鳳城酒家 (Closed)

鳳城是老字號酒家，食物水準不俗，但服務水準參差相對亦公認，對於一些老字號的食店，特別是中菜館，服務水準不知為何都較飄忽，有人會話這些是人情味，而我對人情味的解讀就是個人化，即時好時壞，因為人都係有情緒的，所以對熟客就是人情味，但對於生客卻要看彩數，所以每次到老字號的食店，對於服務都會不會期待太高，沒有期望，就不會太失望。鳳城不是第一次食，亦覺得好食，今次遇著朋友生日飯，一班人又再光顧，所以選擇食尾段時間，可以食慢點，與朋友談談天。今次可能不是最旺日子，又遇著一位好笑容的姐姐，所以全程食得好開心，沒有大問題。食物水準亦對辧。點的都是大熱菜式，第一道菜，煎蝦多士，好味，不油膩，夠乾身。手工菜：煎釀鯪魚，這個手工菜現在家裏已不多人做，做法是先起魚肉，然後將魚肉與豬肉再打在一起再釀回鯪魚殻中，然後煎香，最考功夫的當然是起魚殻。這裏做得沒有泥味，也不醒，再外加有少少陳皮味，好食炒鮮奶，我本人不太好，不過這個不太油，但卻沒有太香的奶味。乳豬生腸拼盤（例牌），乳豬不錯，但生腸朋友話不夠爽，但夠入味。煎藕餅，炸粉果，自己對粉果其實一般，這裏的粉果皮不似平時點心的粉果皮，是較厚身的，而且吃時有粟米味，可

1）古法馬拉糕（小）2）香滑麻茸包（小）3）豬潤燒賣（中）4）炸粉果（中）5）四寶滑雞扎（大）今日休息，終於試到想去好耐嘅【鳳城酒家】食點心（平時瞓太晏，哈哈~）佢門口寫午市至3點現時少有嘅老字號酒家，喺度飲茶嘅感覺有別於其他酒樓，感覺更自在一點^_^本來想試【蝦多士】，但見餐牌無寫，可能要夜晚先有見到啲BB凳，唸起細過去酒樓坐過嘅回憶＊馬拉糕：其他酒樓少見呢款古法馬拉糕，鬆軟好味＊麻茸包：係小時嘅回憶，好多地方都無得食

上星期六同朋友係上環鳳城食午餐, 覺得好正又抵食, 今晚帶家人去太子店試下, 點知勁差, 非常失望!之前訂檯果陣問下附近有無停車場, 佢話: 「成條彌敦道你自己揾啦! 」真係串到爆. 訂左檯七點半, 我地七點三去到, 等到七點九入座, 都唔算等左好耐, 但係門口位勁迫, 同一時間十幾廿人企係度等, 又無一兩張櫈俾老人家坐住等, 有D混亂. 坐抵後快快點左幾個招牌菜再加D普通小炒, 除左個炸子雞真係好食之外, 其他全部都唔掂.金錢雞要預訂, 上次o係上環食係逐件計的, 最少六件, 但太子店最少都要叫一個例牌, 有成十二件咁多, 如果人少就千奇唔好叫喇, 呢尾菜真係一件起兩件止, 因為食一件已經好滯.另一個招牌菜蝦多士好油, 塊多士索滿油, 一咬落去D油多到滴出黎咁滯.叫左個福建豆腐俾老人家食, 個樣好衰, 但味道是不錯的.個椒鹽鮮魷就最差, 粉漿厚到不得了, 有幾件入面竟然係無魷魚架, 成舊都係炸粉, 又無味, 完全無椒鹽的, 白雪雪咁.個椒絲腐乳通菜簡直係零腐乳味, 等左好耐, 催左幾次, 點知又送錯左去隔離檯, 我地見到即刻叫部長拎返過黎先唔洗再等過.最後個招牌甜品西米焗布甸又出事,

母親節多人出街食飯我都知, 預早book定位係常識, 但由於好遲先約好人所以我只能夠提早一個半星期訂位...當日我打去訂位時, 我訂咗母親節當日(14/5/2017)6點鐘8位, 對方同我講要7點9交枱, 我都答冇問題...於10/05/2017當日, 酒樓亦打電話俾我confirm人數時間, 同叮囑我7點9準時要交枱, 我都答冇問題...點知, 母親節當日, 問題就出現!!  我老公5點53分上到酒樓, 我係樓下巴士站接媽咪, 全部人到齊酒樓時間為6點03分,但酒樓竟然話因為mark咗我係6位, 所以而家冇枱, 要我等等, 轉頭安排枱俾我!!!我話冇可能, 我訂時講好咗我地8位, 你地confirm我都係話8位, 點可能而家話mark錯咗6位而冇枱?個阿姐叫我坐係外面等等, 好快安排枱俾我....越坐越唔對路, 眼見全層都坐滿人, 而家先6點, 點可能會有人走俾到枱我???6點15分, 我走入去再問, 到底幾時俾到枱我, 個阿姐答我, 盡快安排, 最遲7點俾枱我....唔係呀???  真係粗口都差D出埋, 我一行8人, 訂咗枱6點, 而家全部坐係門口要等一個鐘???咁咩叫訂枱??  

大班朋友飯會，食得太多唔同菜式，始終都係中菜最好食。不過諗中菜都好鬼煩，而個人偏向食老字號一點的，雖然旺嘅老字號都會有一個缺點，不過始終味道還是最根本的要求。所以今日就揀咗鳳城！上湯炸粉果，彷彿來鳳城必點的幾道菜之一，上枱時，也感到一點的熱氣，外皮脆得來，又帶點煙韌，內裏的餡料也很豐富，又帶點油香。食前輕輕的放入湯內，可以沒那麼熱氣。炸子雞，必點的菜式之一，皮脆肉嫩多汁，還有其他可以形容的嗎？？煎蓮藕餅，又是鳳城不得不吃的一道菜，啖啖都能吃到蓮藕粒。蝦多士，底層的多士炸得脆脆的，配上上層的一隻蝦，又是一道魔鬼的菜式。焗蓮蓉西米布甸，熱辣辣上枱，又唔會太甜，上碗時陣陣的蓮蓉和奶黃味飄入鼻內，唯一覺得蓮蓉份量有點兒少。

有幾個外國的親戚到港，約埋一班香港的親戚一起見個面食個飯。其實最麻就係要招呼香港班長輩，又要平，又要好食，地方又要就腳...一大堆要求。所以今次黎鳳城試一試。因為近母親節，只提早3日都訂到位都有啲意外，訂完位再上Openrice 睇下食評，發現有些餸菜要提前預單，唸一唸，打電話去準備定先，反正去到都係我點菜。訂咗7點，6點幾去到坐住等。7點左右1樓坐到滿，有客人冇訂位要等到8點半後才有枱。先上個燒味拼盤食住先，到7點零齊人再叫伙記起菜，邊傾邊食，唔到9點就埋單走人，門口仲有好多人等緊位。以下就是今晚菜單：1 鳳城一品拼盤 （中）$360 有乳豬，义燒，生腸，海蜇。除了生腸，其他一般啦，個生腸好爽口彈牙，一定要試。2 鳳肝金錢雞（預訂） $280 由冰肉，义燒，雞肝串在一起炸，加塊簿餅夾在一起食，好香口。冰肉做得好好，爽口唔會油膩，有個表妹話食完都唔知係肥豬肉。3 家鄉釀鯪魚（預訂）2百幾 呢個餸真係食刀功，聽就聽得多，食就第一次。鯪魚肉好彈口，魚皮炸得夠香4 大良炒鮮奶 $985 生菜包 $1286 上湯炸粉果 $98其實有浸湯冇浸湯都好食，我就覺得浸一浸冇咁油。不過

奶奶在世時，每逢佳節，最喜歡齊集親友到太子鳯城酒家飲茶吃飯，足料雞燉排翅六百元一煲，足夠十人每人一小湯碗，其他如金錢雞、乳豬、鍋貼大眀蝦、上湯粉果等都令人回味無窮。自奶奶離世及親友多移居外國，近年我們也少去了。前些時丈夫生日，兒子建議到鳳城吃懷舊菜，預先訂位，並訂了八寶鴨及蓮蓉西米布甸。當晚我們五人準時去到，但實在太多人，仍要等15分鐘才入座。我們還要了：金華玉樹雞、鍋貼大明蝦、鳯翅西芹、大良炸鮮奶、上湯炸粉果。八寶鴨料足美味，肥而不膩，賣相靚，與蓮香的八寶鴨不相伯仲。玉樹雞的火腿比雞好味，還是炸子雞較好。鍋貼大明蝦跟以前差很遠，大蝦都游水走了，改名蝦多士更貼切。大良炸鮮奶賣相味道都差，簡直不知所謂。鳳翅是脫骨雞中翼釀入竹笙等，沒特別，不值價。幸好最後的縮水炸粉果及布甸，還能保持水準，不致太失望。的確是懷念舊時鳳城的懷舊餐！

提早同家父食生日飯，老人家還是愛老廣東口味，尤其是傳統的順德菜，最後還是選擇去太子的鳳城酒家。鳳城雖有數間分店，但真正有老師傅監場的只有太子及北角店，其他的不吃也罷。雖然有些朋友說這兩店水準已不及往昔，但我只覺爛船總有三分釘的。由於家父早睡，一家人只能選吃午飯，菜式自然不及晚市那麼多。預訂了八寶鴨，這亦是太子鳳城最得我心的食物。八寶鴨是名符其實的手工菜，賣相實而不華，但內有乾坤。完整的鴨身內藏著蓮子、粟子、鹹蛋黃及綠豆等東西，那些內餡已吸滿鴨汁，加上肉亦酥軟，無牙的老人家也啱食，全家人均滿意也。上湯炸粉果也是我每次都鳳城必叫的。炸得香口的粉果放入上湯浸幾秒後，口感即起了變化，外皮變得Q軟，令人一吃難忘。再吃蝦多士（呢度叫鍋貼大明蝦），是傳統的味道，也是大人與細路同樣喜歡。叫多半隻招牌菜炸子雞，雞皮真的又薄又脆，是老廣東的傳統手藝。要了個例牌的彩豬，味道OK，但價錢較貴，性價比唔高。至於生魚就炒片及放湯兩吃，不過不失啦。雖然幾飽，但來到鳳城，還是要吃一些傳統點心，叫了個大飽，重溫兒時的味道。整體而言，太子鳳城還是沒令我失望，將來肯定會繼續幫襯也。

平日接近2點來到，無咩人唔洗等位，原來這店沒有下午茶時間，好彩嘅係無搞亂單，聽聞成日搞錯的！點心同茶比其他酒樓質素好，但價錢偏貴，4樣野要$130比蓮香樓還要貴，但勝在唔洗搶點心，環境就保留了舊式酒樓的特式。1) 蝦餃：大粒了點，所以過熟了！2) 合桃叉燒酥：好少地方有得食，這個唔錯！3) 蛋黃蓮蓉包：蓮蓉就蓮香樓比較優勝，蓮香樓的蓮蓉比較香！4) 雞札

已幫襯這裡很多年,  因味道不錯, 特別是西米布甸, 大良炒鮮奶, 魚香茄子煲, 每次來一定食,  而且價錢又大眾化, 但是最近這幾次有問題,  訂位時已知道限時90分鐘, 根本不用用別的方法趕,  那金毛伙計到差不多夠時限便扮熟的和你聊天,  聊了以為和你熟了, 有時會叫你幫忙早走, 問題是, 到你真的走時, 即時變了另一個人, 又不禮貌, 又急趕人走, 坦白說, 又串, 他自以為聰明,  我覺得他是新移民 ,  那當然, 他只是打工, 可能是老闆的指示, 問題是做得聰明點, 以後也不會再去幫襯

恭喜兩位同事做到好業績，所以他們請我們一群人來到這裡吃飯！首先要稱讚這裡的的炸子雞，雞皮是非常香脆的，但雞肉還保留新鮮多汁！再加上檸汁調味，來到這裏一定要試。之後就是也十分有名的蝦多士，個人很喜歡吃香口，又炸的食物，但好像有點太過油了。倒是試一件還可以啦。燒豬也做得不錯，不過價錢就真的比較貴了，這個性價比不高。支竹配魚腩味道好好，完全不覺得有魚腥味，而且支竹好入味，值得一試！當然還有很多點心，太為食無影到相，味道就不過不失啦。

今晚一行七人到這𥚃食情人節大餐。炸子雞1隻，隻雞微暖，炸得有點乾身，一般。明蝦貼，蝦肉都幾大隻同埋都弹牙，多士不太油。薑汁芥蘭，薑汁味不濃，芥蘭應該灼過才炒，所以菜遠好淋身。生菜包，冇乜點試。咕嚕肉，皮不脆內裡肉質淋淋的，但加左d子𦍑又變得幾好食。椒鹽鮮尤，成晚最熱系這味，炸粉薄薄一層，尤魚又爽口，吾錯。桂花炒瑤柱，即系牙菜江瑤柱炒旦，炒得好乾身又有獲氣。鳳城炒飯，好似楊州炒飯，义燒、蝦仁、番茄粒好多料，d飯炒到粒粒分明。焗蓮蓉西米布甸（預訂），需然訂左但都等左好耐，個面焗到微微起焦，內裡西米同蓮蓉都比較浠，中看不好吃。埋單 $1406/7位，個人覺得北角鳳城比較出色。

新年諗住開開心心食團年飯一家大細一早訂左位諗住試lee間酒家。訂左七時半接近八點先比到台企左近半小時都未有台都算一入到去地方又迫又窄坐到密麻麻不止外面還有很多人迫進餐廳要求位置。我坐的位置近門口可想環境有多惡劣！可見這間酒家在時間安排上有多差接近所有有訂位的人也等到鼓燥！環境也罷人們為的也是食物。但很可惜食物細件也不好吃乳豬燒焦了其他也是凍的魚也不嫩滑又硬又凍！我們也要了兩碟最出名的生腸。明明是數十元的街邊貨式収了我們二百大元一碟真的超不徝。這餐飯十四人吃了六千多全也是名過其實的貨式！真的不會回頭再吃！想試的朋友真的勸你不要浪費金錢來受氣吃行貨！

已有幾年沒來鳳城酒家，原因是太多人，訂了位也總是要等，等都冇位企。心郁郁掛住佢啲傳統菜式，當家人提議去呢度食團年飯便舉腳贊成。它分兩個時段訂位，第一輪是6點，第二輪7:30，可想而知食6點嘅7:30一定起唔到身埋單走人，如是者我地15人最後8:30先有得入座⋯因為人多嘅關係，部份菜式要叫雙份先夠食。炸子雞唔錯，雖然皮唔脆，但雞肉嫩滑得嚟夠熟，加埋檸檬汁小朋友食到LAM LAM 脷。芫茜魚肚羹真係有勁多生芫茜，我夾走哂啲芫茜先食，個羹唔太咸，味道可以但不唔太特別。蓮藕餅是鳳城得意之作，一口咬下去能吃到蓮藕粒，與魚肉豬肉混在一起煎香，是送飯必備的菜餚。預訂了八寶鴨終於上場，鴨肉非常淋身出乎意料比其他餐廳的八寶鴨的味道較為淡，但依然足料，一大勺能吃到蓮子、蛋黃和鴨肉，啲鴨肉炆到淋哂連骨食好正我最期待的菜色是蝦多士，即炸多士外脆內軟，唔會油淋淋，出色豉椒鱔球都夠鑊氣，只係嫌鱔球少咗啲炒鮮奶比較令人失望，不知是否炒得太耐啲奶老咗，食落有啲鞋。咕嚕肉酸甜味十足，食落啖啖肉，很不錯甜品以西米焗布甸作結，熱辣辣，不會過甜，有陣陣蓮蓉和蛋香味，雖然好飽都要食哂佢！為咗食佢嘅招牌菜，等一個鐘都值得嘅。下次

毒蘋果介紹舊式酒樓。 味道好食, 不過油左d. 桂花魚賣哂變生魚，仲要同價。。。。算。好多菜式要早1日訂，不過趕住食飯就冇得試。 蝦多士超好味， 即炸。 翅都抵食。 叫左蔡生推介個餐。招牌生腸拼乳豬正。豬腳仔正。上湯炸餃子同西蘭花炒帶子不好吃。 不過d野係堅夠鑊氣。好想試個魚更， 惟有下次。 好鐘意成個傳統裝修同用1班老伙記。 好有feel.