銀杏時光 (Closed)

Farm to table (從農場到餐桌)的概念，愈來愈受到香港人歡迎，一來因爲食材新鮮、由農場即摘即送；二來可為地球減少碳排放，免卻長途跋涉運送食材。銀杏館使用來自上水「樂活有機農莊」種植既蔬菜，本地有機耕種方式令蔬菜更健康有益💪🏻今次係我第三次到銀杏時光(長沙灣)晚餐，每次梨到都會享用佢地既Salad Bar，雖然款式不多，但每種蔬菜都新鮮爽脆，是晚尤其最愛車厘茄，粒粒飽滿而且茄汁充足，澆上黑醋汁提味，更是鮮味可口；另外是晚的南瓜甘筍湯亦清甜滋味。是晚點了多款美食，如「香脆馬介休球」 ($98)、「焗葡國雞配法包」 ($138)等，馬介休球比在澳門葡國餐廳食到的略為淡口，馬介休味不算太特出；反而葡國雞更勝一籌，黃薑與咖哩味道格外香濃馥郁，伴以法包沾滿醬汁同食甚為滋味。最值一提的是伴碟的沙津菜同樣清甜新鮮，絕不欺場另一款令我回味無窮的是「葡國烤蜜味豬仔脾」 ($168)，外層蜜味香濃，烤得火喉剛好，內裡肉質嫩滑入味，全支骨吃得乾乾淨淨🤤；墊底的薯蓉沾上了肉汁和蜜汁，甚為精彩另外亦點了「卡邦尼意粉配巴馬火腿」($98)，呢道菜非常Creamy亦有香濃芝士味，巴馬火腿咸香誘人，是經典的

今日番工番到好累，個心好重，但難得一班姊妹約好，便出來了。因為早到，早左好多入去坐，店員接待時，唔知點解就好自然有一份親切感，感覺好舒服好自在。呢間主要係社企，鼓勵長者就業。都好有意思，因為有live聽，我便靜靜地坐係度聽下音樂等朋友，聽下聽下心情都好番好多，呢個真係額外收穫。 另外，估唔到既係呢度有自助沙律吧，菜都係黎自本地農業既，本地既店互相幫忙都係件美好既事。 菜都好新鮮，唔洗點落醬料。南瓜湯，比市面淡味，無落忌廉，無咁滑，但就相對有中式既湯感覺，但可肯定既係無味精，飲落都舒服。上菜速度都好快，馬介休球，可能我地掛住傾計，食果陣冷左小小，個味唔及我係澳門食咁濃，內面都唔係特別軟身。比較一般。葡國雞配法包，好香好濃既葡國汁，用黎點包一流，份量好足，個汁好味到可以撈飯。卡邦尼相當creamy,每個女仔一人一啖就夠了，不過係今晚食既野中最愛既，因為夠晒濃郁，同好重忌廉。蜜汁豬仔脾朋友食過好食，今日再叫，肉係較甜，燒到外脆，肉係好入味既，好似蜜糖雞翼豬脾版。最後七成熟牛扒，好小店仲做到內面都仲紅，火候掌握好好，同埋個肉都好鮮嫰又厚身。最後係重點朋友生日，店員好細心一早問定味道同埋壽星名，

環境評價：原木拼工業風裝潢，深色系牆身令餐廳偏暗，燈光不足令食慾少咗員工評價：有禮貌，會主動提醒客人去自助沙律bar拿拎嘢食但對餐牌同是日menu唔太熟**傳菜位員工有戴即棄手套，注重衛生餐廳設施和食物：沙律bar 選擇唔多但蔬菜新鮮，值得一提當日薯仔沙律，薯仔非常creamy 推薦👍🏻主菜燒雜扒 （4/5）有腸、煙肉、雞扒、豬扒、羊架各一件，配菜有薯蓉伴蘑菇汁，煙肉和腸juicy唔乾，豬扒雞扒無用鬆肉粉保留肉香，唔乾身唔韌，值得一讚！ 主菜帶子卡邦尼意粉 （2.5/5）算係港式Carbonara，汁偏濃稠易膩，帶子過生而且無鮮味，蘑菇有鹹香令到意粉整體提味，食一半已經唔太想食，不太推薦。甜品：熱情果慕絲蛋糕 （3.5/5）員工話依款係新品上市，蛋糕質地鬆軟，面層有熱情果果醬較甜，中層夾心為芒果果醬較酸，兩者平衡。其他：埋單時服務員有出錯單，但整體來說都不錯。

今次我係同男朋友過嚟食呢間銀杏時光。雖然喺長沙灣地鐵站到要行一段時間先搵到呢一間餐廳。但係一入到嚟嘅感覺都幾輕鬆，加上有現場歌手嘅歌聲陪伴著， 感覺挺滿意的。喺點餐嘅時候，服務員會提你有免費沙律吧同埋湯飲，幾細心呀。但如果係五六日呢就要額外畀錢先至可以有沙律吧啦。男友話個嘅沙律薯仔非常好味，佢嘅評分甚至係五星入面一定會攞到五星。咁我就不妨一試， 發現真係好creamy好好食， 唔知係咪因為係有機嘅呢。之後我哋叫咗一個雜扒同埋卡邦尼意粉。個雜扒好好食， 當中嘅豬扒同埋羊扒都好冧， 超越咗我對社會企業餐廳嘅期望。不過個卡邦尼意粉就有啲膩，個人嚟講唔係好鍾意。最後加埋一個熱情果mousse蛋糕，我本身好鍾意熱情果，所以特別鍾意呢個蛋糕。順帶一提，卡邦尼意粉到嘅時候， 服務員好主動咁樣拎埋一支黑胡椒過嚟，真係幾細心架。雖然佢哋落單係會慢啲，或有可能會出錯單。但係，整體嚟講佢哋嘅服務態度都好好，而且佢哋都上咗年紀，我覺得呢一方面嘅錯誤，我哋提一提佢，多點諒解就能解決。我很推薦，如果你哋去一定要試個雜扒，真係超好食！！

早前見Facebook有朋友推薦過呢間餐廳, 見到佢地因為想幫助長者服務, 希望公公婆婆有得簡番唔番工, 唔洗比人迫到生活艱難, 的確有一份意義我見佢地長沙灣分店都裝修得幾好, 所以就去試一試呢間既西餐水準啦, 去到我見到個個公公婆婆對客人都好有禮貌又好熱誠咁呢度距離地鐵站都唔算太遠, 同埋環境格調都幾好幾浪漫, 中間水吧位仲放左唔同蛋糕, 有部分都係用有機產品去製作, 望落都幾吸引幾特別而佢地沙律吧同任飲湯可以話幾抵, 一黎佢可以任添, 二黎佢地用既菜同湯都係有機產品, 款色又多, 但要提一提食主菜之前唔好食太多喔餐牌上有好多經典的西餐菜式, 如西冷牛扒, 豬肋骨等, 這間店仲有葡國菜, 真係幾多國feel下 今次我嘗了他們的田園豬鞍配薯菜, 成舊豬鞍都係厚切, 大大塊之餘因為半肥廋同肉質幾好, 食洛口唔會太硬, 同埋個焦糖蘋果汁, 我個人認為都算係一個比較特別的醬汁, 甜甜地蘋果味加豬肉排汁的味道好夾, 仲差D忍唔住叫佢比多點汁我去沾添其實佢除左係社企, 背後有個好理念之外, 入面的長者員工服務都好好, 同埋佢地廚房既多年既煮食經驗令每樣菜式都更加豐富, 味道更加出色中

今天到銀杏時光吃午餐，可能因為這裡的裝潢以木色為主，帶有一點懷舊西餐廳的感覺，環境很整齊潔淨，沙律吧位置也很乾淨。而有選擇困難症的我，一看MENU，又想食葡式香燒豬腩仔，又想試羊柳，但最後因為醬汁而點了「香煎脆皮雞扒法蘭克福腸配金柚蜂蜜沾醬」($88)，脆皮雞扒外脆內軟，感覺有點像以慢煮處理，雞肉保持到嫩滑有肉汁，十分好吃！而金柚蜂蜜醬是酸中帶甜，很開胃，平時去吃西餐，醬汁來來去去也是差不多的配搭，特別常見是黑椒汁和野菌汁這對黑白雙剎，但銀杏時光就多一點新意，這類配上水果類的醬汁令人喜出望外，除了我這個金柚醬，還有另一款午餐是配焦糖蘋果燒汁，所以我已經鎖定目標，下次會點那個來吃！這裡另一個特別之處是有自助沙律吧，只要點了午餐就可以享用，沙律菜是來自他們自家的有機農場－樂活有機農莊，其實我真心覺得銀杏館很有愛，除了聘用長者員工外，讓他們不會因為年老而失去工作機會外，亦一直推廣健康飲食，好像除了有這些有機蔬菜，也有推廣素食；我們都市人生活忙碌，外餐機會又多，這些推廣健康素食，有機食材和無味精的餐廳，其實真是個不錯的選擇。

說起長者就業, 很多人都會覺得是老人家們生活費不足先出來工作,但其實當中有一部分的長者是希望能再繼續發揮自己所長, 想獲得成就感,早前見到 想為長者快樂呢個理念, 比佢吸引到, 引起左我想試一試公公婆婆手勢到底係點呢度雖然唔算好大, 但有足夠位坐, 訂座都沒有問題的, 餐廳的玻璃廚櫃加上木板裝修, 感覺反而有點似Café, 另外我今日去到亦撞直有live band, 呢對band全部都係白髮歌手, 每晚都能聽到慈祥聲線的背後, 其實係一班堅持想完夢的老人家, 加上銀杏館努力幫忙才創立到的, 真係好有心  係呢度!!! 你仲可以自己帶酒去飲, 無論係同朋友, 定自己黎暢飲一杯都可以, 本身咁有格調既餐廳, 加埋酒同live band, 好似過緊台灣既慢活生活一樣 而呢度價錢雖然係當區算中位價偏高小小, 不過勝在佢地湯任飲, 沙律吧任食, 湯方面夠哂入味, 以一個全素湯黎講, 佢除左唔用味精同健康之外, 佢本身個湯都已經好甜另外係沙律方面, 唔好以為好普遍, 佢都有足五至六款菜同唔同醬料, 全部有機仲夠哂豐富,我今次就加左沙律醬同芝士粉, 沙律前菜黎講, 雖然款式無酒店咁多, 但味道絕對

星期六下午同朋友經過哩間餐廳，見到入面都多人食就決定入走試下，可以話係意外收獲，午餐價錢$58起，想食牛扒就$108左右，同平時出面的西餐廳差唔多價錢，不過哩道個午餐包咗個任食沙律同任飲餐湯，咁樣計落我又覺得幾划算。　一坐低見到仲有素食餐牌，對於如果有朋友係素食者嘅人，哩道嘅選擇都幾多，可以同時解決咗大家嘅飲食取向而我同朋友都係食肉獸，分別點了煎豬鞍同燒雞扒，仲夾埋個沙律準備相機食先！哩道啲沙律菜幾好幾新鮮，見到佢介紹啲菜係佢地自己有機農場種，哩一點我同朋友都幾欣賞，平時去買有機菜幾十蚊細細包，但哩道可以任食，其實真係抵，但都提醒一句大家唔好做大嘥鬼，食得曬先好夾呀！好！然後到我地嘅主菜，香煎美國豬鞍配焦糖蘋果燒汁&香煎脆皮雞扒法蘭克福腸配金柚蜂蜜沾醬，味道一流！朋友都大讚個雞扒煎得岩岩好，保持到肉汁又夠滑。同埋睇得出擺碟有講究，砌得靚靚咁上菜，絕對色香味俱全，有心思！香煎脆皮雞扒法蘭克福腸配金柚蜂蜜沾醬 $88味道咸淡適中，同佢個名一樣，個面煎得金黃香脆，入面就keep到嫩滑，時間掌握得岩岩好。而平時最驚食側邊嘅配菜，佢地有輕輕煎過，唔係完全白烚，哩個要加分。香煎美國豬鞍配焦糖蘋果燒

今年嘅生日飯㨂左係呢度食現場嘅職員個個都好用❤️服務，態度好友善雖然個個都上左年幾，但送餐、執枱樣樣都好快手。仲要好窩心咁執好枱面，驚食物冇位放🙂現場仲有live band show 👍🏻至於食物，選擇唔係太多，味道很好，樣樣都熱辣辣上枱，夠哂新鮮😋

早幾日經過見到門面都而且之前朋友喺面書分享過咁今日就入去試下一入去環境係好優美嘅服務人員都好有禮貌介紹菜式首先嗌咗一個葡國雞飯朋友就嗌咗一個海蝦意大利飯因為餐可以沙律同埋湯嘅自助首先飲咗個唔知乜鬼嘢湯鹹到爆跟住個沙律係ok嘅因為都有幾種菜同埋醬汁（ 不過一啲都唔吸引嘅 ）葡國雞飯啲飯硬到不得了好似隔夜飯一樣個葡國雞又係咸到死根本城餐嘢都好似用鹽送飯一樣海蝦意大利飯海蝦係新鮮嘅意大利飯都係重手咗啲原來我哋冇訂位係冇餐飲嘅不過真係唔緊要冇下冇諗過差成咁樣 必須要分享不要令其他人中伏

朋友生日揀左呢間餐廳, 一見到個名覺得好熟, 原來係一間支持長者就業既社企。地點老實講唔算太方便, 出左地鐵站都要行十分鐘先到。我地四人一共叫左一份小食, 同三個主菜。另外每人都加左$38沙律吧任食+餐湯任飲。當日係西蘭花忌廉湯, 味道不錯。食物方面都係水準之上, 但價錢都唔算平, 最後每人大約$170。呢間餐廳既侍應係幾位上左年紀既伯伯, 佢地服務態度都好好, 仲會叫你飲多啖湯, 食多少少, 成餐飯都不時同佢地傾下計, 好似一家人食飯咁整體來講食物合格, 人情味滿分。

早排上網見長沙灣有間新開社企, 話主打葡國菜,咁就膽粗粗去試一試啦!!!入到去環境都算舒服, 感覺有小小似café, 個Feel都幾浪漫下, 同埋入面雖然全部都係長者, 不過個個都好Nice, 點都會撩下你傾計或者講下有咩好食咁呢度有個自助沙律巴同任飲湯, 全部沙律菜都係有機架, 仲有唔同醬汁同薯仔沙律!!!不過我都係鐘意個湯多D, 仲要無味精又健康主食方面就想一嘗葡國菜, 叫左葡式燒春雞賣相都唔錯,伴碟都放得幾靚, 同埋一上碟時就聞到好大陣烤雞味, 影緊相都差D忍唔住食,食落去口感都幾定軟滑, 雞肉唔會好韌,加上佢地自製葡國燒汁, 沾上雞肉上調味剛剛好, 唔會太鹹太濃味搶左雞既鮮味同埋份雞都好大份呀!!!一個食份量都夠哂, 啱啱好最後試左個藍莓芝士蛋糕, 味道淡淡地, 都唔會太甜夠清新

剛剛行過見到新開張， 見到午餐選擇都不少。午餐包任飲餐湯，是日餐湯係西蘭花薯仔湯，味道唔錯，所以都飲咗兩碗。任食沙律吧只有六種，略嫌選擇少咗啲。主菜都算ok，當日點咗西冷牛扒 及咖哩羊。但餐飲要另加錢。