風雲丸

Open Now

Now Closed

- 豚骨魚介拉麵 豚骨魚介沾麵-去尖沙咀食拉麵一定要食呢間今次要為大家介紹既係 - 風雲丸風雲丸位於尖沙咀麼地道30號Mody House地舖佢地拉麵有兩款選擇 今次點左豚骨魚介拉麵因應個人既喜好 可以揀拉麵既軟硬度 佢地個魚介湯好濃味而沾麵 除左可以揀溫麵定冷麵 食後感真心讚 食完沾麵個魚介湯仍然係出煙

If you love Tsukemen, you should definitely try Fuunmaru.You can select the noodle portion from 200g, 300g, 400g (+5hkd), and 800g (+45hkd). You can also choose if you want it warm or cold.The noodle is chewy and cooked to perfection (they timer it!). The cha-shu is so thick but not hard. When you dipped it in the sizzling hot broth, it’s just yum!The broth is so rich but not too strong so, it won’t be hard for you if you want to drink it. This is so far the only place that Lid could finish the

真的是爛到爆的一家餐廳，完全不按照規則來、服務一級爛1.外面很多人等位，沒有一個人接待，有人直接走進去，就直接用餐。門口寫著要等所有人一起進來，結果也都不遵守，簡直不知道怎麼開的店。裡面空了很多位置也不讓人進來，故意要營造外面很多人排隊的景象嗎？這種招數2024年還有店家在用啊。2.餐廳環境，跟其他日式拉麵店沒有任何不同，一樣的擁擠，沒有放東西的空間。不過這種街邊小店也就不用期待太多了。3.食物：無非就是把一些半成品過一下水，加熱煮熟，毫無任何技術含量可言。4.色香味：经典的沾面，就是煮熟的面沾一下汤汁，一中噱头而已；坐在餐厅裡只有一種壓抑的悶熱感，前後左右坐滿人也沒有一點點食物的香味；味道更是普通的不能再普通了。很差劲的一餐体验，希望分享给大家

每次行過尖沙咀K11都會想食風雲丸佢地個沾麵真係香港最強最近佢地推出左兩款期間限定石燒蟹粉飯同石燒蟹粉蟹湯沾麵今日就同喜歡食蟹既朋友一齊試試平日晚大約7點幾門口企了大約10個8個在等位大約等左10分鐘左右就可以入坐 //石燒蟹黃飯 $128//話明石燒當然係用石鍋盛載住一上桌已經聞到香味十足石鍋可以保持溫度好一段時間影左一陣相之後仍然熱辣辣香噴噴飯同蟹黃既份量都好足夠飯上滿佈了金黃色的蟹黃每一口都有滿滿的蟹黃入口creamy又鮮甜 底部是飯焦蟹黃染上金黃色既飯再混合焦香既飯加上鮮甜澎湃既蟹黃蟹黃和飯焦完美融合在一起每一口飯都滲透著蟹黃的鮮甜每一啖都好滿足 //豚骨魚介味玉沾麵 $103//先喝咗一口湯 好舒服口感濃郁惹味 有好重既魚介海鮮味入口又有陣濃厚既豬骨香氣湯汁石鍋上保持熱力 熱辣辣滾住食好正 麵可以揀溫麵同冷麵麵質地煙韌而且超級掛湯沾一沾湯吃 湯汁濃郁掛在麵上熱哄哄 配料既叉燒好好食半肥瘦的厚切叉燒 肥廋比例剛剛好表層輕輕炙燒過入口即化而且有焦香味 口感好淋好好味仲有一隻溏心蛋 蛋黃有少少半熟味道帶甜好入味 //辛口沙拉羽根餃子(5件) $39//日式煎餃就是煎得香脆至一邊是

-風雲丸-📍尖沙咀.哩2日天氣凍左好多，好想食返碗熱辣辣的拉麵。見到風雲丸推出期間限定的石燒蟹黃系列，賣相好吸引，仲要用石鍋上菜，是日晚餐不二之選。.石燒蟹黃蟹粉蟹湯汁沾麵 ($168)拉麵的份量可以選擇並盛200g或大盛300g，更可以加錢要500g的特盛或800g的富士山盛。.拉麵配上生蛋黃，香蔥，紫菜絲和滿滿蟹肉，賣相已經好吸引。風雲丸招牌的自家製麵條，硬度適中，夠彈牙。麵條偏幼身，掛上更多香濃蟹黃湯汁。.湯底用料好足，食到啖啖蟹肉同大大舊的蟹黃，蟹肉份量好多，肉質細膩，每一啖都帶超濃郁蟹黃香味，好鮮甜。.石鍋上枱，保持湯汁的熱度，十分適合近期轉冷的天氣。.炙燒豚肉 (+$20)味玉 (+$15)另外仲追加左豚肉同味玉。炙燒豚肉好厚身，一層瘦肉一層薄薄脂肪，食落肉質好軟嫩。.味玉夠溏心，醃到好入味。2樣都好值得追加。.石燒蟹黃飯 ($128)同樣係用石鍋上菜，飯面鋪滿蟹黃蟹，同樣仲有大大粒蟹黃，食落蟹味鮮甜香濃。.因為用石鍋上菜，仲做到飯焦的結果，真係啖啖滋味。.辛辣唐揚炸雞 ($18)點沾麵仲可以以優惠價$18追加辛辣唐揚炸雞(2件)。炸雞都唔細件，外層炸至香脆，內裡肉質鮮嫩，

風雲丸，一間長期長龍店🚶‍♂️🚶‍♂️🚶‍♂️，我一直好想去試下，但當每次經過都要排隊時，就難免會卻步😔。今日去尖沙咀聽講座，原本話要4️⃣5️⃣分鐘，點知2️⃣0️⃣分鐘唔洗就搞掂😍，落樓後向前面行不久就係風雲丸，可能時間尚早，入面只係坐了約7成人，咁就一於同阿仔去試下😆。之前一直未食過風雲丸，本來都猶疑食咩好，一見到新品-2️⃣款蟹の盛宴🦀都好吸引，咁就唔再諗啦，就呢兩個啦🥰。石燒蟹粉蟹湯沾麵 $168麵底本身有唔少蟹肉🦀，再加埋個湯底充滿蟹黄蟹粉而且又非常濃稠🤗，已經勁吸引😍。上枱時個湯仲滾緊，而且用石鍋裝住🥰，夠哂熱辣辣🔥，另外麵條🍜非常掛湯，每一啖都充滿著蟹嘅鮮味🤤。石燒蟹粉飯 $128上枱時同樣以石鍋裝住，熱辣辣🔥，面頭舖滿了蟹黄蟹粉🦀，每一啖都食到蟹嘅鮮味，食到最後仲要食到飯焦，正啊😍。總括而言，雖然今次我地只係食咗新品，無試到其他，但已經明白到點解咁多人排隊了。

🧡💛❤️蟹黃蟹蟹大盛🦀蟹肉嘅鮮甜同蟹黃嘅回香，真係諗起都流口水！🦀聽講風雲丸做緊蟹の盛宴，蟹飯定沾麵好呢？Why not both？🤤💛石燒蟹黃飯💛 $128用石鍋裝住嘅飯真係特別吸引，熱氣騰騰嘅感覺好誘人！蟹黃滿佈米飯上，份量好足夠，creamy又鮮甜！🦀底部仲有我最愛嘅飯焦，焦香俾蟹黃染上金黃色嘅米飯，再加上鮮甜澎湃嘅蟹黃，每啖都好滿足！🦀🧡石燒蟹黃蟹粉蟹湯汁沾麵🧡 $168麵條嘅份量加到300克都係免費嘅😛個人認為300克真係啱啱好，湯汁嘅部份可以完全用盡！🍜先將拉麵同埋配料撈埋一齊，然後就可以沾麵啦！🍜石燒鍋保持高溫，大大提升滿足感！蟹黃蟹粉蟹湯汁味道濃郁，掛汁能力一流！🦀每條麵條都掛上濃郁嘅湯汁，啜入口腔，香味俱全！餐廳仲有其他嘅日式主食選擇，不過一場嚟到排隊，梗係要試吓佢哋嘅蟹蟹盛宴啦！下次食吓佢哋其他麵先！🤤BTW記得save post，方便向店員查詢有關餐點啦❣📍風雲丸 📍尖沙咀麼地道30號Mody House地舖

經過尖沙咀見到風雲丸做緊期間限定既蟹粉系列，有湯麵或者石頭鍋飯，我不嬲都鐘意食蟹，蟹粉更 甚呢。首先先講日式石燒蟹黃飯飯上滿佈了金黃色的蟹黃，散發出誘人的香氣。每一口飯都滲透著蟹黃的鮮甜，帶來一種濃郁而豐富的口感。蟹黃和飯焦完美融合在一起。雞叉燒魚介拉麵，湯頭濃郁而鮮美，融合了雞叉燒和魚介的風味。湯頭的口感豐富，帶有微妙的甜味和鹹味，令人難以忘懷。拉麵的麵條彈牙有嚼勁，與湯頭的滋味完美相融。雞叉燒肉質鮮嫩多汁，魚介提供了額外的香氣和豐富的口感。味玉是一個蛋黃的軟煮蛋，它的濃郁奶油口感與湯頭的鮮美相得益彰。最後是羽根餃子，每份有五個。餃子外皮煎至金黃又脆，內餡則是鮮嫩多汁。餃子的內餡有著豐富的肉味和魚介風味，口感柔軟而滑嫩。

餐廳的蟹之盛宴系列，深深地吸引着我們，於是趁星期五放工後，兩口子一同前往用餐。當天晚上人流稍多，需要於門口排隊等候。這個系列共有兩款食物，分別是石燒蟹粉飯和石燒蟹粉蟹湯沾麵。餐桌上貼有沾麵食法，初次品嚐的話可以參考一下。石燒蟹粉飯以石頭鍋盛載，非常熱騰騰，享用時也要小心以免燙傷。正是這一份熱力，把蟹粉香味發揮得淋漓盡致，白飯帶着微微焦香，食過返尋味。石燒蟹粉蟹湯沾麵用料豐富，和沾麵湯底味道非常配合，拉麵麵香也是一流，而且很掛湯。選擇了溫熱湯底，更加適合在冬天享用。我們另外追加了一客唐揚炸雞，新鮮炸起，外層香脆，內裏肉質嫩滑，加上燒汁調味，層次非常豐富。

星期六下午4點同太太及BB幫襯，雖然並非繁忙時間，但餐廳都係擠迫。太太食魚介豚肉拉麵，我食石燒牛油玉子豚角飯，另外再加玉子，煎餃子，及2件炸雞。拉麵的麵質一般，較淋及稍欠彈性。麵湯唔會太咸，都算夠香。拉麵並非風雲丸的主打，較為一般。我的玉子豚角飯，一來份量較少，對於男士來講應該唔夠。豚角亦只約有4 - 5件，份量方面可以豐富啲。其餘餃子太淋，口感普通。炸雞同樣太淋，如果可以質感脆啲會較好。職員服務方面OK，主動幫我地安置BB車。環境真係太迫，下次帶BB要揾空間多啲嘅

呢間拉麵係間唔中會去食既口袋餐廳餐廳係有湯麵同飯既, 但個人黎講就鍾情佢既沾麵一個好食既沾麵首要係個湯湯底夠熱可以令沾麵變暖身軟化再掛上麵條表面另外湯底仲要夠濃郁, 因為唔係浸湯既關係味道全靠沾係麵條既汁麵底方面都要保持到彈牙, 有冷麵同熱麵選擇常規既份量係並盛(200G), 可以免費升級大盛 (300G)或者加5蚊 特盛 (500G) ,加45蚊更可以去到富士山盛(800G)今日試左期間限定既石燒蟹黃蟹粉蟹湯汁沾麵非常意外地呢間老店係經常爆滿既情況下依然推陳出新, 保持到份新鮮感仲係一款非常有誠意既沾麵麵底本身有雞蛋, 紫菜, 大蔥絲, 蟹肉絲及蔥花, 就咁拌勻之後已經好好食, 清淡但突顯到蟹肉既甜蟹湯令成個菜式畫龍點睛, 到底要用呢多隻蟹先會有咁濃厚既蟹味!湯入面仲有蟹黃同蟹肉, 一啖接一啖的唔想停豚骨魚介味玉沾麵上菜時個湯一樣熱到噗噗噗湯味濃郁唔會太鹹, 叉燒既脂肪比例較高, 碗裡面既芽菜可以balance番隨拉麵會有一角檸檬仔附上, 如果覺得膩時可以滴幾滴但我同朋友都無用到綠茶可樂個味道同可樂同綠茶無關, 反而有少少似沙示但唔難飲架, 亦都唔會太甜值得一試!

呢間沾麵店經常都大排長龍，所以今次決定走入去試下係唔係真係咁好食！最後叫咗豚骨魚介拉麵同特濃豚骨魚介味玉沾麵，首先湯底真係無得彈，味道非常豐富有層次，再加上免費任落既炸蒜蓉、七味粉、黑胡椒，真係食到等唔到手！拉麵偏彈牙有口感，豚肉同筍都好厚切，整體來講真係無咩扣分位，一個字，爽！另外招牌特濃沾麵汁味道非常濃厚，不過如果食唔慣既人可能會覺得比較鹹，呢一方面就要自己小心衝量下

係尖沙咀食我最愛既風雲丸😍😍真心佢個蟹黃系列好世一！每次食都好好食！ 。🥢石燒蟹黃蟹粉蟹湯汁沾麵 $168：呢個石燒蟹黃蟹粉蟹湯汁沾麵嘅特色係麵條沾上濃郁嘅蟹黃蟹粉蟹湯汁，令麵條更加滋味豐富。湯汁濃郁香濃，有蟹黃蟹粉嘅鮮味，令人回味無窮。配上石燒，更加保持全程熱辣辣，增添口感。。🥢石燒蟹黃飯 $128：呢個石燒蟹黃飯超豐盛，飯粒經過石燒處理，底部呈現香脆嘅焦糊，上面滿滿嘅蟹黃增添咗豐富嘅口感同鮮味。每一口飯都可以感受到蟹黃嘅香甜。

這間來自日本廣島的人氣過江龍沾麵位於尖沙咀，鄰近K11購物藝術館。秋冬正值嚐蟹的最佳時機，推出兩款期間限定，絕不能錯過。麵量方面，分別有並盛(200克)、大盛(300克)、特盛(400克)及富士山盛(800克)四款選擇。現凡惠顧任何拉麵，即可以優惠價追加唐揚炸雞兩件。石燒蟹粉飯 - $128滿滿金黃色的蟹粉，有絲絲香甜細膩的蟹肉及甘香的蟹膏，鹹香味濃郁，再以熱呼呼的石鍋盛載，保持溫度之餘，又有脆口的鍋巴。石燒蟹粉蟹湯沾麵 - $168同樣以石燒盛放高湯，大量甘香的蟹膏及蟹肉絲很濃稠，蟹味十足；招牌自家製沾麵煙韌彈牙很掛湯，亦有大量蟹肉絲、木耳絲、紫菜、香蔥及日本生蛋等，非常豐富；建議沾麵吃至中段時，可擠適量檸檬汁入湯，減去濃膩感；最後的剩湯中可加入魚介水，當湯飲用，又或者追加香鬆飯製成泡飯。

拉麵店嘅位置非常近K11，好容易搵到。一去到門口已經見到有一班人喺度排緊隊，本來對呢餐飯都好期待。心諗咁多人排隊應該冇死啦。點知道入到去係災難嘅開始。首先食客坐位位置非常迫夾。一張八人枱分咗比四台食客坐，中間係冇任何分枱都。其次佢哋嘅員工根本就搞唔清楚邊張枱係邊一張枱居然有攞錯QR code嘅情況出現。然後搵到錯嘅嗰張枱，居然係想叫客人離開。最後有部份嘅店員係根本就唔識得講廣東話，要我用普通話同佢交流。食物質素只能夠講普普通通，我選擇咗：石燒濃厚雞叉燒魚介味玉沾麵。整體湯味濃郁，湯底更加有大量嘅黑椒喺度調味。唯一美中不足係我將啲麵倒落去三份一嗰陣時個湯已經凍咗一半。叉燒唔係豬肉，而係雞肉最外圍仲有一圈雞皮。我自己習慣去咗雞皮先至食。識到雞肉非常嫩滑，算係廚師誠意之作。荀太厚、太長，如果短少少加薄少少嘅話會更加爽。食之前我將檸檬汁淋咗落去雞叉燒，跟住再將剩餘嘅檸檬淋落去湯度。因為個湯底比較濃郁，所以我都唔係好食得出清新嘅感覺。整體嚟講，我覺得服務質素需要加強。湯底可以淡返少少，因為係加咗水都有種鹹嘅感覺。