古早牛肉麵 (Closed)

深水埗路過又咁啱肚餓，見古早就一於試下！食tea時間唔多人，一去到就有位，可能位置唔係大街所以冇咁多人！入到去間舖裝修好有懷舊台灣特色，冇得去旅行幻想下自己喺台灣都好！本身好鍾意食台灣野，見到有芋圓第一時間點左紅豆芋圓仙草涷！份量合適而且滿滿有好多芋圓好抵食，而且芋圓好香蕃薯味，唔太甜，唔錯！再叫左個起司蛋手抓捲餅，本身好鍾意食呢類酥皮feel 既餅，仲有蛋及芝士，中間夾左疏菜，趁熱上台所以好味，如果入面加火腿或肉鬆就好了！麵質如果可以煙韌d 會更好！湯汗香，牛肉嫩！家人話豬耳ok 抵食

好耐冇出過深水埗，今日同朋友出尼經過見餐牌幾吸引就入左尼食我地4個人叫左3個主食，兩個小食同每人一杯野飲紅燒牛肉肉燥乾拌麵牛肉唔會好肥，牛肉份量ok，再多少少會開心d，麵記住要撈勻先好食，如果唔係就冇味嫁喇鹽酥大雞扒肉燥便當雞扒唔會炸到好loan，入口脆卜卜，唔會好鹹酥炸大豬排牛骨湯麵湯麵望落去紅色以為係辣，但食落又唔辣豬排擺左一陣先食都仲脆的，而且肉質唔太韌牛肉香蔥手抓捲餅牛肉份量出奇多，而且味道都幾出餐廳岩岩好將個手抓餅分左4份，我地就岩岩好一人一舊，分完之後都有手掌心的size甘梅地瓜條記住要快d食，尼到果時熱辣辣，脆卜卜，內心好軟熟檸檬蘆薈紅茶叫左微糖，但飲落都幾甜，下次可以叫走糖，蘆薈都大粒，份量都多

招牌半筋半肉米粉，價錢64元，呢碗米粉牛腩有5件，牛腩煮得比較淋身，另外會有五件牛筋，配菜方面會有生菜同埋蘿蔔，而米粉係屬於幼身嗰隻米粉。呢個菜脯係辣辣地甜甜地的，每枱都會有一兜，可以任意加係碗米粉度食。巧克力珍珠奶茶，杯奶茶我另外加咗仙草落去，有珍珠加仙草，呢杯嘢飲會變得口感豐富啲。同埋我叫咗去冰，因為我唔想啲冰溶咗會影響嗰杯朱古力嘅味道。呢杯巧克力珍珠奶茶係25蚊，咁另外我加咗仙草要加4元。餐廳嘅裝修風格，用咗台灣懷舊嘅裝修風格。

今日要黎深水埗買電腦用品，假期既關係真係好多人呀，天氣又熱，我地行到8 點幾想食少少野做晚餐，見到有牛肉麵既招牌就吸左我地入黎啦，我地唔想夜晚食咁多澱粉質，所以點左一個湯麵一個小食share減低罪惡感，哈哈，呢度既裝修好有台灣夜市既感覺！-招牌半筋半肉湯麵$64餐牌有好多唔同嘅選擇，有牛骨湯麵、牛骨湯米粉、肉燥乾拌麵或者麻辣乾拌麵，我哋揀咗湯麵，牛肉分量足夠，味道唔錯，有牛筋，有半筋腩，但係個湯比較鹹，而且面質煮得太耐，有D林，蘿蔔好入味，但整體都正常水平！最後我地加埋台面樽辣菜甫，唔錯好爽口，但好辣！-牛肉香蔥手抓捲餅$36卷餅包得好夠實，裏面牛肉分量十足，牛肉多汁，唔會好乾，而且唔使點醬，裏面嘅菜好爽口，外面嘅手抓餅煎得好脆口，幾好食！

深水埗有好多嘢食 最近同朋友嚟咗呢近寶島古早味牛肉麵食台灣菜 懷念下台灣嘅滋味😋店裡面裝修別有用心 有唔少懷舊嘅裝飾點餐紙好環保 過咗膠 點完可以循環再用 小食叫咗甘梅地瓜條 $25 地瓜條炸得香脆 甘梅粉好惹味 食落好飽足幾唔錯😋另一個小食係牛肉香蔥手抓捲餅 $36手抓捲餅嘅份量大大份 入面嘅配菜數量一啲都唔吝嗇 牛肉軟硬度適中 配埋辣醬同香脆嘅手抓餅食 幾特別主食係鹽酥大雞扒肉燥便當 $58鹽酥雞扒嘅份量好足夠 炸得幾香口 亦唔會令雞肉味流失 肉燥嘅份量都好多 夠哂嚟撈飯 招牌紅燒牛肉肉燥乾拌麵 $60賣相整齊 紅燒牛肉幾腍 乾拌麵配青瓜食幾青新酥炸大豬扒牛骨湯麵 $58牛骨湯麵幾濃郁 而麵質則偏腍身 岩哂麵條鐘意食腍身啲嘅朋友之後仲叫埋台式飲品 跟餐配飲品可以減$10都幾抵😛胚芽奶茶 原價$25輕芝士岩鹽奶蓋烏龍茶原價$27

今日同朋友去左食喺深水埗嘅古早牛肉麵。餐廳好多有台灣嘅特色佈置，海報等等。位置都安排得唔錯，有足夠空間走動，都算舒適。餐廳自行劃落餐牌落單，可以循環再用幾環保。食物方面就叫左幾樣主食，小食一齊share.先叫左紅燒牛肉肉燥乾拌麵，鹽酥大雞扒肉燥便當，酥炸大豬扒湯麵，甘梅地瓜條，牛肉香蔥手抓捲餅。紅燒牛肉肉燥乾拌麵，牛肉有幾件，炆得夠諗，拌麵麵質都有咬口，亦唔會痴住，可以撈勻。整體黎講唔算好重味。鹽酥大雞扒肉燥便當，雞扒香脆，炸粉唔會感覺太厚，炸起好夠脆，雞肉都算滑，飯粒分明配上肉燥，好快食食下就大啖食完。至於酥炸大豬扒湯麵，湯麵有大大嚿白蘿蔔，吸哂個湯底，咬落多湯汁，幾好味，麵底份量正常，都有咬口。豬扒都幾香，同薄脆。甘梅地瓜條好好食，外脆內軟，好有薯香，配埋酸甜嘅甘梅粉，仲食多幾條都唔覺膩。牛肉香蔥手抓捲餅，食落唔太油，牛肉有好微微嘅辣味，所以食落好惹味！飲品我就叫左奶蓋烏龍茶加珍珠，去冰去糖。奶蓋唔算好濃，所以飲落比較輕盈，唔會飽哂食唔到野，烏龍茶都有茶香，珍珠有咬口，整體都幾好飲。

今日約咗個好耐冇見嘅朋友喺深水埗黃金商場買電腦用品，行完之後朋友話好耐冇去台灣，咁我哋就異口同聲話不如食台灣嘢😏，我最掛住台灣嘅牛肉麵，每次去親台灣都會食❤️Menu既設計簡單🗒，嘢食嘢飲選擇種類都算多，你諗到嘅台灣嘢食呢度都有😋，而且價錢適中一行2個人order左以下幾款👉💁‍♀️招牌紅燒牛肉牛骨湯米粉hk$60💁‍♀️小碗滷肉飯hk$32💁‍♀️招牌珍珠奶茶hk$25💁‍♀️芋香珍珠奶茶hk$25(跟餐減hk$10)💁‍♀️皮蛋豆腐hk$28💁‍♀️牛肉香蔥手抓捲餅hk$36紅燒牛肉牛骨湯米粉，個湯味道好濃，牛肉入味而且好淋🥰滷肉飯係細碗份量，但係滷肉份量亦唔少，而且可以食得飽😄珍珠奶茶同芋香珍珠奶茶味道適中，唔會太甜👍👍皮蛋豆腐夠晒凍，好好食🤩牛肉手抓捲餅份量好大，好抵食🤗而且上菜嘅速度都算快，唔使等好耐已經有得食😍店舖座位算多，基本上都坐滿客人😆一入門口店面環境已經好有台灣feel，好似去咗台灣咁，而且食物性價比高❤️，👨👩Staff好nice好有禮貌👍👍，仲有好多其他嘢食想試，一定會再幫襯😌

深水埗多嘢食到數唔曬，要搵間裝修靚又坐得舒服嘅都未必咁易。見到有朋友嚟過打卡，黎開呢頭，就黎試下。近九點黎到，唔洗等位就入得。環境方面，完全台灣夜市feel，燈牌路牌都台味十足，打卡都全無破綻，飛唔到，都可以黎過下癮。加埋d掛牆漫畫，不得不讚讚裝修設計既認真。食物選擇都算係咁，common既台灣飲品、小吃、主食都有，仲有得自由揀飯麵或湯定撈，選擇困難症又出黎了!食物好快到啦～《滷水大腸麻辣拌麵》比想像中大份同多大腸，青瓜、紅姜同醃蘿蔔配菜，顏色幾sharp醒。但麻辣醬相對淡口，芝麻味重，但辣味不足，好彩枱上有醃炸菜，加埋一齊惹味不少。《綜合肉圓湯》估佢唔到，原來隻湯甜甜地，幾開胃。花枝丸幾足料，唔錯～《朱古力珍珠奶茶》主食加配飲品可以減10蚊，就試下個朱古力加奶茶既combination，味道唔係特別突出，兩隻味未算好夾，但勝在夠大杯，食辣麵都可以解解辣。最後食到好飽飽，埋單200唔洗。食物質素未算好傑出，但台風設計絕對誠意十足，值得一去！

今日同朋友行完電腦場，就係附近搵嘢食。「古早牛肉麵」位於福榮街黃金商場對面，餐廳坐位以2-4人座位，店舖以水泥工業風裝修，牆邊以富有台灣色彩裝飾、掛畫點綴。 呢度主麵食有牛肉麵、鹽酥雞扒、酥炸豬扒，小食有手抓餅、蚵仔煎、滷大腸……等，台灣美食。蚵仔煎台式蚵仔煎以蚵仔、蛋、菜絲、加入木薯粉粉漿，煎至透明，再淋上台式甜醬蚵仔數量唔算多，但隻隻都飽滿肥嘟嘟，餅皮煎至通透，入口微微焦香、軟腍。 起司蛋手抓餅餅皮似葱油餅味道，饀料有芝士、蛋、菜絲，餅皮口感香脆，咸咸香葱，再配以菜絲、芝士，清爽唔油膩。 鳳梨洛神花茶（凍）鳳梨加上洛神花，入口香甜，解渴。

外賣自取從來都係多伏，其實幫襯過好多次，伏都番轉頭幫襯主要係因為啲牛肉真係幾好食，可惜久不久就有不同伏會中，鬼咁遠拎到番屋企先知中伏真係會嬲，所以今次應該係最後一次今次叫左個紅燒牛肉麻辣醬乾拌麵，抱歉食到半路先影相，因為真係越食越嬲基本上就係紅燒牛肉辣油撈麵，連啲醬都冇落，淡到想哭泣只有少少辣味其實之前都有試過呢間鋪其他伏，例如要辣嘅就變唔辣，要撈麵就變湯麵咁，今次都算經典麻辣醬走醬，$62一碗麵可能唔係貴但咁冇誠意真係要講再見，byebye另外叫左杯珍珠奶茶就正常味，冇乜投訴。

陪老公去黃金買電腦配件，就去試埋朋友介紹的古早牛肉麵，門口望入已很有特色，完全有地道台灣菜的風味。menu簡單但都多選擇，而且價錢非常 實惠，現在仲做緊限定優惠小食。我叫了半筋半肉麵，個湯底是牛骨湯底，很有誠意，連蘿蔔都很入味。但我卻略嫌麵較硬，可能煮多半分鐘效果更佳。但牛肉及牛筋真是無得頂，彈牙的牛筋脆口彈牙，軟綿的牛腩入口即溶，完勝。老公叫了個香脆炸豬扒便當，明顯賣相遜色多，但份量搭夠，件外脆內冧的炸豬扒簡直是食吾晒。叫了三種小， 這個酥炸大腸面頭抌上些淮鹽，令口感更有特色。 而話梅豬手可以多點話梅味，味道合格。 最後的麻辣豬耳真是不得了，麻辣到直上大腦，豬耳爽脆，我吃不得太辣，要用水沖一沖，但都令我食唔停。其實當中仍有很多款食物想食，下次一定要再來。不過他們的服務就真的有待改善，短短一餐飯就漏單，錯單，計錯錢全部發生🤪

估唔到深水埗都有間隱世台灣小店！上網睇裝修都好有台灣feel，於是入黎試下～同女朋友嗌左兩碗麵，兩個小食，兩杯野飲！嗌左個半筋半肉牛肉湯麵！啲麵質幾彈牙幾有𡁻口～啲牛肉亦都好冧好有牛肉味～唔會食落去好鞋恰恰～而牛筋亦都入口即融！個湯底亦都好濃牛肉湯味！而女朋友嗌左個綜合米線（大腸，蠔仔），啲蠔size 岩岩好～啲大腸亦都清理得好乾淨！份量黎講，女仔真係岩岩好！小食方面，嗌左花枝丸！咬落去好彈牙！亦都食到好多一粒粒嘅花枝味！最欣賞係呢碟小食！而個芝士手抓餅，份量亦都好大份！芝士亦都有拉絲嘅感覺！最特別嘅係有椰菜絲係入面！食落去好新奇好fresh!! 個種爽脆嘅感覺好有層次感！食落去唔會覺得好漏！飲品嗌左胚芽奶茶，勁多胚芽！飲落去啖啖胚芽好豐富！而個茶底亦都好香！不過唔知係咩茶葉呢～女朋友杯岩鹽芝士奶蓋亦都好重奶蓋味！厚度亦都有兩隻手指咁厚！飲落去一啖奶一啖茶！真係好match! 估唔到深水埗都有間台灣小店咁好食又抵食！

前排去左深水埗睇電腦，朋友介紹有間台灣牛肉麵唔錯，不過上次冇食到，今日專登黎試下，實在太掛住台灣！星期五既晚上七點幾到，咁岩仲有最後一張枱，唔駛等位，太好了！呢度既裝修幾特別，懷舊風格，好有去左台灣既感覺！望下餐牌，我地一人揀左一個主食，再揀左一個小食，嗌左主食配飲品可以減十蚊～招牌紅燒牛肉 配牛骨湯麵個牛骨湯底幾濃，店員話係用牛骨再加左菜同藥材煲左幾十個鐘既，個麵都幾彈牙，大概有五舊牛，都算厚身，唔會太硬太淋，仲有一舊蘿白，幾清甜。特盛台灣牛肉 配牛骨湯麵特盛真係好豐富，除左牛腱，仲有豬軟骨、花枝丸、貢丸，個豬軟骨都幾淋同入味，丸類就比較普通。起司蛋手抓捲餅手抓餅好香脆，入面有好多菜，好有咬口，配埋芝士同蛋真係好夾，必食！芋香珍珠奶茶我地叫左少甜少冰，芋香味都幾香～下次黎多次試下其他野先～～～

餐廳裝修懷舊行簡約工業風，有種返咗台灣嘅感覺，餐牌都有好多唔同嘅選擇，有招牌牛肉湯麵、台式便當、乾拌麵、地道小食、湯品、麵線、甜點同埋各式各樣既台式飲品，我哋揀咗招牌半筋半肉湯麵同埋起司蛋手抓捲餅，飲品就揀咗百香果蜂蜜綠茶微糖～招牌半筋半肉湯麵 $64香味十足嘅一碗湯麵，湯底夠熱味道香濃，面嘅軟硬度適中，索晒牛肉湯嘅精華，牛筋好軟腍好似溶化喺口腔入面咁，啱晒我口味，牛輾都好好食有好香嘅牛肉味，牛肉麵又點少得蘿蔔，大大條嘅蘿蔔清甜冇咩渣，同牛肉湯底都非常之夾👍起司蛋手抓捲餅 $36餅底表面煎到金黃色，食落好酥脆，有濃濃嘅香蔥味，同半溶嘅芝士搭配埋一齊幾好食，入面仲有好多椰菜絲，減膩又健康，食多幾舊都冇問題😚百香果蜂蜜綠茶 $17 （跟餐減10蚊）食完d濃味嘅野梗係要飲返杯嘢飲解下渴，百香果蜂蜜綠茶味道清新解膩，酸度同甜度都啱啱好

深水埗呢條街勁多嘢食，但係實在太鍾意食台灣野，又見到好多人有介紹🤣就好自然行咗入去食啦！一行到入去就好似去咗台灣嘅地道小舖咁！啲裝修好有台灣懷舊風味仲要播台灣歌，好似去咗台灣咁🤣冇得去就唯有當自己去咗啦！坐底見到佢嘅餐牌都唔算貴worrr睇下好無食先！野食種類都幾多，又有好多小食揀！最緊要係，野飲有得減10蚊野！一定要叫啦😙招牌半筋半肉麵 $64我叫咗牛骨湯麵，正！佢啲麵唔係普通麵質黎，有誠意！而且牛筋好多，好淋，好食！！肉就相對黎講失色咗小小lu!!不過再配有羅白同生菜，感覺上平衡好多👍🏼健康！係超大舊牛筋！！！鹽酥大雞扒 $36勁大塊！！食得出係新鮮炸起，唔會好鞋，而且有海苔配，一絕👍🏼👍🏼性價比超高！！！值得一試最後當然唔少得有珍珠奶茶喇！！台灣菜必備！！！珍珠高質，唔會一pat粉，而係煙煙銀銀，好好咬！！奶茶亦十分出色，茶底係港女至愛嘅earl grey，所以味道好出！略略覺得甜咗小小咗！！朋友覺得7分糖最正！