富士山55 (拉麵沾麵專門店)

Open Now

Now Closed

睇完好戲，諗住黎食返個靚麵，點知。以前覺得富士山55係必食之選，沾麵都算做得出色，所以間中都會黎食下，但我今晚之後，應該唔會再有下次。一入舖頭，感覺已經好似有啲野唔同咗，埋枱見到冇咗個電子爐，已經有啲失望。佢嘅特色之一係有個爐係你面前，隨時可以翻熱，而家冇咗，轉咗用個小火爐黎保溫，感覺好似有啲怪怪地。我同老公order左特濃豬骨沾麵同櫻花蝦沾麵，個麵黎到，見到個湯完全唔同咗，今晚哩個湯稠咗好多，而且勁多油，食落仲勁鹹，冇豬骨湯嘅味，麵完全唔掛湯，真係勁唔掂！我感覺係快啲食完，快啲走，完全唔想再浪費自己嘅時間係一道咁冇水準嘅沾麵上 總結： 唔會再幫襯，除非佢做返好似以前咁有水準啦

啱啱開時食過一次，覺得太濃味而且要排隊所以之後無再食了,門囗而家都擺咗幾張櫈俾人等位。疫情下唔使排隊咁嚟食下啦，人都唔算少，可能夠地道啦，都有啲日本人捧場⛩，舖都細，得幾張檯，另外有bar位，開放式廚房，有啲壓迫感。menu 選擇其實都唔太多，無set lunch .今日試咗個新囗味，柚子拉麵🍜，拉麵係粗身少少，上面有豚肉，露筍，筍，半隻溏心蛋，個湯唔算太有柚子味，不過見倒係有落柚子，湯仍然好濃，偏鹹，兩款筍幾好食，露筍好嫩😍，不過豚肉較薄。

呢間店又係嚟過好幾次😍通常我去到邊都會嗌拉麵，呢度係少有我次次都會嗌沾麵嘅店😋👍而家喺街求其食碗拉麵/沾麵都要百幾蚊，所以呢度算cp值高啦💕💕💥特濃豚骨沾麵 $88 ⭐最欣賞嘅一定係呢度嘅麵底😍👍超爽口彈牙，煙煙韌韌咁❤尤其是沾麵係用粗面，夠粗又帶嚼勁😋👍另外好想讚下店家真係好細心，用個細熱爐熱住碗沾湯，上枱嗰陣直程係沸騰、冒哂煙嘅狀態😱👍即係話如果個火熄咗而碗湯凍咗，店員係會幫你換過個火滾熱返碗湯，而唔係求其叮熱佢🤫（好多百幾蚊以上嘅拉麵店都係咁，觀感唔多好）所以真係加哂分👍可惜嘅係叉燒雖然肥瘦分明，但瘦嘅地方有少少柴;加上叉燒相對薄，口感上無咁滿足☹不過整體而言滿意😆突然想食沾麵會再嚟💕評分: 8.5/10 😚(感謝睇到呢度嘅你❤)美味度👅: 8.5/10 性價比💕: 9.5/10環境🏠: 7.5/10服務🤵🏻: 8/10人均消費: 約$80-$100

尖沙咀落堂順便行過去尖東食拉面，點左濃豬骨湯沾面。第一個最欣賞的地方，係沾面汁會，店而家係用火爐上，呎個細心點真係好重要。食沾面要冷面熱湯，熱湯令面質嫌為變軟而變成最佳食用的口感，但食食下好快湯唔熱，冷的面即使沾湯汁都仲係偏硬，而且湯汁亦失去左香氣。呢度熱住的湯可以保持住温度，令食沾面一直都喺最理想的狀態。濃湯的豬骨湯好香濃，口味食重啲的我覺得配沾面岩岩好，但直接飲就太濃嘅，要之後加魚湯先飲到。有一段時間無食，今日個面係扁面條，之前食好似係粗面條? 至於叉燒方面，肉就薄左啲，上碗已經散開，不過有燒過外皮，風味會突出啲。而筍就比較簡單，無另外再處理過。糖心蛋味道較淡，而且熟左啲啲。當面條沾上熱湯汁再食，沾上豬骨湯汁，滿足感十足。食完後，記得請店員加鏗魚湯，記得只係加少少先，淡左無得濃返。倒埋魚湯黎飲的時候，更加品嚐到豬骨湯同魚湯的味道同層次。滿足哂。

限定時間有既䄂子拉麵🍜本身期望佢會有清爽嘅感覺，但係點知同普通豬骨濃湯未冇乜分別。😕最後只可以當普通白湯拉麵食，都好好食。佢枱面有啲辣菜譜啲friend可以加。都真係有啲辣味😍加左好食好多🤤

原本銅鑼灣既分店關閉左，唯有過海去食呢間店主打沾麵，但小弟鐘情拉麵，中意大啖大啖咁飲湯所以就揀左櫻花蝦拉麵，我都幾重口味，就點左濃厚湯底等左10分鐘唔洗就食得果然點濃厚係正確既，豬骨既味道好出，帶有少少魚同蝦既鮮味豬肉半肥瘦，好香口，口感幾好，溫泉蛋亦不俗櫻花蝦同湯混合之後，令個湯既味道昇華左個層次麵條彈牙掛湯，因為湯非常之濃，令每一啖麵都自帶一啖湯咁非常夾好開胃，轉眼間我就食哂喜歡濃味既朋友非常推薦一試

之前有一輪好鍾意食沾麵，幾乎每一間沾麵都食過，隔咗一排冇食，今日突然間諗起，所以就搵間就腳既食！呢一間富士山55沾麵已經係食第三次！質素高，水準依然保持到，冇令我失望！☺️☺️今次見到有限定味道，就梗係要一試究竟啦！柚子豚骨沾麵柚子味既沾麵湯，主角係豚骨味，柚子味唔算好濃烈，味道酸酸地，好開胃。我好鍾意佢嘅麵，粗粗地，好有咬口，而且都掛到啲湯。仲有一片片酸蘿蔔喺面頭，又係令人胃口大開！我建議大家食完啲麵，如果仲有quota ，可以同朋友叫多一碗飯，店員會用沾麵既湯，再加芝士，撈埋成為日式芝士雜坎，好好食架！

富士山55 海膽沾麵麵底頗有咬口 彈牙 煙un份量奇多😂😂😂2個女仔share都夠了加拿大海膽鮮甜 有少少海水味總共有6舊 真係幾抵食三文魚籽都新鮮 無sang味甘筍好多汁呀 可惜糖心蛋做得唔夠流心紫菜都唔夠脆到個沾麵湯底 可以翻熱 但都係唔夠熱好重的海膽同龍蝦味 唔會太鹹配搭開胃👍👍整體唔錯 之後仲可以用剩低的湯+$20就有芝士飯食架啦 黎個反而就熱辣辣而且芝士拉絲 飯底分明 ✌️ Overall🌟: $188+$20 ( 7.5 /10) ------------------------------

極度重口味之選！家人之前同朋友食過沾麵之後，覺得幾好味，所以今次帶埋我去再食多次。呢間日式拉麵店裝修好有日本風情，入到去感覺好似置身喺日本當地去食拉麵咁樣，冇得去日本就留喺香港食沾麵啦。濃香櫻花蝦沾麵$93- 通常食日式拉麵我都好鍾意食味玉，所以今次加左半熟蛋$12，果然冇令我失望，蛋黃做到糖心狀態，醃得到相當入味，又唔會蓋過本身濃郁嘅蛋黃香味，推介！叉燒豬肉大塊，好淋，唔會太肥膩。櫻花蝦嘅數量多得驚人，蝦乾仲多過啲湯咁。不過就係因為咁，所以櫻花蝦香味好濃郁，真材實料。可能我好少食沾麵，唔係好習慣偏鹹嘅湯底。而且拉麵定價偏高，應該都唔會成日嚟食，間唔中朝聖一下就算。

最近黎到尖東一帶番新工，都一直找尋既不同既美食為自己醫肚。今次黎到呢間係一間沾麵專門店。其實早幾年都見過曾有社交平台宣傳過呢間鋪頭，但一直都未有緣份去嘗試到。原本諗住試下佢地既沾麵，始終呢到既名堂都係沾麵專門店，但睇menu時見到有個叫”名古屋撈麵”既選擇，令我心意有變，決定試試較少見撈麵食法的拉麵。食得撈麵其實都預左會比較咸同重口味，但令我驚喜的是這次的濃味並無有十分油膩的口感，有質感的乾麵配上蛋黃既甜香，令成個麵再昇華。今次雖然未試到佢地既湯底，但畢竟自己都係一個幾鐘意食拉麵既人，相信好快會黎再戰！

今晚約左幾個閏蜜食飯聚下，之前見到有人介紹呢間既海膽沾麵唔錯，咁就黎試下啦！我就叫左海膽沾麵(海膽豬骨湯底），本身有芝士湯底揀，不過賣哂了🤔一黎到，成板海膽好吸引呀！細細粒但好鮮甜！麵既配菜仲有我好中意既三文魚籽😋講下個海膽豬骨湯底先，好濃既豬骨味但係海膽味反而唔突出。不過都好好食！幾啖海膽幾啖沾麵好過癮🥰朋友就叫左櫻花蝦沾麵，佢話湯底有d咸，不過麵底係ok既叉燒無乜特別，其餘材料都份量岩岩好總括而言，海膽沾麵係首選🥰🥰🥰下次如果有芝士湯底都會想試下！

這款芝士焗蟹味噌沾麵，很有驚喜👍🏻令我回味無窮，芝士配蟹膏焗蟹蓋真的很鮮味，唔會因為芝士的味道而奪去蟹嘅鮮味 ，而且沾麵汁內也加了蟹膏，把這個日本粗麵沾上了充滿蟹膏汁的美味味噌汁然後食麵嘅時候，有感覺到好像在食蟹的感覺，真的很鮮味值得一試👍🏻雖然我今天下午茶食得很飽，但在這濃烈的鮮味來都食指大動👍🏻👍🏻😋😋😋另外也要推介這款芝士蝦丸外脆內軟，喜歡芝士及蝦的朋友們，下次記得要試吓

已經好一段日子無食55 了～沾麵剛入黎香港個陣，55 係我既最愛，個陣一個月都會食一次當晚甘岩係半島中心做完野，就一於重拾舊味道叫左個新款，柚子沾麵但一上台就有d 失望了，之前個湯底係滾住上台。。。依家睇相就知。。試飲一淡湯，都唔係熱到飲唔到，只能叫熱湯有少少苦澀味，應該加左d 柚皮煮，但陣味同個湯係唔夾。。。面上面既係酸蘿蔔，夠酸爽，好開胃肉就半肥瘦，唔錯，將面條加入湯沾黎食，可能個湯唔係好漲好杰身，掛湯能力一般。。同埋食左一陣面，個湯已經完全唔熱啦男友叫既特濃辛辣，辣味好快攻入黎，但亦都好快散，但隻辣係唔香既，湯底杰身d, 同埋叫左軟面係幼面黎， 可以掛更多汁男友就覺得唔錯沾麵最著重就係湯底同熱既程度，兩樣都滿足唔到。。失望而回

呢間沾麵我見個評分都幾高，所以我就去試吓啦🤤咁我就叫咗個特濃豚骨沾麵黎試吓啦上個陣佢地係用石鍋上嘅，到食完個吓我都重摸到個石鍋係熱嘅，絕對保到溫，如果覺得唔夠熱重可以用電池爐整返熱佢。佢個沾麵係可以揀麵嘅軟硬程度，咁我就揀咗正常嘅，佢個沾麵跟有2塊叉燒，叉燒略略咁燒過吓，薄得黎又好香甜，肥瘦好適中。溏心蛋溏心嘅程度唔錯，唔會太硬或者過熟。個沾麵汁夠濃，唔會太油同埋太鹹，d麵係掛到汁嘅。咁佢下午茶時間重可以+$20要多碟小食，咁我個日就加咗2隻醬油黑椒雞翼黎試吓雞翼上枱個陣夠熱，一句講曬：皮脆肉嫩多汁🤤我重叫咗支波子汽水黎飲，好有日本嘅味道，$18黎講價錢算可接受，幫你開埋先上枱，服務一流。

富士山拉面店位於尖東，是遠離港鐵站的食店。點了海膽拉麵，湯底十分鮮味濃郁，不會像其他拉面店般只得一陣咸味。而且海膽味道十分新鮮，沒有腥味。我們坐在一個可以看到師傅準備拉面的地方，師傅一整排的放進面裡，簡直是視覺享受。半肥瘦叉燒剛剛好，椰菜鋪底，面的軟硬度可以自由選擇，軟身拉面煮得恰到好處。另外朋友點了個柚子沾面，嚐了數口湯底，好像正在品嚐一個柚子特飲，十分清新。每碗面上面都有半隻溏心蛋，十分流心，滑嫩。食完沾麵，可以多加一個芝士飯，當芝士飯加埋食剩的沾面湯底，立即成為了一個炊飯。