G. Cuisine (Closed)

價格中檔，但湯，沙律及主菜都很美味，食物水平高，廚師用心烹調，菜色特別。二百多元一個set, 很有情調的裝修，很適合情人或夫妻週年用餐。值得捧場，下次會繼續去。但最好先book位。

荔枝角工廈真係有好多食肆, 朋友選左這裡聚會. 餐廳環境寧靜, 坐得舒服~ 晚上有多款 set dinner~ 麵包籃都有三款包包~ 頭盤鮑魚+沙律, 賣相唔錯, 鮑魚爽口好味. 西冷扒都煎得不錯, 但都幾細份.魚扒香滑. 但一樣係好細份😌另外 order 既白汁蜆意粉, 哇, 蜆好大隻, 個汁 creamy . 田螺薯蓉都好好味, 都係分量太少了. pizza 好正, 料多大塊又夠香脆, 但真係等左超耐先到 Zzz... 👍🏻職員有禮主動, 食物水準頗高😋但當晚客人唔算多, 奇怪每樣食物都等好耐先到, 且有漏單錯單情況😳🙈

受到屋企人推介下嚟到荔枝角工廠大廈享受lunch semi-buffet, 唔知喺唔喺星期六下午關係，餐廳入面唔係好多人，環境非常寧靜餐牌上畀到大家選擇嘅都有好多，pizza、魚、牛、豬、意粉、鴨胸都有，適合唔同人嘅選擇，價錢上感覺都可，事關佢係semi-buffet, 出面啲嘢食咁拿等主菜嚟之前當然就係出去睇下有咩任食，除了沙律、湯同甜品我認為一定會有嘅之外，佢另外仲有焗闊條麵同細件pizza ，感覺幾有誠意，沙律方面菜、配料同醬都齊，可以有多種配搭嚟到主菜，叫了嘅燴牛筋條味道都唔錯，肉質咬落去唔韌，份量上比我預期嘅差唔多，我個人欣賞個薯容，佢好似南瓜容但有少少山葵味，感覺幾特別...另外屋企有人叫了海鮮pizza ， 都幾多配料，pizza底薄批，好脆口...如日後再去一個寧靜環境，享受一個long lunch, 呢到係一個不錯選擇

今晚係同8年無見既舊老細食飯， 一心想搵個大家就腳又有車位既地方，最近我經常到荔枝角搵食所以經過一番搜尋後提議G. Cuisine. 其實今晚我地食飯為名聚舊為實， 最緊要坐得舒服又唔嘈，可以叫番支酒慢慢傾計， 食物水準反而唔係重點。 但，驚喜既係食頭盤時老細已經讚好食。G. Cuisine地方頗細， 我book 枱時要求要張較靜既枱，佢地安排左張靠角落既枱比我地， 隔離本來仲有張2人枱，後來比埋我地放酒，所以有種自成一角既感覺， 係咁一路傾一路食不經不覺由7點幾坐到差不多11點; 其他人客一早都走晒佢地都無比壓力我地👍。 我地4個人都選擇叫dinner set, 3個要angus beef with truffle sauce, 得我要sea bass. 但4個頭盤都一致係磯燒生蚝啫喱沙律。所謂啫喱就係沙律入面藏有2粒好似係可樂味既啫喱，唔……幾得意既配搭👍 但頭盤最搶眼既就係個磯燒蚝，大小適中，肉質脆而且味道好香。我個sea bass到嘞，用一個熱辣辣既碟出場(加分😋)， 真係好功力， 魚剛剛熟， 魚肉超滑嫩🎊， 雖然sea bass魚皮厚身， 但一啲都唔腥而且煎到微趣，平時我

呢間餐廳講真已經食咗10次都有。次次都係lunch環境👌事事正正呢度最抵既地方係個任食既前菜，小食及甜品區，又有湯飲。D湯既質素唔差架第一度菜出場牛排，呢個有d失望呀！牛排好難切，要咬好耐先食到。汁都可以。味道蝦一般啦第二度菜龍俐紐，個汁唔錯，一切開唔會成個散開，火喉捉得好好，呢個不過不失啦！第三度菜呢度菜，好特別呀！乳鴿拼德國腸。乳鴿味道一般，真係唔夠出面燒既來，但可以接受，腸嘛。味道正常。唔錯呀！味道可以啦！第四度菜呢度菜係今餐最好食既好有驚喜呀！醬料好濃好好味，食落裡面既肉汁唧出來，唔洗再點汁，都好得呀！好耐未食過咁好食既燒豬排骨。同埋薯格是我最愛第五度菜🍕pizza唔同味既。呢間的pizza,真係做得唔錯架，次次點親，都唔會話水準下降。個餅皮雖然簿，但是唔乾喎，d料都好足呀！全塊都有，食落去唔會話只食到個皮而食唔到d料第六度菜煙三文魚焗意粉一上來，見到個賣相都唔係咁吸引食落都唔算太差。一般般啦～可以接受。乾咗小小，d三文魚，唔覺係煙三文魚。其他普通啦

已經有幾年冇嚟過，今日有機會再嚟，環境冇變，依舊優雅舒適semi-buffet set lunch, 價格合理, 頭盤沙律熟食供應都ok多沙律菜新鮮，加少少海帶絲，正！主菜揀咗西冷扒賣相唔錯。個蕃茄配上雜菇之類，口感非常特別，好香塊扒份量ok但整體就一般，可能上菜比我食頭盤速度快，感覺較難切有幾多位都好韌，個汁少甜帶少許檸檬味，同個扒麻麻地夾。自助吧有甜品供選擇，揀咗件蛋糕試試，太甜了！可能甜品都係唔係我杯茶!

今日同同事提早食聖誕大餐(lunch) 由於想食西餐，所以同事帶我黎都多餐廳既億利工業大廈，我想食意粉，同事話甘試依間，去到原來係semi buffet,甘依為好貴，個侍應見我個樣好猶豫，就俾咗個餐牌我睇下！佢話揀個main course,一望個餐牌，啲價錢又唔貴喎 ！最貴就係個肉眼扒＄179！，可惜嘅係個餐牌冇意粉揀！ 但係見佢價錢唔貴所以就坐低試吓! 唔係好記得個餐牌入邊有咩，但係就記得有肉眼扒，羊架同埋薄餅，咁我唔係好like薄餅，就揀咗肉眼扒，同事都係揀咗肉眼扒,兩個都係5成熟! 之後就行出去拎嘢食，選擇都好多吓，有沙律，湯，少少主食，仲有甜品！沙律都好多選擇，又可以自己DIY，或者有廚師推介整好咗嗰啲！沙律嘅醬都好多選擇，可惜冇影相！食到差唔多第 2 round!!個主菜肉眼扒終於到！我嗰個肉眼扒就比較厚身，同事嗰個就比較薄身！所以我嗰個嘅肉質會比較好唔會太un.... 甜品方面！我覺得焦糖燉蛋同tiramisu好好食！其餘嘅就OOKK啦!!選擇都好多吓！又有中式糖水！埋單兩個＄400都唔使！質素又唔差！值得再黎過！

三個C9 聚會，又想食好d，又怕嘈到人，諗了又諗，不如去工業區食下野。上網check check 下就找了這間不多於10檯客的小店。當晚，餐廳安排了一張近窗的位置，小小的角落，讓我們傾得更自在。至於食物，真係由麵包開始，就【嘩！】到尾。雖然我們得3個人，但麵包有5款，仲有一個特色醬，非常驚喜。除後，就是頭盤，我叫了魚子醬鵝肝，好正好清新，連碟的裝飾都好巧心思。主菜方面，是晚本來我冇咩胃口，所以就選了大蝦青衣石斑柳，好滑及多汁。需份量亦啱啱好，不太多，讓我可細味d 食物。一路吹住水，好難mindful eating, 不過這餐真令人很享受的。

之前去過同一工廠大廈的食店，知道這橦大廈有很多高檔次餐廳，所以今次友人約在荔枝角吃晚飯，便立即想到這裡。星期六晚大約七時到達，只有另一枱客人在場。環境舒服的，不過好像是時候換一換裝飾了。我們二人點了田螺薯蓉，沙律和海鮮意大利粉：份量適中，男士的話可能不夠。味道賣相都很一流。侍應都有介紹時令生蠔和紅白酒，可是我們都不吃生蠔，所以就完全沒有跟據他們的提議點菜。

This is one of the very few restaurants I give 5 stars on all levels. 滿分！我是看 open rice 的圖片而去試試這餐廳。吃完滿足又驚喜。一走進餐廳，佈置令人舒服。服務員態度非常好，笑容滿面，很有善，服務周到，令人有賓至如歸的感覺。麵包是暖暖的，好 fresh, 配松露牛油（我的至愛)。頭盤一上，老實說，很驚訝，因為賣相已經是五星級酒店的水準。味道沒有令我失望，食材新鮮。之後上的紅菜頭忌廉湯、西班牙豬肉和 parma ham pizza 都是驚喜！豬肉肉質嫩，煮得相當入味。pizza 足料，物超所值。紅菜頭忌廉湯，我第一次飲，煮得很鮮味。最後餐廳送給我們甜品 - 檸檬 mousse cake, 檸檬味香濃，入口不覺膩或是太甜。這家餐廳絕對是，用低中檔價錢享受五星級酒店質素。一定再來，並會推介給親朋戚友。

本身在荔枝角上班，同事生日，要搵間餐廳同他慶祝，億利有好多餐廳，我們這次選了西餐廳，因為是走高檔路線，非平民餐廳所以大家都是第一次來！這裡提供semi-buffet，前菜、湯、小食和甜品都是任食。炸芝士很硬，有點失望，原本以為是軟芝士。主菜我選了炸蝦蕎麥麵，份量算是偏少，可能因為有沙律吧。炸蝦粉太厚了，轉吉列會好點，蕎麥麵汁都不錯。

七位老友相聚莫過於一起去舒適的餐廳，吃一頓美味的晚餐，雖然今次食物方面有少少失望，但環境氣氛也總算加分。首先上枱是一小籃麵包， 有幾款麵包， 麵包質素一般，但朋友十分喜歡薄脆的麵包片，就像食薯片一樣。另外有一小碟牛油和一碟鮮茄醬，聽說鮮茄醬是餐廳自製的，用上意大利蕃茄，十分香又有少少酸味。搽麵包食更健康。煙燻帶子凱撒沙律 ($128) ，有三大粒煙燻帶子，賣相一流，煙燻得十分靚。口感煙煙韌韌，煙燻的味濃而香。配搭的凱撒沙律水準一般，蔬菜尚算新鮮。脆炸慢煮豬手粒上枱時真的看不出是豬手，看似麥香雞！原來豬手用炸粉包住，外皮炸得幾脆，豬手啖啖肉又無骨。因為是慢煮，所以能保持肉色鮮豔，肉質幾腍，加上炸薯格和黑椒汁，如果配以啤酒就一流！白酒煮紐西蘭托托蜆($198) ，朋友說尺寸比之前食過的較細，一問之下才知道，原來廚師今次入的貨是中尺寸的蜆，想讓客人比較兩種尺寸，那一種好吃。跟據我朋友說，大的比較韌，中的口感較好。兩種都十分鮮甜，沒有被白酒蓋過它的鮮味。亞拉斯加蟹肉沙律 ($78), 配料有牛油果粒、 紅菜頭粒，香橙數片，番茄仔，沙律菜和Feta羊奶芝士粒，Feta 顏色雪白但質地易碎， 是希

新娘好友邀請我們好幾位姊妹，在復活節當日為她結婚做姊妹，隨後，她跟老公豪遊韓國渡蜜月！ 她去旅行回來跟我們見面，還送上來自韓國的手信！ 多謝她的小心意！ 在荔枝角工作的她較熟悉這區，當晚，她帶我們到一間隱身工廈的西餐廳 G. Cuisine！見到餐廳門外個牌，2014年曾奪得新假期最回味金獎！  令我們充滿期待又驚喜！ 原來 G. Cuisine 隔離就是同一老闆開設的 G. Gallery，供應的菜色大同小異。細心的她已提早訂枱，  讓我們可以直接入座！  意想不到在星期五，這間樓上餐廳都幾 full！ 這裡色調偏黃，裝潢柔和優雅！  特色燈飾與昏暗燈光之下顯得有情調！  桌上的鮮花擺設，更為這裡添上嬌媚！ 連侍應們也殷勤有禮！給我們良好印象！ 看見餐牌的菜式，是精心設計，好讓食客大飽口福！Dinner set $258 ~ $328 (設加一服務費)包括：頭盤、湯、主菜及飲品原來工廈的西餐廳晚餐索價並非平宜！起碼二百多元！ 麵包籃混入黑欖乾的包身溫熱鬆軟，帶出點點鹹香，另有一款是香脆薄片，兩者都不錯！ 意大利雜菜湯雜菜足料又煮至軟腍入味！質感濃稠，酸香醒

每年生日幾姊妹都会約出耒食飯庆祝、也為吃什麼和找什麼餐廳可以讓大家靜静的欢聚一番而傷脑筋……一次、在朋友推薦下、BooK了這間在工廠大厦裡的西餐廳……踏入餐廳、被它的环i境吸引着、很有氣氛、正合我們们心意……坐得很舒服、工作人員的殷勤的招待、当然、食物也有一定的水準啦……這晚点了……熱情果蛋糕氣氛浪漫羊架……嫩滑、不錯！大虾墨汁意大利飯……虾很新鮮、飯軟硬適中、口感好！、頭盆有、煙三文鱼、沙律菜、風乾火腿、及梅酒啫厘凍……感覺很清新！餐廳的甜品也做得相當好、不太甜、香、滑！正！！難忘！👍👍👍

來到荔枝角的工廠區内 ，沒想到，這裡有間别具—格的西餐廳，在億利工業中心的樓上。之後，才發現原來大廈内一早便卧虎藏龍，有許多的餐廳。選擇也不少。 星期五的晚上，人挺多的，幸好—早訂好位子，無需等待便可安排入座。餐廳内的裝修舒適，燈光柔和。只是餐廳的空間小，有些擠逼感。頂上有着風扇，漫不經心的轉動，看上去有些懷舊。桌上的花朵是鲜花, 非常有情調。服務員還细心問你是否要熱水。我點了Special Dinner Set，包括麵包，菜湯, 前菜, 主菜和飲品，總共HK$258.00/Set。最先上的是麵包，麵包的味道正宗，有些暖暖的，味道香口。無論是普通的切片麵包和香脆的麵包片在配上桌上的Olive Oil，味道都是一流的。 簡直是大師级的水準。前菜-香橙檸檬醃製蘇格蘭三文魚配梅子酒，賣相真好。只可惜兩三片薄薄的醃三文魚完全淡而無味，酒香也不明顯。  意大利雜菜湯-熱湯的味道正好，不鹹不淡。湯裏的菜也已够味。 主菜-海鮮墨魚汁意大利飯(大蝦，带子，鱿魚)，黑色的墨魚汁已滲透入飯裹，非常的均勻。但是飯好似未有熟透，雖有飯的香味，但可以咬到每粒飯硬的部份。我非常的不習慣。 再者，大蝦不大，