名煌金閣

Open Now

Now Closed

古典風既粵菜餐館呢餐好有營養，唔係魚就係叫雞，而且烹調方法可以話係好正宗粵式菜「麻辣手撕雞(半隻)」，半隻我係呢但係我話今日唔今日冇唔通得我一個囉哦好啦唔該味道好得「蝦乾銀蒜蒸勝瓜」清蒸勝勝在夠鮮味，吸收左蝦乾既鮮甜味，而且份量夠多👍🏻「沙巴龍躉（魚米之鄉一斤）」個魚好大條，二人食既話會有點太多啦，龍躉魚肉爽口鮮甜美味燉湯係雞湯，飲落唔係味精湯，水準之作「魚米之鄉 」條魚係深海魚油灑上脆米粒「生磨杏仁茶」有即磨杏仁既味，亦唔會太甜，加埋滑蛋白十分滋補👍🏻呢間中菜餐廳係幾有水準幾好味😋

朋友想約長沙灣食飯，問我有乜好介紹，諗起幾個月前食過一間有特色好味道的飯店，於是就約埋一齊去食。一行四人坐落未諗到食乜，先叫個開胃菜，麻辣手撕雞，用秘制醬汁配上扎肉，青瓜，蔥絲，麻得嚟唔太辣，食到停唔到口。跟住開始點主菜，服務員推介我哋食魚米之鄉，用上湯清蒸沙巴魚配炸過的米、小雲耳及鮮淮山 ; 魚肉鮮嫩，入口溶化好滑，真係冇介紹錯。朋友比較鍾意食重口味菜，要食豉油皇鵝腸，肥美的鵝腸爽口彈牙又惹味。再來豉椒炒花甲，花甲鮮甜味十足又冇沙，朋友話係佢最愛。我就揀咗鳳梨脆皮咕嚕肉，用新鮮菠蘿配青、紅及黃三色椒加洋蔥炒，咕嚕肉特別炸得爽脆、酸甜汁味適中，非常好味。最後叫多個生炒糯米飯，廚師用上臘腸、臘肉、冬茹粒加蝦米炒，十分惹味。食飽緊係要食埋女仕們最愛的糖水，生磨蛋白杏仁茶，廚師用新鮮杏仁磨碎煮成，入口有香濃杏仁味加上蛋白，簡直冇得輸，這餐飯幾位朋友都話我冇介紹錯，佢哋話下次一定要 encoure !

放工後喺長沙灣食dinner，見到天悅廣場哩間小店裝修得幾精緻，試下先！打開餐牌，見到各款小炒菜式，好多款。麻辣手撕雞 半隻 $148一上菜覺得份量大到好抵食！面頭既香蔥同麻辣既香味流晒口水，開動食慾。我地叫左小辣，對我地岩岩好既辣度，好入味，仲有火腿、青瓜等配料。鳳梨脆皮咕嚕肉 $108餐廳用左豬頸肉，每一舊都爽口冇骨，炒得好夠鑊氣，新鮮菠蘿好甜。炸皮薄，酸甜汁係好開胃。原籠荷香金銀蒜蒸龍躉球配炒飯 $168大蒸籠上枱，好吸引，龍躉新鮮冇骨，爽口，都有好多，足料。雲耳、金菇等配菜提升鮮味，面頭既蒜好香呀！生磨蛋白杏仁茶 $28/碗好滑，秋冬要飲多d滋潤下，推介！哩間餐廳仲有得食大閘蟹，最近我都搵緊想食蟹，再黎先。

最近同表弟食飯, 佢話屋企附近間中菜唔錯, 帶我去食~~我地先叫左個蝦多士, 咬落脆卜卜，真係令人忍不住食完一塊又一塊~~一啖可以同時享受香脆既多土和蝦既鮮味，而且仲用左咸蛋黃炸架, 冇得輸!!菠蘿咕嚕肉 - 咕嚕肉的主料是豬肉和糖醋汁，廚師用左有肥有瘦既去皮五花肉，所以食落口感比較鮮嫩爽酥!!而糖醋汁用白醋、糖、生抽等調製，色澤艷麗, 加埋菠蘿，令整碟餸果味濃郁，酸甜清新，正～雜菜煲，入面有白菜、金菇，食落鮮甜又健康！！另外我地仲叫左麻辣手撕雞，食落超惹味，而且特別開胃，雞既份量都好多，入面仲有青瓜，好爽口！最後叫左碗杏仁茶，飲落香濃，味道純正，唔錯！

估唔到喺長沙灣呢啲舊區，竟然有一間咁標緻嘅中菜館，裏面嘅裝修都有少少酒店feel 㗎。呢度仲有唔係周圍都食到嘅順德名菜魚米之鄉。全條魚大概兩斤重，起晒骨，啖啖肉。魚肉非常之嫩滑，而且好鮮味。奶白嘅魚湯非常濃郁，直頭就可以當魚湯飲，又香又滑。最畫龍點睛嘅地方就係上桌嘅時候再灑上熱辣辣卜卜趣嘅炸米。卜卜趣嘅炸米連同鮮滑嘅魚肉一齊食，雙重口感，味道尤其突出。另外， 記住一定要試生磨杏仁茶， 都做得非常出色。 👏🏻

隨著四人限聚令放寬、今晚一家到了長沙灣的名煌金閣飯聚。想不到這金磚豆腐粒 $58 作為小菜份量比想像中大、豆腐粒香脆可口！XO醬蝦球帶子 $168 蝦球大隻爽滑、XO醬更添惹味、作為伴菜的西芹炒得好香。媽媽最愛的$128胡椒豬肚滑雞煲、湯好重胡椒味、暖笠笠、雞件新鮮滑身、胡椒豬肚嫩口爽滑、非常出色！魚米之鄉 $398 好大條啊！ 沙巴龍躉肉質好軟滑、啖啖肉。奶白色魚湯好濃好香、完全是精華所在、另外灑上脆米更富口感。推介四至六人點這個一試！每次見到必點 蛋白杏仁茶 $28 、 杏仁茶好滑、杏汁香濃、作為甜品一流。

深水埗長沙灣一帶算是臥虎藏龍，不少街坊飯店水準都唔差，大多數唔講究裝潢，這間算是最企理，我相信是為了迎合年青一輩，與家人食飯揀一間，自然可以坐得舒適比較好。依然招呼的阿哥介紹，點了幾款招牌，先來麻辣手撕雞，真的不錯，麻辣味適中唔太過辣，充滿麻香，手撕雞半隻肉骨齊全，皮爽肉嫩，而且配上扎肉，更加豐富。今日特價上湯龍蝦送伊麵底，只售$228，一隻波士頓龍蝦開邊，肉唔少、頭有膏，煮得味道好。最重要是伊麵真正用龍蝦汁煮，別於一般省工夫的先用水煮熟伊麵，然後再鋪相龍蝦炒兩下出菜，結果是無味的，適當的做法所以伊麵有龍蝦鮮味，好。真店之寶魚米之鄉，深海龍躉細條賣$198，魚湯濃郁，炸米香脆，混魚湯口感很好，清鮮飽肚，這條菜相信很討好。最後的蔥爆牛肉，夠鑊氣，牛肉嫩。以生磨蛋白杏仁茶作完結，很好。這間小炒價錢實惠味道好，看來生意認錯。

親友推介的這家中菜館食物質素不俗，而且價錢合理，今晚便與家人來一試。金磚豆腐粒-沒預期餐前小食的份量也這麼多，薄薄的炸漿包裹著嫩滑豆腐粒，一口一粒。魚米之鄉-店員推薦我們點這道鎮店之寶，店家用上約兩斤的沙巴龍躉，並以與雞煲翅相同的湯底烹調，賣相極具睇頭。先呷幾口魚湯，清甜鮮美。魚塊厚切，吃起來更有質感。店家撒上脆米，滑中帶脆更滋味。薑蔥焗桶蠔-蠔身大隻厚肉，瓦煲上保温更極，新鮮熱辣，師傅好功架，蠔身一點也不老。生磨蛋白杏仁茶-嘗過不少中式餐廳的杏仁茶，不少也屬不妨一試的水平。名煌金閣的杏仁茶具水準，入口細緻順溜，作為飯後甜品一流。

深水埗抵食環境舒服中菜之前睇社交平台介紹係食魚翅撈飯！lunchtime一於黎豪一豪！🐟魚翅花膠撈飯個人認為一般般，比較稠身，好濃厚既汁，魚翅撈飯都係一個gimmick，試過就算反而其他小菜有驚喜！Lunch set小菜都係50幾蚊，好高質！🍤蝦仁炒蛋，蛋香滑溜🦴京都骨，酸甜醒胃，肉質嫩滑一定會再黎既餐廳👍🏻而且環境舒服，乾淨企理，深水埗比較少有咁decent既餐廳呀！好令我impressed!

疫情下減低了外出晚飯雅興，同時連朋友聚會也沒有，今次賀朋友生日終於相約長沙灣簡簡單單，當然由朋友決定啦，他們是揾食達人，今次又有驚喜。大家各自各到達飯店，外觀上都令人容易揾到，地鐵行過去約數分鐘，地標天悅廣場應該大家都知道，我同男友入門口已經見到朋友兩夫婦啦。 眼睛亦慢慢觀察著飯店裝修都新淨似新開，我還是第一次來，喜歡他們嘅圓型卡坐，或者雙人卡坐，四個人使用還有空間感，讚！風味醬鮑魚雞煲 鮑魚入味兼彈牙，主打雞件都嫩滑多汁夠入味，完存適合我口味，一點辣也沒有，但味道出奇香濃，一打開香味同煙湧出。鮑魚切半方便食用。朋友極喜歡同話好好味，好大條魚原來係差不多2斤幾重嘅沙巴龍躉，起晒肉用奶白色香濃魚湯浸著魚塊還有山藥條伴著，一口食落軟淋香滑竟然一點腥也沒有，伙記還會再送上碟魚之後，再落一些炒左嘅米粒，特別香特別有口感，白雪雪又夠厚身魚肉實在難以抗拒，真係無介紹錯，好出色。鴛鴦大虾球話明鴛鴦都估係兩款口味，炒虾球最簡單但食得出新鮮爽口，驚喜就係炸物係鹹蛋黃炸虾球，當大家食第一口都互望了一眼，實在惹味非常，熱辣辣外脆內鹹香爽口彈牙。生啫大澳蝦醬通菜煲未送上已知它即刻送上，香味撲鼻，陣陣虾膏香味，

同朋友傾開計講開最近係長沙灣食過間飯店，食左覺得它們的小菜夠鑊氣，價錢又合理，重點有個招牌菜叫魚米之鄉嘅菜式，食過後令人回味，講到我都好想好想去試，我同老公都喜歡魚類，無論蒸炆煮炸都可以，決定約埋一對好朋友去開餐，由於還是限制4個人剛好。約左1945 到達長沙灣近天悅廣場等，原來正是油站對面，拍好車行入到飯店，發現兩邊卡位都滿坐， 店員安排大圓枱比我地，再比圓型卡位比我地4個，方便我地傾計，私隱度都夠，裝修典雅明亮，讓人舒服放鬆。Menu 選擇多生猛海鮮，撚手小菜，鎮店之寶，靚湯同甜品........椒鹽鮮尤 $128出奇鬆花香脆，睇落粉漿好似好厚身，點知牙落鬆化香脆鮮尤夠厚肉彈牙，再配上香蒜粒帶點避風塘感覺，不過唔辣鹹香惹味！風味醬鮑魚雞煲 $168熱辣辣香味撲鼻，打開煲蓋店員即時炒起，真係好味，食落雞肉都嫩滑，醬汁好惹味，鮑魚切條狀，口感有彈性，連配菜青椒洋蔥香蔥爆過也好好食。終於上枱啦！ 為左這道咋 ~ 魚米之鄉其實係用左魚翅高湯燴沙巴龍躉，加上爆米花粒粒香脆，吸收晒高湯精華，魚肉嫩滑無骨啖啖肉，還有鮮淮山同雲耳仔，配埋高湯大量膠質密度高，鮮味滋味無比，連魚頭面肉也不放過。賣相真

屋企人追月夜補做節，特別訂了一台4-6人既只限為中秋而設既迎月宴，只做三日！雖然疫情下，又係長沙灣區，價錢好似偏貴，不過中秋屬於大節日，開開心心一家人食餐飯就開心架喇，四人食呢個餐真係飽到上心口！6時入座，不用等位，四人坐半圓型卡位，十分舒適寬敞，環境亦整潔乾淨！店員很有禮貌，服務周到，每見我地隻碟佈滿龍蝦殼或食物殘渣，就會馬上更換新既！套餐有五餸、一翅、一甜品。先上個翅…嘩！不得了…湯底用雞湯餚饌，極之濃郁。

第一晚放寬, 可以4人一桌,  我同老公路過見門面靚又新, 便入去試下,  6:45P.M. 還有大把位,  但原來好多人都一早訂座,  到7時多已差不多Full house.  我們只叫泰式醬海味粉絲煲 及 魚翅飯 (特價promote 中, 每桌限一碟), 好大碟, 食到飽飽, 免加一,  免茶介, 超值, hk$150 有找,  真係茶記價錢, 酒家享受。不過服務員人手不足,  全場只得兩名服務員。

未有第三輪限聚令之前趁機會同屋企人一齊出去食餐飯，真係好耐冇食過街外嘅飯啦，日日困係屋企就嚟悶到生菇。帶着爸爸媽媽當然係食中菜最穩陣啦，去咗附近新開嘅中菜館，裝修仲係好新，坐得好舒服。蜜桃京都骨$98酸酸美味超級開胃，蜜桃冇話煮到好淋，仲係有咬口，呢樣野幾好，京都骨炸完先至再落醬，外皮脆脆，沾上酸甜醬汁，送飯一流，裏面嘅肉都仲好有肉汁，完全冇乾嘅感覺。黑松露蝦球賽磅蟹$148真係好耐冇食過賽磅蟹，亦都唔係間間中菜館有做，呢度嘅賽磅蟹比起一般食到嘅多咗奶味，食落冇咁似蛋白，蝦球好大粒，非常之爽脆，新鮮，配上少少嘅黑松露，調出風味。風味醬鮑魚雞煲$168呢個雞煲非常之香口，裏面都有好幾舊鮑魚，而且鮑魚煮得一啲都唔銀，琳琳地但係保有咬口，我覺得個鮑魚煮得好出色，啲雞都煮得好嫩滑。百合雲耳炒勝瓜$78勝瓜炒得好爽脆，一咬落好多水分咇晒出嚟，而且食落唔算落咗好多油，配上百合同雲耳更加清新。魚米之鄉$398今晚嘅重頭戲當然係好耐冇食過嘅魚啦，呢個魚米之鄉嘅魚係成兩斤重嘅大沙巴龍躉，而米就係上面嘅米通，一嚟就見到奶白色嘅魚湯，陣陣嘅香氣聞到已經流晒口水，飲落亦都非常之creamy，真材實料，而魚肉蒸

來到長沙咁灣探朋友，當然要食飯聚一下，呢間中菜館幾有特式，裝修及環境有魚米風情風味鮑魚雞煲非常惹味，鮑魚爽口彈牙，而雞件滑嫩又香上湯浸菜苗好清香，沙底清甜用嚟浸菜苗好好食，菜苗好鮮嫩豉油王海蝦好大隻，豉油鹹香入味，蝦身爽口彈牙又鮮味魚米之鄉大沙巴躉就係主角了，大大條沙巴龍躉，用上這店特式魚米之鄉去煮，湯底奶白色浸住條魚，濃濃鮮魚味，魚肉新鮮清甜，面上仲有米通粒喺到好香口最後嘅生磨蛋白杏人茶都要必叫，杏人香到得了，配埋滑滑蛋白感覺好有美顏功效