大四囍

Open Now

Now Closed

👦🏻👧🏻一直都覺得跑馬地有唔少隱世美食，今次行橫街就發現咗 - 大四囍 呢間中菜館。餐廳裝潢簡約舒適，食物價錢以銅鑼灣/跑馬地區計都算合理/抵，難怪有唔少回頭客！🌟蝦多士蝦多士一上碟已經係十分吸引，金黃色既多士配上薄薄一層彈牙爽口既蝦膠，食落啖啖鮮蝦既鮮味，蝦膠面沾滿白芝麻，相當可口。配上沙律醬更加係將蝦多士提鮮百倍！🌟鮮菠蘿咕嚕肉咕嚕肉炒得幾好，豬肉用上梅頭肉，肉味濃郁略帶脂肪，質感幼滑。外皮炸得鬆脆而內裏肉質細嫩，配上甜酸汁簡直係一流既配合！鮮菠蘿有輕輕炙燒過，食落鮮甜冇酸味，值得推介👍 。🌟揚洲炒飯揚洲炒飯炒得粒粒分明但唔油膩，入面非常足料，有勁多蝦同叉燒，味道可以話係夠哂豐富！😼🌟生拆蟹肉炒鮮奶炒鮮奶呢道小菜絕對能夠食出師傅嘅功架，蛋白鮮奶夠曬滑嫩，仲食到陣陣牛奶奶香味。蟹肉份量相當充足，每食一啖都可以食到蟹肉😍。呢道餸調味簡約，用上少量金華火腿，其咸香就足以為鮮奶提鮮味。

跑馬地有不少小巷當中隱藏大大小小餐廳.當中一間中菜主打小菜及手工菜.裝修簡潔高雅,座位寛敞,明亮燈光,整晚坐得舒服自在🔸 大四喜小炒王($188)一般小炒王必備都是韮菜,菜脯,蝦乾及魷魚等,而當中加入脆魚仔,瀨尿蝦乾更添香氣.韮菜嫩口並無草青味🔸蝦多士($48/件)多士炸得不過火,金黄鬆脆.蝦肉有彈性.如蝦膠份量做得更厚身就更為完美🔸薑蔥龍躉頭腩煲($288)熱氣騰騰煲仔菜端上枱時,聽到是沸騰吱吱聲,飄來勁香薑蔥味.龍躉肉厚身有彈性,份量不少🔸薑汁芝麻湯圓($45)本身要叫杏仁蛋白可惜當日售完.但薑汁芝麻湯圓亦不錯.薑汁芳香甜度剛好,湯圓共4粒,煙煙韌韌

突然間去想去跑馬地吃蛋撻飲奶茶，順便入去探朋友，當然少不了吃餐好晚飯，這個任務就交俾原居民。她說大四喜是新開的新派中菜小館，以傳統粵式中打造出精緻菜式。餐廳面積雖然不大，但完全沒有壓迫感，設有兩間客房，典雅的中式裝修。茶錢每位$15花生 $28 焗得好香嘅花生，超大碟，好似食極都有。小菜選擇也不少，有某些菜式需要預訂。蟹肉炒大良鮮奶 $198 炒鮮奶控制火喉最重要；太大火就層燶、太細火就食落成口油。目測眼前的蟹肉炒大良鮮奶沒有多餘的油份，入口是軟棉的口感，蟹肉份量慷慨，品嚐到牛奶的甜味和蟹肉鮮味，再下一城可以加少許黑醋吊味試試看那個口味是自己喜歡的。我較喜歡不加任何額外調味吧，仲有一定加碗白飯咕嚕蝦球$228看似不難的煮法，以蝦隻開邊，上薄粉漿再炸，上咕嚕汁只是幾個步驟。但可以做到炸皮薄如紙，外脆內爽 可見蝦肉是何等新鮮，咕嚕汁味道酸甜適中不黏口，再配上一口燒過的菠蘿吊味，雙重味覺衝激，無論擺盤和味道也深得我心。薑汁炒芥蘭$118 一個字夠「薑」食到可以令我輕微感覺發熱，就是薑汁的魅力所在，芥蘭炒到翠綠火候剛好，快炒加火喉兩者也不能缺一。多謝好友請客。

同朋友試咗跑馬地呢間中菜館，位處比較隱蔽的橫街內，食完覺得好好味，又見開業兩三年網上都冇乜人分享過就梗係要開心share啦. 今次完全體現到越簡單菜式先越彰顯廚師嘅功架，平凡彰顯不平凡，簡單就是美. 小店裝飾典雅撲實中國風味濃厚，環境乾淨企理，人均三百幾價錢相當合理，用餐體驗愉快.⭐️生拆蟹肉炒大良奶口感香滑清新. 非常足料多蟹肉，蟹肉鮮美. 鮮奶同蛋白炒得好棉滑唔會油膩. 西蘭花好爽咬落颯颯聲. ⭐️琵琶豆腐外脆內嫰，豆腐保持滑溜，內裏釀滿蝦、冬菇、蛋白等食材原汁原味，口感豐富. 醬汁調配好好將食物味道層次昇華. ⭐️鮮菠蘿生炒骨賣相非常好，三色椒色彩斑斕，新鮮菠蘿份量多. 食落好開胃甜酸度啱啱好，豬梅肉皮薄香脆肉質鮮嫩。 菠蘿非常鮮甜而且輕輕燒帶過有焦香. 另外叫咗兩個白飯，啲餸全部都係下飯好材料. 可惜有啲菜式例如炸子雞豉油雞等等要早啲預訂即日係冇得食㗎. 有興趣嘅朋友記得預訂. 同埋呢度日頭有點心套餐款，而且價錢相宜，下次一定要嚟試吓.

今日去了跑馬地，同朋友食飯！跑馬地好小會去原來美食好多！我們今次去了"大四喜"食飯餐廳中式風格，古色古香我們點了薑蔥桶蠔煲$268蝦多士$48/件籠仔荷葉班頭腩蒸飯$198茶$15/位介$28薑蔥桶蠔煲$268蠔好鮮甜，薑蔥好香好有風味！👍🏻👍🏻👍🏻👍🏻👍🏻👍🏻蝦多士$48/件香脆脆的多士，蝦肉好鮮甜，香香的芝麻。👍🏻👍🏻👍🏻👍🏻👍🏻籠仔荷葉班頭腩蒸飯班頭腩肉質鮮甜，炒飯好香，材料十分鮮嫩，😝😋😋😋👍🏻👍🏻👍🏻👍🏻

瑤柱桂花炒魚肚，瑤柱的鮮香和蛋香相互交融，為這道菜帶來獨特的風味。魚肚的質地軟嫩，入口即化，帶有微妙的彈性。瑤柱的鮮味和魚肚的鮮甜相互襯托，令人回味無窮。整道菜色澤金黃，口感鮮嫩。咕嚕肉肉質鮮嫩多汁，入口即脆卜卜，表面糖醬剛剛包住。咕嚕肉的醬汁醇厚甜美，與肉質完美融合，令人食指大動。旁邊既菠蘿都係新鮮香甜又好食，不可睇小！瑤柱蛋白炒飯。瑤柱的鮮味和炒飯的香氣夠鑊氣，豐富的層次感。蛋白的口感輕盈，入口滑嫩，與炒飯的米粒完美結合，口感綿密。

年紀越大，就越鐘意食中菜，喜歡中菜比較多手工同技巧，就算係家常便飯，如果技巧足夠，都一樣可以巧奪天工。大四囍位於跑馬地，呢帶民居為主，無咁多人係條街我覺得會舒服d。鮮菠蘿咕嚕肉（$168）用上新鮮菠蘿，菠蘿輕輕燒過果甜出曬黎，咕嚕肉外層夠脆，份量好大碟，用黎送飯食一流。菜脯肉鬆煎蛋（$168）呢道菜唔好睇佢普普通通，係我食過最好味嘅菜脯煎蛋，菜脯相信浸過水，令佢無咁鹹，整體味道剛剛好。羊肚菌燒豆腐（$168）清清地嘅一道菜，加咗蝦籽，提升整碟菜嘅鮮味，下面放有西蘭花墊底。最後食埋薑汁湯圓，十分滿足

今天特意來到跑馬地喝早茶，因為聽說他們的手工點心都很不錯〜一邊吃都聽到很多客人打電話來訂座，看來他們的訂座也很滿，所以要來吃都建議預先訂座或者是預留食材。點了一些蒸點和煎炸點心，我們就喜歡分開兩輪點菜，那食物就不會太快變冷了。◆鮮竹陳皮牛肉球◆蜜味叉燒腸粉◆鶉𪂹蛋燒賣◆咖喱魚蛋魷魚◆香煎韭菜餃◆香煎蘿蔔糕全部點心都熱騰騰端上。牛肉球，嫰滑之中帶有一點彈性，蒸得剛好保留了芫茜的香味。腸粉皮滑，叉燒很多。懷舊鶉𪂹蛋燒賣彈牙多肉汁。咖哩魚蛋魷魚的醬汁香濃，魷魚十分入味帶點辣。蘿蔔糕就分別有蒸、煎和XO醬版。最有驚喜的是韭菜餃，煎餃來說餃皮算薄，帶點煙韌，餡料都超級多超大的一隻！而且菜肉比例平均，即使餡料如此豐富餃皮卻不會爆開，超讚！

朋友好中意食中菜，佢話前排同過公司同事去大四囍食中菜，今次就決定同我去。餐廳有多款鑊氣小炒，員工服務態度亦不錯呢。事先打去預留咗豉油雞，餐廳員工話系招牌菜，咁真系要試吓🤤豉油味道好鬼濃郁，雞肉嫩滑十分🐔雞皮同雞肉吸收豉油更入味，正所謂食雞吾食皮不如吾好食😆今次我真系連雞皮都食埋！朋友想食金沙鮮魷🦑就叫咗一份。個人覺得對比起金沙味道，鮮魷嚼勁反而更明顯，金沙即鹹蛋黃，啖啖食到鹹蛋黃味道亦滋味💛咕嚕蝦球🍍🦐菠蘿切片切得好令人賞心悅目💛蝦球被滿滿甜酸汁包圍，十分開胃。蝦球爽口彈牙亦不俗，系大家會好中意嘅一道菜式。四囍荷葉飯，用得餐廳名黎命名即招牌菜，點都要試試。裡面十分足料，有瑤柱、冬菇🍄蝦仁、雞粒，各種食材亦新鮮，整體黎講又好足料，香氣十足，炒飯粒粒分明👍🏼👍🏼

朋友搬進豪宅區跑馬地，雖然是住宅區，寧靜的環境原來也有好食店！朋友來過兩次，已好像熟客一般，就由他發辦，點了幾道小菜。可說是大路的小菜：鮮菠蘿咕嚕肉，有鑊氣，酸汁薄薄的包著香脆的豬梅肉，啖啖肉，大滿足！鮮菠蘿被稍微燒過，更甜美！我們坐在貴賓房的門口，看似是熟客的一堆人，與經理有講有笑，有回頭客便知好店。羊肚菌煎頭腐，香滑淡味的豆腐，加上味濃的汁配羊肚菌，算是新派的廣東菜。馬友咸魚煎肉餅屬廚師推介，因為咸魚，那種咸香味另味道更有層次。晚飯想食點飯，推介濃湯海斑脆米泡飯，斑肉粒加上各類瓜菜，鮮甜！而且份量大！完美開心的一餐！

百花炸蟹鉗濃湯蝦干浸勝瓜竹笙素菜煎麵瑤柱桂花炒魚肚粵菜以其豐富多樣嘅口味同獨特嘅烹調方法而聞名，以上嘅四道菜就代表咗粵菜嘅精髓。無論係邊一道，都展示咗粵菜嘅獨特味道同精湛手藝。如果你鍾意粵菜，呢幾道菜絕對值得一試。

喜歡食中菜既我今日特登入跑馬地既大四囍主打傳統粵菜 有多款傳統菜式環境簡約舒適 有反差感🔹百花炸蟹鉗蟹鉗炸得金黃酥脆，入口咬落去，嗰陣咬勁十足 香脆嘅外皮包裹住鮮嫩嘅蟹肉🔹濃湯蝦干浸勝瓜湯底鮮甜濃郁，裡面加咗蝦干，增添咗湯嘅鮮味。勝瓜入面蘊含嘅湯汁，口感滑嫩 鮮嫩多汁🔹竹笙素菜煎麵煎麵金黃酥脆，每一條麵條都均勻覆蓋住煎麵嘅香脆層。竹笙同素菜加咗一齊，增添咗麵嘅口感同層次感。麵條又彈牙，味道鮮美🔹瑤柱桂花炒魚肚一道精緻嘅粵菜佳餚 瑤柱香味濃郁散發出迷人嘅香氣 魚肚鮮嫩滑脆蛋漿加上芽菜增加口感 味道鮮美

跑馬地出名多隱世美食，今日深入跑馬地揾飯食，四處尋找之際，走入橫街見到大大個綠色招牌好搶眼，望一望菜單係一間中菜館，當中不少巧手小菜，價錢仲唔貴，決定入去一試。店舖小巧裝修典雅，中國風格遍佈小細節處，坐低點了一壺鐵觀音再細看菜單。菜單不泛各種海鮮，湯羨等，今日兩個人食就點了兩味小菜同一客飯品嘗一下。先來生拆蟹肉炒大良奶，呢道菜最怕炒完成碟油，食落油味蓋過一切，今晚呢個大良奶入口滑稽，蟹肉相當足料，重點係完全唔油膩。另一道薑蔥桶蠔煲上枱時個煲熱辣辣，姜葱味四溢，桶蠔包住薄薄一層生粉漿，蠔身鮮嫩多汁，一點腥味都無，葱段仲好似菜葉咁嫩，真係一絕。最後點個籠仔荷葉班頭腩蒸飯作結，班頭腩肉質結實，魚皮Q彈，骨膠原滿滿，下面係炒飯底，米粒乾身，美中不足係荷葉香氣比炒飯蓋過，不過都係一道美食。跑馬地果然卧虎藏龍，簡簡單單三道菜已經食得出功架。

🐻今次係第一次去跑馬地，咁岩去開附近就順便過嚟食嘢🫢見到有間新開嘅中菜，門面又唔錯，就去試一試🐻籠仔荷葉班頭腩蒸飯，飯上面嘅班頭腩大大嚿，鮮味十足又彈牙，下面嘅炒飯底粒粒分明仲好乾身🐻生拆蟹肉炒大良奶，就好似進化版嘅賽螃蟹，但係真係有好足料嘅蟹肉，所以食落去淡淡都好鮮味，再加上奶香同蛋白，我哋都食得好滋味🐻薑蔥筒蠔煲🦪暫時係要食過最好食嘅蠔煲，少少腥味都冇，🦪咬落去少少脆口，一咬就爆汁，十分Juicy💦🐻佢哋嘅裝修真係偏向古式典雅嘅風味，同朋友坐低傾吓偈敘舊都好唔錯

探病後竟然換來機會一探平時好少去嘅跑馬地呢邊真係旺中帶靜除左近電車站嘅西餐廳外其他似乎都係一啲平民小店同茶餐廳我同爸媽去到內街嘅中菜館晚飯大四囍裝修簡潔雅緻上座後會送上自家漬物小食醃蓮藕同蘿蔔味酸但不搶喉開胃爽口👍晚市以小菜為主我地揀左順德蓮藕煎肉餅、蝦乾粉絲雜菜煲同濃湯海斑脆米泡飯順德蓮藕煎肉餅有驚喜！本身以為係將蓮藕黏住肉餅香煎點知原來蓮藕早已混入肉餅中外皮煎得香脆入口有種爽脆口感👍蘸喼汁同食更將肉餅比較油膩嘅感覺化去非常下飯！蝦乾粉絲雜菜煲呢個又係驚喜份量大雜菜多樣樣樣都軟淋但不軟爛👍仍然感覺新鮮蝦乾味香但不會硬身食到厚厚蝦肉媽媽直頭想問店家邊度有賣😂最後嘅濃湯海斑脆米泡飯斑球無欺場食到魚肉同厚魚皮👍將泡飯加入脆米同食係我最愛嘅食法夏天食泡飯又開胃每人分到3碗以上真係食唔晒😂估唔到誤打誤撞都入到間手工紮實嘅中式菜館下次多人更可以試下不同菜式😊