富臨皇宮 (Closed)

平時去其他分店富臨分店飲茶和午飯也不錯，所以我訂了13位(12大1BB)，$3388餐，與家人吃初一晚飯。百感交雜，以下是我與家人元朗富臨皇宮飯後之食評和其他部分的讚與彈。乳豬：皮脆，肉不太肥。屋企人話有燶味，我又唔覺。不過沒有砂糖，只有乳豬醬供應。蝦球蚌片：蝦球爽口，蚌片一般，有d韌，長輩唔多岩食，西芹味道適中。發財好市大利：ok.金磚百花球：金磚好食過蝦球！蝦球有d實。翅：普通。(我人對翅麻麻)雜斑：失望⋯⋯請睇補充資料花菇剌參：花菇幾好，刺參一般，整體淡味炸子雞：皮脆，肉ok糯米飯：略濕甜品：芒果布甸糯米慈，ok鮮果：柑。我無食，唔知味道總結：埋單共$4210. 餸菜味道不過不失。剛剛再睇菜單，原來不只刺參改了，帶子也改為蚌片。

很久沒來富臨飲茶，自從上次父親節前席事件後。難得的假期，便來一坐。煎讓茄子，味道無變，依舊抵食夾大件。煎蘿蔔糕，粉打得不錯，但味略甜。炸兩，油炸鬼軟身，腸粉韌，ok。炸雲吞，餡料極少，皮炸得香，不太油，醬汁則太酸，一般。煎薄餅，少許蔥花，韮菜，炸菜粒，火腿等，加上芝麻，幾香口。咸魚肉餅飯，平日兩個八超抵食！鹹魚頗香，不是死鹹貨，肉餅混有馬蹄，冬菇，不油膩。飯雖不香，但至少係粒粒米，不是爛飯。水滾茶靚，但伙計比以前少了，經常找不到人沖茶。

各酒樓現在周不時都會有超值優惠，當中最出名是一蚊雞，今次輪到富臨我當然不會錯過。由於怕數量有限所以放工後便立即出發，入座前先問清楚一蚊雞同冬瓜盅是否可以一拼點，待應笑笑口說可以我都是問清楚而己~~~不過待應很好問了是否還有冬瓜盅才安排我入座。坐下來便立即點了~~~$78沒有投訴吧!!!!!有帶子有蝦有蟹肉等等，冬瓜還很大，湯味道不錯不會過鹹或太多味精，我們兩口子各飲了四至五碗但仍然吃不完!!!!估不到雞不是超迷你雞，份量是不隻普通雞我覺得還要比街市賣的還大一點點，豉油味適中只是肉質不夠嫩滑，仍然是這一句一蚊還想要什麼???跟上次食龍蝦伊麵一樣有生果盤送，按人數而定的份量，算不錯啦~~~波蘿甜得很但我已很飽吃不到了。最後我們外帶雞作明早的早餐^^，我們吃剩了四分一，因為已被冬瓜盅填滿我的肚子了~加了一個白飯，茶芥和加一還有一碟花生，結帳總共是$131....超值!!!!!!!!!!

~ good friends' area when they recommended for the count-down before the end of 2012, one of us make appointment for a table for 6, it not full until 7:30pm;~ compare with some other brand of same company , this spacious area in Yuen-long's restaurant keep us feel relaxe at the very beginning: but it become a little worst when crowdy people keep the waiter/ waitress too busy under noisy atmosphere, we can see they also feel uneasy & start some negative conversation between them during serve over

接完機回到元朗都七點幾，本身想去雞地食晚飯，但爸爸話有個大喼唔方便，雞地的小店都無咁多位可以放到喼，行過富臨諗住酒樓會坐得舒服D~當日復活節第一日，酒樓就預左多人，而且仲有人擺酒同百日宴，幸好只等了大約10MINS就有位~酒樓枱與枱之間非常貼近，隔離枱講話我全然聽到，那就是平價酒樓用盡所有位置放枱的弊端~說回食物，我們三人點了三個菜及一個包點:1.上湯焗加拿大龍蝦(伊麵底) ($98)二至四人可點一隻，加拿大龍蝦肉小又細隻，不過收得$98仲有埋伊麵底仲想點丫，食下D汁加伊麵都OK既，不過呢個龍蝦都無咩肉食到，過2日去三聖既海鮮餐食餐勁既仲好LA~2.漁香茄子豆腐煲($66)這個漁香茄子不會過鹹，加上豆腐更為美味，我哋無叫白飯空口都食得哂~3.菠蘿生炒骨($58)這碟餸碟頭都幾大，生炒骨的汁酸甜又醒胃，不過略嫌生炒骨真係好骨感，無咩肉食到~4.生煎菜肉包$36/半打爸爸係內地都食得包多，唔明點解一落機又要叫半打生煎包?! 佢仲話上機前食左5個蒸包，唔係化，莫非香港既包先好食!!平時既我超鐘意睇餐牌，所謂唔叫望下都開心LA，比我見到有個同生煎菜肉包相差一個字既生煎翠肉包$32/半打，對數字

成日都黎富臨飲茶，但第一次黎打邊爐，佢做緊promo四人同行一人免費，假日四個人加埋都唔使四百蚊，真係超平。除左價錢抵之外，啲料幾新鮮，又唔會漏單，啤酒汽水醬料自助形式任攞，都幾方便。當晚有這幾款啤酒汽水。落餐紙，款式唔算多。叫左鴛鴦湯底，一邊沙嗲，一邊蕃茄蘋果蘿蔔芹菜嘅清湯。味道唔錯，食完無口渴，應該唔係好多味精。缺點是碟頭太大，叫一次已經唔使再落order。以上全部為一份嘅份量，一碟丸有成十幾粒，炸魚皮一大盆，伊麵係成個麵餅上等。人多share就ok嘅，當晚只有四個人，只能叫少一點款式了。另外，肥牛太肥，基本上係白色一片，搞到煲湯底超油。魚頭好新鮮，讚～仲有呢個竹筒糯米飯，糯米煙韌加埋臘味炒又香又入味，一流！如果茶市都推出呢個就好了，肯定受歡迎。自己懶得洗煮又想打邊爐，這裏絶對抵食，最愛佢係自助攞啤酒汽水，唔使睇夥計白眼。有啲要落單先有嘅任飲任食，叫極都唔黎，又或者自動減少份量，呢度唔會發生，而且夥計態度幾好，有主動斟水，不過收碟就差啲，成日都堆到成枱係碟。唔知promo做到幾時，有時間再黎食。

覺得寶寶百日宴的情境還歷歷在目，轉個頭寶寶原來已一歲了! 這間舉辦百日宴的酒樓，由於靠近新居，環境也寬落舒適，這段時間也來了數次，也包括上月尾嫲嫲的生日飯。那天媽媽忙趕公事，遲了來到大家已經吃了大半，然而剩下的餸頭餸尾也非常豐富，包括芝士焗龍蝦伊麵、蒜蓉粉絲蒸帶子、蒜蓉粉絲蒸蟶子、清煎大海斑等等海鮮菜式。不過大概海鮮類一冷了就滋味大減（另外還有菠蘿咕嚕肉也是），媽媽反而覺得馬拉盞炒通菜及黑椒豬手更為惹味吸引，也更送飯，一碗下來再加些熱茶胃部即時回暖，體力回復，感覺幸福。此時壓軸的大壽桃包也上場了，其實之前也寫過，這裡的壽包無論質與量都可說是超班，巨大飽滿的一隻比拳頭更大，蒸得熱辣辣的上檯溫度十足，中間的蛋黃蓮蓉餡芯也香滑，就是看大家有沒有胃納將整隻KO! 很老實說，甜魔不再的媽媽已經沒有實力吃光一個了!!!找到早前的照片，月前也曾經來過這裡飲茶，印象最深最佳也是包點。其實婆婆早就推介過這店的黑芝麻包，茶市的包份量沒有那麼誇張，飽滿程度也差些，但就更鬆軟易食，中間那既香又濃的黑芝麻餡芯是亮點，的確美味令人難忘。相比之下，其他的點心就失色多了，例如豬手炆得不夠軟稔，皮還是彈脆的，或者有人會

父親節，父親大晒，順他意見去了他至愛的富臨皇宮晚飯！原先諗住散點菜，誰知父親節只有套餐供應（果真是生意人喔.....）點了一個「愛父宴」。紅燒海皇翅：翅量不多，但湯底稀稠度適中，味道鮮甜香濃，蟹肉也多，吃來也算有咬口。不過不失的一碗翅。鮑魚菇扒翡翠：一直很喜歡這道菜，而這兒的也發揮了應有的水準。鮑魚菇用上蠔油，十分入味，而且質感爽口滑溜。墊底的生菜份量足，味道剛好，不會太咸。當然，用上真正的鮑汁味道會更好，只是套餐我不期望太多了。 總體來說，也可算是不錯的貨色。法式珍寶蝦球伊麵：蝦肉彈牙，但是外層炸得不夠香脆，而且蝦肉不太新鮮。本人愛吃伊麵，偏偏芝士汁伊麵例外，因多吃總覺「漏」。這次嘗了少少，味道很濃郁，芝士亦很厚，伊麵軟硬適中，其實算是美味吧，只是我還是覺得有點「漏」（個人問題><)碧綠鳯片蚌仁：鑊氣足，蚌仁十分脆口，又有鮮味，好吃！至於雞肉很嫩滑，西芹亦炒得不錯，美中不足的是多油了一點。古法蒸多寶魚：我的另一至愛。多寶魚肉厚，且肉嫩鮮甜，火喉控制恰到好處。雖然只簡單用蒸魚豉油，但味道已十分滋味。特別愛那裙邊，十分嫩滑。如果能以一些木耳、肉絲和陳皮（最重要）調味，平凡

富臨皇宮這裏近乎每星期六/日都會來飲下午茶，裝修白色多鏡，睇落乾淨，加上價錢合理，大中小點都係十幾蚊，仲有特價點心紙，過一排就會換下新款。 等位，元朗雖然好多茶樓，不過間間都要等，平均等半個鐘倒。鵝瀨，仲有瀨粉嘅茶樓真係唔多，好味又大碗，鍾意佢湯底夠濃，而且端出來時仲熱，好多茶樓一早整定搞到凍冰冰好難食，呢度抵食。 牛肉球，多茜，娃娃菜底，我鍾意腐皮底多D，有牛味，ok啦。 流沙芝麻包，熱食一流，唔太甜，小心食時弄髒身體。 燒茄子，大大舊，仲有四件，雖然係炸多過煎熟，不過唔算太油，叫佢落多豉油，正！ 蝦餃，必食推介!蝦同筍比例剛好，皮薄又唔爛！正正正！ 新開張個陣侍應沖水好密，而加cut左人手，要等或叫先沖，而且最近落錯單嘅次數多左（雖然無發生過係我到），啲新侍應對枱號唔熟，記住落單要自己寫埋，如果唔系會好易錯，不過服務算ok啦。 一個人大概三十幾蚊，已經好飽。

在網上無意中發現富臨原來有$38龍蝦伊麵, 再深入查看一翻原來這個優惠上年已經做過了, 但可惜已錯過. 今年絕對不會錯失這個機會. 現今什麼都加價有些還很離譜, 估不到還有這家人情味的酒店. 老實說我從未光顧過這酒家, 今次只是第一次, 本想到屯門這間富臨可惜當日好日子, 有新人結婚擺酒整個場包起了, 所以立刻轉移陣地到元朗開餐. 當日又有交通安全隊春茗, 幸好還有少量枱作晚飯之用, 大約六時三十五分到達還有三, 四張細枱. 和相公二人真是比較少到酒樓吃晚餐, 感覺不錯啊先來看看餐牌, 二話不說便點了一個上湯龍蝦伊麵(因我不吃芝士的), 二至四人可以一碟, 我們只有二人, 很抵啊~~~~~~~~~~~~~嘩)))))))))))估不到是那麼足料, 雖然價錢只是$38但絕對沒有因為價錢平而令到份量不足. 真是抵讚!!!!. 但當然一定不是澳洲龍蝦, 波士頓龍蝦, 只是本地龍蝦, 但龍蝦味亦十足, 肉質當然不能說很爽很彈牙, 但以這價錢真的可以接受有餘伊麵份量亦很多, 本身相公想點一個白飯都沒有點了, 每人可以吃約三碗的伊麵~最終只剩下兩條蔥因我們不吃的熱辣辣的雞煲, 小心燙手!!我就是不

有了寶寶後，揀食飯地方時，空間與衛生都佔了很重要的考慮；所以初五媽媽開工大吉後，夜晚與一班中同老友的飯聚，又重訪了富臨皇宮。是晚一共有14大3小，另外還有一位即將出世，十分熱鬧開心! 至於吃甚麼，其實反是次要，而在沒有期望之下，食物水準幾有驚喜呢：　　菠蘿生炒骨-新春期間食客不似歲晚的多，食物也不是預製而是即叫即炒，成品新鮮夠鑊氣，酸甜酸甜的頗開胃。法式焗蝦球伊麵-早前擺宴覺得好吃，這晚也重溫仍然美味，當中濃濃的芝士醬佔了很大功勞。　粟米班塊-這個就調味略淡了，魚柳也霉霉的沒甚吃頭，不太吸引。　當紅炸子雞-仍然是味道較咸，媽媽沒有多吃，留給席間其他老友吧!　紅燒豆腐-炆得入味的豆腐配上青脆爽嫩的菜芯，健康又美味，很得媽媽歡心!　叉燒-是估不到的豐腴有蜜味，很有有水準呢!　腊味炒芥蘭-不健康的腊味媽媽沒試，但收吸了腊味滋味的芥蘭很香口吸引，媽媽吃了很多!　芹菜炒帶子-當中芹菜與帶子都是正常，無驚無喜，反而是配角的雞脾菇很爽口又入味，更加出色搶鏡!　腐竹雜菜煲-太多肉類菜式，總得點些青菜平衡一下；這個煲既清淡健康，同時也夠滋味，挺好的!　席間除了每位白飯，在爸媽提議下又重溫了美味的腊味糯米

時間過得很快，寶寶一百天大了! 過去三個月的日子似苦還甜，而見到寶寶日漸成長，心中還是無比的欣慰。這個特別的日子，剛好是在年廿八暨週末，就與親愛的家人好友，在樓下不遠處的富臨皇宮，辦了一圍百日宴同慶。挑選這裡，主要是考慮地理上的便利，由家裡推BB車來也只是十分鐘；另一方面，酒樓裝修富麗堂皇，地方又寬敞可擺放BB車，環境方面是幾滿意的。不過當晚太忙了，媽媽的白平衡做得不好，有些相片甚至影漏了，請見諒!　在這特別喜慶的日子，爸媽決定將家中的半島香檳珍藏帶來公諸同好，當然酒樓不收開酒費；再加上席間的啤酒、汽水，是開心又盡慶的一晚。　 　年近歲晚，當晚店方只得團年的春茗套餐可點，剛好就借來成為百日宴菜式了。最先出場是錦鏽乳豬大拼盤，肚餓關係，覺得甚麼都好吃，尤以脆皮乳豬及爽彈的海蜇絲令人回味。　然後有法式焗大蝦球，碩大的新鮮蝦球經快炸後，加上滋味芝士醬，並配以伊麵底，是意想不到的好吃，而且菜式件頭又大，大家都吃得滿足!　新年期節，又有發財好市大利，菜式茨汁很重，令媽媽怕怕，只挑生菜來吃算了。　之後有甜蜜海鮮卷，即是海鮮沙律卷，成品香脆不油，不過件頭太大了，一件吃來都有漏呢!　套餐關係，中場被逼

元朗新開的酒樓.裝修落足本.似足真正的皇官.有大量真正的名貴酒.店員也同客人有交流.效率也不錯.不過呢餐去到尾段俾我扣左少少分. 皮蛋瘦肉粥:直情差.材料最多不是皮蛋同瘦肉而是蔥.粥底稀.肉不新鮮.不單止無味..還超林.總括差蝦餃:摺痕明顯.十分飽滿.大大粒.蝦肉亦爽口,.正.芒果紅豆布甸配撘新鮮:紅豆有咬口..不過全個甜品只用芒果香精整的.只可算不過不失.蟹粉小籠飽:本身話無.點知我埋完單又有.迫我食...仲立刻收埋錢幫我包起.完全無責任.最初係店員話無食物一般,最後又扣分,只可說OK....

下午茶好似係兩點半開始﹐不太清楚﹗因為本人通常三點先去~下午茶會有一張特價點心紙﹐一家四口飲茶﹐通常每一三十蚊左右﹐飽飽﹗權限問題﹐upload唔到太多相﹗下午茶仲有好多特價野﹐例如燒味賴粉。但要注意唔同燒味唔同價的﹐最平係燒鴨﹐但好鬼un﹐見意食叉燒賴﹐好似係$12.8﹐大碗上。兩個人食最好~茶樓大家都唔會期待有咩好服務﹐但求要加茶時加茶﹐舉手D士應唔好扮睇你唔到姐。但呢到我覺得有驚喜。服務唔錯。上菜呀姐會唔該前唔該後﹐叫辣醬士應亦好快比你﹐放低茶壺蓋好快就有人加茶﹗唔會好似其他地方甘﹐話轉個頭幫你跟跟轉到埋單都無影﹗新裝修﹐咩都新﹐碗筷檯凳全部乾乾淨淨無崩口﹗我同我家人夾到時間的話基本上每星期光顧一次﹗係元朗人家以外的好選擇﹗推介~~

早前試過元朗鳳琴街嘅名門讌客，今日就試吓係名門讌客對面嘅富臨皇宮。呢間富臨皇宮，開咗個多月，裝修簇新，全店都以白色作為主調，由門口至樓面大堂，都係用宮廷式嘅裝修格調，與嗰名非常匹配；用料主要係天然石材，爵士白雲石，加上白色石紋雕花配襯，一室光潔明亮；柱身則包上清鏡，減少柱與柱之間的壓迫感，望落更感通透；天花亦用了不少木線修飾，再吊上不銹鋼水晶燈，簡潔之餘，亦不失大體。最近，不少新開嘅茶樓，都係採用類似格調裝修，可能潮流興低調奢華，宮廷感之餘，又不落俗套；面積都唔細，佔用一樓全層，呈大L形，地方闊落。三個人叫咗三餸一湯，有銀絲海蝦煲、脆皮童子雞、薑汁炒芥蘭，同泰式海皇翅，後來再加個竹筒糯米飯。先來銀絲海蝦煲，可能大廚都知道d蝦太細隻，所以俾多幾隻，哈哈；一煲入面，有十幾隻蝦，可以想像到d蝦係幾咁細，細都唔緊要，試吓味道先，嘩，一d蝦味都冇，肉身未至於霉，但亦不覺爽，唔敢肯定是否雪藏蝦，就算係活蝦，都係一d劣等貨式，非常失敗；至於粉絲，都算炒得乾身，唔會一撻撻，黐埋一堆堆，咬感唔錯，但係味道就……除咗起鑊嘅薑蔥味之外，可以話冇咩味 (因為d蝦唔得，所以俾唔到味d粉絲)，如果可以用番d靚材料