金屋泰國菜館

Open Now

Now Closed

一向鍾情泰國菜😝定期就要食一次thai food😌(特別係而家無得去泰國😭）荃灣呢個位居然都開左間泰國菜館由荃新天地2行過黎，好方便！睇住openrice既地圖行過黎，好易搵！餐廳入面既佈置都充滿泰國風情😳我地被安排坐卡位，同其他座位有一定既距離，感覺好舒適～幾乎諗得到既泰菜呢度都有🤩有選擇困難症😂最後我地叫左：🇹🇭泰式鮮蝦炒金邊粉🇹🇭上菜時，金邊粉真係熱辣辣！鑊氣十足！味道甜甜酸酸，恰到好處，係我心目中既味道😝鮮蝦都好足料，又多肉😊推介啊！！🇹🇭泰式燒牛仔骨🇹🇭平時好少叫呢款菜式，點知有驚喜啊！首先係好大份💯（抵食之選！）食起黎好香口，肉質又淋身多汁，有泰式風味🤟🏼真係不妨一試！🇹🇭泰式青咖喱雞🇹🇭食落有椰奶味，容易入口😋但比較辣，食辣既人會中意☺️冇食開辣既就要注意喔⚠️好後悔冇叫個飯🥲用青咖喱汁撈飯一定好正！👇🏼男朋友嘗試用牛仔骨撈青咖喱，佢話個味道都夾😂😂新玩法甜品方面，叫左椰汁千層糕～好煙韌😇甜度剛剛好～👏🏻職員都好細心，會問我地甜品一齊上，定係食完主菜先上😊Overall 係一間值得推介既泰國餐廳味道好、坐得舒服、價錢合理😆🙌🏽

荃灣楊屋道附近有一間泰國餐廳，由荃灣西鐵站行過去，大約十分鐘左右，都非常方便。餐廳都好闊落，每張枱之間都有好多空間，而且有好隔板，防疫措施都做得好足。而且好多卡位，大家都坐得好舒服。餐廳既裝修充滿泰國風情，入到餐廳，好似置身於泰國一樣，疫情其間冇得去旅行，去下呢間餐廳食飯當去咗一次旅行😆泰式燒雞平時都好鍾意食燒雞，呢間餐廳既燒雞外脆內滑，份量都好足，加上泰式醬汁，味道一流馬拉盞鮮魷炒通菜馬拉盞炒通菜就食得多，呢個加持埋鮮魷，令整個菜加左鮮味椰汁西米糕食泰國嘢點少得泰式甜品，而椰汁西米糕簡直係泰式甜品既佼佼者，椰汁味濃，而且唔會好甜，正餐廳食物份量好足，而且每道菜都好味，值得再幫襯。

星期一放工後諗住食下泰國菜見楊屋道屋企附近有間泰式餐廳未食過就決定試一試入到去見到裝修都幾特別 有好多泰國的繪畫圖 打開餐牌 兩個人食得份量唔多 朋友想食咖哩 所以叫左個青咖啡菜 另外叫左個蠔仔蛋 同埋一個咸魚雞粒炒飯 等左大約十分鐘就有得食蠔仔餅上菜的時候仲好熱 影相都有煙如果冇配汁就清清地 要點d汁先好反而青咖喱我覺得有驚喜 係值得推介佢個青咖哩配埋椰汁味 幾夾最後食左個炒飯 份量足夠 咸魚味唔會太濃配埋青瓜食會清新返d每人平均百幾蚊 都可以一試

幾年沒來荃灣西，現在已經發展得有聲有色，也保持了新市鎮的綠化和廣闊視野。見這間餐廳的景觀很開揚，也有不少人幫襯，就坐了進去。自從去年食泰國菜飲過象啤就留下了很好的印象，加上年初有點尿酸過高戒了啤酒一段時間，最近安定了便破戒返次。難得破戒，叫夠2枝。店員都很知道食客需要，幫我分開上，不用放到暖了。果然入口冰凍，加上象啤獨有的清甜，食慾和精神都來了。最近也在減澱粉質，所以叫了雞肉串燒和青咖喱雜菜。串燒有6串，每串都有4粒，加起來差不多有2塊雞扒的份量。霑上花生味香濃的醬汁吃當然是最佳配搭，撈一點青咖喱吃也是很好的食法。青咖喱的味道香甜，有椰汁香味，而且不會很鹹和刺激，當濃一點的湯喝都可以。裡頭的雜菜都是很能吸收咖喱汁的款式，例如西蘭花。雜菌，還有切成鋸齒狀的紅蘿蔔，能沾上更多的咖喱汁。加埋泰式菜常見的九層塔，香味更多。真的可謂飲飽食醉，然後竟然店員送上特色甜品！芒果大菜糕和椰汁西米糕。芒果大菜糕口感爽脆，芒果味清甜，一點點酸味能消解飽肚感。椰汁西米糕更加出色，椰汁香味濃郁。最難得的是有額外驚喜這件事，為一餐加上一點甜，就好像姜濤的歌詞那樣，巧妙地花掉生活中的苦。

泰國嘢都係其中一款食極唔厭嘅選擇！所以今日約人食飯又係泰國嘢😆呢間間唔時經過都見到，但未食過！呢度入到去比想像中大，座位都好鬆動，好有安全距離👍🏻裝修都好有特色！炒到恰到好處嘅爽脆椰菜苗加埋有少少辣同較濃郁嘅馬拉盞，椰菜苗本身較硬身同埋有陣苦澀味，所以要濃味嘅汁先可以冚到，最夾之選！另外香口嘅炸蝦餅都係唔少得！即叫即炸！先最好食😋主食叫咗碟泰式炒河，第一次試，佢嘅河粉較中式河粉幼身，但都可以炒到好煙銀好有口感👍🏻真心估唔到咁正！不過配菜就淡咗少少😂另外天氣開始熱啦！當然唔少得叫杯凍飲降下溫✌🏻

這裡的份量比心目中多，在門口仲有炸蝦片$15包幾新鮮，一打開唔油又幾脆口好味道，我們餐廳都叫了3樣食物質錢都合理而且味不錯。 泰式蠔餅鐵板上，熱呼呼幾吸引，蠔幾大隻而且蛋香口，配辣醬最岩，底部仲有配菜幾豐富。2人最後決定要半隻泰式海南雞，$100都不用仲有份量最後都吃不完，雞肉幾嫩滑，啖啖肉，配上惹味泰式辣汁好味道。 這裡有麵飯選擇，但比這個鮮菠蘿海鮮炒飯吸引，菠蘿新鮮，汁液加上飯好清甜又有不少菠蘿粒和提子粒增加口感，海鮮不少有青口蝦和魷魚。因為這裡的熱食吸引，我們再叫了甜品椰汁西米糕，最喜歡不太甜，西米仲有少少口感不會太糊狀幾好。

四個人叫外賣，點左三個河粉、一個撈檬、一個通菜、一份串燒、三杯飲品。大約半個鐘至九個字到，時間可接受。河粉河同湯分開到，份量正常，味道唔錯，我食曬。不過個人係鍾意食泰菜。通菜偏辣，味道唔錯，偏泰式辣味。串燒有驚喜，四個人都喜歡。埋單 $680 除開一人 $150+，星期六黎講正常。整體來講幾好，會再光顧。檬粉嘅汁只送左半支益力多嘅份量黎，結果大家要五餅二魚比湯河嘅汁朋友，少少失望。另外食物到左先，飲品漏左，等左大約15-20分鐘到，可接受，不過講究嘅朋友就可留意下。

今年5月10日本來是開心的日子，大家也想慶祝母親節。我們一家人今年就想留家叫外賣，所以就特意選用網上外賣平台，在「金屋泰國菜館」點菜，一家人本想開開心心吃飯，豈料卻遇上極愉快的經歷……我的家人當天下午五時左右便在網上外賣平台下單叫外賣，預約送達的時間是晚上七時正左右，誰知道等到7:00pm外賣仍未送到，我們心想母親節可能多人叫外賣，送餐遲一點也是正常，所以我們便繼續耐心等候。結果一等已經是八時有多，我們便覺得奇怪，沒理由遲了一個小時也沒有動靜，而我們發現網上外賣平台發訊息來「聲稱」正在派遞途中，而Apps顯示為「Delivered」，即是已送出外賣。但我們已經等不下去了，便直接打電話到「金屋泰國菜館」，我們只是想詢問外賣是否已經送出，接線的侍應生諸多推搪，竟然叫我們自己打去網上外賣平台詢問，卻不肯回答外賣是否已經送出。我們惟有依著打電話去網上外賣平台查詢，換來的是多次的線路繁忙，沒有客戶服務生接聽，即是求助無門。如是者，我們繼續等待，只是盼望外賣會儘快送到，可惜等到8:30pm，實在等不下去了，家人惟有再次打電話去「金屋泰國菜館」詢問，查問的只是外賣是否已經做好和送出！在多番催促下，他

周日好友即興要來個泰好味，落荃灣西坐底左，先嘆碗靚翅，再咬下串燒，內外香軟有肉汁不會太乾太熱氣果種，叫左泰式大碟炒飯，老友至愛關系，碟清到一粒不剩，蒸烏頭配料份量充足，仲食到有梅子，魚屬中上尺寸，生菜包肉碎夠香辣，此店必食之選，另外燒豬頸肉同燒雞都系惹味肉質鮮嫩，追加甜品雙色芒果糯米飯勁新鮮，飯仲系暖暖的，芒果剛熟不會太爛，全店食品水準穩定味道又地道，至於裝修又骨子乾浄，地鋪來講屬非常企理，有如遊泰國嚐泰菜風味，阿來麥麥

每個星期六，老豆一定要我地出去搵食!唔係放題就自助餐，一家人就來變金🐷。有次老豆唔知講咩金屋，以為佢做咩出口成詩，原來佢話想試下荃新天地二期對面馬路有間叫金屋既泰國野，咁上星期六就走左去試食。雖然而家話無咩人出街，咁都係打去book位穩陣，點知聽電話姐姐話唔使book來到會有位😧咁食飯時間730就入座，入到去眼見都有8成人幫襯，仲以為真係無咩生意所以心諗唔通好好食🙏點左野食如下，10分為滿分🤤，餸名唔係好記得大約咁上下呀~1)大蝦柚子沙律-好味10分，有好多柚子，又夠香甜，其他配料夠香又辣，蝦夠爽。2)沙嗲串燒，雞豬，得兩款沒有牛，不過兩個味道都唔錯，有8分!3)蒜蓉包一份6件-8分，我地有encore多次!好食!4)炒椰菜苗-6分，有扣分，其實味道ok,第一次出時生左少少未煮熟透，所以叫廚房再炒多次出來就剛剛好。5)明爐烏頭魚-6分，本身唔太好魚，所以6分係老豆俾，佢話條魚有些"梅"，佢專家信佢6)咖哩牛腩-5分，咖哩汁底ok,薯仔煮法好食，但混左d煮耐定唔靚既薯仔落去，牛腩乾身同瘦，整體麻麻！7) 薄餅-5分，叫來試下，因為咖哩汁多左，但失望因為有陣油味同唔夠鬆化。。8) 海南雞半

老婆同我講今晚好想食泰國野⋯⋯其實荃灣好食既都冇咩邊幾間咁岩之前經過尼間又冇試過、所以今晚就試下。先講講門口位 有個買糕點counter, 泰式糕點，同埋有蝦片（但係冇試到，應該下次試）7點半鐘入去都叫坐左8成滿。坐既位都舒適呀。望下menu 都叫多選擇，價錢比起路德圍個D都平同抵食。咁就叫左個蒜容包、咸魚炒芥蘭、海南雞半隻、炒金邊粉，同一杯清檸梳打。首先講蒜容包！好食，個包好脆口，中心軟熟。如果個蒜容味再重dd就更好。不過整體黎講，質地係完美。唔乾！先講杯野飲清檸梳打，唔太推介啦。如果係原支梳打水上，會更加好。宜家一杯溝好晒，28蚊唔抵飲。味道似清熱酷咁！所以唔推介飲！海南雞，份量都好多！雞好滑，仲有黃油！雞肉都叫有雞味！如果有海南雞飯，應該更加好！醬汁唔差，係薑蓉較淡味！ 整體黎講 驚喜！另外咸魚炒芥蘭，好香咸魚味！成碟都多咸魚，唔似其他得幾粒。所以成碟都好香好惹味。（好想食白飯）泰式金邊粉，炒得好，夠獲氣！酸味剛好，唔會蓋過食物本身原有味。冇燶味，同埋乾身。豆干加皮加大蝦，好食！好滿意尼一餐！應該會再黎試其他野！希望尼間泰國茶 繼續做落去，支持下！PS: 食完唔口渴 最驚係味精重

呢間新開既泰國菜想試左好耐，今次趁星期六中午黎試下先。呢度裝修都幾華麗，而且位置都好闊落午餐大概50蚊一份，價錢都ok！不過要留意就係午餐都要加一服務費，圍起來其實要55-60蚊一份架啦。午餐係包檸茶檸水既，但唔知點解奶茶要加8蚊🙈🤔我地叫左香葉辣椒肉碎煎蛋飯同炒金邊粉，兩個都唔錯，幾好食，但未到超級好食，如果平平地都可以再黎幫襯。就係凍檸茶有d失望，完全冇茶味，飲落好淡呢....！🙈🙈🙈🙈

大班人行山後隨意的決策，走進店裡感覺以曾相識的裝修😆午市套餐價錢合理，4個人點了4個餐再加點小食甜品。天氣熱，大家先來個椰青，冰涼清甜炒貴叼賣相不錯，個人口味覺得稍偏甜、肉碎飯，肉炒出來香也不太乾好下飯、生菜包，個人最愛，肉炒得很香，辣度容易接受，生菜小小的，方面進食也很新鮮、雜錦撈檬，這個有點失色，配料是可以的，但檬粉有點乾不夠柔軟、泰式鳳爪，汁的味道也ok，配菜非常新鮮、炒通菜，這個也是可以的。👍🏻👍🏻最後也點了些甜品，紅豆糕品道好的，但豆有點硬、桂花糕不太突出、椰汁糕很香，覺得椰汁份量很足的。👍🏻另外買了一包蝦片回家吃，過了一天也非常脆而且味道很好，這個食到停不了口😂

喺荃灣食晏想食泰式食物又價錢合理嘅真係可試「金屋」。午市套餐有成23 款可以選擇，緊有一款適合你。套餐仲包埋飲品，凍飲仲唔使加錢，真係化算。今日午餐當然食招牌泰式海南雞飯，包埋湯。湯粉及撈檬共有12款。飯及炒野類都有11款。冬瓜湯夠味，仲送埋雞腳泰式海南雞，除雞翼外，全走骨，夠細心。另油飯夠香，加上雞下有菜，夠晒健康。開業至今，定期都會幫襯午市套餐，水準一直保，值得一讚係伙記好有禮貌，落單後又多謝，離座後又多謝，當然結賬時又再多謝

晚飯時間，本來想去附近的西餐廳，但普通一個海鮮炒飯也要兩舊水，咁就太貴了。所以臨時轉到此泰國餐廳，其實係見人多，就入左去。是次二人進餐，點了三個餸一個湯，其實三個餸都好夠了。後加的冬蔭公湯每人只有兩小碗，大蝦有一隻，總覺得蝕左，雖然味道是正常的。軟殼蟹紙米卷是足料的，脆脆的軟殻蟹有清新的生菜做配料，不會有油浸浸的感覺。點了三串雞、三串牛，味道也很不錯，充滿燒烤的味道，點一點個沙嗲醬，更是錦上天花。馬拉盞鮮魷通菜好似不是馬拉盞，唔知係咪落錯單，差點野味。