風雲丸 (Closed)

我係一個好中意食麵既人，而麵類之中拉麵一定排得上我頭三至愛，前日lunch hour就同同事去試下呢間日本過江龍，我地大約1點去到，當時餐廳只剩一張2人枱，咁我地一行3人就等下喇，餐廳入面有少量座位俾等位既人坐低，亦有一部茶機供自取飲用，頗為貼心，10分鐘後就被安排入座。我地全部人都點豚骨魚介味玉沾麵，我就揀左300g冷麵，另外大家再share多個原味炸雞，坐低冇耐就送上熱辣辣既炸雞，味道正常 (正常唔等於唔好)，冇咩特別，唔鞋口亦唔特別嫩滑，不過好慶幸有嗌到呢個炸雞頂一頂肚，因為之後我地等成15分鐘沾麵都未上枱! 始終lunch hour只得1個鐘，我地都好心急。終於等到沾麵，用石鍋裝住既沾汁keep住翻滾，令人好有食慾，麵質粗身但唔算彈牙，值得一讚係佢非常掛湯，不過個湯對我黎講略鹹 (後來得知另外2個同事都咁諗)。荀同肉都係水準以上，塊肉係一大塊咁上，輕輕一夾就輕易分開，煮得好淋。至於蛋就差d，煮得過熟，完全唔流心，好失望。整體黎講，食物質素唔差，但等待時間長令人心情唔太好，同香港其他拉麵/沾麵餐廳比較唔算突出，多少因為我對沾麵既喜愛，俾個笑哈哈佢啦!

面的味道挺好的，环境也很不错。周一沾面半价哦…非常划算！！好像白天去吃会排队，晚上人会少一些但是有个极其不好的体验。有个帅哥，可以极其勉强的称呼他为帅哥。明明可以说一下普通话（因为听他给其他人说了），和我们说的时候就说很快的粤语…而且也不解释一下，留着我们一脸懵逼就走了…还好旁边桌的热心大叔翻译了。

之前經過風雲丸的門口，都覺得很特别。招牌三隻大字很有漫畫風格。這次來吃麵，覺得整體裝修日系而又有特色。店內都是木枱木櫈，天花掛有紅白的紙燈籠，牆上豪邁的毛筆字和圖畫等，都讓人目不暇給。首先吃了羽根餃子。送來時熱辣辣的，看得出是即叫即煎。5隻餃子連成一體，要用筷子分開。餃子底部很薄和脆口。餡料是豬肉，保留著肉汁，散發著油香。我點了豬骨魚介拉麵。只見湯底濃郁，呈深棕色。送上枱時，已經聞到很香的魚乾味。麵條彈牙滑溜，飲一口湯底，吃一口麵條，十分滿足。叉燒厚身，肥瘦分明。入口肉質軟腍，味道鹹香。而鋪在叉燒上的魚介粉，則增添了叉燒的層次。男朋友點了石燒辛辣魚骨豚介沾麵，麵條選擇了冷麵。熱騰騰的辛辣湯底以石鍋盛載，鮮紅滾燙就像熔岩般。男朋友說湯底香辣而不油膩。石鍋保溫功能甚好，使冷麵放入湯裡沾亦不容易令湯底冷掉。令他從頭到尾都享受到熱燙滋味！

每逢夜晚，灣仔嘅風雲丸門外必定出現人龍。小弟偶爾收工都會嚟食一碗熱騰騰嘅沾麵，當中最鐘意嘅係「石燒濃厚 豚肉魚介味玉沾麵」。湯底以高溫石鍋盛載，味道濃郁亦不失魚介類嘅鮮味，掛麵程度亦好高。香港大多拉麵鋪都採用來貨麵條，而風雲丸另一賣點係佢嘅自家製極太麵，誠意十足。豚肉厚身但咬落軟熟。但略嫌配菜嘅竹筍較少，連蔥花都俾得有點吝嗇。味玉亦有點過熟，某「長浜」拉麵嘅味玉暫時未遇到對手。不過食完一碗沾麵，真係要大叫滿足！

灣仔美食遍街頭，是日蜜桃小丸子餓得很，心思思想吃沾麵，便到了這間頗有名氣的風雲丸試試。由於是下午茶時段，所以舖内食客不多，可以輕鬆坐。餐牌主要就是沾麵，另有少量拉麵和小吃，價錢正常。石窩濃厚豚骨魚介沾麵：用石窩盛載湯汁是第一次見，上枱的時候滾得很，就像圖片一樣在翻騰。而麵質有冷/溫選擇，冷吃下去會較有嚼口，溫則麥味香點。蜜桃小丸子選了冷的麵，浸一浸湯，吃下口就有陣陣濃厚的魚介湯味，而麵由於是粗粗的，所以一冷一熱QQ得很！湯底真的是十分香濃，味道重一點，但卻很適合我！值得一提是豚肉，相片可能影得不太好，但其實它比普通拉麵的豚肉是厚得多，足足有1cm的厚度！肥瘦均勻，吃下口有一種幸福的感覺。總括而言，這個沾麵真的很好吃，由於是石窩上，所以溫度能一直保持暖暖的，十分好！麵很有彈性，湯底又濃郁又香，肉大大件，會再來吃！

平時搭車經過 心思思想試，今朝食左少少野，家陣已經晚上九點未食野，好肚餓....一場 黎到灣仔，就入去試試佢虛實。我叫 石燒濃厚魚介味沾麵，個 「濃厚」無咩味，個沾麵唔彈牙，普通烏冬一個，咁唯有舉手問店員，個店員話：「你唔滿意，我換俾你」之後一野攞走左個湯。無奈到呢！ 好啦，老友叫果個豚骨魚介拉麵，超級咸，完全入唔到口。仲有個餃子，8方暈習 都好食過佢，一句到尾，唔會再黎，絕對唔好食，但我仲好肚餓，要去第二度搵野食！ 完！

我隔離個同事啱啱喺東京返嚟，講到食過嘅沾面「如何如何，長江黃河」咁好味，仲話下次要推介我一定去食，我就話要食沾面使鬼去到東京咁遠咩，喺灣仔298商場隔離嗰間極度日本風情畫嘅風雲丸一樣正!我叫咗碗石燒辛辣豚骨魚街沾面，一擺上台「哇！」熱氣沖天，成個畫面仲靚過Menu上面幅圖，食沾面來講最緊要梗係個湯，最出名嗰間三田得個咸字，呢間嘅湯係濃、香、辣三種味水乳交融，最重點當然塊臀肉，棉胎咁厚，仲入口即溶，仲有一個最大賣點，就係面大同加大都係免費㗎，對於我呢啲大食積來講梗係唔sit卓叫最大啦。食完呢餐我同事嘅結論都係洗鬼去日本食咩!

手掌咁大隻龍蝦！！palm size lobster!!! 🦞👉🏻向左滑睇滾湯 👉🏻swipe to check the boiling soup 🥣/Whole Lobster Tsukemen 🦞🍜 #原隻龍蝦味玉濃香沾麵💰$148🦞龍蝦和廣告上的一樣大，非常驚喜！肉質彈牙，惟鮮味欠奉🍲湯是盛在石鍋裡，上菜的時候滾燙的湯還在冒泡泡，很濃厚的龍蝦味，不會太鹹！質地可以稠一點更能掛住麵🍜麵可以選擇冷/溫，沾麵要配熱騰騰的湯所以我喜歡冷的🍜三個份量可選，不用額外加錢：並盛(200g) • 大盛(300g) • 特盛(400g)加$45 更可以有富士山盛(800g)

開業咁耐，無論咩時候都經常大排長龍嘅風雲丸，今晚早咗排隊10分鐘就入得了😆😆😆麵的份量是可以選擇的，加到400g也不需要額外加錢，但對我來説200g份量已經好夠飽。豚骨魚介味玉沾麵😍😍😍魚骨湯非常濃郁，所以掛湯的能力唔錯，每一條都成功沾到湯，叉燒肥瘦相間的紋理，口感鬆軟。溏心蛋入口軟滑，蛋味香濃！羽根燒餃子👍👍👍一碟有5隻，底煎得夠脆，飽滿既肉餡大將餃子肉餡滿滿的，而且好juicy，再點埋醬汁，非常好味！

平時都食拉麵多，沾麵都係以前喺周玥食，但坐低見到佢哋嘅Menu有石鍋沾面，所以就決定試一試。一上枱，個沾面汁真係熱辣辣，係咁滾。至於個麵，有三個份量可以揀而不用額外收費。麵條好煙銀，叉燒肥瘦適中，豚肉味香，糖心蛋就冇乜特別。好欣賞佢嘅麵條好掛湯，浸一浸，已經好入味，個汁唔會太鹹或太稀，幾出色。我哋另外仲叫咗個炸雞同煎餃，兩樣野都好香脆，有意外驚喜。咁食法，都只係$300有找，以呢個質素同份量來講，簡直係物超所值，值得encore。

上學前晚飯, 今晚就選了一落巴士就見到的風雲丸之前試過尖沙咀店, 今日試的灣仔店日本裝修味道更濃烈一點, 而且地方也比尖沙咀點大一些見到有期間限定的原隻龍蝦味玉沾麵, 當然要試試麵食上枱心裡不期然嘩了一下, 好大隻龍蝦接著眼球就被卜卜作聲的沾麵湯底吸引了, 看著也知道非常熱辣辣, 而且香味不斷湧入鼻子, 口水直流湯底非常稠糊, 掛上麵上一起送進口, 龍蝦鮮味突出, 充滿整個口腔; 湯底著實濃郁, 不過別看輕它的熱度, 半小時後仍然熱得燙咀大大隻的龍蝦, 蝦膏非常多記得要趁熱吃掉龍蝦, 蝦肉+蝦湯混著起, 鮮味不得了; 

風雲丸拉麵, 之前吃過尖沙咀的, 但很多時候人龍太長, 不太想進去. 這天乘著店子11點剛開門便入去, 避開人龍舒舒服服. 剛好龍蝦暫時缺貨, 目標便鎖定點野菜豚角. 這裡的沾麵可選200, 300, 400g, 正適合食量大的我. 除了野菜豚角沾麵外, 另外加點了我最愛的味玉. 麵條用上自家製的極太麵, 差一點有烏冬的粗幼度, 麵質極有彈性又適合沾湯. 沾麵用上石鍋. 因為沾麵主要是"凍麵熱湯", 普通拉麵店的難免會有吃至一半湯已冷掉的情況. 有些店子會在枱面加上電子爐加熱, 又或可以叫店員加熱湯底. 但石鍋無疑是最方便的做法. 湯頭濃郁又配合麵條. 味道值得給85分. 野菜豚角沾湯裡有大量的爽脆蔬菜及豚角丁. 吃至一乾二淨後, 石鍋裡的湯仍有蒸氣, 這時再叫店員加上清湯, 享受湯頭的鮮味. 最完美的結尾. 埋單的價格與現時許多賣上$150以上的拉麵店相比不算貴, 但味道及誠意十足, 值得再來. 

早幾日lunch time行過見到好多人排隊 今日一於過黎早啲過黎試試 由於開門無耐～唔洗排隊就可以坐底 但唔好處就係未ready個爐 要等耐少少食物先上到枱叫左個招牌玉子沾麵 200g 小食方面叫左原味餃子&燒汁唐揚炸雞飲品：富士山雪山水燒汁唐揚炸雞熱辣辣新鮮炸出黎好好味 配埋燒汁食完一舊自動波夾第二舊餃子外觀煎得幾靚 食一半望下 個餡料唔係好多 但黎得日式店叫餃子就似係必須咁主角沾麵預熱左個沾麵鍋 加入麵條沾沾醬汁 再咬一啖肉 成個lunch即刻昇華左 值得讚讚杯富士山雪山水好好飲 唔太甜包裝又靚！

好大雨的一個晚上，走到附近主要都是快餐店，見這家日式麵店門面不錯就直接走了進去。店面裝修走日系風格，吸引了不少遊客來一試地道日式料理。看餐牌才發現主打是沾麵，熱騰騰的石鍋很適合忽然轉冷的天氣。是日有第二碗半價的優惠。我點了豚骨魚介味玉沾麵，朋友則選了辛辣豚骨魚介沾麵，另加味玉($12)。麵條可以選擇份量，從200g到400g都不用加錢。不消一會沾麵便上桌，湯汁不停在石鍋中翻滾，先加一點點檸檬汁味道更清新。急不及待把麵條沾上湯汁，麵條是自家製作，麵質比一般拉麵粗身，沾上魚介湯底味道很配合。令人驚喜的是豚肉非常入味，肉質軟腍而不乾身，肥肉位置入口即化，絕對不會覺得肥膩，超級好吃。桌上有各款調味料可自由配搭，忍不住加了很多一味粉呢。最後一口氣把300g的份量都吃清光，好滿足。也試了一下朋友的辛辣豚骨魚介沾麵，湯底辣辣的很惹味，點了400g麵條份量的碓是多一點。吃完沾麵後本打算離開，但突然下起滂沱大雨，所以決定等雨勢轉細才離開。再加單點了抹茶和米飯味雪糕作甜品。還是第一次吃米飯味雪糕，甜甜的帶米飯香，重點是雪糕內夾雜飯粒，口感特別，愛新奇口味的話絕對要一試。抹茶雪糕則是一貫的香濃味美。對上一次

環境5分：比普通日式麵店大間，好鬆動。正門出面有櫈比人坐住等位。中間好多吧位包住個開放式廚房，側邊四周圍其他都係搭枱嘅散枱。張木櫈下面可以放隨身物，設計有心思又可以慳位，可以畀五分。衛生5分：抽氣好，開放式廚房响正中間都冇乜油煙味。木枱木櫈好企理。枱上Ｄ餐具醬汁都好乾淨，都係五分。服務5分：餐牌有圖其實好夠清楚，填落單紙都好簡單，但係夥記超好人，埋位即先比兩杯水，跟住仲慢慢介紹招牌菜，上麵果陣再提建議食用放法，畀硬佢滿分！味道5分：1)      每客野菜豚角豚骨魚介沾麵有個托盤原煲上枱。煲野菜豚角豚骨魚介湯汁非常足料，滾到起泡超級熱辣辣，魚味好濃好鮮，入面Ｄ豚角軟淋入曬味，另上果Ｄ沾麵夠彈牙，一百分！2)      原本叫炸雞，但廚房出唔到就改做燒汁羽根餃子。餃子皮超薄，裡面啲韮菜好香好脆好嫩，加個甜燒汁更加之好味。抵食5分：朝早食沾麵免排隊，每人一舊水唔使迫，有任飲凍水，服務好，畀佢五分。