廣成冰室 (Under Renovation)

舊地重遊，地方依舊，舖頭仍在，吃到的是人情味，也是回憶。散叫外，只有早餐或茶餐兩個餐都是牛肉通粉*牛肉是用新鮮牛肉，薑絲帶出牛肉鮮味。通粉是港式通粉，口感偏淋。*早餐可選擇鮮油餐包或菠蘿油。揀了菠蘿油，傳統的菠蘿皮，包底鬆軟，夾大塊厚切牛油，邪惡吧*茶餐跟雞蛋三文治，炒蛋又厚又嫩，比坊間的炒蛋更出色。*咖啡香濃，上枱時已飄來陣陣咖啡香味*熱檸檬茶🍋，色澤深褐，茶香不帶苦澀，舊時的西冷紅茶茶底入座時店員已溫馨提示，她們做的食物時間較長，要耐心等待，這種與食客的互動，現在已經少有。

以前住粉嶺間中都會去廣成冰室食個茶餐和紅豆冰搬走後很耐冇嚟喇 !!!咁啱來到粉嶺做野當然要嚟回味一下 ...店面的裝潢無咩改變 ...仍然保留著 70 年代傳統冰室的風味 ...好似天花頂上舊式的牛角吊扇、牆上的手寫餐牌、地下的紙皮石地板 ...這兒的名物 ... 手刨紅豆冰、牛肉通粉、蛋治中午來到未有紅豆冰 ...就點了份早餐 (HK$42)，有牛肉通粉、熟蛋、鮮油餐包、仲有咖啡或茶平時凍飲要 +HK$3，這兒只是 +HK$1 咋，真是良心小店，要多支持喔 !!!儍媽將煎蛋轉了炒蛋，鮮油餐包轉了菠蘿油 ... 唔便加錢的雖然菠蘿包不是熱騰騰但是菠蘿包皮酥脆，麵包鬆軟，配埋厚切牛油一起食，邪惡又滿足 !!!** 以上分享是以我的口味、體質和情況作出分享及感受，一試 / 合用與否請自行決定

廣成冰室可能係全北區最老既冰室，裝修同以前冇大分別，只係油左新既顏色。如果價錢都冇變就正啦早去到唔駛等位就入到，叫左個早餐+茶餐，有晒菠蘿油同三文治！今次冇叫手刨紅豆冰，因為記憶中好貴，同埋冇得將跟餐既飲品加錢order既！生牛肉粉冇以前咁鮮味，菠蘿油同三文治都普普通通，性價比亦唔係特別高。我諗最唔同既地方只係佢保留既人情味同風味！

次次黎親廣成冰室都要排隊，今日唔知係咪因為係平日，所以唔使排隊都可以即刻入去食。梗係要嗌佢例牌嘅火腿通粉啦，一定要落胡椒粉，咁先夠香。另外嗌咗紅豆冰，同細個食嘅時候一樣咁好食咁有口感😘😘👍🏼👍🏼

這間懷舊香港冰室，一磚一瓦都充滿著古舊氣息。那份說不出的港式情懷，令冰室仍有著存在的價值。人有時也需要一種存在感，一種被需要的幸福感。不被需要的感覺跟不被在乎很接近。一段健康關係，常常是在獨立與依賴之間找到平衡。這裡吃的不只是食物，而是多了一份香港情懷。一間值得保存的舊式港式茶餐廳，經過要惠顧一下。

呢間茶記都係老字號 所以到上水既你地一定要去試下個常餐好似set好左牛通加蛋治個牛通清清地 幾好味 份量適中不過最正係個蛋治個我推介大家一定要烘底因為真係好出色加上個蛋好香牛油味另外再加上菠蘿油不過菠蘿油就比我想像中 無咁出色但佢特別之處就係餐包底😍

日日有一大班朝聖客人排隊，生意多到做唔切，服務太度奇劣，呢間野得一樣主食，就係牛肉通粉，食過真係好一般，上水街坊已無人去，得返d朝聖遊客，又貴又要排隊，還要食d一般般既野，你自己諗諗

茶餐 (牛肉通粉+蛋治+飲品) $42招牌冰柱紅豆冰 $23喺香港呢類舊式冰室已經碩果僅存，經過上水趁機造訪下。呢度只賣2個餐: 1點前就早餐，1點後就茶餐，所以基本上全間餐廳都係食緊同一款食物，亦因為咁即使要排隊都唔使等好耐飛。蛋治係呢度嘅招牌之一，小編 +$3叫左烘底，多士好有牛油香，炒蛋真係超級多，爆哂餡，但都因為咁所以食到好lao gao🤣 牛肉通粉唔同一般嘅茶餐廳，佢嘅鮮牛肉好諗，湯底就好清，好彩有薑絲無咁單調。飲品凍奶茶+$1就正正常常啦☕️黎到呢度梗係要叫招牌冰柱紅豆冰，啲紅豆真係多到嚇死人，差唔多90%係紅豆，要用匙羹慢慢潷先得，不過紅豆真係好甜好好食，條冰柱都好有特色🧊🧊ps呢個一定要單點，冇得跟餐，所以食完一個餐飲完兩杯野飲真係超飽，好彩呢度嘅氣氛冇澳牛咁超趕🤣

假期既話實排隊排到成粒鐘先食到，所以特登揀平日，果然去到真係唔使排隊。今日就揀咗食菠蘿包，牛肉通粉同凍奶茶。睇啲食評話佢啲牛肉通粉好濁，又真係幾濁既，係一鍋由朝煮到晚嘅牛肉汁，你可以話係精華既，兩睇啦。不過講真牛肉又真係冇乜牛肉味嘅，今次啲碗有薑絲，可以話係辟咗少少酥味，食嘅可能係一種回憶啦！另外菠蘿油今次唔加油啦，菠蘿包軟綿綿，個皮都脆的。好就係好在杯凍奶茶，茶底香，啲冰係紅豆冰未鑿開嘅冰，加埋黑白奶簡直係絕配！你話值唔值得排隊，假期我一定唔啦，人群恐懼症啊，平日得閒冇嘢做又想食下懷舊冰室啲嘢，都可以一試既。價錢方面，依家紅豆冰都要$26一杯，常餐就$42，不過呢，食得開心就得啦

29/3/2021平日時段星期一11點左右去食嘢，一開門入去食嘢，有位阿姐拒絕我(輪椅)不能進入，他說沒有枱及沒空間，內裏還有枱的，中間還有一張無人坐的枱，這位阿姐態度非常惡劣

呢期好興食茶餐廳 難得今日放假睇吓上水粉嶺有冇啲懷舊餐廳可以試吓 而且我今日早咗起身好想食一個懷舊早餐 上水有一間叫做廣成冰室出咗名係牛肉通粉於是整好野就出咗門口😋😋😋去到門口已經好多人排隊由於我一個人啦所以去到都好快有位入到去已經係咁催我落單 其實我都未睇好想食咩最後見到隔離枱食牛肉通粉加太陽蛋所以就跟住嗌啦 由我入嚟都到坐低都覺得入邊嘅職員態度一般不過算啦食完都快啲走 因為間舖頭好細坐唔得耐啲牛肉係幾新鮮嘅 但係我就覺得成碗野冇乜特別如果要我排幾個隊就不了

來到上水踩單車，租車前決定飽餐一頓再上路，朋友推薦了廣成茶餐廳，上網一查確實和連鎖店完全不同風格，當然要試試傳統的港式風味先✌🏼座位已舊式裝修來說不過不失，算不會不舒服（如果是卡位可能後方的食客動作大一點就會有點影響）餐點選擇不多，主要就是薑絲牛肉通粉，餐牌應該是續用舊時的，有些已經看得不太清楚「柯打」左常餐，牛肉通｜平時食開米粉/公仔麵，第一次見到冇得轉嘅，所以決定試下✌🏼身為台灣來的新移民對於「湯通粉」，真的很難愛上呢個味不過個牛肉真的好滑，聽說老闆堅持多年唔用鬆肉粉，而係用天然醃料將牛肉纖維醃鬆兼入味，以確保肉質鮮嫩多汁細軟！難怪回頭客不斷encore 湯頭又清，早餐健康之選。碎蛋三文治絕對不會讓你失望，本來以為會好膩，同埋估唔到蛋咁「厚」呀！一啖咬下真係大大滿足，滿滿的蛋香不用其他調味就可以食到食物原有嘅香味！必點朋友嘅餐係跟鮮油餐包，好似迷你菠蘿油！麵包都好新鮮，暖暖的包加埋牛油融化在包內～～正呀！

難得去到上水，專登去廣成冰室潮聖一下。見好多人話姐姐既態度差，唔知係咪因為我地去到已經一點半，過左最多人既食飯時間，雖然坐低左一陣姐姐有chur我地落單，但呢個都係舊式既茶記既特色，雖然chur我地但又唔覺得係特別無禮貌，不過係姐姐chur之下，最後都係嗌左兩個常餐，無嗌到紅豆冰，有少少可惜 好多人讚佢既蛋治，反而我覺得一般，但菠蘿油凍左都好食，有啲意外。 奶茶用返最傳統茶記用既熱飲杯裝，味道都好好，有茶味，好飲👍🏻牛肉通粉中上，幾鍾意佢個湯底，牛肉同通粉就正常發揮。 一定會再黎返兜！

今日諗住入去食個茶餐攞飛嘅時候亞姐嘅態度勁差，行埋去睇嘅時候，啊姐話，係咪食啊？幾位阿？我點知你係咪食啊？個四眼啊姐個樣勁串，好像要求佢俾你食禁，我見食嘢都要受氣，直接轉身就走。絕對唔會有第二次。

見到好人排就入咗嚟，同朋友食咗一個早餐和茶餐，本身食物冇問題，都叫好食，牛肉通心粉幾清唔喺好覺有味精，蛋治好厚身做到有汁7-8成熟。但係呢個質素坦白講出面都有好多選擇，但喺間野喺有特色的，裝修好懷舊。本身用正常速度冇咩講嘢食，都得番杯嘢飲嘅時候，阿姐就叫食完就走，大佬我仲有半杯，我朋友都喺未飲完。佢見到就講未飲完㗎，但喺出面有好多人等喎。我地都冇諗過慢慢吹水食，但係食完先走都得掛。一句講晒冇下次，俾錢仲要受氣