刈Bao台式創意小食 (Closed)

葵涌廣場3樓TOP 美食街，台式小食刈包系列一直是首選。午餐去食小食。三份小食十分滋味。點左個皇牌刈包，一手掌大，爆餡而且醬汁滿滿。腩肉轉做地道手撕豬款，肥膩感大減啊～而且好抵食，廿蚊都唔洗。 另外的鳳梨香酥雞炸饅頭，賣相很吸睛。拳頭咁大個炸饅頭；頂著香脆酥炸雞肉；夾著水潤菠蘿。連秘製醬汁，創意味道都唔錯。最後望落好似小丸子嘅特色台灣美食黑松露薯花。好多粒整齊排列，外型精巧。濃脆炸層包著綿滑薯蓉，而黑松露則提升味道深淺。一口過，一人一件再多件，同朋友開心捨牙。

位於葵涌廣場3樓的TOP美食廣場一條街。在這裏充滿着社會良心的小食店，為真正的香港人打打氣。這間小食店的老闆非常友善，感覺像是從心而發經營的。今天介紹我吃綜合5號，包括香芋地瓜丸，炸雞粒。香芋地瓜非常濃郁，好像吃了一個新鮮的香芋。炸雞粒的味道亦非常出眾，不會帶著過量油的味道，令人一吃再吃。再來一個香腸菠蘿包，食物名字不太記得，但這個包的材料是有香腸和菠蘿的，材料雖然簡單，但配合着非常好味。最後點了一杯青蛙下蛋，帶出台灣的感覺。香港人加油

去葵芳欣賞名畫後到葵廣搵食, well….梗係試識新嘢啦, 行行下突然間想食鹽酥雞, 落單時發現早前雜誌介紹既刈包, 未食午餐既我決定一試! “刈包” 於台灣又稱 “割包”, 料似饅頭質地, 中間夾餡料, 類似中式蝴蝶包! 古早味腩肉包 $18 ~ 包包好似好細一個, 但其實都幾飽肚! 包質地好鬆軟滑溜, 豬腩肉好淋唔油膩, 滑口! 再加上薄片蘿蔔花生香菜等等佐料, 好豐富好滿足! 再一客綜合4號 (鹽酥雞拼香菇貢丸) $30 ~ 鹽酥雞足有6件, 外層非常鬆脆, 雞肉嫩滑有肉汁, 正! 香菇貢丸就係炸過既貢丸, 係濃香菇味嗰種靚貨! 

黎到葵廣又點可以唔掃街！！但好多其實平時都已經食過晒，所以今次同朋友決定食點特別d既，其中一間就係台式刈包。🔸古早味腩肉刈包刈包佈滿，拎上手有一陣好香既滷水味，腩肉蚊得好淋好入味，另外再加左點酸酸的醬汁，成個包好好食，份量剛剛好，食完唔會好飽，可以再去掃街。🔸天婦羅炸蝦金饅新鮮炸起的天婦羅炸蝦，配以特製醬汁，再加上炸饅頭，成個包都好香口！當中既蜜桃增添左清新感，令成個包感覺唔會有肥膩感。🔸香芋地瓜球一份有6粒，食落同係台灣食過既差不多，外層係香脆軟糯既地瓜皮，內裡係甜甜既地瓜餡， 非常好食。🔸抹茶麻糬煙煙韌韌，抹茶味感覺剛剛好，唔會太苦。但如果追求濃味抹茶就可能覺得唔夠味。🔸山楂烏梅茶見到幾特別所以叫左一杯share飲，酸味好突出，食完熱氣野都幾解膩，不過唔記得叫少甜，甜左少少。整體覺得食物價錢唔貴，即叫即整，而且刈包真係好少見，掃街必試！

🤤今次搵食黎到葵廣既三樓，比我地發現一間好有特色嘅台式創意小食店，仲要係真港人黃店推介😎，唔係唔試嘛?💛🇹🇼小店叫刈Bao台式創意小食 ，咁梗係同刈包有關啦，佢地古早味腩肉刈包非常地道，加入左豬腩肉，花生糖粉，生菜及酸蘿蔔，足料又好食👍🏻跟住我地仲試地嘅創意小食，好味得黎真係連台灣都未見過架😳😳當中就包括左鰻魚王玉子饅饅，用炸饅頭包住燒鰻魚同玉子，日台fushion估唔到咁夾，岩哂鰻魚控嘅我地😍😍😍 (P.S 佢仲好多款，好似軟殼蟹同手撕牛，大把選擇XD)另外仲有一兜薯花‧辣茄芝士味，係炸到非常鬆脆嘅薯蓉波加上辣茄芝士，辣同咸岩岩好，一淡一粒，真係幾正😋😋👍🏻仲甜品小食，牛乳雪花糕，嫩滑雪花糕加上滿滿既椰絲，甜得黎又唔太膩☺️😳🥤野飲方面呢間小店都有供應好多款，我地就試左老闆推介嘅青蛙下蛋，係台灣特色，老闆仲加左奇亞籽、檸檬同黑糖啫哩，清甜又夠潤，非常好飲🤩🤩總括黎講，野食選擇多夠特式，又好味，價錢仲唔算太貴，新店都甘串，大家得閒記得黎懲罰下佢啦😎😌

平時都好鍾意食台灣野，今日行葵涌廣場嘅時候見到有一間小食店叫做刈包台式創意小食，仲有西安嘅刈包，好有新意，即刻試吓先😝😝我哋兩個人，叫咗：1️⃣ 鳳梨香酥雞饅頭$30 呢個超正啊！😘賣相好靚，重點係佢個饅頭係炸嘅，夾左熱辣辣嘅香酥雞，配埋微微烤過、鮮甜多汁嘅菠蘿，食落有多重口感，滋味十足！🤩❤️2️⃣一兜薯花 辣茄起士$25 超抵食呀😋份量好多，表層好香脆，裏面係軟冧嘅薯蓉，最正係個秘製醬汁，辣辣地嘅茄汁加埋香濃嘅芝士，酸酸甜甜，味道濃郁！鍾意茄汁同埋薯蓉嘅真係要試吓😋3️⃣手撕牛刈包$18 個包好香軟☺️手撕牛嘅味道似牛腩，食落好有新鮮感，薑味幾出，唔錯唔錯！呢度個店員好有禮貌，嘢食款式真係有好多，總有一款啱你心水🥳😝

今早吃早餐吃得太飽，所以在午飯時間吃得不多，於是就跟同事去了葵廣這裏看看有什麼小食。走到葵廣看到這間小食店，覺得很有特色，是台式的小食店，應該是新開的，以前未見過。門口小食相片吸引，我們隨便點了三款小食。小食是香芋地瓜球，是剛炸起的，入口煙韌，熱辣辣的，有很重的香芋味道，蕃薯味道淡淡，整體是甜甜的，不錯。刈飽是台灣出名的小食，所以就點了個古早味腩肉刈包。包面皮光肉滑，賣相很好。最初以為腩肉是肥肥的，入口原來很瘦，有一點點油滲出，很香。包很軟熟，好食。最後一個是鰻魚玉子饅饅，這個包很香脆，裡面的鰻魚及玉子很香，有甜薑的味道，醬汁是甜甜的鰻魚汁。整體味道不錯，每款配料亦很夾，好食。

嚟到葵度梗係要試吓啲新嘢食喇，喺3樓賣衫入面原來有一道地方係專賣嘢食嘅突然之間見到一個好有台灣特色嘅嘢食，叫做 “割包”，呢一樣野其實係台灣嘅街頭入面都會成日見到有依類型嘅食物，簡單啲來講即係一個好柔軟好柔軟嘅包入面包住舊豬腩肉再加花生香菜等等嘅嘢食，係一樣口感非常之豐富嘅早餐嚟嘅。喺台灣係好容易食到同見到嘅不過喺香港呢就好難見到啦咁嚟到就梗係要食一個古早味腩肉刈包喇，之前睇另外嘅YouTuber都介紹過依度有一舊野叫做炸饅頭，再叫埋台灣非常之出名嘅地瓜球好快就有得食啦，首先嚟咗個地瓜球先，呢個非常之好食一定要嘗試一下，我個人認為佢依度整嘅地瓜球仲好食過台灣夜市嗰啲，因為佢入面嘅芋泥再加上番薯嘅外皮揸得剛剛好，好QQ ，有口感，我哋兩個都認為非常之好食新產品，炸蝦天婦羅再加桃再炸饅頭，依個size嘅炸饅頭喺出面係非常之少見，大概係一個人嘅拳頭大少少，重點係店家炸饅頭嘅技巧非常之高超，炸得剛剛好，估唔到除咗煉奶之外，原來加上沙律醬再加土再加炸蝦又出奇地夾喎我最期待嘅包，呢個包相對台灣嘅就冇咁大嘅，不過佢做嘅味道同台灣差唔多，首先佢個豬腩肉做得非常之林同埋唔會有嗰種油膩感，再加上少少酸菜蘿

葵廣真的愈來愈多不同款式的小食店，是日同朋友去到葵廣3樓TOP世界，見到哩間主打台式小食的店舖，刈Bao台式小食店加上有炸饅頭的小食，同埋其他台式小食，真的好耐都無食炸饅頭了~~所以同朋友唔食飯，決定掃街食小食~~是日我地點左鰻魚玉子炸饅頭，古早味腩肉刈包，炸地瓜球，星空奶凍，辣茄芝士炸薯花鰻魚玉子炸饅頭，鰻魚幾滑身，配上玉子，少少薑絲同甜甜嘅汁醬，好開胃古早味腩肉刈包古早味腩肉刈包是有花生粉、少少辣菜脯、生菜、酸蘿蔔，五花腩仲有用4個鐘榻整的古早味腩肉，食下時真的好幸福的味道，辣茄芝士炸薯花辣茄芝士炸薯花真凡好味，滑的薯蓉，加上辣茄汁，同埋拉得起的芝士，好邪惡呵~~炸地瓜球炸地瓜球，黃色外圍的甜薯蓉，食落去夠煙軔而且有大量香芋泥湧出，真的同朋友食完一粒又一粒~星空奶凍星空奶凍上面系蝶豆花的JELLY，加埋牛奶凍，作為甜品真的好正~~街坊小店，一定要支持！老細仲在我地食個時，主動問及我地食物如何~~真的值得一試~~

今日又去咗葵廣嗰度行吓街，今日見到呢間好特別嘅台式小食鋪頭！佢有我好鍾意食嗰個饅頭包，中間有可以自選餡料!我就揀咗最出名嘅古早味腩肉！其實價錢真係好平， $30就有兩個包，完全性價比爆燈！個包入面嗰塊腩肉雖然厚身，但係一啲都唔油膩，入面仲有啲辣辣地嘅蘿蔔絲同埋榨菜，完全中和左個包嘅油膩感，超級推介！跟住朋友就叫咗炸饅頭，平時炸饅頭通常都係點煉奶，但呢度竟然有鰻魚玉子可以揀！鹹嘅炸饅頭出乎意料地好食，而且新鮮炸起好脆口，澱粉感覺相對少啲，同樣推介！飲品就聽店員介紹，叫咗好出名嘅台式飲品，青蛙下蛋！之前喺夜市有見過，都唔夠膽嗌，覺得個名好奇怪！哈哈，原來係青檸梳打，仲要有啲蒟蒻同埋亞麻籽，感覺好健康，又唔會太甜！最後叫咗個炸芋頭球，我真係超鍾意食呢一個！呢間鋪頭啲炸物真係好有水準，下次要黎試埋其他野食！🥳

葵芳返工既我, 久唔久就會去葵廣搵食, 小店舖真係幾步就一間, 選擇種類都多到數唔唒, 今日lunch就同同唻去到三樓TOP世界入面搵食, 經過見到台灣好出名既刈包 , 香港真係比較少見, 就一於試下啦！我就叫左個凰梨香酥雞饅頭, 朋友就叫左古早味腩肉同麻辣雞刈包, 再額外加左個小吃- 香芋地瓜球, 先講下個地瓜頭, 即叫即整拎到返office仲好脆好香！至於刈包個皮好 軟熟, 配上腩肉食落唔會好肥膩, 麻辣雞非常夠味, 夾埋個刈包好配搭得好好！我自己鐘意就係凰梨香酥雞饅頭, 饅頭係炸過, 加埋波羅甜甜地, 好好味！

葵廣出名多嘢食🍡今次就同朋友嚟食台式小吃_🥚鰻魚玉子金饅頭 $32呢個有驚喜😍炸饅頭食落去好香口 配埋鰻魚同香甜玉子一齊食幾夾😋_🌮手撕豬刈包 $18刈包又名為虎咬豬🐯🐷橢圓形的饅頭中間夾著腩肉絲 鹹香味幾重 配上菜絲令刈包更清新_星空奶凍🍼 $20呢個真係推介大家試吓🤣面頭嘅藍色部份其實係碟豆花黎 下層奶凍奶味非常香濃 無論係打卡定係食都一流❣️食落去亦都唔會話好甜 用嚟獎勵下自己都唔錯🤩_🥔一兜薯花 （辣茄起士）$25有三種醬汁可以選擇，包括日式燒汁，黑松露醬同辣茄起士 我地就揀左辣蕃茄醬配芝士🧀🍅，配埋薯花一齊食幾惹味🤤_青蛙下蛋🐸 $20聽個名好得意😎其實下面係黑糖蒟蒻，上面就係一粒粒嘅亞麻籽，加埋檸檬汁，酸酸甜甜幾開胃🥤

呢間店一睇就知主打台灣美食 🇹🇼 🤪「台腸金饅🌭($30)」好酥脆 好香口 台腸香甜 配埋菠蘿好清新 鹹甜鹹甜 正正子🙌🏻🥰!-This shop mainly sells Taiwanese street foods. 🇹🇼🤪The texture of the 「Deep-fried Bun with Taiwanese Sausages🌭($30)」is crispy outside and soft inside. The Taiwanese honey sausage is juicy and sweet. The slice of pineapple is a highlight of the bun! Overall, I like this sweet and salty combo🙌🏻🥰!-價錢price：$30地址address：葵芳葵富路7號葵涌廣場3樓Top世界, T26-27號舖 shop T26-27, Top World, 3/F, Kwai Chung Plaza, Kwai Fong- [ ] 性價比CP value：🤤🤤 fd🤤🤤🤤飽肚fullnes

刈，包有台式漢堡之稱，極具代表性的台灣傳統小吃。橢圓形的饅頭小吃，白皚皚，軟棉棉，熱烘烘。老滋味也能吃出新玩意，店家加點創意，把刈包改良，融合別國風味的食物，創出新滋味。支持小店，即點即製，街坊價錢，用心製作。當選擇困難症發作時，店員們很友善作介紹，先吃包點，吉烈蝦炸饅頭。炸饅頭，色澤金黃，外脆內軟。吉烈蝦上的麵包糠並不厚，蝦肉咬下爽口👍🏻配上輕輕燒過的芒果片，甜咸交加，有層次感。台式小吃，也是必吃的😆綜合5號，鹽酥雞，炸地瓜球。鹽酥雞能自選辣度，更增味。是日取中庸之道，五度辣。雞肉炸得香脆，雞肉嫩滑帶肉汁，辣粉平均佈在鹽酥雞上，味道剛好。炸地瓜球，煙韌控最愛❤️既是煙韌，也酥脆可口。接近完美比例，輕微空心，吃下時，令人聯想到台灣夜市。

ᴡᴏᴡ!!! 葵廣又有新嘢食啦‼️今次係台式小吃～緊係要同台灣👦🏻男朋友一齊去試下味😋睇下正唔正宗啦～.其實刈包我本身就未食過既 今次係第一次食手撕豬刈包好多料!!!我就覺得有少少咸 不過配埋檸檬冬瓜茶就ok有🐖豬腩肉 花生糖粉 生菜 酸蘿蔔等等男朋友話台灣既就無咁濃味 不過都好似👍🏻.我反而好欣賞個鳳梨香酥雞饅頭鳳梨+香酥雞包住係炸饅頭入面 好特別‼️❤️酸酸甜甜好開胃 外脆內軟 香酥雞好香 唔會膩預先切半方便食用😋.🍅辣茄芝士薯花有8大粒係將薯仔🥔打成蓉 好sᴍᴏᴏᴛʜ再拎去輕炸 拌辣蕃茄醬汁同芝士一齊食🤤好惹味 呢個小吃唔錯呢～.以後行葵廣又有新食點啦💙