金翠餐廳

Open Now

Now Closed

鑊仔牛柳拼大蝦配薯菜(138hkd)叫咗5成熟，加埋放鐵板會比較熱就剛剛好，必選黑椒汁，最有港式扒餐feel😍牛柳軟腍有汁水，仲有2隻大蝦，肉質緊實，配上薯菜吸哂啲醬汁好滿足😌🥰歐陸扒餐(58hkd)簡咗香草雞扒，半煎炸嘅感覺，外皮好脆，肉質嫩滑，無咩雪味，配法蘭克福腸、煙肉、煎蛋、茄汁豆、薯餅、厚多士，炸物幾唔錯，薯餅都做到好酥脆😚～配迷你羅宋湯烏冬(+8hkd)個湯幾好飲，微微辣椒仔嘅辣，蔬菜幾多～#foodiblum港式

Signature beef set 招牌牛扒全日套餐 $66歐陸式嘅濃郁招牌牛扒🥩，配埋法蘭克福腸、all day set 唔少得嘅煙肉🥓、煎雞蛋🍳、焗茄汁豆🥫、即叫即炸嘅薯餅🥔、健康沙律菜🥗同埋吸引嘅牛油厚多士🍞，另外仲有開胃嘅迷你羅宋湯烏冬🍜，可以話超級豐富！Baked duck breast spaghetti with garlic 焗蒜香鴨胸意粉 🧄🍝 $60呢一款即叫即焗嘅焗意粉套餐非常受歡迎，意粉充滿蒜蓉香，仲有二選一嘅homemade 餐湯🥣、熱辣辣🔥牛油餐包配埋一齊食，性價比真係好高，確實幾正，值得推介👍🏻Yeung Chow Fried Rice 楊州炒飯 🍛 $62茶餐廳嘅楊州炒飯夠哂地道，充滿正宗港式風味🇭🇰，炒飯用左大量配料，好似有叉燒、火腿絲、脹卜卜嘅爽口蝦仁🦐、好香嘅雞蛋花🥚等等，飯炒到金黃色，粒粒分明，好有鑊氣，而且相當大碟，十分飽肚

位於太子彌敦道呢間❣︎金翠餐廳❣︎裝修以舊式西餐廳為主題，店內好多霓虹燈牌，舊式嘅2人/4人座位，兒時回憶返晒來😀今日一個普通平日嘅下午茶，都滿座八成👍🏻就知餐廳嘅價錢同食物水準一定有保證。❣︎全日特餐❣︎$58豬，牛，雞，魚有4種選擇，配搭有腸仔，煙肉，蛋，茄汁豆，薯餅，沙律菜，半份厚多士跟埋😋超豐富，加$8重可以配埋迷你羅宋湯烏冬添。❣︎經典特餐❣︎$48义燒意粉好多人都好鍾意食😋上枱時重出煙熱辣辣架，配埋火腿奄列同厚多士，記得嘆返杯凍奶茶👍🏻呢到啲奶茶好順滑，濃郁有茶香，飲完即刻醒神晒。

喺香港食牛扒除咗去西餐廳之外其實去港式扒房食鐵板牛扒都係一個選擇金翠餐廳就係主打鐵板牛扒我地叫左一份肉眼扒另外仲叫左一份其他地方比較少見嘅羊膝兩份都係以鐵板奉上保持溫度！上枱嘅時候店員會為你淋上黑椒汁或者蒜蓉汁醬汁林上嘅一刻會有嘖嘖嘅聲音絕對係回憶嘅感覺🔸美國（有骨）肉眼牛扒 $288食嘅時候其實都無骨肉眼扒又大又厚足足覆蓋整塊鐵板所以店員淋上醬汁後會另外再上一份醬汁肉眼肉質軟淋係最大眾化嘅選擇🔸香煎羊膝腿 ＄155羊膝一般都會用嚟炆燉或者烤焗但原來仲可以香煎同鐵板上算係比較少見羊膝羊味十足尤其係連骨位就更加嫩滑肉味濃兩份扒餐都會配上餐包、餐湯同埋餐飲食完真係大滿足我哋去到嘅時候，啱啱仲有下午茶所以我哋都叫咗一份奶油豬同埋炸雞髀都算幾抵食

懷舊味道 少不免會諗起細細個同屋企人去扒房据扒🥩餐廳裝修充滿懷舊香港情 用霓虹燈作為點綴 彷彿入咗時光倒流隧道🛤🔸吉列魚柳配炸薯條 HKD42下午茶緊係要食港式茶餐😋兩大塊新鮮炸起嘅吉列魚柳加熱辣辣炸薯條 好邪惡😋🔹焗芝士海鮮飯 HKD60呢度嘅焗飯用咗炒飯做底 一啲都唔馬虎！海鮮汁有煎魚柳 蝦仁等白汁上面仲有一層微焦芝士 😌🔸牛扒火腿蒜蓉汁意粉 HKD56牛扒醃得夠味 略煎後都唔會太韌蒜蓉汁都係想像中嘅味道如果汁多啲啲就可以夠撈哂成個意粉🍝🚩金翠餐廳 太子彌敦道749號地舖

小時候，我印象深刻的是跟家人食鐵板扒餐滋滋的燒肉聲令人懷念。入店環境有不少霓虹燈，勁有7080年代feel羅宋湯湯料多菜，味道酸辣，好惹味。麵包柔軟，塗上牛油，麵包既暖氣令牛油融化，勁香噴噴。餐廳是用上傳統的動物形的鐵板，加上淋上醬汁前，侍應叫我哋打開大紙巾，令人期待又興奮。安格斯肉眼牛扒肉質嫩滑，我叫咗五成熟，鐵板嘅熱力會令到牛肉鎖緊肉汁。肉眼唔算太肥，油脂分佈均勻，配上黑椒汁，聽到鐵板滋滋聲，已經忍唔住要鋸扒啦晚餐主要食豬鞍配帶子，都係可以揀鐵板上，豬鞍肉味香濃，仲要有兩件，肉身厚厚的，食落去鬆軟，仲要好juicy 。老公喜歡燒汁，更顯出豬鞍的肉香。晚餐仲有水果沙律，啫喱花奶，餐飲，其實都好抵食。

平時經過太子，看到大大個「金翠」的招牌，還有門口「掂過碌蔗」鐵閘，非常吸睛，今天便去吃下午茶。茶餐廳的裝修非常有香港特色，每一塊霓虹燈牌的字眼都非常有意思，堪稱玩味。如「正到漏油西多士」、「火辣辣鐵板」、「冰鎮菠蘿油」、「香濃咖啡，飛沙走奶」真的很有特色，令人目不暇給。自選扒飯餐：我選了牛扒，茶餐非常豐富，有腸仔煎流心蛋、茄汁豆、法蘭克福腸、多士和沙律。牛扒醃得夠入味，煎得不韌，味道適中，配上蒜蓉汁是一定很豐富的下午茶。老公點了豬扒，豬扒煎得很香脆能夠鎖住肉汁入口非常Juice值得一讚。小食拼盤：上枱時，我們也嚇了一跳，分量十足！有沙律、春卷、咖喱角、薯條、魚餅。最特別的是麥樂雞和庶蝦。庶蝦煎得很香，蝦肉肉酸彈牙。魚餅亦十分出色，非常有「𡁻口」，入口彈牙爽滑。這間餐廳充滿香港情懷，置身其中，周圍的霓虹燈牌令人恍如置身於八、九十年代，相當有特色。食物質素亦很高質牛扒和豬扒煎得香，入口Juicy。原來此場餐廳夜晚會變身為扒房，非常特別。下次一定要夜晚嚟一趟呢。

依家茶記嘅套餐越嚟越誇張，特別係佢啲扒餐，除咗有牛扒豬扒之外，仲有羊扒同埋龍蝦。而且只要叫一個扒餐，咁就可以包餐湯餐包同飲品。如果係揀佢晚餐套餐嘅話仲可以有一個沙律同埋甜品。以茶記嚟講個份量非常之充足，亦都好有儀式感。我叫咗個安格斯T字骨配燒汁，塊扒超級大，而且做得到五成熟，底下仲有薯條同埋蔬菜，份量好夠飽。而另一個扒餐就係豬扒，豬扒嘅肉質好厚實。順帶一提，佢嘅下午茶餐超級抵食，$30就食到，如果唔想食扒餐嘅話，嗰個下午茶都值得一試。

好正呀👍日頭係茶餐廳夜晚係扒房，一到嘅時候就會熄燈㗎喇😊好似disco咁呀😍好有feel呀👍👍每人首先嚟個一個羅宋湯一個忌廉湯，辣辣嘅餐包加埋牛油好正呀👍👍我愛人叫咗🦞龍蝦瓶西冷牛扒🥩 鐵板上正呀💯熱辣辣配蒜蓉汁好惹味👍嘩❤️龍蝦好大隻💯好鮮甜呀💯啲肉仲好彈牙添💯你睇下仲有佢個西冷扒真係超juicy呀👍睇唔睇到呀肉質好鮮嫩好“正”💗💗我呢就叫咗個西班牙黑豚豬安扒🐷嘩！有兩件大大黑豚豬安扒配埋黑椒汁好惹味又辣辣地呀🥰好鐘意呀😍跟薯菜，黑豚豬安扒軟淋淋切落去好容易切之餘，咬落去仲淡淡肉😋啲肉汁流出嚟嘩真係超級好味呀，就算唔用嗰啲蒜蓉汁都已經係好香脆可口😋😋當然有餐飲啦🥤🥤我哋當然係飲檸檬茶啦😁 呢度越夜越多人😍越坐越旺呀😍Woo呢間扒房真係"正"呀💯值得一試💜金翠餐廳 太子彌敦道749號地舖

平時想食牛扒多數都會去西式餐廳，呢日路過見到金翠餐廳見到有港式鐵板餐就心郁郁想試吓！餐廳環境仲好有香港特色！我哋兩個人叫咗兩個鐵板餐，一個係肉眼扒，肉質有驚喜，牛肉味都幾濃！值得一試！另一個鐵板餐係金翠三寶（雞扒、豬扒、龍脷柳），份量十足，肉質唔會過淋！啱晒唔食牛肉嘅朋友！其實耐唔耐食吓港式鐵板餐都幾開心，唔一定要去西式餐廳！另外如果想再飽啲，可以另加白飯/意粉/薯菜，套餐仲包埋飲品、餐湯、餐包同甜品！真係好抵食！

.‼️❤️ 記得CLICK我PROFILE關注我呀 ❤️‼️.🇭🇰 𝗖𝗵𝗮 𝗖𝗵𝗮𝗮𝗻 𝗧𝗲𝗻𝗴 𝗧𝗲𝗮 𝗕𝗿𝗲𝗮𝗸 @ 🌟 金翠餐廳《👽食神大媽食下午茶》.💁‍♀️ 圖片展示美食為：經典特餐 HKD 48- 叉燒湯意粉- 火腿奄列- 牛油厚多士洋蔥豬扒包 HKD 35加 沙律 + HKD 6懷舊花生醬西多士 HKD 38焗鮮茄豬扒飯 HKD 60凍檸檬利賓納 + HKD 9凍鴛鴦 + HKD 9.👽 下晝喺香港地有啲乜嘢正得過去嘆個港式下午茶？唔好以為傳統港式扒房就淨係鋸扒，其實下晝都會有茶餐廳嘅下午茶供應，尤其呢間舖頭連裝修都係懷舊港式情懷，打卡一流！.🍝 當然一定要叫呢份「經典特餐」，有齊叉燒湯意粉，再嚟火腿奄列，同埋牛油厚多士，唔同種類嘅食物，口感豐富，簡單得黎超滿足。.🍔 另外就當然要叫「洋蔥豬扒包」，茶餐廳必叫！外脆內嫩，加埋個焗熱嘅包包。再加配沙律，一冷一熱，超好味。.🥞 食下午茶點可以唔叫「懷舊花生醬西多士」？！多士金黃色，中間花生醬嘅香濃同多士完美結合，再加上糖漿同牛油，真係超邪惡！.🥩 下晝仲可以優惠價食「焗鮮茄豬扒飯」，又係經典。成個飯充滿濃郁嘅鮮茄醬，仲有芝士，好抵。.🍋

講到香港嘅港式茶餐廳，「金翠餐廳」喺太子嘅一間絕對不能錯過！我地星期日放假去呢度享受美味嘅早餐。餐廳嘅裝修充滿六七年代嘅懷舊色彩，好有特色！而且佢嘅早餐選擇真係好多元化，有經典嘅早餐款式，包括火腿通心粉同沙爹牛肉麵等等，仲有招牌扒餐、特濃羅宋湯系列同麥皮早餐，真係可以滿足各種口味！🍳🍞🥓🍜🍛☕吉列豬扒配火腿炒蛋牛油厚多士，真係一份豐盛又滿足嘅早餐！豬扒配上火腿炒蛋同牛油厚多士，組合得恰到好處，每一口都好美味！叉燒烏冬配雙煎蛋厚多士係另一個美味選擇！烏冬煮得彈牙，叉燒香口多汁，再加上煎蛋同牛油厚多士，大滿足。🥩🍳🍜🍞😋總括而言，「金翠餐廳」係一間充滿懷舊風情嘅港式茶餐廳，有著多元化嘅早餐選擇。絕對係港式茶餐廳既代表。🍽️🥐🍳🍞🍜🍊☕️💯

準備考車牌的早上，心情緊張，來到太子，先食個早餐醒一醒腦，放鬆心情，練練車，再迎接考試😌入了一間滿有香港情懷的金翠餐廳，內裡裝潢滿有香港懷舊氣氛，高高掛滿已消失於都市中五光十色的霓虹光管，曾是香港標誌性的夜景，居然能重現在這餐廳內，感覺瞬間回到過去，嘆番杯奶茶，食個菠蘿油，十份懷念😌金翠餐廳是由前金鳳大餐廳大廚及經理自立門戶創辦， 雖然是早餐時間， 嘆唔到鐵板餐，也可來份招牌牛扒餐早餐，超重牛油嘅烘多士，非常香脆😋與時並重的餐廳，就連現今最受歡迎的奶油脆豬都有，咁好食既，我又點可以唔叫呢！😂🙈最後再來多個經典早餐沙爹牛肉餐肉公仔麵，夠晒飽，超滿足😋

今日約咗朋友出太子，平時老細就一定會去佢嗰間童年情意結扒房食港式牛扒🤭🥩但今日比我搵到另一間，都係金字頭：金翠餐廳～估唔到有啲驚喜！！🥰👍🏻門面嘅裝飾最吸引我～「掂過碌蔗」喎～有邊個唔想呀？！🥰😍🤣新年流流好意頭呀！！尤其佢嗰度鐵閘，簡直就係兒時回憶！🥰🙏🏻咁啱打緊卡果陣老闆娘咁啱響門口整理餐牌，見我哋眼望望，就熱情招待我地入內進餐，佢介紹佢哋個晚餐餐牌每個星期都會變，今日就有和牛西冷，咁就即管試下啦！！佢話呢隻西冷係美國嘅和牛配黑椒汁，跟薯角，油份無日本嗰啲咁厚，所以唔會太油膩，而且主要係食肉味，唔會用太多鬆肉粉同調味料，仲好抵，套餐包括湯、麵包、沙律、甜品同飲品～老細鍾意食肉眼，貪佢夠淋夠肉味，呢款係1855澳洲特級肉眼配燒汁跟薯條🍟，肉質好軟熟～仲大塊過我塊面！！店內燈光比較暗，佈置裝飾主打一個懷舊情懷，每一面牆都係一個打卡點…霓虹光管…仿煤氣燈…士多鐵閘…好似返咗去細路仔嗰陣時咁！！🥰老闆話佢哋仲有美味焗飯，都好受歡迎😍所以叫多個招牌豬扒焗飯試下，食唔曬就打包，啱晒聽日帶飯！🥰🥰豬扒又係大大件，飯底當然要炒底啦，配上鮮茄炒蛋醬汁，焗完香噴噴😌鋸完扒都忍唔住要食多幾啖！🤪😜老闆話

🫶平時巴士由太子去深水埗既方向都會見到金翠餐廳既黃色大招牌，晚上加上燈泡照住好吸引。裝修亦好玩味。牆上多個霓虹燈：「正到漏油西多士」、「火辣辣鐵板」、「香港風味」，一睇就知道餐廳招牌菜式，就算第一次嚟食都識嗌！亦有其他得意裝修，例如「酒店Motel」同「掂過碌蔗士多」。各款早餐🥣羅宋湯系列雞扒羅宋湯米粉，配蘑菇炒蛋，牛油厚多士雞扒會放埋落羅宋湯米粉上，羅宋湯湯底濃郁配合又滑嘅米粉味道非常好，羅宋湯中亦有雜菜，有肉有菜營養非常均衡。雞扒燒過後外脆內嫩，而且味道醃得剛好。招牌扒餐🍴煎牛扒配火腿炒蛋及牛油厚多士煎牛扒有兩件，色澤都唔錯。我個人鍾意配搭烘過嘅多士食，非常香脆，配菜亦有少量沙律很健康。如果套餐唔夠飽，可以以加配價$8加配粉麵一大碗。早餐奉送飲品，亦有其他食物款式，例如菠蘿油、三文治等。每日早餐時段都非常多人食，食完返工必定元氣滿滿！