金牌海鮮火鍋 (Closed)

朋友帶我去左灣仔分店食，第一次食到咁好味嘅牛骨湯窩，湯底香濃味美，窩裡面好多野食，有牛什、牛腩、 蘿蔔同連少少筋同肉嘅牛骨(268蚊)。花雕豬腦同外面做法不同，先輕微 焯熟豬腦定型，再浸花雕酒(48蚊)。口感如花雕味嘅鵝肝。牛舌選用新鮮貨無雪味，肉質牛味重富彈性(188蚊)。個湯底令我著迷，一定會再有下次。

一向對這裡的火鍋已甚為失望，朋友說飲茶ok，尚且相信下。今日一行8人訂左位飲茶，午市來說，他們認真靜。想點的坑腩早早已賣完。點了炸豆腐，豆味依舊濃郁。辣椒油也十分香辣。點了一個普通牛腩，有點蘇，而且有點白蘿蔔渣。例湯也不是太入味。最後的綠豆沙太甜了

今日中學同聚會，於是就㨂咗去金牌火足九龍區所以一直都無機會去試試。原來灣仔係舊年開咗間分店，真係開正我嗰範😁真係估唔到依家啲邊爐真係越做越好。我哋有成十個人咁梗係訂房好啲啦，一世遲到嘅我今日竟然第一個到，咁梗係要影吓間咁寬敞設備又齊全嘅房比班老友睇吓啦。人齊！開食嚕！我哋呢班人呢真係牛魔王🐮 。可能太忙嘅原因，總經理都出嚟幫手落單，係佢推介嘅金牌牛骨鍋湯底。。。頂吖！食過呢個鍋真係無得返轉頭，以後點叫我去第二間食呀！個湯底堅夠濃，一啲都唔覺油淋淋，墊湯嘅牛骨大部份都係骨骹位、牛筋、牛腩、牛膀、腸都有齊，舊舊骨有小小肉痴住，重點係骹位啲軟骨、骨膠原煲得啱啱好，只係飲咗啖湯食咗件骨膠原落肚就知應該好戲在後頭。今晚我哋點咗勁多嘢食，不得不提而且要必食嘅本人會推介，牛肩脊、（？咩魚？）、蟶子、魚腐、墨丸、魚蛋，當然仲有名不虛傳嘅三秒響鈴啦。我平時個人口味超勁重口味，去親邊爐都勁落所有醬汁配料，今次當然都一樣死唔蝕底啦，應有儘有嘅醬料都落啦，之不過我發現今次我竟然係渾咗一大碗醬之後係無乜點過，事關樣樣新鮮，鮮味十足。牛肩脊肉脂均勻牛味香濃，師傅刀工嘅又切得厚薄適中，有𡁻頭之餘又軟滑綿綿，真係無得

Last week was my friend Adrian birthday and she wanna try something hot in the 'sudden' cold spring season. Hotpot seems to be an excellent choice and we decided to try this famous seafood hotpot restaurant in WanChai. We have made reservation few days ago so there is no need for waiting. I love the restaurant when we came in as it is very well decorated and clean, as we all know, hotpot restaurant in HK can be as dirty as it could given that the foods are fresh!? Since it was the first time we

聽講呢間打邊爐環境好d野食質素好好所以黎試下首先有好多醬比我地選擇比我地落瑤柱豆板醬幾好味幾香之後我地嗌左個胡椒豬肚湯鍋湯一黎到好香好重胡椒味真係好多豬肚真係好好飲好香好暖胃另外我地嗌左本地新鮮手切牛肉-  牛頸脊因為經理推薦我地試下牛頸脊的確係比平時一般出面街食既吾同牛頸脊就是牛頸至牛膊中間的一段肉這個部位由於郁動較多，肉質因而細緻、結實、肥瘦適中相比其他部分，質感和味道都優勝得多所以口感十分好！手打豬肉丸同牛丸好新鮮好彈牙值得一試另外芝士腸既擺法好特別好靚好整齊都好好食最後真係好特別值得一說，呢度既可樂仲係以前舊版玻璃瓶，真係好好飲值得介紹比大家

金牌牛骨鍋湯底材料十足，湯味濃郁！牛頸脊肉質嫩，入口即化！海魚即叫即劏，非常新鮮！魚腐口感又滑又軟，與其他魚腐不同！響鈴很脆，是吃過最有質素的！雲呑有原隻鮮蝦，材料豐富！午餐肉從加拿大進口，安全放心！其他食物一樣非常有質素！而且服務態度很好，環境舒適，卡座有獨立電視，絕對值得推介！

之前金牌舊佐敦店係我打邊爐至愛(之前有寫過食評)，但無諗過食完灣仔店之後唔會想再黎～一黎到新裝修，每個卡位都有個細電視，非常grand，但當然價錢都升價了，可惜水準一般～超掠水如下：芫茜皮蛋鍋$108，四寶丸$128：普通野但超掠水本地手切牛肉（大）$368：係好食，有價錢略貴響鈴$68：依舊新鮮好脆好味，呢個係唯一一樣我仲讚金牌的魚皮餃$88，芝士腸$48：無乜特別，又係超掠水可樂$20：細支裝茶：每位$12酸菜：$15醬料：每位$15

看到個標題, 大家都估到呢篇係由我阿P呢個麻甩仔寫的，而呢個喊評一切就由隻燒鵝開始，無錯，打邊爐又關隻鵝咩事?!其實我都好想知點解打邊爐會有隻鵝出現...事緣上星期同幾個死黨的泰菜飯局唔齊人，唔夠喉，於是大伙兒完決定趁天氣突然轉涼，即慶黎過男人的浪漫飯局。由於大家都未食過呢間金牌，所以就決定一試。顧家好男人"車爸爸","為食鴨"同我先到，所以先order 了牛骨鍋及肥牛一碟，正當我地等食之際，一位穿西裝的經理笑哂口咁走埋黎同我地打招呼，話已經幫我地準備緊個湯底，問我地試唔試下d魚生，好新鮮ga，"為食鴨"回應話唔食生肉的，𣎴用了，跟住經理即刻問咁不如試下燒鵝，剛燒好，來個例牌，包正！我們回應説想等齊人才決定食其他野，接著經理笑騎騎咁話：好，上咗個湯底食住等。估不到先來旳既不是牛骨鍋亦不是肥牛，而是呢碟例牌燒鵝!!??...剛巧"不文楷"同"恐龍輝" 一齊到，笑問今晚不是來打邊爐麼，攪乜有碟鵝！？我們三人你眼望我眼，話比個經理老屈，大家見既然都上左枱，唔緊要la，當加餸，清佢碟，其實味道不錯，錯的是銷售手法，但都不足以俾喊評，關鍵係最後埋單時及整體感覺，不過宜家先講食物，劇情容後分解。金

咬野gor近來很忙，連個女人叫我咬野我都吾理，可況寫野呢！不過見班粉絲成日叫我重出江湖，我都為免粉絲難過一於出擊啦！我咬野gor一向是「牛魔皇」，今次女人帶我同朋友吃金牌火鍋。女人一去到，即刻發揮強項「指指點點」，不一會便來了鍋「牛骨鍋」做湯底，牛骨鍋內不但有湯，更有牛雜、牛骨、牛腩一大鍋，湯底很濃郁很厚身，香氣撲鼻，用牛雜鍋形容也不過份！單是這個湯底已令我目不暇給。作為「牛魔皇」既我一定會叫肥牛啦！就叫了本地牛頸脊。很香牛味又有牛香，根本不用點其他漿油，吃其味道。單是這兩樣已令我停不了口，女人還點蘿白、蓮藕、白菜這及炸枝竹些菜蔬。這些菜蔬吸晒牛骨湯的精華，不但有本身的爽口甜味，更有牛骨湯的香味。更多了一份層次。簡直是人間極品。今次同女人及朋友三人，就吃了這個火鍋。令我回味無窮，下次一定再試其他食品，相信一定更精彩。

今日約咗客戶傾啲公事！約咗我lunch响呢間金牌飲茶！九龍鋪邊爐就打得多！呢間lunch就第一次！新嘢更係要同大家share一吓啦！     脆皮燒腩仔同叉燒真係要推介！好多地方嘅燒腩仔個皮都脆到lock lock聲！但係總會肥多肉少、或者肉質乾爭爭！佢可以做到薄嘅脆片之餘係一層肥一層肉嘅鮮嫩五花腩！一件一次過食3種美味一次過享受矖！叉燒用半肥瘦豬肉！我自己鐘意香口嘢！佢個邊燒到有少少燶我超鐘意呀！同埋佢掛個蜜汁嘅稀薄度同甜蜜味令到我失儀地食咗大半碟！      今日客戶請客！所以特別响金牌訂咗個磯煮鮑魚招待我！我唯有唔客氣食哪！呢隻南非原隻鮑魚！無一頭都有三頭！鮑身大過我隻手呀！磯煮個醬汁應該有日式味淋！同埋真係好秘製！新鮮煮到鮑魚剛剛熟！午餐都食到真係夫覆何求呢？       所以點心都好有水準！特別一提有個叫蘿蔔灌漿嘅炸物！腐皮包住蘿蔔絲去炸！一啲油都無！裡面混合了一些鹹香味嘅材料！我真係好鐘意食呢啲香口嘢！卒之成碟比我K.O咗！    呢餐快商務午餐食得太開心！放假真係要嚟慢慢嘆試埋其他菜式先！（≧∇≦）

已經唔係第一次見身邊有人食，尤其是Instagram 早排見得特別多，決定捉d朋友去食。 最後4人成行Book左6點幾，可能時間比較早，去到o既時候唔算好多人。一去到就揀左湯底先，成班牛精決定叫牛骨鍋試下，因為黎之前做過少少research，又牛腩又牛什咁，呢個湯底好似好吸引。另外我地仲叫左手切牛肉﹑牛舌心﹑四寶丸﹑響鈴﹑手工蟹黃餃  個煲黎到真係好豐富…湯底一上檯已經見到好深色，聞落仲好香，飲左啖好濃郁。入面仲有好多材料，牛肚牛腸牛”旁”牛腩等等好入味好”林”。 手切牛肉就咁睇D色，同埋D雪花紋好靚，就咁望都覺得應該幾好食。D牛切得剛剛好，唔會太薄或太厚，而且肥瘦均衡，牛味好重好香好好食。 牛精再黎就係食牛舌心，佢比起平時串燒黎講比較厚身，但係煮左一D都唔Un，仲要咬落好爽口，呢個都值得推介。 呢度個響鈴寫住即叫即炸，所以都點左試下。個響鈴好脆，上台時仲係熱辣辣，而且冇油膩o既味道，最怕有d食落有陣油味，呢個食落香脆，都唔錯。四寶丸個樣似手打，我食左墨魚丸同蝦丸都好彈牙。手工蟹黃餃，食o既時候入面有少少湯汁，有D似擺左粒小籠包落去滾   個湯底實在太豐富，食得好飽走人…

今年二月份係一個好月份，又放新年假，又出花紅；成間公司同事一於出去食好D，雖然老闆有約嚟唔到，但佢都好識做打電話嚟張單入佢數！千挑萬選，全部同事終於選定呢一間 “金牌火鍋”，入到去個門面靚得嚟舒服唔浮誇，仲要安排咗我哋坐房。叫咗好多好多轉食物，食到好開心同好滿足；攪到我掛住食都唔記得影靚靚食物相鮮鮑魚片冷盤鮑魚呀~~~~如果老闆早D打嚟話入佢數的話，我一定會堅持叫多碟爽口彈牙，濃郁嘅鮑魚味冇雪味，本人覺得絕對正貨。牛雜火鍋湯底超多牛雜絕對唔係流料，平時出去食碗淨牛雜都覺得唔夠喉，今次真係回晒本。牛雜味道仲濃郁過其他食牛雜專門店，牛肺好滑好入味( 因為之前喺其他舖頭食個口感好似食石頭咁硬 )；牛肚超淋冇渣唔怕痴牙；牛腸少少肥唔漏口夠晒香肥瘦適中嘅靚靚牛肉本身牛肉味好重，入口即溶齒峽溜香！手打魚旦好耐冇見成粒乒乓球咁大粒嘅魚旦，又夠彈牙又有魚味即炸響玲嚟到枱聞到少少油香味，全條響玲浸晒落個牛雜鍋到三秒鐘，食落口唔太淋仲有爽口翠翠嘅感覺

專登去食牛骨鍋，果然冇令人失望，一行出電梯就聞到濃烈的牛雜味，未點其他食物，先點了個煲。 嘩，好大煲，好多料，牛膀、牛肺、牛腸、牛肚、牛筋全部新鮮貨式，有幾大舊牛骨，仲有吸哂湯的蘿蔔；全晚不停加水，係加水，唔係加湯，都一樣咁濃。食呢個煲不能太心急，啲料要炆吓佢，等佢入味啲同再腍啲先食。牛骨鍋＄228，而家去麵舖叫碟淨牛雜都要一佰蚊，所以個煲係幾抵食。 咁濃嘅湯其實最啱配能夠吸湯的材料，點了豬紅、墨魚滑、西洋菜、蟶子（＄58一隻）豬紅同菜最好；蟶子好新鮮，但係鮮味勁不過牛味，呢個煲不宜海鮮。牛肉是另一個重點，吃了兩款：牛爪邊、牛頸脊，個人比較喜歡有咬口的牛爪邊，牛頸脊則牛味較重，也較肥，但肉質較乾，一碟細碼$288，兩款價錢一樣。 叫得海鮮火鍋，其實唔會平。餐牌有一頁列明很多額外收費，前菜、花生、茶、醬料，一坐低都＄50。服務好好，星期六晚冇乜人，個個部長都行行企企，一遞手就有人埋嚟。 聽講午市點心幾好，可以試吓。

Happy Friday, 好朋友相聚，親天氣未熱打過邊爐先。值得今次一寫，梗係主角牛骨牛雜鍋底，入味程度百分百，料足，牛肚咬洛吾韌，好咬口，成個鍋已覺好滿足，誠意推薦其他食材吾使講，一食便知高級食料，價錢本人覺適中，環境服務亦不俗

行經灣仔見到有間火鍋鋪就walk in入左黎，打開餐牌見到野食價單都比較貴，醬料有9款選擇，茶介$12位， 醬汁$15位，仲未汁花生錢 叫左個上刺身盛盒$600，機煮飽 $240/2隻，呢兩樣都ok，係價錢較為高，再叫左個小食麻辣豬耳仔，個麻辣醬有啲苦。瑤柱西洋菜餃，手打蝦滑，韮菜餃，四寶丸，都可以，不過見到個餃有個指甲控，哂左隻餃，因為冇人想食。本地手切牛肉 吾韌吾錯仲有個炸響鈴都吾錯