古早牛肉麵 (Closed)

今日黎到深水埗，行完黃金之後就見到呢間台灣野。環境好有台灣feel。叫咗一個特盛台灣牛肉肉燥拌麵，一份蚵仔煎同一杯珍珠奶茶微糖，仲有綜合麵線，同埋金橘檸檬愛玉。綜合麵線個大腸少少腥味，但可以接受。金橘檸檬愛玉叫咗微甜，但應該係用糖漿溝水開，所以真係甜咗少少。特盛台灣牛肉肉燥拌麵好足料，但味道普通，唔太突出。珍珠奶茶一樣，冇咩特別驚喜。而蚵仔煎方面，就唔太建議，太少料。總結黎講，係幾平嘅，但差唔多價錢已經可以食到阿元來了。不過係深水埗既話就可以一試。

今日主要係去行黃金 買電腦設備 買完野走向對街揾野食見有間古早牛肉麵 睇睇整齊企理就入去一試環境裝修都幾好 有特色 係d文青feel既作品我叫左鹽酥大雞排配牛骨湯米粉 涼拌小黃瓜飲品叫咗杯黑糖珍珠鮮奶再加胚芽🤪個雞排炸得好脆 薄薄嘅脆雞皮 成塊雞排唔會太厚甘樣炸出尼先香脆可口 搞到我想試埋豬排😂個米粉用既食新竹米粉 幼身果隻 嚿蘿蔔大嚿到爭啲夾唔起🤣牛骨湯飲落去唔會太鹹 清清地又有牛骨味唔錯錯 唔係hea你是但整個免素湯底出尼涼拌小黃瓜🥒唔會太油 尼到都幾翠綠色 食落去係常溫 唔似係雪櫃拎出嚟 因為坊間太多預先整好哂放落雪櫃雪唔知幾耐服務態度幾好 有禮貌已經差好遠下午茶會更抵食 「下午時光」台菜 台式飲品 小食 炸物 甜品都齊 可惜個胃有限 食品到差多😂下次再食啦😆

早二日經過深水涉，經過呢間古早牛肉麵，見裡面坐滿人，於是係門外睇下memu，原來係食台式嘢。好掛住去旅行，尤其係台灣小食，呢度款式都幾多，價錢都好合理。(大腸麵線$30)大腸唔算大肥，脂肪適中，入口有咬勁，麵線好爽，十足去左台灣小店一樣。(酥炸大豬排$36)超级巨型，足夠二人享用。外層炸得十分香脆，熱辣辣，食入口豬排肉汁豐富。(話梅豬手 3件 $22)豬手炆得夠柔軟，入口有些少甜話梅味，豬手好入味，不會太濃，抵食!(百香果雪梨茶$17) 半糖，去冰。好有誠意，跟足我嘅要求，抵讚!茶底夠濃味，百香果少少酸味加雪梨，好適合配台式炸物。

經常都會喺深水埗返工，呢度附近有間牛肉麵好好味，經常都會幫襯，今日有朋友出嚟陪我食飯所以就帶佢嚟呢度試吓。古早牛肉麵 地點係福榮街116號舖頭裝修得好光猛好整潔，而且座位嘅空間好闊落，所以坐得特別舒服。招牌紅燒牛肉麵 牛肉麵味道非常之好，牛肉超軟嫩好食，肉質煮得鬆軟入味。最鍾意就係佢個湯底，好有牛肉味，麵質彈牙好食，索曬啲牛肉汁 ，加埋佢自家製嘅辣椒醬，味道更加有層次。鹽酥大雞扒飯 雞扒嘅份量好多，而且亦都炸到好香脆，一開始入口的是椒鹽的味道和酥的口感，咬一口慢慢咀嚼是甜甜的味道和嫩的口感。味道同口感都好好。滷水切大腸 必食推介，顏色夠晒深入晒味，大腸非常腍滑軟身，而且又不失嚼勁，值得一試。沙茶燙魷魚 沙茶配上魷魚口味獨特，魷魚非常爽口彈牙。炸花枝丸，呢個小食好好味，外邊炸到好香脆，而且仲係好爽口彈牙，上面有一層調味，令到味道更加有層次。最後一定要整返杯台式奶茶，味道香濃，口感香滑。如果去開深水埗，不妨試吓呢間台式店，價錢又公道，食物同環境都好好

食完韓國菜，有人話仲有點意猶未盡，好想食甜品。去左對面隔一條街嗰間「古早牛肉麵」。餐廳除左有台式便當、牛肉麵、滷肉飯等供應之外，仲有唔少台式地道小吃、仙草凍及一系列台式飲品等供應。有人一坐低就點左客綜合仙草凍 ($48)，而我就揀左宜蘭迷你蔥肉餡餅 ($27) 同 焦糖珍珠奶茶 ($25)。餡餅新鮮即製，底面都煎至金黃微焦，送上時仍熱辣辣。麵皮有嚼勁，入面包裹住滿滿嘅香蔥同肉餡，加上飽滿嘅湯汁，非常美味。仙草凍跟住送上，超大碗，用料十足，除了烏黑亮麗嘅仙草外，還有紅豆、珍珠、蘆薈、芋圓及愛玉等。仙草軟滑微甜，食落好清爽。芋圓Q彈煙韌，吃得出食材嘅原味，紅豆綿密、軟爛不糊，配以淡奶，甜而不膩，正。奶茶可以自選甜度及冰度，睇下幾大杯，珍珠煙韌有口感，奶茶味道濃厚甘醇，入口帶陣陣焦糖香，唔錯。

深水埗最出名就係電腦零件，平時都好少嚟深水埗，今日買完電腦配件之後就睇吓附近有乜嘢好食，俾我發現呢間台式嘅牛肉小店喺門口個午餐餐牌已經見到好多選擇加$15仲有小食跟埋，午餐可以連埋一杯餐飲，相信一定食到飽飽叫左個L2 招牌牛筋牛肉麵， 加$15 仲有個小食我揀咗三粒花枝丸配埋杯凍奶茶都係加兩蚊性價比極高，牛筋做到非常彈牙牛肉食入口度好林身牛肉做到非常入味我覺得最重要個湯底牛肉味非常濃郁夠凍冰冰嘅天氣能夠食碗熱辣辣嘅面，真係非常滿足，麵質入口非常彈牙啱晒我口味，又有口感入面仲有一舊非常大嘅蘿蔔做到好林身，又夠甜，吸埋啲牛肉湯嘅味道令到蘿蔔更加好味鮮甜加配嘅三粒花枝丸上面放有一些椒鹽味道更加突出，剛剛炸起，外面仲好脆口得三粒真係唔夠喉餐飲仲可以免費飲奶茶不過凍飲就要加兩蚊奶味非常濃郁茶味又足夠非常滿意$29叫咗個魷魚鬚，份量雖然不太多但係味道調校得非常好下面仲放有幾粒豆卜，完全吸晒咖喱汁啲味道，魷魚鬚做到非常爽口彈牙L3鹽酥大雞扒$58份量非常多雞皮非常脆，肉質依然係嫩滑，juicy , 完全唔會乾身,飯上面仲放咗好多魯肉碎，連埋啲飯一齊食，都會食多啲餐飲加$15就可以揀一杯抹茶鮮奶綠有好

早排經過深水埗, 見到呢間台式小店, 門口餐牌選擇很多, 一般以輕食為主, 睇裝修及門面感覺都好企理.招牌牛肚牛筋湯米線比我想像中大碗, 金錢肚薄薄切片, 夠入味, 牛筋炆得好煙韌, 夠牛味, 入口有少少 似食啫喱嘅感覺, 補補骨膠原就至啱. 大大件蘿蔔及生菜, 確係幾好食.台式小香腸上枱熱辣辣, 即叫即做效果理想.這款台式小香腸脂肪比例適中, 入口軟熟唔會太油膩.炸花枝丸這款小食係我嘅推介, 炸得剛剛好, 裏面嘅花枝丸仲好彈牙,花枝味突出.鹽酥雞粒呢度嘅小食份量約一至兩個人, 鍾意多花款嘅我就可以選擇多幾款了.外層鹽酥味香, 粉漿唔算太厚, 雞肉都結實嫩滑.

去開黃金，其實知有依間台灣野好耐。不過未有試，今次一個人就試試佢。menu 簡單自己tick快餐店style快黎快去。金梏檸檬愛玉台式飲品，唔太甜，多愛玉。健康d 叫左個肉燥燙青菜味道正常，健康嘅好選擇主菜古法滷水大雞腿肉燥乾拌麵夠大份，d 麵有咬口。快餐推介，唔洗成日去連鎖店。

見有啲時間黎食個下午茶 33蚊一碗魯肉飯加杯台灣奶茶幾抵食 不過個魯肉飯就差啲🤕 好油 個底全部都係油浸飯 整體都唔係幾好食 杯奶茶普普通通係台灣奶茶 同出面一盤奶茶舖差唔多都幾好 值得一提裝修都幾特別幾地道👍🏻

過嚟黃金，都喺整機，年初換咗部微型桌面電腦，早前發覺有啲小問題，拎返去店家搞搞佢。咁今晚老婆有自己飯局，小弟咪一支公晌附近食埋先走。好隨意，點指兵兵就揀咗「古早牛肉麵」。 個鋪位都幾深吓，近門口，喺水吧，兼營台式茶飲外賣，而裡面一室都喺小泥地、水泥牆，裝修就真喺大玩「古早味」，有唔少裝飾都喺幾有懷舊味道，啲阿姐招呼好有禮貌。櫈下面有一層網隔，可以俾客人擺吓袋、擺吓背包，不過，空間唔喺好大，好似小弟今日孭嘅大背囊就攝唔落。 食物方便，自己直接剔落張點餐紙度，一面喺食物，包括各款台式牛肉湯麵、便當、乾拌麵、地道小吃、湯品、麵線及甜品。而另一面飲品，就喺見慣見熟嘅各種台式飲品，如芝士奶蓋、招牌奶茶、乳酸特飲、手調鮮茶……等等。而點主食，飲品都有減$10優惠。 特盛台灣牛肉湯麵 $70老實講，揀呢款都喺貪料多，唔使淨得牛，可以一次過試勻牛腱、豬軟骨、貢丸及花枝丸，仲伴有一大條白蘿蔔同生菜，麵嘅份量亦唔少。先呷一啖牛骨湯，濃而不濁，醇厚有肉香，再試試啲麵條，手工麵好有質素，柔韌耐浸，食到尾都無話腍晒。4款餸料又點樣？牛腱滷得好入味，肉質鬆化，豬軟骨炆得夠軟腍，貢丸就好彈牙，甚有菇香，而花枝丸雖然

今日同朋友食完lunch喺深水埗行行下，見到呢間餐廳入面既裝修幾有台灣特式，亦都有唔少客人，於是就入左去食嘢。餐牌有有好多款台灣特色麵食、小食，但最終我同朋友決定食仙草凍消下暑😀分別係芋圓紅豆愛玉仙草凍同綜合仙草凍（有紅豆、珍珠、蘆薈、芋圓、愛玉）兩碗都幾足料，材料豐富、幾彈牙！亦唔會太甜，食完哂之後成個人降哂溫，非常解渴！😀💓下次可以黎食下古早牛肉麵，因為聞到隔離枱食緊，幾香！👍🏻😋

黎到深水埗google一下附近有咩食 , 就發現喺黃金附近有間台灣嘢,我地就試下。舖面設計雖然比較簡約, 不過牆上放滿咗喺台灣成日見嘅招牌，同一d好有趣嘅掛畫，好似真係置身在台灣咁！♥️講返食物方面我哋叫咗紅燒牛肉麵, 鹽酥大雞排同宜蘭蒽香餅. 紅燒牛肉麵湯底用上微辣帶鮮甜嘅湯底，舖上滿滿的牛肉, 入口軟硬適中, 非常入味。蘿蔔都超級入味！佢係我哋都鍾意食嘅麵質，扁身嘅粗麵，似刀削麵嘅口感，正鹽酥炸雞扒炸得十分香口, 每一啖都仲食到滿滿嘅雞汁,唔係柴皮雞。最驚喜既係宜蘭香蔥肉饀餅, 第一口唔小心咬落去所有嘅湯汁爆曬出嚟, 餡料有濃濃嘅香蔥味, 餅皮亦十分之薄煎得十分香口。餐廳性價比非常之高，絕對推薦大家要試！

我一向鍾意吃台灣牛肉麵，所以經過深水埗便試下他們的牛肉麵，我叫了特盛牛肉麵， 裏面有牛展肉、 花枝丸、貢丸和 豬軟骨，麵係類似偏身上海麵，湯底係牛肉湯但牛味無有其他食評所講咁濃牛肉味，亦無好似其他台灣食肆的 藥材湯底味。 我不太喜歡他們的麵嘅質地，麵吃起來偏軟， 感覺不是即時次煮像放在一旁加熱畀你食咁， 牛展煮得ok淋生， 豬軟骨不像日本餐廳煮得骨都軟埋， 所以仍然很硬咬不開， 豬軟骨不是很大嚿偏肥， 花枝丸住得很淋， 貢丸汁煮得比較ok仍然彈。 整體嚟講，相比起其他台灣餐廳牛肉麵這間算是 麻麻地 勉強合格， 不會再有下次。

深水埗也有很多美食及小店餐廳，是晚下班後剛巧要跟友人到深水埗看看電子產品，逛了一會後便看看沿途有什么餐廳，打算在附近吃個晚飯。最近古早味的蛋糕就很受歡迎，但古早味的台灣料理倒沒有試過。於是經過餐廳看到餐牌及價錢都很平民，就與友人進店試一試。進入餐廳後，見到台灣特色的裝潢，到處掛著台灣特色的畫及字句，連服務姐姐都會偶爾用國語溝通，果然夠台灣味😄至於食物方面，我們點了鹽酥雞粒、炸得香口入味，雖然份量不算很多，但以$22價錢來說還不錯；招牌半斤半肉台灣麵，肉很淋很入味，面的質感挺彈牙，蘿白沒有渣，讚！蚵仔麵線就中規中矩，但蚵仔的份量也不少，加入少許醋，真想念去台灣吃麵線的味道😍最後友人點了一杯百香果蜂蜜綠茶飲料，清香百香果卻略多了一點點甜的感覺。總括來說，這間古早牛肉麵的價錢相當平民，份量也很足夠！

係深水埗見到呢間台灣餐廳好似幾抵食,就入去試下點餐既方法同台灣一樣,畫落過膠既餐牌,夠台灣feel😂🍽酥炸大腸💰$20係街邊食既炸大腸通常層皮係厚同硬身d, 肉既部分都會韌,但呢度既炸大腸層d皮係好薄同脆,肉仍然係焾身,有驚喜,好好味👍🏻 佢大腸係斜切,所以都容易自己撇走d肥膏,但如果無埋肥膏就完美🍽鹽酥雞粒💰$22雞粒炸得好脆,面頭灑左好多調味粉,好香口👍🏻🍽小碗滷肉飯💰$32話係小碗,其實都唔小😂🍽起司蛋手抓卷餅💰$36手抓餅包住蛋同菜, 菜既分量比較多,所以唔會覺得甘’溜’, 🍽綜合麵線💰$35#最鐘意係炸大腸♥️♥️#餐廳人流都幾多下 用餐時間40分鐘#每樣野食都唔貴, 樣樣都想食,唔覺唔覺就叫好多😂