Fun Fun 串串鍋 (Closed)

夜晚同朋友嚟呢度食火鍋任食, 火鍋串串同飲品款式都好多, 仲有甜品都係任食～ ♨️有5款湯底可以揀, 有辣有唔辣, 有招牌重慶麻辣湯、北海道牛乳鍋、藥膳胡椒魚肚湯、秘製沙嗲湯、壽喜燒鍋。我推薦藥膳胡椒魚肚湯底, 好出色! 黑胡椒味好重好濃, 幾醒胃, 黑椒既辣香配上魚肚, 香味相當突出! 湯底裏面有魚肚、紅棗粒、杞子等等, 養生又健康! 呢個湯底真係好好味😋, 我建議用嚟煮烏冬, 好惹味! 秘製沙嗲湯 - 沙嗲味好濃, 微辣, 就算之後店員加水, 個沙嗲味仍然好突出, 唔會因為咁而變淡味。飯後甜品食咗豆腐花同杯裝雪糕~

今次係第二次幫襯了, 上年都來過一次, 喜歡呢度一串串桔好放入鍋方便吃, 出面好似唔係好多地方有, 而且地點又方便餐廳改善過環境, 今次比上次來座位更寬闊湯底有5款, 有辣有唔辣, 我揀咗麻辣中辣湯底一上經已聞到濃濃麻辣香味食物同飲品出面自助吧自取, 估唔到蠔都有得食, 另外亦有肉類同海鮮剔紙, 落單後好快送到開餐啦! 叻有幾款小食就要額外收費, 餐廳都有清楚講比客人知!個湯底真係非常好味, 夠辣, 惹味, 有著麻嘅香味, 最意外係雞翼, 煮夠時間後, 個皮充滿麻辣香鴨血亦好索湯味餐廳亦有泡椒牛肉大家可以挑戰一下完餐後仲有 Appolo 雪糕, 好少見餐廳有呢個牌子雪糕供應, 因為我係 Appolo fans, 所以特別高興

有冇朋友仔同照片一樣好鍾意食辣野呢？雖然成日經過百寶利但係都唔知裏面原來有好嘢食，朋友推介話呢間嘅串串鍋CP值高又好食，所以就嚟試吓，任食$158@位加一，同朋友都幾滿意_首先湯底方面有多款選擇，有辣有唔辣，今次我哋就揀咗麻辣小辣，味道香口惹味亦夠麻香，大部份串串同飲品都可以自行出去出邊拎，另外海鮮、肥牛等就係自己寫紙仔比店員，小編特別推介沙白和安格斯肥牛，沙白清甜冇沙，安格斯肥牛肥瘦剛剛好，食落去都幾有牛肉味，另外佢哋嘅串串芫荽牛同泡椒牛都幾特別，大家嚟到嘅時候都可以試吓_出邊拎嘅配料方面都有唔少選擇，包括金菇肥牛串、魷魚、各種丸類、蟹棒、響鈴等等，配料都係一般常見火鍋店會見到嘅，小編揀嘅配料大多都非常吸味，特別推介魚皮餃，食落去彈牙惹味食到最後都會有雪糕🍦今次嘅用餐體驗唔錯，雖然爆場但店員服務都唔錯，下次有機會再試

放假前忙到顛左，終於放長假當然要食餐好，朋友介紹左間特色串串鍋。d食材全部都串埋一齊夠灑方便！自助任食既選擇都幾多，有雪糕、飲品還有有疏菜、丸類、魚皮餃等，仲見到有我最愛的金菇肥牛串呢！坐底揀左湯底先，藥膳胡椒魚肚湯，好香既胡椒湯底加埋魚肚膠質滿滿夠滋補養生呢！隨了自助櫃d食物，我們加了20蚊order埋了安格斯肥牛、黑豚肉、沙白、萵筍串串芫茜牛跟薯仔片！個人特別喜歡台灣菜萵筍，清甜爽口！還有芫茜牛肉串，放入湯底淥大概1分半鍾，牛肉剛剛好熟清清地夾住芫茜，好味！老公就encore左幾條大大條既蟹捧，過穩之餘又夠鮮味😋 十下十下點小得肥牛，半肥瘦最正仲吸灑湯既精華！甜品是久違了的亞菠蘿雪糕！有幾款口味，揀左朱古力🍫食得飽飽大滿足呢！

窮遊香港-旺角任飲任食麻辣串串鍋 最平午市都係$88位 免加一 午市感覺抵好多 如果學生再減$10 （價錢時段 可以睇圖先）.呢日晚市6點黎到 $138一位見到電視播緊周星馳喜劇之王👍🏻🥰先講野食種類近60款 20款飲品 20款串串（如圖）例如 肥牛 黑豚肉腩片 先鵝腸 海鮮得沙白...甜品唔算多 有雪糕 豆腐花 牛奶布丁味雪條雪糕有香芋 朱古力 雲呢拿味.湯底有五款 可以雙併+$25今日點左 招牌重慶麻辣湯底 北海道牛乳鍋‼️但串串鍋 梗係要點麻辣湯底😋串串軟軟煮完都會吸哂汁 同埋沾到辣椒碎北海道牛乳鍋 就岩唔食得辣既人👎🏻清清地 但牛乳味就唔太覺啦 唔建議點.串串方面 每一串都一口大小其實輕輕鬆鬆可以食到100串除此之外都有啲 特色嘅串串 例如⭐️串串芫荽牛 適合芫荽控 唔使多解釋⭐️串串泡椒牛 唔算太辣 但多食會疊加 辣味都散得快⭐️勁長嘅蟹柳 幾過癮⭐️鮮鵝腸 都係必點 幾爽口同肥 出面一碟可能要成$80.整體 午市會平d 冇加一唔知食物種數量係咪同晚市一樣但呢個價錢 唔貴既 淨係去打邊爐都唔錯當中服務 有一點唔錯嘅係 店員幾細心望到我豉油有落辣椒 就知道麻辣火鍋 要對住我嗰邊.#hk

於好友的社交媒體看到一個串串鍋的post，再從hashtag內click入細看，發現旺角一樓上餐廳，中午時段任食串串鍋只是HK$88(免加一)，星期六決定來試試。來到的時候食客已經不少，場面非常熱鬧。湯底有多款選擇，自選鴛鴦鍋另加HK$25，我最後點了藥膳胡椒魚肚湯。另外，若多加HK$20可以無限追加其他食物。店內一旁放了大個的雪櫃，內裏全是串串及火鍋配料，還有其他麵食提供。而職員經常補充串串及火鍋配料等食物，不會出現短缺問題。汽水、飲品、雪糕及豆腐花，全都是無限任食。藥膳胡椒魚肚湯的藥膳味道並不強烈，不愛藥材人士亦能夠接受，而湯底入口帶有胡椒的辛辣香味，魚肚份量真的不多，大概只有兩小塊，不過口感淋滑，吸了湯汁後，味道挺鮮味。若想湯底再濃及鮮點一點，建議多放粟米及冬菇等配料，由於這裏的菇菌類選擇較多，我便每樣加一點，不得不提，這裏的粟米很鮮甜，推介。個人最愛就是水魷、墨魚咀及牛栢葉，牛栢葉吸收湯汁後，爽脆有口感;墨魚咀內_裏裝了熱湯，吃時要加倍小心，我愛把墨魚咀涮耐一點，令口感變得淋淋滑滑; 水魷爽脆，加上辣椒豉汁，滿分。另外，蟹柳及魚蛋片亦是必吃的串串配料，蟹柳非常大條，味道鮮甜，口

訂咗枱，嚟到話未有位要等等，等咗15分鐘見到有人walk in入座又有位，咁我book嚟做乜。打算問幾時有位，望到我又擰轉面走，真係無下次。大家睇路啦！！！事後仲要一個電話都無！！！

呢間鋪真心差12點完全未開鋪，店員係鋪鬧交，粗口橫飛，見到有人敲門完全唔理，見到當見唔到，入到去門口仲要有一灘水。座位同檯都極細，放完鍋其實係冇位放其他嘢。衛生好差，地下痴笠笠，餐具有漬。拎食物嘅碟一係濕一係有污漬。竹籤回收再用可以理解，但見到鋪頭嘅衛生就知咩事啦，都唔知會唔會食到人地嘅口水。食物嘅質素更差，應該係放過夜，響鈴淋到爆，碌完好重油味，超奇怪。菜唔係發黃就係未洗過，揀唔落手，完全唔感食。拎食物個度你以為好多款式，其實冇幾多係好食，真心係丸放題，但可以連魚蛋都唔好食，唔知想點。可能會話88蚊放題你仲想點，想講呢88蚊真係唔值，其他鋪7x蚊都有肉食，呢間淨係得雞亦，真係無語😓。上網見到有人推薦麻吉燒，我就拎左兩粒芝麻味，點知碌完係酸嘅，救曬命。 全程食兩個鐘，但我地食半個鐘都飽晒，對d食物完全無感，超想走。最後提醒各位，如果唔係屎忽痕都係唔好食啦。以上都係個人意見，不喜勿插。

見到網上面一直都有好評話依間好抵食，今日我又來試吓先，入到去已經覺得款式好多，無論係嘢食啦，定係嘢飲啦，依個價錢真係算唔錯㗎啦。我就叫咗胡椒豬肚湯做湯底佢有好多打邊爐嘅丸，例如海膽丸，貢丸等等仲有好多款式嘅菜，仲有金菇菜啊，雞髀菇。至於一串串嘅呢，就由佢哋廚師自己串嘅唔同款式，除咗櫃入面嘅餸菜之外，仲可以散叫其他嘢食，我食咗幾次肥牛，都覺得質素唔錯的。而我最鍾意就係食鵝腸，因為真係好爽口。後面仲有啲要自己加淺色嘅食品，例如桶蠔，不過我就唔加錢啦，始終呢個價其實已經夠飽。嘢飲方面其實都好多選擇㗎。我就揀咗鴻福堂，茶都有好多唔同款。最後就梗係食返支雪條就飽飽地走人啦！

唉，120蚊買個教訓，下次去一間餐廳之前一定要上openrice睇食評！！！我將會用三方面解釋點解一定無下次。第一，手法方面，我喺社交平台見到呢間嘢賣廣告，話88蚊午市任食，心冧都幾抵食。去到鋪頭門口，竟然見到寫住要+1服務費，同店員講，店員話要照加一，心冧都唔係差小小錢，就坐低食。湯底來到之後，就發現中伏，自助免費區只有一般蔬菜類食物（睇呢間鋪圖片openrice入面嘅description就知自助區有咩），肉類就淨係有雞翼，魷魚，牛伯葉。當然一般顧客都expect自助應該有肉有菜，邊冧到有自助餐做生意做到咁小家！當然如果要食肉都有得揀，但就要乖乖地交低20蚊，咁我都有比，雖然睇圖就知個餐單就知唔太抵食，但係唔加真係無肉食，無奈都要比佢夾走20蚊。小結一下手法，睇到呢度都知餐廳營商手法有問題，社交平台話唔使加一但係都要加。而自助區無肉變相打劫你20蚊！就算加20蚊，都只係得4款肉，計埋自助區，全店只有7款肉，同一般人對自助餐店期望有一定落差，或者你話我無做research就話人，係我認，但係咁做生意觀感唔好囉。如果比呢個價，我不如去沙角新廣發好過！！！第二食物質素方面，食物質素無驚喜

完全俾佢fb廣告呃左第一，食物質素唔得，安格斯牛解凍過度，岀水。88蚊呢個價好eye catching，但實質係食菜，丸，面同急凍內臟。咁88蚊都唔expect啲咩。講20蚊另外追加個啲，芫茜牛同豚肉正常，鴨血唔好食，安格斯牛衰過肥牛，油紋係0，寫鮮鵝腸但實質係急凍鵝腸。唔係難食，但你唔好亂寫囉。第二，湯底。今次叫左麻辣同沙嗲。麻辣就係大陸街邊串串個隻味。上沙嗲湯個陣個姐姐俾埋個殻我地，話易痴底，我已經即時liu下個底但發現已經痴左，仲搵到一塊焦，真係唔知係洗得唔乾淨定係痴得咁快。最尾，fb明明答唔收加一，但係間舖大大隻字寫加一，已有矛盾，或者老闆同職員溝通好定搏懵，唔知道。資訊好唔統一同menu亂寫咁已經覺得間野好搵笨。最後埋單265 呢個價係mk絕對有更好既選擇。

fun fun 串串煱 裝修咗 靚咗自助午市火煱 $88 免加10% 免煱底限聚令 12pm~6pm凍櫃有大量雜類食材 蔬菜 即食麵 都多選擇但 牛肉豬肉……要加每位$20雞子 蠔 魚皮 另加費點@煱底 都多選擇 但冇芫茜皮旦叫咗"沙嗲湯底" 但越食越甜 很膩 ……必食 水尤 腎 牛栢葉 大大條蚧柳 響鈴飲品都多選擇 芋頭味雪糕

第二次來啦，又被帶到窗邊位，好開心，可以放手袋嘛。入位時黃雨，食到轉黑雨，望住窗邊豪雨，又過癮、又擔心。今次都係叫BB辣，不過冇第一次食咁辣。依舊勁Like長蟹柳、芫茜牛，鴨紅都好好味。老實講，食材，唔係一絕；係好鍾意環境同串串食法。我會再來的。

見到fb廣告有串串火鍋，所以見到立即上OpenRice book位Book左5點去食，都有幾枱人。。。因為未食過e d火鍋，所以都幾期待下叫左個麻辣bb辣。。。我就覺得唔辣ge任飲任食都幾方便一串串擺係到又幾方便wo味道都ok，一串一淡幾過癮！仲有丸，雪糕任食，e 個價錢都ok丫！ 不過下次應該叫鴛鴦鍋，d粟米辣好似無咁好食汽水都幾多下，任飲真係正！仲有沙白，螺食。。。都ok丫。。。。下次可以再嚟食！員工都有來禮，老闆電話鈴聲用榮光一定要支持

老老實實, 懷著玩玩下, 柴娃娃一班人嚟食依個$78嘅串串鍋午餐, 低玩又開心嘅。而且食物唔差, 仲有驚喜㖭!(1) 其中豬肉片, 好好食, 係爽五花腩肉, 香脆而不油膩。(2) 另外特長嘅蟹柳, 味道同口感都好正, 食完一條又一條。(3) 雞腎新鮮又爽口。(4) 湯底 主要係麻辣, 如果唔係好食得辣, 建議小辣。另外有兩種唔辣嘅湯底可選擇。(5) 飲品每人包兩份, 選擇都幾多。(6) 每位可選擇一款麵食, 例如: 烏冬、出前一丁、韓國辣麵、等等。(7)同行嘅朋友講: 啲牛肉好食, 唔錯。食物選擇都好多, 有肉有菜, 難以盡錄。氣氛唔錯, 環境比想像中闊落、舒適。依編食評做得麻麻, 因為全程掛住食、掛住吹水, 唔記得影多啲相。