小富臨 (Closed)

南昌站附近開咗個新商場，今日專誠同屋企人嚟行街食飯，因為我婆婆鍾意食中菜，就揀咗呢間小富臨作為我哋今晚嘅晚餐。率先登場嘅係金屋藏鴿，金色嘅鳥籠盛載住三隻小雞，賣相精緻。其實佢哋係鳳梨穌，咬落去外脆內軟，外層好似曲奇，內裡有滿滿餡料。雀籠拼盤好豐富，分為三層，可以一次過試晒多款點心。當中我最愛旋風奶皇包，賣相一流，金光閃閃好吸睛。內裡有大量流沙奶皇，食落唔會膩，奶皇味道十足。榴槤蘇係好靚既天鵝造型，榴槤味香濃，榴槤愛好者會非常鐘意。黑松露野苗餃都好值得推薦，有啖啖蝦肉，淡淡黑松露香。乳鴿香噴噴，皮脆肉嫩，調味濃淡得宜，咬落去啖啖肉，令人好回味。蔥香燒腩外層有焦香，原汁原味，如果有醬汁可以蘸就更好。今日既主角之一就係叫化雞，先扑開厚厚既外層，入面就係熱辣辣既雞肉。職員會邀請我地用錘仔扑開外層，之後仲會送埋個錘仔俾我哋，下次再幫襯既時侯，出示番鐘錘仔就可享有半價優惠。雞肉香滑，啖啖肉，配埋雞油更加滋味。荷花蒸飯，米飯粒粒分明，每一口飯都有荷葉既清香，食落唔膩，不錯。

第一日新開張好多人幫襯，我同老婆都唔執輸，8點幾到成功入座！入面格局好靚好新潮，個名叫小富臨，可以知道佢唔係傳統酒樓但係有更精緻既食物率先出場既係老婆最愛：乳鴿熱到辣手！好細心地提供左手套同濕紙巾，食得更暢快！睇下幾juicy!五星拼盤出色蝦餃燒賣，小籠包爆多湯汁，菜苗蝦餃同鳳眼餃都好新鮮餡靚，$68抵食！花生苗第一次食，佢既味道原來係類似大豆芽，係強烈既芽菜味！蟶子皇大隻，呢到有4隻！順便一提，呢到會提供玄米茶，好解膩！wow 一秒變西餐！開邊龍蝦，配上黑松露醬同薑蓉呢個新配搭好正，兩種都係重味既野，再加埋啲蒸魚豉油，龍蝦肉夠曬味！最後係呢個加左紅菜頭汁既咸魚雞粒炒飯，唔會食到紅菜頭味只係令顏色更靚，味道唔太咸，飯炒得夠乾身！有機會會試埋佢既午市😋

深水埗V WALK 商場最近開幕，星期五晚去朝聖已經人山人海。V WALK 在西鐵南昌站上蓋，落車不用5分鐘可以到達。商場很長，但只有兩層，而「小富臨」就在商場二樓的一端，很容易找。跟家人吃晚飯除了中菜都很少會吃其他，而「小富臨」是新派中菜廳，主打新派粵菜，家人也會易接受。餐廳裝潢新穎，以金色和暖色作主調，配以現代的幾何圖案設計，時尚也摩登，環境令人溫馨和愉悅。乳鴿因為新開張，乳鴿買一送一，雖很少會點乳鴿吃，但見買一送一便試試看。乳鴿不是原隻上，會一開二，頭也會斬掉，很方便食用。乳鴿皮薄香脆，一邊食一邊肉汁都滴出來，而鴿肉嫩滑不會太鞋，不錯。五星拼盤五星拼盤賣相吸引，五星指蝦餃、燒賣、小籠包、水晶餃、和翡翠餃。用料新鮮，熱辣辣燙口，但通病是皮都厚了一點。薑茸松露鮮龍蝦龍蝦肉已開邊，非常容易挑出，肉質鮮甜彈牙，齒頰生香。配上薑茸松露醬更令龍蝦味道提昇，不過薑茸松露過多，會奪走龍蝦的鮮味，所以加少少調味便可。花生苗紫金醬炒蟶子皇蟶子皇是我很喜歡的食材，蟶子皇很大隻，鮮甜爽滑，一點都不韌。蟶子加辣椒醬，辣椒醬雖然惹味，但也會過份地掩蓋蟶子皇的鮮甜。花生苗非常爽口，加上辣椒醬的香辣也算是不錯的

今日去富昌邨見客做完嘢，聽講南昌站上蓋嘅V Walk，適逢今日新商場全面開放，於是同埋同事一齊去湊熱鬧。商場好大，人流好多，不少店舖放有新張花籃，行咗一陣見到呢間小富臨，望入店內，見裡面都幾大吓，又有新張優惠，反正要食飯，大家決定入去試試新嘢。店內燈光明亮柔和，有多種不同款式座位，牆上裝飾似餐牌滿天飛，幾得意。我哋都鍾意試新嘢，人多仲可以試多幾款食物。雀籠點心拼盤有三層最高一層係甜點榴槤酥，第二層係一咸一甜點心：旋風奶黃包、鮑魚雞粒酥，底層係蝦餃、燒賣、菜苗餃、野苗餃。天鵝榴槤酥好可愛，外皮非常酥脆，餡料榴槤味濃。由於點心每款只有兩件，所以蝦餃、燒賣、野苗餃無食，同事話好食唔錯。鮮蝦菜苗餃味道清新，爽口鮮味。鮑魚雞粒酥，外皮酥脆，餡料豐富惹味。旋風奶黃包，搣開流心奶黃就瀉出，滿有咸香，包身軟熟好味。燒乳鴿有新張優惠，7月31日前買一送一我哋叫兩隻送兩隻，即係每人可以食一隻呀，鴿肉入口軟腍多汁，味道鮮美，好好食。小貝浸菜苗，原來小貝係沙白，而菜苗係菜心，味道清新鮮甜，連湯汁都好好味。叫化雞原隻拎出嚟俾客人扑三吓，個槌仔係送俾個客架。然後拎入去拆開上碟，啲雞好香荷葉味，除咗雞件，有冬菇、雞

地鐵南昌站上蓋的全新大型購物商場 V Walk剛於這兩天開始營業，商場內的中式酒樓雖然只得一間，但這天特地到訪這新商場閒逛一番的我，就與老婆仔兩人一起在這間富臨飲食集團旗下的新派酒樓「小富臨」飲了一頓早茶，感覺都不錯。這天光顧的時候尚早，才不過是上午九時半左右，酒樓內的空調還未開，只靠商場內的空調是有點不夠，讓人感覺有點熱的。幸好過不多時，酒樓內的空調終於開動，坐在這裝修骨子企理的酒樓內看過餐牌，拿過點心紙剔下想吃的點心，然後靜心等待，感覺都算舒服。名字有趣的「有雞先定有蛋先」（$38）其實是扮成雞仔的「鹹水角」和以破開了的雞蛋殼盛載的「芒果布甸」兩者的組合，鹹水角雞仔賣相得意，味道也過得去，芒果布甸雖然份量不多，都有芒果肉在裡面，味道亦甜美可喜。由早上九時三十分至中午十二時供應的「早市優惠孖寶」有多款配搭，A + C 組合（$32.8）可在 A的「紅米珍珠雞」與「黑松露燒賣」中任選一款，B + C 組合可在 B的「香茜牛肉腸」與「原隻鮮蝦腸」中任選一款，揀定 A或 B想吃哪款點心之後，客人就可再在 C的八款點心「鮮竹牛肉球」、「黑金流沙包」、「京式菜肉包」、「夠薑雞包仔」、「深海鱈魚

7月26日，來到西九龍新地標～V Walk，來到新餐廳～小富臨，試吓新食物～五星拚盤，真係好好睇中個五星拼盤，不是傳統燒味拼盤，而是點心拼盤，内有原味蝦餃，鳳眼餃，出色燒賣，即製小籠包同埋鮮蝦菜苗餃，每一樣都很精緻，不是一般酒樓D嘢可比，慢慢享受，突然間以為嘆緊一個美味的早茶。沙田燒乳鴿真係燒而唔係炸出來，雖然炸嘅嘢會香口D，但乳鴿的調味適中，皮唔係脆卜卜嗰隻，但好味得來又覺健康，正！！下面两道餸就係我鍾意嘅海鮮，分别係花生苗紫金醬炒蟶子和薑蓉松露鮮龍蝦，花生苗少吃，連蟶子炒更加係第一次，賣相絕對加份，犹如加咗份量的蟶子，满足。龍蝦够新鮮配埋黑松露醬，簡直係頂級享受。最後的紅菜頭鹹魚雞粒炒飯為呢餐寫下美好的句號。

位於南昌站的V Walk 小富臨新開張，與同事去試試味食午餐，的確有驚喜！估唔到，食Fusion中菜，環境文青feel，感覺正！獨家推介:乳鴿冰鎮菠蘿咕嚕肉花膠嚮螺燉雪梨必食！！