咖啡園

Open Now

Now Closed

12月開始, 每家餐廳/酒店已經為聖誕平安夜作好準備, 作為打工仔當然緊張公司會在哪裡為員工安排聖誕晚餐聚會今年公司安排到港麗酒店食自助晚餐, 訂枱時inside已經full, 只有outside有位, 當晚溫度徘徊13度左右, 幸好有火壚暖一暖, 當晚大約七點半到達, 門外望入去已經見到廚師為一條巨大的吞拿魚即劏魚生令到我地嘩嘩聲放低手袋後當然即刻要去視察一下環境, 先由冷盤開始, 有長腳蟹/青口/大蝦同琵琶蝦, 長腳蟹咸鮮味比較重, 琵琶蝦就沒有什麼味道. 有點失望的是沒有生蠔 三文魚刺生及即劏吞拿魚刺生都新鮮肉厚另一邊廂反而Poached lobster更出色, 煮熟後肉質反而更鮮甜爽口, 要encore 冷盤方面有壽司/冷麵/沙律菜/凍肉拼盤/水牛芝士蕃茄/蕃茄凍湯, 味道不過不失熱盤方面略為遜色, 中式菜較多, 蒸魚/燒味/蜜豆煮鮮魷/炸白飯魚/伊面/炒飯/咖喱及蔬菜西式菜方面有即煮意粉/肉眼扒/火雞當晚最欣賞的菜式是位於outside的BBQ, 有腸/大頭蝦/羊脾/燒魚/燒肉(d皮好脆)/雞翼/牛仔骨, 連迷你漢堡包都有, 好驚喜到另一個胃-甜品, 今晚嘅主角係巨型火焰雪山

公司食飯去左Conrad食buffet，個個都留定肚去開餐。。去到先發覺選擇唔多。。其實都幾少下！唔係影左好多相，一人好似6百幾蚊，包一杯飲品！先黎刺身同海鮮，刺身都幾新鮮！佢最好係自己夾想食幾多就幾多！唔駛等staff慢慢切。特別想講個龍蝦好好味！好爽好新鮮！而且呢度有比較少見既熱食龍蝦！比凍食更更更好味！個個都encore！ 樣推介係佢個燒汁三文魚，好味！同埋佢d熟食都唔錯！但係大家都掛住食…所以唔記得影相食食下聽到好熱鬧，原來有師傅即場切吞拿魚，好多人出左去睇同影相，我地就無影相，只係拎左幾塊返去試！又真係好好味，而且新鮮味濃！反而呢度既甜點就麻麻喇，無咩驚喜。最後都有食左碟生果！

真係好多年冇食過自助餐，今次聽到老細話請食自助餐勁開心，免費嘅晚餐喔！一黎到已經覺得呢度嘅室外景好靚，比大家睇下喇，今晚都有啲風，坐出去都唔會好焗！不過好多同事表示想坐入面，所以就坐入面。入面都唔差架，不過比我揀我一定揀出面姐唔好講咁多喇，去睇下啲野食先主要嘅野食都係入面，但室外都有個bbq不過佢唔知係咪就快變燒豬，態度麻麻地。佢地賣相係幾掂，呃得下人，但每樣都唔好食望落好似好多野食，但其實係擺位擺到好似好多咁。 雖然話就話自助餐到10:30，但其實8:30之後基本上係冇乜野食，完全冇乜點fill過。龍蝦湯好咸好苦，飲左一啖已經想吐翻出黎bbq乳豬啲豬有啲尿味蒸魚係好諧，可能蒸得太耐，屋企整可能仲好食啲添火焰雪糕係過甜每人亦會包一杯野飲，但又係得茶餐廳野飲揀。。。。全晚覺得可以再食嘅得藍莓cheese cake、水果陰公，聽講話呢度嘅buffet係每人600幾蚊，完全唔值！600幾蚊有好多比呢間好嘅自助餐好彩我今次唔洗自己比錢食，當黎睇下風景寫下食評

全港應該沒多少間自助餐，可以做到每晚均有25kg原條吞拿魚切割示範表演，食客聽到悅耳的木片琴聲，都紛紛來到入口前地，看著師傅三兩下手起刀落，已經分好刺身的部份，刀法純熟得很。單是這環節，已經是最大的誘因要來一看究竟，稍後時間還有巨型的火焰雪山示範，值得魚子媽推介給大家。 位於金鐘Pacific Place 上蓋的Conrad 港麗酒店Garden Cafe，始於池畔，在天朗氣清之時還會有戶外的即烤食品，可惜到訪當日雨下當前，就改為燒妥才送上食物檯，也好，就是喜歡那擠得滿滿的長桌子 凍海鮮向來是不少食客的首輪心水，蟹腳、青口、翡翠螺等都肉感非常，但精彩的食物還有很多，特別是凍海鮮附近設有即點即煮的Poached Lobster 水煮龍蝦 和 白酒青口啊！=P 魚子醬吃他的「飛佛」即煮意粉，自選食材之餘，也自行添加了厚厚一層的芝士 ^_^;;; 魚子爸媽也可以好好享受一下這生熟剛好到位，而且肉厚多膏的肥美龍蝦！ 鄰座的女生，目測至少吃了八隻以上，um....超強呢.... 聽到木片琴的聲音，也趕緊霸個頭位看師傅表演=] 要承受這種人人舉機的壓力也不少呢，哈哈，年青的師傅果真三幾下就

如果要提議一間自助餐給大家，可能真的需要給我一些時間，可是最近卻被位於金鐘港麗酒店內的Garden Café所吸引，除了琳瑯滿目的食物外，每天還會有兩場即席表演，現在先賣關子。 Garden Cafe場地不大，但勝在骨子企理，侍應服務也很好，回收碟子的速度很快。而食物方面，款式雖然不多，但卻很齊全，刺身壽司、沙律頭盤、燒烤食物、熱葷主菜及甜品雪糕一應俱全。 先由凍海鮮開始，沒有生蠔可能對某部份人來說可惜，但小弟不太獨愛，所以沒有關係，而且吧上還有波士頓龍蝦、本地龍蝦、琵琶蝦、青口、凍蝦、翡翠螺及螺仔等，其中青口更是肥大肉厚，本地龍蝦鮮甜無比。當過了一段時間後，海鮮也有輪換，換上了雪蟹腳，手指算算也有八九款可選擇。 旁邊擺放著許多沙律、芝士麵包、刺身壽司及輕盈頭盤等等，有些更做得小巧精緻，有點不捨得吃的感覺。可是，除了凍海鮮的龍蝦外，還有即叫即烚的波士頓龍蝦，肉質的爽口感絕對不是凍龍蝦可比擬的，值得一試。 正準備進入吃熱葷的時候，大約是七點半左右的時間，場內有了一陣的起哄，原來是特別安排的即席劏吞拿魚表演，此魚達25公斤，平常很少會見到的，查問之下才知道每

香港人似乎喜歡自助餐，所以供應自助餐和放題的餐廳愈來愈多，想要脫穎而出就要多加心思，是晚就來到金鐘港麗酒店的Garden Café，品嚐以「不時不食」為主題的仲夏滋味自助餐。 先來一杯士多啤梨薄荷特飲，特飲不太甜入口很清新。 海鮮一向都是大家最著緊的部分，這裡有麵包蟹、阿拉斯加鱈蟹腳、開邊多膏龍蝦、琵琶蝦、青口和翡翠螺等，除了冷盤海鮮外，還有白酒忌廉青口鍋和香草牛油波士頓龍蝦供應。 不過這些都不是重點，因為重頭戲在每晚七時半就會上映，由大廚即席現切重逹25公斤的太平洋黃鰭金槍魚，這在自助餐中相當少有。 另外也有芝士迷最愛的cheese platter corner。 本來自助餐也供應近十款戶外燒烤美食，可惜遇上下雨天，只好安坐於室內品嚐，燒烤有豬肋骨、羊架、烤魚、迷你漢堡、澳洲和牛肋排，當中以羊架的肉質鮮嫩最為出色。 熟食部分也不錯，法邊豆、咖喱和燒雞翼也做得好，而燒牛肉也是必食推介，因為它的肉質粉嫰，難怪食友可以獨自吃完一大塊。 甜品corner選擇不少，令人眼花繚亂，生果的款式也不少，還有比較少見的布冧呢！ 甜品除了大路的蛋糕外，還有一樣非常有趣的東西就是雪糕

繼右邊手的港島香格里拉，下午繼續分享左邊手港麗酒店的 Garden Cafe 咖啡園 自助晚餐。現憑 匯豐信用卡，每位 $475 起（另收原價加一）就能暢享鮮美海鮮、即席現切黃鰭吞拿魚刺身、即席燒烤、火焰雪山、雪糕意粉等，伴以紅白美酒、啤酒及果汁暢飲，超級抵食！ 甜魔媽媽是上週一到訪，當日天氣不穩間中有雨，所以燒烤也改在室內進行，但其實外面的池景仍然很美很迷人！在這樣的環境周邊用餐，感覺真的很好，多年前也在外面拍拖飲野（散點），不過自助晚餐就是首次品嚐。 好，馬上看看這裡的自助餐陣容吧！先此聲明一下，講款式這裡不是最多的，但內容相當之吸引。首先是大家最關心的凍海鮮區，有爆膏的波士頓龍蝦、本地龍蝦、琵琶蝦、青口、凍蝦、翡翠螺等等選擇，較遲時間還有推出少量麵包蟹、阿拉斯加蟹腳等等！ 然後轉角是日本壽司、吞拿魚腩蓉壽司飯等，也有凍烏冬及一些冷盤。刺身呢？呵呵，這也是賣點之一：每晚7:30pm會有即席現切黃鰭吞拿魚，屆時最新鮮的刺身將會源源不絕奉上！ 其他的冷盤有牛展、煙鴨胸、鵝肝慕絲杯、蕃茄 Prawn Cocktail等等，後幾款以碟上很精緻，除了放在自助餐區，也有專人以 pass-a

尋晚一家四口第一次去Garden Cafe試自助晚餐，早有聽聞佢個buffet選擇都幾豐富，滿心期待同家人食餐好ge，總算無令我地失望。因為一早已經預約左，所以唔駛等位，服務員好快帶左我地坐低。見我媽媽有d凍，仲問佢要唔要杯暖水先，自助餐都做到咁細心，值得加分!首先搶攻頭盤，海鮮選擇都幾多，有龍蝦、青口、蟹腳、麵包蟹等等，雖然幾多人圍住拎但都refill得好快。7點半突然響音樂，原來有原條吞拿魚cutting show, 即切即食，好似去左日本咁，感覺零舍新鮮!另外我都好欣賞佢d燒烤食物，羊架大大件好厚肉又夠肥美，媽媽怕羶味試唔到走寶! 牛carving都唔錯，師傅切左大大塊比我，大大啖先有質感嘛甜品有自己專屬corner, 我最鍾意都係個豆腐花，除左甜品店外好少餐廳可以做到咁滑，如果有凍豆花就仲好! 佢地仲抬左個巨型baked alaska出黎，師傅即場用火灼個外層，好多人圍住影相，我即場拎左一碟返埋位試，原來中間係5色雪糕，酸酸甜甜唔會滯，份量略大但都剛好食得完。總括黎講係好抵食，一家人口味唔同但各自搵到鍾意食ge野，服務都殷勤，果然係5星級酒店水準，下次再family gathe

太古廣場有幾間酒店，其他的我都去過，覺得都ok,咁今次就尼食下呢間港麗酒店，午餐buffet係418蚊一位，我覺得唔平，咁諗住d野食都應該唔差啦…… 一去到，見到食物選擇唔算好多，地方都幾細，行個圈都睇到曬d食物，各式食物都有d,海鮮都有麵包蟹，龍蝦食下，熱食款都似有十幾款，但就大部分味道都好普通，無乜邊樣係特別好食，而蛋糕甜品就算多，但味道都係普普通通，我係覺得最好食既係葡撻，但比人夾得好快，想再食下都無左！ 今次食完我覺得麻麻地，我諗未必再尼食！

同好多呢度既朋友一樣，我都係俾果個「全城最紅」既credit card六折優惠吸引左所以訂枱。話晒都係原價六百幾蚊一位既自助餐，一心諗住五星級酒店應該冇死喇啦，點知先係惡夢既開始……星期日七點幾鐘去到，餐廳都只係七成滿左右。雖然係咁，枱同枱之間居然迫得好緊要，我被安排坐喺玻璃窗既一排，同後面果張枱既距離係幾乎一拉櫈出去攞野食就會撞到對方，重迫過果D連鎖式既茶記！食物方面就真係不敢恭維喇。一心諗住原價六百幾蚊既貨色實有生蠔啦，點知係「冇」既。青口、龍蝦仔、凍蟹方面份量就真係好足喇，但口感真係非常之一般，入口既時候好似「白焯」咁一D味都冇！魚生方面就不過不失啦！基本既野好似三文魚、吞拿魚呢D都有，勉強可以接受。但熱盆方面真係差左D，除左D燒牛肉、羊架之類之外，其他都係D好基本既大路野，乜野炒飯呀、車仔麵呀咁。呢D offer 如果喺3-4星酒店都叫做可以接受，但以一間金鐘咁頂級既酒店黎講你俾D咁既貨色我真係幾過份。Outdoor既BBQ總類選擇唔多，都係D德國腸呀，雞中翼呀、羊架呀之類，雖然味道方面都可以接受，但坦白講佢D雞翼既size真係重細過燒烤場果D！甜品方面唔算太多，基本野都有但總

Been to Garden Cafe simply because of the credit card promotion, 50% discounted after 8:00pm.Full house on Friday night, need not wait for the table since advance booking had been made. However, tables were packed together, not spacious enough. We were seated behind a column.Nothing special about the food; the variety, the taste and the food quality were all just average. I do expect a 5-star standard, or at least 4-star, should be met.For seafood, lobsters, shrimps and whelk, etc. were offered,

因為有某某信用卡半價優惠，所以一家大細特登去試一試....點知換黎既係2個字...失望 。BOOK左8:15PM，之前一晚CONFIRM　BOOKING時話我地7:45 已經可以入去啦。我地早左少少到，都早左開始可以食，行出去睇下有咩食時，真係好失望呀，無諗到咁少野食。冷盤有無限量既凱撒沙律，通粉沙律，煙三文魚，同埋火腿。海鮮區只有龍蝦，蝦，蟹同青口，連生蠔都無。魚生及壽司：魚生有吞拿魚，壽司都有好幾款。BBQ區係戶外，有燒雞翼，腸仔，羊架等等，有人Serve 你既。熱野唔算太多，我自己都無咩點食過。甜品﹕雪糕得過幾隻味，唯一比較特別既就係有得炒黎食，其他甜品雖然款式多，但係味道都係好一般。食完野仲會包你一杯咖啡或茶。半價後係HK$380 蚊到一位，咁既價錢食呢D野都OK 既，但係如果要我用原價我就真係唔會黎啦。