哥登堡餐廳

Open Now

Now Closed

「哥登堡餐廳」是土瓜灣散發著強烈歷史味道的餐廳，同時散發濃濃鐵板牛扒香氣，正是「未能看到、經已聞到」。老式餐廳的經營模式就是實在，貨真價實，童叟無欺。大門口除了懷舊裝潢，就是繽紛的菜式和價錢。像正在召喚著你，一個閃神肚子就餓了。重要的事只說一遍，吃素的人，再見！餐廳是扒房，全是肉肉，豬牛羊雞魚都有。主打菜是鐵板，進來當然是選鐵板扒餐。【鐵板牛柳套餐】(港幣$135)，餐前有牛油餐包和羅宋湯。好喝的羅宋湯，我覺得除了濃濃蕃茄味，必須要有煮到軟爛的大片椰菜。湯的酸香、菜的清甜，味覺上的對比絕對是一流！牛柳點5分熟，配黑椒汁。熱騰騰的鐵板淋上醬汁才上桌，有聲音有畫面有香味。一刀切開，牛柳夠嫩，外脆內軟，沾一點黑椒汁送入口，過癮度爆燈。另一道是【鐵板羊扒套餐】(港幣$115)配蒜茸汁，羊扒一樣是火侯到位，外層焦脆，特別香口。要強調一點，羊肉有膻味才令人著迷，這裡的羊扒肉味膻味都剛剛好，3大件吃起來也很飽肚。鐵板上的薯條配上蒜茸汁和黑椒汁，亦是快樂的元素。最後，餐飲點一杯凍檸茶，解解滯。快樂的時光過得特別快，不安分地吃猛吃肉肉，之後的一天我是吃素去了。

平時我都好少寫食評，但今日真係要比個負皮呢間餐廳。聽聞呢間啲扒好味，所以特登去試下，但服務態度真係得0分。今日上餐包嗰陣，個服務員直接dum個碟落張檯度，如果係爆曬場好忙咁都原諒你，但今日冇咩人食，咁趕時間做咩？？然後找錢嗰陣仲離譜，我地兩個人食咗$240，我比張$500，咁suppose要找$260啦。咁佢就找咗一張$100，一張$50，同埋一堆散銀。咁我冇為意，就咁袋啲錢落袋啦，我個frd提我找少咗$100。咁我就舉下手，都未講咩事，佢就行返去櫃檯拎$100比返我，又係dum落檯面咁！？？！我未講嘢，佢就知找少咗錢咁犀利？係咩預知能力🥶🤔定佢自己幫我比咗$100tips啊，心照啦。啲扒好味都冇用啦，啲服務態度咁，大家自己睇住找少錢啦。

之前大件夾好食！同抵食！前年成日去！因疫情！都成年無去！我上星期去過！唉！变成咁！加左價！細左三分一！肉質吾同晒！比東張西望吹起左！客多了要排隊！就变晒質！以前見到份扒會覺得食吾晒！依家就細到吾夠食！肉質有疏打粉味！135蚊食疏打粉！黑椒汁無味！我地两個人！叫西冷同牛柳！西冷薄左！牛柳細到慘不忍到！送上枱見到！我們两人都不約而同話“吾系咁細麻”！埋單時同服務員講！佢就笑笑口！唉！以后吾去！相信好多熟客都吾去了！咁難得的一間好食！始終都系岀左名就多人食！就变差晒！香港又少一間可以去嘅扒房！

哥登堡餐廳，對上果次食己經係讀中學既時候果時班主任会請果個月生日既學生去哥登堡食午餐仲記得以前依度有個出名手瓜起𦟌既侍應哥哥，佢話拗手瓜贏到佢，就会請你食晏多年黎依個標誌性既門口依然無變😬😬餐廳比以前光猛左好多，仲記得以前食午餐果時都好似食緊燭光晚餐甘有情調一坐低，侍應哥哥就推介我食牛柳or T骨扒佢話牛柳出名好淋，好味喎🤗🤗一落左order，唔使一分鐘，餐飽同羅宋湯己經火速送到餐飽熱辣辣，羅宋湯好足料而且味道香濃熱辣辣既鐵板牛柳上枱啦😁😁叫五成熟無over cook 牛柳真係好淋，無咩渣，不過牛味唔太香濃加左五蚊要埋個意粉撈埋鐵板既蒜蓉汁岩岩好食飽飽

這間舖頭，我已經幫襯20幾年，佢啲食品一向保持水準，尤其是牛扒，特別出位，平民價錢高質享受，其他出品味道都幾好，特別係炒公仔麵，咖喱雖然係一般，但係已經好過好多茶餐廳，嚟到呢間餐廳，我會推介T骨扒餐，非常巨型，肉眼扒，炒公仔麵，懷舊紅豆冰，是這間公司必食，基本上一家四口，拿着$500已經夠埋單，本人覺得唯一改善空間，引入多幾款牛扒，增設三文魚扒，或者其他魚扒，這樣就完美.！

點左個晚餐，前菜要沙律，羅宋湯，自選二款要吉烈魚，牛扒跟飯要黑椒汁，餐飲熱奶茶，首先個湯都好咸吓，飲左一半就投降了，跟住個沙律好酸，生果又唔新鮮，魚同牛扒普通貨式，但個黑椒汁又係好咸，最後杯奶茶好淡，總括黎講食物質素唔值95元

哥登堡餐廳，在中學時期每月也會去一兩次，但長大後就冇去過了😅今晚難得經過，就入去回憶一下🤪店內環境冇乜改變，或是我已經記不起那時是怎樣了🤣🤣晚餐$95，免加一！除了主菜，還有前菜，餐湯，餐飲，餐飽和甜品...也算抵！前菜有7款可以選擇，田螺焗薯，不過不失..羅宋湯夠濃，配料亦多但略嫌茄膏多一點..少一點會好好多！主菜吉列魚和煎豬扒，豬扒韌度適中，吉列魚口感有啲實和鞋口😅鐵板西冷牛扒七成熟$125，薯條配菜少了d, 牛扒應該係醃過和調味過龍😩椰汁紅豆冰，不用額外收費！多紅豆又夠淋,椰汁味濃👍🏻甜品是經典啫喱，花奶足！熱奶茶夠滑！總括來說，味道已經改變了.....

男友第二次帶我黎呢間餐廳食牛扒，真係好好味，又有懷念之情，兒時回憶返哂黎。羅宋湯夠哂酸辣開胃，好醒神，超多蔬菜同有件牛肉。配埋熱辣辣軟綿小餐包，完美。T骨牛扒五成熟，煎得剛剛好。一邊好軟腍好多肉汁，另一邊爽口有咬口，牛味濃郁，又多肉汁。蒜蓉汁好香，波浪粗薯無腍到，沾茄汁好味。羊扒有少少羊羶味，好正。羊味幾重，肉質嫩腍多汁，非常好味。另外加個蕃汁意粉，雖然意粉好腍又重茄汁味，但仍然係個種好懷念的味道。餐飲可揀椰汁紅豆冰，好多紅豆好粉綿香甜。啫喱，勁懷念，今次早左黎終於食到，加花奶最正。滿分的晚餐。

第一次寫食評就係為咗⋯第一次的哥登堡呢間餐廳開咗成40年 次次都係坐車經過見到 從來冇入過去 今日終於試到港式西餐入面嘅裝修真係非常懷舊好似70年代咁 雖然冇拍2046金雀咁靚 但講真呢度價錢平好多 今日叫咗套餐有餐湯餐包 牛扒 法式焗田螺 啫喱同餐飲 非常豐富羅宋湯🥘好足料 夠晒香濃 入面仲好多牛肉粒牛扒我要左T骨扒朋友要咗牛柳 講真我覺得T骨扒好食好多 😂法式焗田螺係由細食到大嘅味道 都唔知點形容 總之好味啫喱🍮而家都仲有呢啲綠色嘅啫喱 真係好耐冇見過 飲品當然要飲椰汁紅豆冰🤩懷舊到不得了食晒成餐飯全部都好滿意 包括入邊嘅侍應全部都係叔叔嚟 可能你哋會覺得佢哋粗聲粗氣 但係非常細心🥰其實好nice

第一次來到這裡試扒餐。梳打扒唔係第一次食，我都係好喜歡這種比較易入口的口感。本人特別喜歡牛柳。所以見這裡有牛柳鐵板扒餐。就想試一次。雖然我係下午茶時間嚟。但都係下次先試下午茶☕️一個餐包括：一開始上的係紅湯和港式餐包羅宋湯超好飲很足料好夠味道🈵還有一些胡椒味餐包就不過不失合格收貨。主角上場。大大塊牛柳。這個價錢都算合格。薯菜唔算太多。但因為當下午茶食，對我自己嚟講都算足夠。這個餐沒有飯麵供應。男士就唔太建議試這個餐。雖然這個扒又厚又夠大。但這個扒餐太少汁。燒完後更加無咩汁留低。下次可能要提早講定比職員聽，叫佢哋多汁。有個開心位。就係特飲唔需要加錢。點了這個紅豆冰。其實就不過不失都算合格。因為當日都很熱。所以我飲得很開心。紅豆都算多。但奶就唔太足夠。但放心！餐廳有水供應。你問佢加水。佢哋都無黑面。朋友之後來到點了下午茶餐。西多士再加熱檸水。西多士炸得很差。一點賣相都沒有。價錢又唔算平。都要接近$40。普通茶餐廳根本唔需要這個價錢。本人建議去這間餐廳都係點扒餐高質。

每次搭巴士都經過呢間餐廳，可惜土瓜灣一直都未開地鐵，總係會覺得有啲唔就腳唔方便， 不過今日甘岩搭巴士經過又無乜人等於是入去試下。裝修嘅風格依然都係keep住上世紀嘅style，仍然係香港生存嘅舊式扒房之一，我古味道點都應該有保證卦😂😂我哋叫咗個雜扒同＋西冷都係蒜蓉汁加羅宋湯仲有個麥餐包添，再跟餐飲，都係around百二三，價錢都ok個麥餐包仲係暖暖哋，軟熟嘅好味😋😋羅宋湯係勁傳統個款，料多，酸酸哋，小辣都唔錯餐飲有雜果賓治同椰汁紅豆冰，呢两樣依家出面都好小有，紅豆冰真係有椰汁沖， 唔係而家出面嗰啲加淡奶同水，真係好有椰汁味，而啲紅豆冰都粒粒分明，又軟又糯😋😋雜扒餐－有薯條，雜菜，蛋，牛扒x1,豬扒x1雞扒x1，塊塊都有一隻手掌甘，大大份，份量十足，只係個汁偏鹹，為咗要冚走陣雪腥味😂😂不過西冷扒餐就無甘好彩嗱，五成熟係做到嘅，唔會太熟，不過唔知點解塊扒就食落有啲梅同近厚肉個面有雪腥味，係啲汁都冚唔到，應該係溶雪溶得唔夠，因為什扒餐個度係無事😂😂而全晚最好味嘅係嗰意粉🥰🥰，係傳統嘅味道，佢真係用茄膏炒過，有香味，加5蚊，一人份量囉，都幾多下，食哂應該飽飽🤗🤗相對於其他傳統扒房，我覺得佢味道

呢日黎到土瓜灣行下，緊係要食開左四十幾年嘅哥登堡餐廳啦～搭車成日都會經過哥登堡，一直以黎都好想試😻今次同男友一齊就當然要食下「豉油西餐」浪漫下啦～💕土瓜灣係舊區，這些年附近已經起得越來越多高尚住宅，而架仲起緊地鐵，不過唯一無變嘅就係呢間 哥登堡～仲係七十年代嘅裝修、門面，門面懷舊嘅字體、手寫嘅餐牌，比人嘅感覺好似時光倒流左咁🔙呢度有好多唔同嘅餐，最抵四十幾蚊就可以食到啦～普通午餐都有成十幾款選擇、又有唔同嘅鐵板餐，任君選擇，花多眼亂😆實有款你想食嘅～而我地呢次就緊係試下“最豪華”嘅鐵板套餐啦～首先就會送上每人一個整熱左嘅餐包🥰暖笠笠咁，配牛油食係正嘅～羅宋湯(紅湯)有濃濃嘅番茄味，酸得黎有啲啲辣，個味道調得啱啱好👍🏻我仲食到啲原粒嘅黑椒😹😹😹暫時佢係我飲過最好飲嘅紅湯😹😆👆🏻羊扒🐏鐵板套餐(圖右) 羊扒有成四舊咁多，“大食”嘅朋友一定夠！而我就食唔晒啦～最後男友包底😹😅羊扒唔會好酥，但有羊個種香味🥰而且唔un😆啖啖肉夠juicy😻聽講呢度嘅黑椒汁係唔錯，所以兩個套餐都配左黑椒汁👍🏻又係幾香又辣辣地牛柳🐮鐵板套餐(圖左) 牛柳都有兩大舊😻叫左7成熟都仲係幾鬆軟👍🏻又有肉味👍🏻名符其實

今日放學諗下去邊度醫肚，上星期放學食咗個唔多掂嘅扒餐，抬頭望到哥登堡，心諗「係你啦！」入去裡面嘅裝潢都是80、90年代的西餐廳格局，可以話有點懷舊風味。餐湯餐包好快送到，羅宋湯真係保留住傳統嘅方法，每碗湯都有一舊牛尾肉放在湯內，而羅宋湯嘅味道都係好濃郁，唔會得茄膏味又或者得啲酸味，又或者溝咗水。湯係好足料，味道保持傳統水準，呢款餐包都買少見少，响呢度又可以食到！T骨牛扒鐵板，塊T骨係大過個鐵板🙈🙈，份量唔洗講都知一定夠啦！而味道方面我好滿意，雖然有用醃料醃過塊扒，但係好有牛味，T骨係一邊牛味濃啲 一邊無甘濃嘅！佢完全食到兩邊牛味分別！如果佢無醃過可能仲好味！最好嘅係凍飲唔洗加錢！凍飲唔洗加錢！凍飲唔洗加錢！重要嘢要講三次！又無加一添！

午餐點了個鐵板羊扒煎蛋飯配黑椒汁，跟餐有羅宋湯和紅豆冰。餐廳環境是經典舊式西餐館，通道不算寬，有點舊、細，但因限聚令坐得都算舒服，但若人多肯定會好迫。而食物今次點了羊扒煎蛋飯配黑椒汁，跟餐有羅宋湯和餐飲，我選了紅豆冰。先上的是羅宋湯，舀上來看出湯夠濃，但料少和鹹，幸好侍應很快遞來紅豆冰。而紅豆冰的奶夠滑，冰、奶和紅豆份量剛剛好，但可惜紅豆有點硬和沒有紅豆味，最後選擇搞勻飲算。之後主角上場-鐵板羊扒煎蛋飯配黑椒汁，雖然點的是飯，但有配上少量薯條和栗米青豆，感覺豐富。羊要五成熟，但出來接近七成，這就是鐵板的奧妙！所以羊架算是煮得剛剛好，調味也不錯，只是羊味有點不足。看在平民價，算吧。但最失敗是隻蛋，咬落個半熟蛋，隻蛋內餡凍的，有點溫度都好，凍就真有點難接受。就當用七十個大洋買個體驗吧！

上星期到土瓜灣做野，之後同同事喺附近搵食，見到哥登堡餐廳門口嘅餐牌，午市套餐好平，大約$45至$48，超值鐵板餐套餐$75，另外有一個鐵板套餐$120，下午茶時段仲平。哥登堡餐廳係一間舊式西餐廳，我好耐冇食過舊式嘅鐵板餐，所以入去試吓。裡面裝飾好古舊，係傳統嘅港式西餐廳。我哋點左以下套餐： 鐵板套餐牛扒$120，相對起佢哋好平嘅午餐，我係期望$120嘅鐵板餐一樣超值，可惜，無驚喜，牛扒尚算腍身，但冇乜牛味，好彩有佢個黑椒汁調吓味。吉列豬扒配楊州炒飯$45， 吉列豬扒係幾好食，但係個楊州炒飯就唔係咁掂，求求其其，當然一分錢一分貨，唔可以要求太高。 羅宋湯係一般港式西餐廳嘅味道，係我鍾意嘅味道，所以我覺得好飲。另外佢哋啲套餐可以選擇紅豆冰唔使加錢，如果無乜要求，喺香港能夠用$45-$50 嘅價錢食到咁多野真係好抵，好過去快餐店食啲一早煮好嘅食物。