Grill n More (Closed)

Grill n More將軍澳PopCorn 2樓PopFood 4號舖Yahoo團購HK$276.0+服務費$48X2位 (晚市) 6pm 至 8:30pm (限時 2.5 小時)今日無意中睇email見到團購廣告先醒起屋企樓下pop corn有新餐廳開幕但一直都違忘了老公就提意即買即試我話打去book到位先買啦因為始終我都好少買團購事關條款多多計過唔係平好多因為打電話book的時候已經係5點半book到6點位就即刻用半個小時買埋print埋落街食就剛剛好其實如果都係由6點食食1個鍾頭半又足夠的話其實都真係唔知團購除了時間長之外有咩平??所以我都話我唔係好仲意團購仲要服務費指定要人家比現金抱歉我係果的100元都要刷卡先夠比錢的人食物種類都分得幾整齊乾淨任燒的款式就係哩的款式款式數量普普通通唔會太豐富都唔會太小其他雜項都同平時任食韓燒餐廳一樣咩都有的2人位置都好闊落一點都唔迫哩樣我仲意同食完都無咩油煙味抽風系統唔錯哩樣任加的調味料都要讚因為通常是服務員提供仲有3種味同平時散叫的餐廳差不多哩的飲品自費豆漿免費提供推个羅宋湯足料係即日煲的蔬菜全部都有咬感爽口我飲了3碗好味道東風螺就一點麻麻

因係團購看見這間店舖, 未食過就買左團購去試下, 團購價每位$138, 到場再另加每位服務費$48 (一共$186), 任飲任食。 用餐當日已訂了枱, 所以不用等位, 內部裝修新派, 座位舒適。食物方面有好多選擇: 有日本壽司刺身, 中國的薑醋蛋, 炒螺, 炒菜, 西式甜品, 韓國的冷盤前菜, 反而用作燒烤的食物唔係太多選擇。味道方面, 大致可以, 刺身都算新鮮, 但炒螺有點過左火, 好硬食唔到; 薑醋蛋的蛋太新, 無咩味; 飲品方面只有豆漿同酸梅湯選擇, 我兩樣都唔飲, 要飲其他的就要全枱人每人加$12才可飲汽水, 我覺得呢樣野好唔岩羅, 係店舖提供少選擇比客人選, 唔岩飲想飲另一款又要全枱人一同加錢先得, 一定要迫同伴一同加錢, 點解唔可以自己一個人加錢呢??希望該店舖有改善的空間。

大伙兒聚餐，選址 PopCorn 的 Grill n More 。餐廳裝潢帶新派風格，相信目標客群都是較年青的一批。店內油煙味都算強，抽風系統可作加強。另地面油滑，亦雖留意。午市放題$138+10%一位，都算抵食。燒肉選擇不算很多，豬牛雞魚腸仔雜項樣樣有一些，基本上都足夠的。質素方面，不論純生料或預醃食品，都算上中規中矩。除燒肉外，餐廳另有供應其他冷盤熟食。午市冷盤只有沙律及凍蝦，沙律還算OK，凍蝦賣相鋪排實在未算吸引。相對上，熟食類不論選擇及質素勻比預期佳，食品款式有燒賣、炆牛尾、重慶雞球、辣酒煮螺、海味炒飯、灼西蘭花等等，另有數款炸物如春卷薯條等供應。比較欣賞的食品有燒賣及羅宋湯。吃畢正餐，可移向甜品檯，甜品賣相比預期佳，啫喱布甸都幾好食。蛋糕類太飽無吃過。有 Dreyer's 雪糕幾吸引。至於綠茶噴泉，味道怪怪。飲品有常見的豆漿及酸梅湯。計及價錢及食品質素，可以一試。

燒物方面好新鮮, 不停REFILL, 汁料醃得岩岩好一D都唔會醎, 種類繁多, 連豬腸都有勁開心, 識食既你, 可以係沙律BAR 拎生菜, 再加埋韓式辣醬, 正到不得了, 成件事即刻再HIGH D

係POP CORN 行黎行去都諗唔到食咩之制, 突然發現左 POP FOOD 既AREA ,  發現左 GRILL N MORE 哩間韓式夜題~~ 雖然打去BOOK 左位, 不過到左之後都等左10 分鐘左右先入到座~店內環境十分唔錯, 好YOUNG 好韓風, 牆上面既油畫好有趣, 店入面一直播住韓國音樂, 而且仲有一副牆投射住韓國MTV 係上面食物款式好多, 而且放食物既BUFFET BAR 好乾淨企理, 好有酒店BUFFET BAR 既感覺, 主食個AREA, 甜品一個AREA, 另外個設有壽司刺身沙律BAR, 有刺身師父即席為你服務食物質素十分滿意, 無論生熟食物都十分好羅宋湯足料到不得了, 勁鮮甜濃味辣汁熟螺個汁勁正燒賣味道好似係酒樓食咁正冷菜好入味一D都唔HEA刺身夠凍好新鮮, 勁推介白拖羅, 食完魚油味依然停留係口度, 勁香燒物方面好新鮮, 不停REFILL, 汁料醃得岩岩好一D都唔會醎, 種類繁多, 連豬腸都有勁開心, 識食既你, 可以係沙律BAR 拎生菜, 再加埋韓式辣醬, 正到不得了, 成件事即刻再HIGH D甜品方面一D都唔弱, 中式有西式有, 仲好有睇頭添好多時食

Bad food!肉類選擇都0k！但好硬，魚痴底！一口牛係濕紙皮。蔬菜好少，只有粟米。飲料只有豆漿和x梅湯，要汽水，全枱都要拎。甜品方面，雪糕匙好烏糟，唔敢拎雪糕，朱古力太甜，選擇OK。應該唔會再去。

做左openrice會員咁耐，都未試過寫食評，唯獨今次真係忍唔住要俾返個好評!😋其實我本身就麻麻地食韓燒，因為覺得會食到成身煙味。但今次因為住tko既朋友話有間新開韓燒想一齊試下先黎。因為怕無位我地兩個I人都一早打定book台，所以8點黎到就即刻可以入座😁一坐低就即刻有waitress行埋黎同我地開爐同介紹醬料，跟住就開始出去攞野食啦。我就一向食肉獸所以專攻肉類。雖然無漢x咁多款但睇落都幾新鮮值得推介龍利柳👍肉質嫩滑，燒完加埋檸檬醋簡直一流!我朋友平時唔食魚都係咁燒😂因為對熟食無咩興趣所以無留意，不過貌似幾多款，仲有紅酒燴牛尾。薯角熱辣辣好香脆!美中不足係無茄汁點。啲肉類味道好新鮮無落味精，值得一讚👍燒落都無咩油煙味😝而且燒到咁上下waiter都會主動行埋黎問洗唔洗換爐原來轉角位仲有個壽司吧，有4款刺身供應。三文魚腩睇落好肥美😍甜品有好多選擇，有豆腐花，香芋西米露，各款啫喱糕點，又有cheese cake同好搶眼既抹茶噴泉😍西瓜超甜!!!!所以成日比人搶曬😂仲有哈蜜瓜都好甜👍👍👍唔少得瘋狂食dreyer's雪糕😁不過又係好快比人搶曬，好彩都refill得算快話說出出入入攞左野食咁多次都

一早買了團購加訂位！約每人二百！六點到達即刻有位！六人卡位比較窄！肥少少也好迫！燒烤食物有豬扒、牛仔骨、雞肉、牛舌、紅腸、肥牛、生菜、魏瓜、南瓜、豬頸肉、多春魚、鯖魚等..飲料有豆漿和酸梅湯！各食物也不太重味精！最好味係牛仔骨、牛舌和雞肉！刺身有三文魚、劍魚腩、吞拿魚和𩶘魚！刺身也很新鮮！全部厚切！有加州卷和太卷！同埋熟蝦～熟食有燒賣！大大粒！有酒樓水準！鮑汁鳳爪、蘿蔔牛腩等甜品有Dryers雪糕、蛋糕、jelly、朱古力噴泉等！生果有西瓜、哈蜜瓜、火龍果和木瓜！款式多元化！怪不得全場爆滿！侍應收碟快！服務十分好！值得一讚！二百元可以有近酒店級水準！可以再去！

難得將軍澳開了新韓燒地方  近近哋當然要一試啦~一上到去  旁邊的餐廳還未開曬  還在裝飾  所以頗嘈又大灰塵!環境: 普通黑色裝潢  並不覺得是新開的服務:剛開 人手不太足夠  有進步空間  要一而再 再而三先走過黎  幫你加下水收下野食物方面: 燒烤種類選擇不太多  肉類品種好少  雞軟骨  牛舌 呢啲普通食物都無   蔬菜種類更少  其他小食方面:有炒飯  炸薯角春卷   人蔘雞湯  蒸燒賣等 而壽司只有兩種選擇  但賣相好差  所以我都無食到  整體都不過不失啦甜品: 選擇都幾多  有個綠茶噴泉(配棉花糖 木瓜  哈蜜瓜等) 栗子蛋糕(好難食) 黑森林蛋糕(一般) 還有其他杯裝中式甜品  除了桂花糕比較入味  不錯之外  其他味道好普通  而雪糕係Dreyers  有石板街  雲呢那  士多啤梨  最好味當然係石板街  但好快俾人搶曬  其他食物如水果佢添得好快  但雪糕無曬都唔添  因為好想食  於是去問個服務員  叫佢加仲要叫了兩次  仲等咗好耐😪  真係。。。  不過食到都叫開心返少少!!!總括:  食物 服務  環境  都好一般            我諗都唔會想再去食

我特登搭車去兩次, 2人唔畀book位, walkin又冇位, 我今日未夠6點去, 都未入得場, 就話今日d位book晒冇位!!! 之後我講乜都當我透明! 服務奇差!  一個walkin 位都唔留黎做街客?! 我見佢對上一次團購都賣左萬幾張, 佢咁少位真係想幫襯都難, 淨做團購都夠佢做幾個月....

        將軍澳年輕人口多，造就不少新餐廳進駐。今次就試呢間新開嘅日韓式燒烤放題。       位置唔易搵，喺商場仲要轉𨋢上2樓，一到門口已見到非常搶眼招牌。呢次食晚市，每位$198+10%服務費。      由於做緊團購，是日全場爆滿，我因為提早訂位，所以一嚟就可以入座。因暫時未有酒牌，所以放喺枱嘅加$20任飲酒水係未有得供應嘅。        餐廳內部裝修新潮簡約，格局主要分六個食物區，生肉、前菜、熟食、壽司剌身、飲品(其實只係得豆漿同酸梅湯)同甜品枱。        生肉都係大路貨色，無甚驚喜，但用料新鮮企理，唔會水淋淋，而且REFILL速度甚高，加上提供生菜，用嚟包住燒肉嚟食，無咁熱氣兼充滿韓式風味，印象分滿分。         熟食、剌身、甜品都係中規中矩，選擇不多，尤其前菜只得泡菜、芽菜、枝豆寥寥幾款，應該要改善一下。        反而甜品有喧賓奪主感覺，雖然士多啤梨朱古力噴泉非常搶眼，但佔三份一地方提供甜品就有啲本末倒置。       呢度標榜無煙燒烤，爐底用鐵網，又真係無咩油煙👍👍，而且侍應反應迅速，收碟換爐面都自動自覺。        餐廳於每枱都有三款汁料，

係團購買左coupon, 諗住新開冇死，點知中晒伏。食物：肉類少，熟食少，suishi少！燒肉：團購中說好了的護心肉吾見影，經理話可能今日冇，佢個樣係好驚訝有人問佢咁==我覺得自己俾人呃左！但d肉真係吾好食law~Suishi: 刺身只得兩款。熟食： 款少，味道可接受，但等佢重加食物係好耐好耐都未加！座位：窄！ 6人位好窄，坐最出既想燒野食，中間個個要縮埋一舊。甜品： 蛋糕只得兩款好吾吸引既奶油蛋糕，豆腐花係滑既，士多啤梨噴泉陣味好奇怪，棉花糖似放左幾日，硬硬地。服務質素：員工都算有禮，收碟速度快。價錢：團購價- $ 138/1位 + $68加一服務費           但門口見到佢晚市$198/1位，我吾覺佢平       左囉！總結： 吾會再黎，要我俾$206佢食咁既質素，有好多選擇==