～四季吃蛇配臘味皆進補、調補、更健康～今次推出嘅養生料理係配合返中醫學，利用食療方法進補！燕窩蛇湯燉節瓜盅湯底係用蛇骨、豬肉、雞肉去熬製，蛇湯營養豐富，節瓜祛濕消暑，另加入珍貴燕窩，燕窩潤肺滋陰，可大補元氣，能治虛勞咳嗽，潤腸開胃。藥膳醉乳鴿王除咗用紹興花雕酒之外，仲參考中醫師嘅建議加入當歸和杞子，將乳鴿浸一晚令到完全入味，當歸杞子係女士補身食品，既能補血、活血，又能調經！太史蛇羹酥外邊酥皮炸到金黃色，香脆可口之餘，咬落口入邊係啖啖蛇肉！黑芝麻豆沙包用竹炭粉做包皮，將黑芝麻、麻蓉同豆沙蓉混合出美味嘅爆漿流沙餡料！翡翠蘆筍餃豬肉、雞髀菇、秀珍菇同蘆筍切碎，再加入百合，話說百合清潤，歸肺經，有助清肺止咳，入心經，寧心安神，可紓緩常因壓力大而引致失眠多夢！菊花蝦餃加入左菊花係餃皮入面，令到餃皮成淡淡金黃色，蝦肉彈牙！橙皮蓉柑桔包外表可愛嘅包包，入面係將豬肉與同柑桔混合作餡料，鹹柑桔營養價值較高，消炎止痛、除痰止咳，含有大量維生素C同多種抗氧化物，維護血管功能，橙皮蓉加入麵粉當中製造出包皮！咬落好juice!太子參帶子餃將太子參混合入帶子製造出餡料，食落有淡淡參香！紅菜頭素餃食素人