Fûhn (The L. Square) (Closed)

去完銅鑼灣行街朋友想食越南餐網上見到呢間越南餐廳裝修新穎環境舒服 決定一試大蝦柚子沙律前菜大蝦柚子沙律非常有心思。特意有切細沙律生菜， 大蝦係切開對半，方便我地呢啲嘴細既女士食用。越南風味當然唔少得甜酸甜酸既柚子啦。 每一口沙律都有柚子清爽既酸甜，連同沙律同大蝦一齊食，再配埋佢沙津既酸汁， 相當爽口開胃，為我地既晚餐打嚮咗前哨戰！！！水蜜桃梳打水蜜核既香甜絕對係晚餐既完美配角。軟殼蟹米紙卷：非常好食！米紙卷皮薄餡靚，生菜新鮮，軟殼蟹炸得金黃鬆脆！配上特製沙律醬，非常野味開胃，作為餐前小食一流。安格斯牛肉湯粉配牛筒骨：牛肉粉既牛味濃郁，牛湯濃味，同出面比較，呢碗牛肉粉值得一試！牛筒骨之前從未試過，牛筒骨可放入牛肉湯粉一齊食或配搭越式法包。今次我選擇配越色法包，法包吸取牛筒骨既油，所以食落去很香，不會很油，兩者配合相得益彰。

因疫症關係都好少同朋友出去食飯，但我都會一個月有一兩次同朋友食下飯傾下計，今次我地去左銅鑼灣食越南菜。呢間餐廳我之前食過質素又掂，今次餐牌加入左一些新菜式，又多左種類選擇。清淡荔枝味又唔會太甜。軟殼蟹紙米卷，外面一層薄薄的皮包住，皮好煙韌裏面有生菜軟殼蟹粉絲紅蘿蔔絲包住好有咬口，沾上醬汁特別美味。大蝦柚子沙律，蝦好陣牙沙律菜好fresh又爽脆又碧綠，配上柚子肉口應又美味。特色牛湯粉有生熟牛肉，牛坑腩，牛筋片，牛柏葉，牛腩邊等。非常大碗配料又多，湯底又香濃河粉滑。

食過三次，今次餐廳新裝修，仲有新餐牌，可以試新野喇。服務我係繁忙時間去，夜晚八點，好多人，甘多人佢地嘅服務依然做到足，會加水，砌好碗筷同枱墊，讚。兩個人叫左三樣野食。特上小食拼盤有五款小食，一次過滿足五個願望，雖然所有野都係炸，但一啲都唔會覺得好油同好肥。軟殼蟹好脆，牛油雞翼好脆好香牛油味，而且好大隻，蝦餅係手打，啖啖蝦肉，好足料，扎肉串超級好味，只有呢到只食到，好淋好香好入味嘅肉串，豬扒撈檬佢同其他店舖唔同嘅呢就係佢會在面頭放油怱，令到個粉更香更好味，提升食慾。豬扒好香脆，成碗粉有好多配菜，足料又抵食。鮮蝦米紙卷成個米紙卷好精緻好乾淨，入面嘅餡料好豐富，點埋個特別嘅花生醬簡直一流。

記得之前食過銅鑼灣呢間fuhn, 覺得十分吾錯，今日又黎到銅鑼灣行街，於是就再去幫襯下喇一出就到啦餐廳裝修過，環境新淨而且座位十分闊落好坐!燈光又光猛。呢個好吸引!睇見都好想食餐牌有更新過，多左選擇!!樣樣都好吸引，選擇困難的我最後簡左札肉湯粉，再加左一個小食拼盤，同一杯白桃梳打侍應先遞上呢碗食越式湯粉必備既配菜超大碗札肉湯粉，就咁睇個湯好清，飲一啖真係不得了，好濃既雞味，而且絕對吾係加味精果種，同粉一齊食好夾，d粉索晒味!我最後差不多飲晒成碗湯呢個小食拼盤件件都好新鮮，熱辣辣。我最鐘意係蝦餅，入面超多蝦肉，而且十分彈牙，好味!白桃梳打都好正，係呢d咁熱既天氣下，飲一啖真係透心涼，而且甜度剛好，我好怕d好甜既飲品。總括黎講呢餐都滿意，值得一讚係侍應既服務態度，十分有禮同細心。

Fuhn 最近更新左menu ，有更加多不同種類、菜式選擇，而且餐廳已進行裝修！美國安格斯生牛肉河粉 $75超級大碗，性價比好高！生牛肉份量好多，而且好大片，色澤嫩紅，牛肉味濃郁！湯底清甜，再加上少少辣椒，同桔仔汁，更加惹味！超讚！特色鵝肝法包 $88呢個係新加入餐牌，好吸引，所以試一試！法包外層好香脆，內裡搽滿鵝肝醬！加上酸蘿白絲、酸青瓜絲、扎肉片等，一大啖咬落去，好滋味！越式炒通菜 $72通菜炒至好夠鑊氣，調味唔會過咸，唔錯！牛油果奶昔 $48呢杯絕對係每次光顧必點特飲！牛油果打至非常幼滑，好豐盈，好rich！帶淡淡牛油果味，仲有奶香，甜度適中！正！荔枝椰果梳打 $32好清新，甜甜的，nice!

happy hour 前準備食少少野 睇左foodie 們大推Fuhn 🍲 今日決定去試一試❤️炸芋頭春卷超級好味 平時我真係麻麻哋春卷 呢個其實係因為店員大推比我😂 (我想講有一個幾靚嘅店員真係不得了 做客遇着佢呢啲sales真係破產都似😂) 但係都係要多謝佢推薦俾我 呢個春卷真係好特別 皮好脆好薄 有別於平時嗰啲純粉皮 入邊有芋頭 咬落去好脆好香 再特別嘅食法係佢哋會送一碟生菜俾你 包住食😂❤️❤️❤️ 真心覺得唔錯👍🏻炸蝦餅物超所值！物超所值！物超所值❤️🤣🤣🤣 自己睇圖 真係全部都係用真正嘅蝦肉自己手打出嚟㗎(又係個靚女店員推介俾我嘅😂太容易被sell 😂) 口感好實 蝦味重 啖啖都有蝦肉 彈牙 爽 皮脆 薄 足料 又係誠心推薦❤️👍🏻和牛 牛丸pho 從來冇食過pho有和牛呢個級數 咬落去嘅嗰陣和牛香 牛油味🤩🤩🤩🤩 溶化了！同埋牛丸都係用和牛料自家做出嚟 認真係冇得輸 同埋份量好大 一碗夠兩個人分😘🔥特式鵝肝法包個包嘅表焊得好乾 好脆 但係內裏係好鬆軟 包入邊擦咗兩浸鵝肝醬 你食每一啖都有鵝肝味 仲有越南腸 菜 其實

有一段時間沒吃越南菜了，這次相約朋友來到銅鑼灣的fuhn。最近餐廳經過裝修，不止環境不一樣，座位更舒適，就連菜式也和以往有所不同，多了很多新品。我們兩人點了一些小吃分享著吃。香茅牛油雞翼。共有4件，炸得金黃鬆脆，而且真是從外到內都充滿啖啖牛油香，很香口和惹味！非常推薦。另一款小食是扎肉米紙卷。這裡的米紙卷款式有很多，我們點了喜歡的扎肉。米紙卷很薄，而且薄皮的質感仍然有彈性，連甜醬一起食很配合，因為可以令餡料味道更提升！主菜則是特色牛湯粉, 真的很大一碗，分分鐘足夠兩人分享！而且牛肉粉的份量很多，材料也很多元化，除了生牛肉，還有牛筋、牛坑腩、牛丸、牛栢葉等等，真是啖啖肉呀！牛肉配料很優質，特別是牛坑腩片，真是肥瘦相間，食起來很嫩滑，又重牛味！而牛肉湯清而不膩，有淡淡牛肉香甜，很好喝。我們更加點了一客蒜蓉包，法包烘脆，再鋪滿邪惡的蒜蓉牛油，每口都重蒜蓉味，很滿足！而我也把蒜蓉包點到牛肉湯中，吸收鮮甜的湯頭，同時有蒜香惹味，效果也不錯！而香茅豬扒撈檬也是大大碗。'豬扒炸到金黃色，加上香茅香草醃過，充滿風味！而撈檬倒上酸汁，多一分甜酸辣，很開胃！

記得曾經去過食嘢，入面裝修完全唔同哂，而且仲靚過之前好多，仲有就係現在比以前更加歸一，枱舆枱之間又有一道窗廉，可自由拉上及拉下，方便衞生。又可以有私隱.度，拉定唔拉，都由你自己話事👏👏👏👏👏👏👏👏👏裝修後比以前更加舒適坐位，員工一樣咁有禮貌，食物水凖依然，地方乾淨衛生。食物：🔹特色牛肉粉——-牛肉湯甜，零味精配金邊粉，粉夠滑，牛肌腱、牛筋、生熟牛肉、牛丸、牛胸..........等等，多元化的牛部位，上乘材料，肉質鮮嫩，多肉汁又帶鮮甜的牛肉🔹🔺香茅🐷扒撈檬——-香茅味豬扒軟熟帶口感，香葉帶出檬粉的清香， 芽菜爽口，檬粉滑溜😋🔹素菜米紙卷——米紙外皮煙煙靭靭的口感，新鮮蔬菜，米粉餡料，配自家製花生醬，香口惹味，😋😋配自家製花生🥜醬🔹🔺串烧和牛丸——弹牙有口感，又爽又甜的和牛丸点上自家制沙爹酱，更加惹味🔺🔹串烧秋葵——-秋葵是我喜爱吃的一种蔬菜，健康之选串烧配自家制沙爹酱🔹🔺越式咖啡沙冰——-又香濃又滑溜的咖啡沙冰，香滑濃郁味美🔺🔹咸🍋樽梳打———-清香檸檬🍋梳打味道，清新解喝🔹一間越做越出色的越菜 （fuhn )

第一次寫食評梗係要揀間值得推介既！第一次食呢間越南野，好出色，四個人，點左一碗札肉粉，生牛肉粉，小食拼盤，黃金薯條，軟殼蟹紫米卷，buy3get1既啤酒，一杯梳打同十分推介既黑白胡椒牛柳粒炒飯，好食到要打包多一盒每樣菜式都好好味唔好講笑，下次一定會再去，試埋其他野環境坐得好舒服，要讚揚一個應該係揸fit靚女侍應，全程好好禮貌仲會推介食物價錢又唔算貴，點左咁多野都只係千幾零蚊，OpenRice book位仲有85折，最重要係真係好食

一到星期五又係出去食lunch既時候天氣開始熱 同事們一致話想食粉麵～有同事揀左越南菜 一於跟食Book左位1230到 地點唔算難搵上到餐廳未算太多人 坐左三分一左右我地4人被安排坐係6人枱 好闊落一坐低店員急不及待同我地落單食物10分鐘左右就到 快餐🤤🤤🤤雞扒撈檬 同事話好食 雞嫩多汁招牌牛組合湯檬粉 x2我同另一位同事都覺得好大碗不論係餸定檬粉既份量都超多雞絲湯檬有配菜跟 自己選擇落幾多跟set加錢嗌左兩份春卷落單同上菜速度都快 食物全部熱辣辣 份量足夠餐廳環境都舒服 有防疫意識人多人少用餐都有適合既枱

呢間越南野加入埋其他元素，新穎得黎幾好食😛裝修之黎，餐廳環境同風格都唔同左好多，一入到去仲有個色彩繽紛嘅打卡位，見到都開心左。野食方面，就梗係叫左個特色牛湯河($128)先😎估唔到佢咁大份，個碗大過我個頭多多聲🙈湯底都幾夠味，唔會好肥膩。日本和牛肉和牛丸湯粉($168)(可選河粉or金邊粉)更加係更上一層樓，百幾蚊食到和牛性價比好高🤤，和牛牛味果然好重😍😍脂肪比例好好，牛丸都牛味好重好彈口爽口，超大碗大胃王一定滿足。店員仲介紹左個士多啤梨羅望子醬豬扒($148)，見店員咁極力推薦，我地就試下，好似都幾特別😛出邊食唔到。估唔到真係幾好食，豬扒肉質好嫩，醬汁酸酸甜甜好得意，加埋士多啤梨🍓又幾fresh。另外再叫左個越式炒通菜($72)辣辣地幾好食，果然係越式啊😆飲品叫左牛油果奶昔($48)，口感好smooth，牛油果味好香，牛油果本身質地細膩，加左牛奶做奶昔又唔會太膩好夾好好飲。餐具都用左tiffany blue嘅顏色好好打卡，食物設計又有心思，值得推介😋

在極度懷念越興園的情況下，選擇了這間人氣越南菜諗住回味下…… 响開飯可以訂枱認真方便，七点準時來到，留了枱當然有位，枱與枱的位置也頗為緊逼…… 点了越南春卷及牛油雞翼，春卷並不是我喜歡的那種用米紙包的，但也很香脆，味道也不錯！ 牛油雞翼賣相不俗，可惜香和味道欠奉，同以前越興園的真係差好遠！之後粉和檬也來了，分別是香茅雞扒金邊粉，及香茅豬排撈檬，撈檬最重要便是枱上那瓶醬醋，這裡也調得很好，好平均的酸甜辣，淋在檬上極為惹味！ 而香茅豬扒也弄得美味非常，難怪這裡非常人氣，坐無虚席！ 的確值得來一試！Btw, 如果大家知道香港那裡仍可食到當年越興園的蒜蓉牛油雞翼，茄汁牛腩 / 越式咖哩雞湯河的話，請留言告知，感激萬分！🙏🙏🙏

入店時 , 已感覺這女店員的熱誠, 從聲線、行為也能發現她好有passion, 為我們推介了最後我們order咗小食拼盤，豬扒旦飯，雞絲湯河，軟殼蟹米紙，炒通菜 （menu應不是這些名字😆😆）小食拼盤 ：配合不同的醬汁，夠脆不亁，炸得剛剛好豬扒旦飯：都算大塊豬扒（切條）好味，配上薑蔥油更好味，隻煎旦似舊式茶餐廳的煎旦,有脆邊 🥰雞絲湯河及炒通菜 ：正常軟殼蟹米紙: 跟店員叫我們多點醬的食法，更好味（醬唔夠😆😆）店員太熱情，有些時開了口罩跟我們介紹, 雖然現疫情有點放援，相信不是人人可接受與陌生人開口罩對話，店主勿怪責這員工，真心覺得你店內最有熱誠工作的，只有她一人，加油💪🏻PS: 不知自己order小食拼盤係特上定普通 （看圖）🤔🤔

跟家人到銅鑼灣逛街，發現 Fuhn剛好新裝修不久，內裡的食物亦跟未裝修前的截然不同，那就還是不多想，走進店先吃為快好了🤣🤣🤣小食拼盤，非常宏偉的一個拼盤😍😍蝦餅~炸得脆身，蝦膠裡還有很多原粒蝦肉，令整體口感再提升層次，真的正到不得了😍😍😍軟殼蟹~是原隻分開3件，很鬆脆，一口咬下已不見影🤣而拼盤內其他炸物也很好吃，不會很油膩鮮蝦米紙卷~吃起來很清新，吃完油炸食物後再吃，即完美消掉罪惡感，很舒服😋😋😋雞湯雞絲河粉~這個看起來簡單，但雞味十分濃郁，雞絲都是鮮雞味，還有河粉，也是煮得剛剛好，能夾起麵條不會散，爽身而不會過熟👍👍白桃沙冰~很清爽，喝完油膩感全消，甜度剛好

因為疫情既關係, 真係無乜點出去食飯。最近天氣熱返，疫情都緩和返，就又忍唔住成日想出去開餐。天氣一熱，就會好想食越南野，對上一次黎呢間餐廳已經成年前，佢似乎裝修左。同埋menu都加左好多新既食物﹐上次黎都係得一頁menu。每一次黎都想叫撈檬，但一見到河粉就會轉軚。特色牛湯粉﹕生牛肉同埋越南牛丸都係我最愛，呢碗真係乜都有曬，可以食啲唔同野。無論平時食唔食辣都好，都要考慮下加兩粒生辣椒，唔會好辣，但辣椒真係可以釣到啲湯既鮮味出黎，會感覺清甜好多。呢碗真係好大，同朋友share岩岩好。特上小食拼盤﹕兩條友食，加個拼盤岩岩好，呢一款有三種醬料比你點，唔同既醬配唔同既小食，店員會詳細介紹。本人鍾意食甜酸醬，貪佢夠開胃，所以乜都用黎點佢....越式滴漏咖啡夏天飲呢個真係好消暑，咁岩因為疫情既關係，窗邊既座位用灰色布隔住，中午時間影相好正。雖然叫得好似唔多野，但兩個人食真係都幾飽。