Gioia Charcoal Grill & Oyster Bar (Closed)

位置於西環的臥虎藏龍小店，餐廳需然小，但食物是非常有水準，對比某一些再大型連鎖店，相同價格也吃不到同樣質量的食物。自家制蘑菇湯質量很creamy好入味，加上誘發特濃的蘑菇香氣，YUM!!牛扒油脂分佈平均，師傅燒至啱啱好，能有效控制鎖住肉汁👍🏻牛扒肉質嫩滑、味道濃郁。牛肉有85分，唔韌。視覺上非常豐富，吃進口內的口感也非常豐富!烤雞能鎖住肉汁，切下去非常輕鬆，肉質軟嫩。以火箭菜做伴菜，整个菜色香味美，卖相好吸引。

去開西環探朋友，順便搵間西餐食飯，見呢間有生蠔，一於試下。先叫了半打生蠔，美國蠔雖然唔肥，但好清甜，蠔味濃郁。生蠔開得幾靚，冇碎殻。前菜一係芝士焗大啡菇配沙律，呢個大啡菇好香濃，配芝士係十分夾！當食得比較膩就石以配埋沙律食！前菜二係煙三文魚沙律，上面配一干脆香橙調味，煙三文魚不太咸，做前菜味道當好！青瓜片都好甜。餐湯一係黑松露蘑菇湯，值得一讚，自家制蘑菇湯的確口感不同，有細細粒蘑菇增加口感，加埋少少忌廉，好味。餐湯二係雜菜湯，有薯仔、紅蘿、洋蔥等加上上湯，甜味重，都Ok!主菜一牛似超級冧，唔痴牙啦！口感唔錯！主菜二的蒜蓉大蝦意粉好香濃蒜蓉味，大蝦又大隻又多！我好鐘意有火箭菜做現菜，中和油膩感！

今次去呢間餐廳其實同我幾有緣分， 話說上年差唔多同時間 ,我搭叮叮經過呢間餐廳 ,同我朋友仔講想試下，之後當然係唔記得咗件事 ^^想不到一年後有機會重遊舊地，見到幾好生意，立刻入去試試。呢度個環境 相當唔錯 好有fine dining感覺。 有一張 大bar 枱喺中間，掛咗好多酒同酒杯喺度我們點選了一個晚餐，另追加8 隻生蠔，一碟意粉，兩杯cocktail和甜品。餐廳有做特價蠔，$10一隻咁抵玩， 梗係要試下啦！生蠔真心肉質新鮮，海水味又夠，又大隻 .黑松露野菌忌廉湯一上檯已傳來陣陣松露味，香氣撲鼻自家製香橙香草三文魚沙律單看擺設， 眼晴也想吃。慢煮美國黑醋牛仔肋骨果然慢煮， 軟淋淋，入口鬆化意大利黑醋煙腩肉扁意粉黑醋配肥肥腩肉，互相平衡朱古力心太軟伴雲呢拿雪糕 唔太膩，一凍一熱好好入口，食到咁飽都仲食得到

在門口望入餐廳只覺得係普通的西餐廳，本來打算和朋友點兩個意粉充飢就算，點知入到去先發現有海鮮、生蠔等美食。和朋友點了二人餐，因為有我最喜歡的生蠔。全部海鮮都好新鮮爽口，不過下次我會單點生蠔，因為部份生蠔只係$10一隻，非常抵食，平過自己買和自己開。龍蝦湯：鹹香帶甘，而且有龍蝦肉。香檳忌廉煮青口：忌廉汁幼滑而且有微微酒香，帶出青口的鮮味。大蝦天使意粉：蒜香汁香濃惹味，蝦肉爽口彈牙，加埋露筍、波菜和芝士，口感豐富。牛扒用燒烤模式能鎖住肉汁，唔會煎得好太乾。佢嘅格仔紋令我覺得好高級，真係睇得又食得。甜品心太軟：絕對是用心之作，朱古力味濃淡適中，配合雪糕食味道恰到好處。總括來說，呢間餐廳每樣食物都做得好好，而海鮮的質素係最高，我下次會試吓其他海鮮嘅菜式。

今日一到港島，有機會去堅尼地城呢個平時唔會去嘅地方，所以就搵吓有咩好嘢食。見呢間餐廳有我最喜歡的生蠔、牛扒，所以就決定入去啦。當初我係俾餐廳$10 一隻的生蠔吸引，但之後見二人餐都幾抵，所以就選了二人餐。上菜前有杯脆脆餅干條，其實好香脆可口，但為了食之後嘅美食，所以我只淺嘗了一口。海鮮拼盤是我的最愛。生蠔有微微的海水鹹香，而且開得好乾淨，沒有蠔殼碎漏左喺入面。青口和大蝦🍤爽口彈牙，只要加少許檸檬汁就已經帶出到蠔原本鮮味。翡翠螺味道略淡配上醬汁就剛剛好。我好鍾意食呢款香檳忌廉煮青口，香檳味香濃但又唔會奪去青口的鮮味，反而有提鮮的作用。因為係前菜所以只有約10隻，但我見其他人單點係有一大盤。下次再嚟我會單點呢款青口，因為10隻真係唔夠我食。蘑菇湯口感幼滑，飲到淡淡的蘑菇和松露味。牛扒非常高質，我平時都會下廚在家煎牛扒，呢塊牛扒比我平日買在連鎖超市買到的更為優質。一入口牛肉味已經好夠濃，但口感軟腴，肉汁豐富。煮天使麵會好難拿捏應該煮多久才能令天使麵保持爽口不過淋，不過呢間餐廳嘅天使面做得恰到好處，加埋香辣嘅蒜香汁和大蝦簡直係Perfect match。心太軟都十分考功夫，太熟就不流心及太生就

新界人好少去港島，堅尼地城更加冇咩機會去。不過適逢老公生日，在機緣巧合下搵到呢間餐廳。在地鐵站行過去不算遠，5分鐘內就到。七點幾去到人不算多，所以餐廳侍應非常好服務。我們點了一個二人餐，貪佢有海鮮、有牛扒、有意粉和甜品。先上咗個海鮮拼盤，有生蠔、翡翠螺、青口、大蝦和蜆。侍應話俾我知細隻那一款生蠔是來自法國🇫🇷，而大隻那款是來自美國的珍珠蠔。個人覺得法國那款生蠔好食啲，雖然細隻，但好爽口同埋鮮甜。其他海鮮好似青口、蜆都好夠味，完全不用加檸檬汁和其他醬汁。之後上前菜—香檳忌廉煮藍青口。因為係前菜，所以只得幾隻藍青口。藍青口真係超好食，食幾隻完全唔夠喉。佢嘅味道令我想起去挪威旅行時，食過既白酒忌廉煮青口，兩者質素不遑多讓。上菜時已經聞到好香嘅香檳味，但食嘅時候完全唔會奪去青口嘅鮮味。藍青口雖然細隻，但質感同一般雪藏青口係差天共地。呢隻細細隻而且有微微的海水鹹味，我以前都唔知新鮮嘅青口嘅質感係可以咁好。我哋分別要了蘑菇湯和龍蝦湯。龍蝦湯好香，香濃嘅龍蝦味咸中帶甘，從而帶出龍蝦本身特有嘅味道。蘑菇湯香濃幼滑加上少少松露，把蘑菇湯的味道提升了。安格斯牛扒約七成熟，肉質軟熟，連根和肥膏都非常淋。以往

星期六拍拖日，約左男朋友去西環泳棚中午就黎到堅尼地城食個西餐lunch先Gioia位置好易搵，一出地鐵站直行幾條街就到，大約5分鐘路程，非常方便餐廳有落地玻璃，採光很好，食lunch好舒服見到餐廳內有唔少外國人著便服落街食lunch可見Gioia既西餐質素唔錯～～Lunch set價錢都幾平，平均$100就ok包沙律或餐湯、飲品、甜品侍應提醒其實可以加$15就upgrade有曬沙律同餐廳一坐底就有呢個麵包條～非常脆口，蘸上餐湯又係另一番味道沙律賣相討好～推介餐湯：忌廉粟米湯非常濃滑！食得出係新鮮玉米蓉打碎，加上幼滑既忌廉打成湯係數一數二我飲過最中意既西湯！Set E：香煎比目魚柳伴番茄莎莎 $98比目魚柳好嫩！煎到個皮小小脆，但不失香味配上番茄莎莎同薯蓉，入口清新！Set B：番茄大蝦長通粉 $68大蝦有3只，全部已拖殼去頭，方便懶人番茄味尤其突出，仲有一粒粒既番茄碎，可見用用上原隻番茄！Latte & 熱齋啡 甜品Brownie 賣相精緻，甜品都肯落心機，擺上士多啤梨片，抵讚

今日黎到西環一帶同朋友諗住坐叮叮車遊滿島 出發前四圍搵野食 好快我地就選擇這間離地鐵站不遠的西餐廳 望落整潔有條 價錢亦相宜 所以就進店一試😋餐廳lunch set有不少選擇 意粉、意大利飯、扒都有 我們選擇了蜆肉辣椒蒜片意粉和炭燒羊扒伴燒汁🍝意粉彈牙量足 蒜片配辣椒既配搭令看似平平無期既意粉有豐富既味道 無辣不歡既我覺得這碟意粉非常適合我口味 我位不吃辣的朋友亦食到 而每粒蜆肉亦漲卜卜 非常新鮮清甜 所用既不是一般蜆仔👍🏻羊扒肉質鮮嫩 無過熟既情況 羊亦都處理得宜 無一般的羶味 不過最令我喜出望外的 是配菜薯蓉！！無完全打搗薯仔 令佢包持咬口 真係好耐冇食過咁好食既薯蓉😋最後既驚喜係奶凍 香滑之餘奶味醇香 質地不會水汪汪一吃就散 好似食了粒特濃牛奶糖般🥛🍮

早左收工來食飯，真係一個不錯的選擇。職員好細心咁建議我食啲咩，因為我選擇的餐太多菇了，佢地就建議我食以下呢個餐。前菜叫左個自家製香橙刁草三文魚田園沙律沙律有淡淡香橙味，三文魚厚薄適中，入口即溶黑松露野菌忌廉湯一上枱就有一陣超香、超濃郁的蘑菇味和黑松露味湧進鼻子，令人垂涎三尺。黑松露份量真係唔講得少，啖啖都係滿足的黑松露！難怪香味咁濃郁！輕煎日本帶子，魚籽，意大利飯原來意大利飯配魚籽和帶子係好夾架！義大利飯本身質地比較濃郁，而魚籽就有海水既鮮味，兩者相得益彰。魚籽好鮮甜間舖很近地鐵站，又有落地大玻璃可以見到外面繁忙的街景，環境浪漫，係個拍拖或者朋友聚會既好地方。

星期六去西環食lunch,見到呢間餐廳評語唔錯，就入去試試。一坐低，店員就送上小食餅乾條。我地叫左兩個set lunch。跟餐有是日餐湯或者沙律，我地每款點了一個。餐湯係粟米湯，粟米清甜香滑。沙律係凱撒沙律，沙律蔬菜新鮮。Set C 黑松露野菌扁意粉- 黑松露醬很多，佈滿全碟意粉，非常香濃。忌廉醬汁很creamy，有芝士香味。扁意粉不會過淋過硬，口感剛好，很掛汁。配上的野菌很足料，野菌爽滑，沾上意粉醬汁一齊食很好吃。Set E- 比吉打豬柳- 豬柳大大件，外面有一層蛋汁包住煎，煎得很香。豬柳肉質很鬆，不乾不嚡口，配有香草蕃茄蓉汁。配菜的薯蓉亦不馬處，薯蓉有薯香外，亦有混入黑松露醬，微細處見心思。餐飲方面，我們叫左熱咖啡。跟餐甜品係奶凍，好香雲呢嗱味，奶味濃，滑溜溜。

今日同朋友喺堅尼地城附近搵嘢食，我哋喺b出口一直往海邊方向搵嘢食，見到有間餐廳裝修唔錯，於是入去試下。 入面裝修幾有氣氛，坐得比較寬敞同舒服。 見到午市有套餐，我哋分別叫咗個蟹肉紅椒水瓜闊條麵，同埋比吉打豬扒。 過咗一陣，更差既餐湯同埋沙律都送上，餐湯同沙律嘅賣相都唔錯，而且味道都唔錯。 之後係蟹肉紅椒水瓜闊條麵，闊條麵質感好好，加上蟹肉同紅椒，味道好夾。 最後係比吉打豬扒，豬扒蓉煎蛋包住，下面配上薯蓉同埋蕃茄醬，豬扒肉質好鮮嫩，加埋蕃茄醬食味道很好。

餐廳裝修有一塊大落地玻璃，吃飯時可以看看街景，幾舒服享受。酒吧很別緻，氣氛不錯。頭盤香檳忌廉煮新鮮藍青口，好吃到差點要吃掉舌頭。青口很新鮮，嫰滑鮮甜，不腥。香檳忌廉味道香濃，酒味獨特，襯托忌廉令味道層次更加豐富。菠菜大蝦天使麵味道清爽，不膩又健康。蝦好大隻，而且數量不少，材料充足，蝦肉爽口彈牙。菠菜苗很鮮嫰，而且沒有煮得過熟，上桌時還是翠綠色，顏色真的可以增加食慾喔。麵上面舖滿了芝士，帶來強烈一點的味道，整個麵有不同口感也有不同味道，互相配搭很好。

今晚同事話要帶我去堅利地城食野，而我就真係第一次去堅利地城，對呢個地方都幾陌生，無諗過係呢個位置竟然有間隱世好食西餐廳。餐廳黎地鐵站不遠，位置亦很好找。餐廳內裡燈光柔和，很適合情侶把酒談天。坐低後侍應為我們呈上麵包脆條，像食緊大版百力滋，幾脆。我們4人揀選了1個精選晚餐及1個二人餐一起吃。海鮮拼盤，包括有生蠔、大蝦、青口、翡翠螺及蜆，生蠔很鮮甜厚肉，海水味濃郁!翡翠螺同蜆都很新鮮，蜆亦很肥美!黑松露野菌忌廉湯，湯很creamy，不會好稀!野菌蓉都好多，好有口感，飲落去還有淡淡黑松露味!慢煮美國黑醋牛仔肋骨，由於慢煮的關係，牛肉好鬆軟，配有黑醋味道很特別，酸酸地得黎又食到牛肉既鮮味。薯蓉亦有淡淡的黑松露味，配菜用上茄醬整成的翠玉瓜同南瓜，很開胃!露筍鮮蝦菠菜天使麵，露筍同菠菜好新鮮，鮮蝦係「真」鮮蝦，爽口彈牙，而天使麵用上蒜片炒香，很惹味!總括黎講，餐廳不算很大，但勝在夠靜，很適合情侶食飯談心。另外侍應會主動加水及上菜時會說明菜式，態度親切。有機會會帶朋友黎呢個隱世餐廳試下。

同同事剛好係附近工作完，就一齊食飯。見到Gioia Charcoal Grill & Oyster Bar評價頗高就決定去食這間西餐廳。餐廳坐落舒適有情調仲可以觀看街道上的風景。職員首先為我們送上面包條，然後再遞上餐牌。餐廳除了提供西餐外，仲係一間蠔Bar！餐牌上有各式各樣以及不同種類的蠔其中Daily Oyster只係$10蚊（隻）認真抵食。我地叫左一個紅湯一個白湯，雜菜湯湯色深紅味道甜酸好開胃。野菌湯飄著黑松露的味道我嘗了一啖！野菌湯口感順滑頗重菇味都不錯。Portobello mushrooms：我很喜歡這道菜，因爲Mushroom肥大肉厚，菇味很香濃口感十足！！！仲好Juicy沙律配上黑醋很開胃。慢煮牛肋骨：牛肋骨鬆軟軟腍，肉質幼嫩牛味重之餘仲無渣！！j是必試Item心太軟：甜品買相滿分！！是一個心型的心太軟見到已經覺得sweet心太軟外層外帶脆，甜度適中！朱古力味都濃郁加埋雪糕一齊食好好味。 餐廳價錢合理，我地4個人叫左3個餐，平均消費都是每人200多。

今晚放工同同事去港島線尾站堅尼地城果邊揾野食，行左去近海旁的GioiaCharcoal Grill & Oyster Bar。唔難揾，地鐵站B出口向左手邊行，轉右過斑馬線再直行，餐廳就係左手邊，都算方便。餐廳採用落地玻璃，環境細細，燈光較沉，播放柔和音樂，是典型的西餐Setting.我點左個精選晚餐~前菜係焗芝士流心大傘菇~菇的賣相好靚，面頭一大片芝士，切開亦真係流心，焗得好入味，配埋D沙律菜，好特別的一個前菜。餐湯揀左黑松露野菌忌廉湯，黑松露味超濃，但忌廉味又唔會太濃太膩，恰到好處。主菜揀左C︰慢煮美國黑醋牛仔肋骨，上台時已經切好哂，方便食，而且份量多，牛仔骨厚身，但煮得好淋好入味，個汁有別一般的蕃茄汁，而選用左健康的黑醋汁，加埋伴碟的蔬菜和薯蓉，超飽，所以就無飲餐飲。