名煌金閣

Open Now

Now Closed

今日和朋友往長沙名煌金閣食晚飯聚舊, 我們了金磚豆腐粒, 原籠荷香金銀蒜香蒸蝦炒飯和避風塘鮮魷。金磚豆腐粒炸得金黃, 每顆豆腐粒的大小均勻,食落豆腐香滑, 配上醬汁食落惹味；原籠荷香金銀蒜香蒸蝦炒飯份量十足, 蝦大大隻, 食落新鮮彈牙, 不會過熟,炒飯炒得乾身美味, 飯配上炸蒜和雲耳, 炸蒜能升惹味口感, 雲耳爽口能中和油膩感, 整份原籠荷香金銀蒜香蒸蝦炒飯份量十足, 賣相吸, 材料豐富；最後避風塘鮮魷炸得金黃香脆, 鮮魷食落惹味彈牙, 配菜青椒食落鮮爽口, 整碟避風塘鮮魷食落有鑊氣,佐酒一流。酒樓座位闊落, 燈光光猛, 餐具整潔企理,食物夠鑊氣, 食物美味高質, 份量十足,適合三五知己聚會地方。

今日放工老媽子唔想煮飯咪同一家人一齊出街食飯。屋企人當然想食中菜，咪陪下佢地，去間久仰大名嘅名煌金閣食下上海野，結果完全冇失望。第一道前菜係金磚豆腐粒，外皮炸得好脆，入面豆腐非常滑，份量仲要好足，好抵食第二道菜係雞煲翅，我地四個人叫左半份已經足夠。啲翅入哂雞味，好惹味。主菜係魚米之響，即係沙巴龍躉。啲魚非常好肉，又滑，冇乜骨，仲有啲米通喺上面。啲魚湯仲可以飲，真係好正。下一道菜係大澳蝦醬唐生菜煲。啲生菜入哂蝦醬嘅味，又唔係好油，真係好惹味。我哋再叫多個荷香金銀蒜蒸龍躉球炒飯。依道菜依然做出水準。荷葉香入哂炒飯。魚又滑又冇骨，正！最後甜品叫左四個生磨蛋白杏仁茶。依個甜品非常有驚喜。我以為會好甜，原來唔係，反而好重蛋白味，非常啱我口味。最後講下依間餐嘅服務。侍應點菜上菜時非常殷勤，不時問我地有乜需要，所以服務上我俾滿分！價錢黎講我地四個人食左大概$1200。以咁高質素嘅食物黎講算係物超所值。所以整體黎講我對今餐嘅評分係9分！

今日又同屋企人食飯 家中兩老都偏好食中餐 於是就搵咗長沙灣嘅呢間名煌金閣 同佢哋食餐好嫁喇餐廳嘅裝修好雅緻 同一般嘅酒樓完全唔同 四個人嘅圓形餐枱超級闊落 而且私隱度較高傾耐啲都唔怕超巨型嘅兩斤大沙巴躉 加錢轉做魚米之鄉 必點呀沙巴龍躉將佢起肉再加上魚湯浸熟 非常嫩滑魚香十足 個魚湯係奶白色 好有媽媽嘅味道 上面加上炸嘅脆米 口感更加豐富脆皮吊燒雞 雞皮燒得脆卜卜 肉質嫩滑仲有啖啖嘅雞汁爆出嚟原籠荷香金銀蒜龍躉球炒飯 金銀蒜令龍躉球更加惹味 同時魚肉嘅質地係好爽滑 非常新鮮下面嘅炒飯底索曬荷香嘅味道 令人欲罷不能生磨蛋白杏仁茶 唔太甜杏仁味道同蛋白嘅味道配合得天衣無縫 非常滋陰養顏

今晚同同事係長沙灣做完嘢，就周圍揾食醫肚，從外看裡面環境不錯，張貼在外的餸菜價錢也吸引，一致通過就入去！特色鮮沙薑煎雞（$138）店員介紹這是其中一款招牌菜，遠遠已經聞到香味，鷄上面舖滿碎薑粒、葱段、芫荽等，鷄肉嫩滑，味道香濃。精選孖寶（$338)鮑汁柚皮扣玉掌這個我要極力推介，柚皮入口即溶，做到無渣、無絲、無澀味絕對唔容易，鵝掌炆得好腍好入味！正！👍👍豉椒炒聖子（4隻）雖然相比之下，這款菜式就變成較為普通，但4隻聖子都夠大隻和新鮮！生磨蛋白杏仁茶（$32 )喜歡這裡的杏仁茶不太甜，但很滑口和香，不錯的一個甜品！吃完之後，已經想著下次要試將貼在外的餸菜：古法鷄煲翅（$288），因為這個價錢實在很吸引。母親節將至，店員也介紹一些母親節套餐給我們參考！

家附近既名煌金閣係做手工精品粵菜， 堅持以往傳統工序及手藝！所以好多款式都係由心而發！絕對係誠意之作。Menu多款選擇！店員推介魚米之鄉，係用上沙巴龍躉做主角，再配上魚湯，米通一齊食！主角沙巴龍躉非常肥美，而且又夠厚身！肉嫩又夠鮮味，魚湯呈奶白色！陣陣鮮味湧出黎，一飲想再飲！ 齒頰留香。蟶子皇，用了金銀蒜粉絲蒸做法！蒜粒非常濃郁！粉絲吸哂味！ 蟶子皇夠厚身又夠大條！質感爽爽彈彈，非常新鮮滋味無窮。Xo醬炒蝦球，蝦球夠爽身又彈牙， 濃郁嘅xo醬作調味！所以食出好惹味既感覺，又炒得好夠鑊氣，配菜既西芥都炒到入哂味！好好食，濃味得黎又唔會過咸。生磨蛋白杏仁茶都係餐廳拿手甜品！好清又夠香而且仲非常滑嫩，半溶蛋白增加水嫩口感， 漸漸散發出杏仁茶嘅香，超正！還有見到將會到嘅母親節有幾個新嘅套餐！更加抵食，非常吸引！

同朋友四個人聚會，食中菜係我哋嘅首選，因為中菜菜式大大份，平時一兩個人唔係咁容易食到。今晚嚟到名煌金閣，呢度係朋友介紹嘅，佢話食過覺得好好食帶我哋嚟試吓。首先嚟到必食嘅係魚米之鄉沙巴龍躉，龍躉嘅魚肉切開一件件每件都彈牙又滑溜，而底下嘅魚湯亦都非常鮮甜，呈現奶白色，再加上粒粒嘅米通，個人覺得有啲順德風嘅菜式。因為我鍾意飲湯，比佢個雞煲翅吸引咗，而且仲係特價嘅菜式，半份只係要188 ，足夠分到四碗湯，魚湯係非常之濃郁，將雞嘅味道迫晒出嚟。而雞肉都煲到有啲化開嘅感覺，翅亦都好大件，一疏疏咁食到，好有口感。最後必試嘅係佢嘅招牌甜品，生磨蛋白杏仁茶，我都極力推介呢一個甜品，杏仁茶有好新鮮嘅生磨味道，天然唔做作，裏面有滑溜嘅蛋白，感覺非常之滋補，特別適合女生食。

平時都好鍾意去深水埗一帶嘅大排檔食小菜，今日想特別啲，食好少少，朋友就介紹咗我嚟呢間中菜館食。首先環境喺長沙灣一帶真係算有高級感，環境好企理，坐得舒服而且好闊落！《黃金蝦多士》$108即炸嘅感覺真係好正，多士勁香脆！即使攤凍咗都仲係好脆口，蝦肉夠肥厚又彈牙，好味！《特色鮮沙薑煎雞》$138呢個沙薑雞真係買少見少，因為新鮮沙薑我都係第一次食，出面大部份嘅餐廳都係用沙薑粉，同埋雞肉煎完之後好香好好味。《鳳梨脆皮咕嚕肉》$118咕嚕肉汁好夠，唔會好乾，而且都好香脆，皮就中中等等唔算太薄，驚喜嘅係鳳梨用新鮮嘅鳳梨，唔係罐頭菠蘿，整體來講都值得推介。《原籠荷香金銀蒜蒸龍躉球炒飯》$168超推介！炒飯濕潤度適中，亦都有口感，而且又大量蛋絲同埋勁香蒜蓉味，淨係呢個炒飯都食到停唔到。龍躉球好肥美，好軟嫩，份量都算好多。《生磨蛋白杏仁茶》$32個人本身唔係好鍾意杏仁茶，朋友嗌左所以我就試一試，點知都OK，杏仁味唔算好重，唔使每一啖都食到好多蛋白，亦都唔太甜，年紀大啲食都唔會有負擔。 總括嚟講覺得呢間中菜館真係幾高質，雖然價錢唔係最親民，但係呢個味道值得付出。

平時好少會去長沙灣呢頭食嘢，今日咁岩去到嗰邊做嘢，就順便喺呢度食埋夜晚，順便觀摩一下長沙灣呢頭有啲乜嘢美食經過元州街見到呢間地舖嘅海鮮好似好吸引咁，尤其是係餐牌上面呢條「魚米之鄉」，完全吸引咗我哋入去食飯一坐低未睇餐牌我哋已經叫定左呢條兩斤嘅沙巴龍躉～佢上菜嘅時候浸住魚湯，而且放咗啲炸米上去條魚到，而且仲係上菜之後喺我哋面前先至放上去，所以絕對香脆新鮮！講返條魚，魚肉真係好滑，而且完全冇腥味，就連個魚湯都係一啲腥味都冇，而且仲好新鮮好好飲！而且啲炸米雖然有啲已經浸咗落啲湯度，但係依然係好脆好好味😋不過可能因為我哋同時叫咗其他嘢嚟食，所以呢條兩斤嘅魚對於我哋四個人來講就相對地比較多，下次如果我哋再嚟嘅話，可能會試吓叫返一斤，然後再叫多啲其他嘢食！小菜方面都有一份炸豆腐，佢炸得外脆內軟，一粒一粒咁食好可口我哋仲叫咗一份夏果黑椒安格斯牛仔粒，牛仔粒嘅份量比我想像中少咗啲，不過煎得好入味，黑椒味好出另外一份豉椒炒大蜆，亦都好有鑊氣另外值得一讚嘅就係呢個鍋燒鮑魚雞粒炒飯，飯炒得粒粒分明，而且調味適中，鮑魚粒同埋雞粒都好均勻咁分布喺成個炒飯入邊，令到人食唔停口最後我哋叫咗份生磨蛋白杏仁茶做甜品，杏

有日無意中經過,見到呢間中菜館,覺得佢都幾乾淨企理,所以試下,點知一試愛上,所以已經幫襯咗好幾次,食物中上,個人極力推介以下菜式...黃金四季豆,每條都沾满咸蛋黃($58)鳯梨脆皮咕嚕肉,放咗一段時間,咬落去啲皮都仲係好脆(好似$128)啫啫通菜煲等,好夠熱(大約108)鮑魚鵝掌,個汁餸飯一流(2位$228)另外,見佢中午有多款套餐,都幾抵食最後要讃下啲員工夠主動,極速添茶換碟,長沙灣區來講呢間真係算係吾錯。。。

相信大家也十分清楚深水埗，有不少人氣美食，但是行過少少大概5分鐘的路程，長沙灣也有一間裝修得十分之好，你坐得又十分舒適的中菜大家可以嘗試一這個砂礓雞分雞肉更加之細嫩，也充滿了砂礓的味道，令雞肉踏上了另一個體驗.紅燒豆腐也是我另一個最喜歡的中菜豆腐十分之細滑好味道.涼瓜炒牛肉十分之有鑊氣，苦瓜十分之爽口，沒有半點苦的感覺，水準之作.星洲炒米條條分明，加上了海鮮，令這個米粉十分之不平凡最後自家製的杏仁茶，也十分之細滑，令這餐作出了完美的句號.

同幾個好鍾意食魚嘅朋友嚟到呢間餐廳，俾佢條漁米之鄉吸引咗🐟 今晚一於嚟個海鮮之夜🥳先嚟一個小食金磚豆腐粒 $58豆腐炸得好脆沙巴龍躉（兩斤）漁米之鄉做法 $398+60對比起另一碟就見到佢有幾大條🤣魚肉起咗骨浸喺魚湯入面，侍應仲會喺面前加上脆米，湯入面仲有木耳同淮山片，魚湯+魚肉+配料非常夾又同新鮮🥰 脆米有點睛作用，唔知點解食到最後啲米都仲脆🤣🤣豉椒炒大蜆 $118蜆肉都幾大隻亦炒得好香，好開胃😍夏果黑椒安格斯牛仔粒 $158呢碟同樣炒得好香，兩味炒嘢都鑊氣十足，分量亦唔少👍🏻鍋燒鮑魚雞粒炒飯 $128當我地食到好飽嘅時候就上咗呢味，但係大家試咗半碗之後都再添🤣🤣因為真係太好味🤣鮑魚粒雖然唔算太多，但個飯好香鮑汁味，喺個鍋度又有少少飯焦脆脆地，勁正🤣生磨雞白杏仁茶 $32本身唔係太好杏仁，但有個朋友叫咗試吓又接受到喎！可能因為有蛋白，聞落有蛋味唔係太覺杏仁味，不過食落就有好香蛋同杏仁味，味度偏甜，為滿足的一餐畫上句號😽

長沙區一向多餐廳食店，今日行過裝修幾靚嘅中菜館，入面坐位都寛闊，坐得都好舒服。舟山海蜇，海蜇非常爽口，帶少少辣辣地，非常開胃嘅餐前小食。咸蛋黃金沙骨，排骨炸得非常香口，好香脆，但又唔會炸到鞋晒硬晒，外面被d咸蛋黃醬包住晒，咸咸香香，啱晒鍾意食香口野嘅我。川味水煮龍躉，佢地個水煮，一上枱就聞到勁香嘅麻香味，通常出面食水煮嘅菜式都好油，但呢度嘅水煮一d都唔油，覺得健康好多。龍躉份量都幾多，d魚肉煮到好入味同勁滑，d魚皮好煙韌，都幾抵食，除咗大大件龍躉肉外，仲有薯粉、芽菜、青瓜同雲耳等嘅配菜，d配菜吸收晒d汁，非常惹味。特色沙薑煎雞，蒸嘅沙薑雞就食得多，呢度用煎嘅方式整沙薑雞，都幾特別，呢個菜式係用鐵板上枱，d雞件煎到焦焦黃黃，好香口，上面仲有大量新鮮嘅沙薑粒，夾埋d雞一齊食，食到真正正宗嘅沙薑雞。生磨蛋白杏仁茶，呢款甜品唔太甜，入面有好多蛋白絲，杏仁係生磨，所以食得出好香滑，好重杏仁味，非常潤嘅甜品。

疫情已經一段時間了😌，外出用餐已經開始放寬，屋企人特別愛吃中菜，所以特意和屋企人去咗長沙灣嘅(名煌金閣）食返餐先😌！魚米之鄉~大沙巴躉 $458約兩斤重的沙巴魚🐟，先起魚肉蒸熟，再加上濃濃魚湯(超鮮甜😋)，底下再放了些新鮮淮山和木耳吸收精華，多得店員介紹先知道是一碟巧手的菜式，最後加上米通，口感層次立即昇華，連湯都可以飲埋😅😅！鹹蛋黃金沙骨 $108肉質不油膩，炸得香口之餘，沾上鹹蛋黃，特別惹味！蟹肉金絲炒飯＄128炒飯粒粒分明，加上蟹肉絲和淡淡的蛋香，味道恰到好處，不錯👍🏻👍🏻！杏仁茶＄32超好味😋😋！不太甜，南北杏經過炒香再磨碎，食落特別香濃之餘．口感又細滑，再加入埋蛋白，甜而不膩，嚐起來細滑如絲，簡直滋補又養顏👍🏻👍🏻！

收工後相約好朋友到長沙灣這間名煌金閣食飯傾吓計😎入到店內座位寛敞舒服😌店員亦即時上前安排入座及介紹菜式餐牌上有些特別菜式是招牌鎮店之寶漁米之鄉，所以我們點了這碟菜式試下😋沙巴躉師傅刀工一流，魚切得很薄及去了骨，魚肉鮮嫰幼滑，啖啖肉，湯底魚味濃郁鮮甜，魚的底部放了新鮮淮山及黑木耳，這兩款配料都非常健康有益，新鮮又爽口，食落口感一流👍鮑魚雞煲雞肉十分入味，而且十分軟滑，味道夠晒香濃，鮑魚亦十分爽口彈牙，夠晒煙韌可口，而且味道十分惹味！舟山海蜇海蜇切得幼細，容易入口，麻辣味香口惹味，辣度適中，食唔停口👍生磨蛋白杏仁茶上枱時杏仁味香噴噴，師傅把杏仁先炒完再磨，所以味道特別香濃，再加入蛋白，更加提升杏仁的味道🤤

新開嗰陣都有嚟過，一直念念不忘，因為中菜真係做得出色海蝦孖寶($298)有豉油皇海蝦六隻和老陳皮古法蒸班頭腩，海蝦是大頭蝦， 食得出是新鮮貨色，豉油味道亦做得好蒸班頭腩肉身很滑，蒸的時間拿捏得很好， 豉油唔太鹹，唔會搶去魚本身嘅鮮味， 老陳皮很香，亦有放雲耳和金菇落去蒸， 一啲都唔單調特色沙薑煎雞($138)很大碟，用的是無骨雞件， 雖然雞件本身有點肥，但沙薑味道出色餐廳本身有茶水提供， 但面對這麼出色的菜色，還是點一支啤酒更好餐廳的招牌甜品生磨蛋白杏仁茶， 杏仁味突出， 亦有一絲絲的蛋白，好喝