牛石料理 (Closed)

悶左太耐,兩口子想食下好野, 就去左牛石料理 食餐勁既!!去到問下老闆娘,有乜好介紹, 佢就話D海膽好新鮮,好正,咁緊係要來一個試下啦!!我就叫左個海膽丼! 佢既海膽除左係日本新鮮海膽外,味道十分鮮甜,加埋我最喜歡既吞拿魚蓉,包落紫菜到,簡直正呀!之後仲叫左本人非常LIKE 既燒蟹蓋,勁香啊,一定熱辣辣食先好YUMMY啊！法國鵝肝多士就夠晒熱!盡好香口!! 讚再加個串燒(雞皮，雞腎，雞翅，雞軟骨) ,我就十分鍾意食佢既雞翅同雞軟骨!夠晒味!最後來芒果布甸!簡直大滿足!!

一向鍾意去日本同埋鍾意食日本料理嘅我每隔幾個星期都會搵一啲新嘅日本料理去試吓呢間牛石料理我已經去過一次但係我今日又重複來臨啦😋🥰可想言之我都幾鍾意呢間餐廳🍴牛油果軟殼蟹卷 （8件) $98今次叫咗牛油果軟殼蟹卷，佢嘅軟殼蟹炸到好脆，而且壽司米好好食🤤而喺壽司上面嘅牛油果份量都非常多。變相每一舊嘅壽司口感都非常好。蟹味噌甲羅燒 $88呢個甲羅燒 超級足料蟹肉蟹膏樣樣齊，一上枱就已經聞到佢浸味已經想流口水啦🤤更何況燒香咗佢之後一啖兩啖三啖食唔停咁樣擺落口😋好正🤣仲有呢個真芒果布甸！超好食嘅甜品🤤🤤

好耐冇食過好嘢啦，今日男朋友帶我嚟咗呢度食晚飯佢話佢啲friend介紹我勁期待囉😍我哋叫咗加拿大海膽1板 $328佢啲海膽個樣靚到上咗枱之後我不停幫佢影相勁大件 同埋話想去色澤好靚忍唔住食咗一啖 個海膽超級creamy 😍入口即溶！一件食完之後接一件簡直停唔到🤣燒雞泡魚乾 $84我哋嗌左梅酒一定要帶啲小食送佢啦佢燒雞泡魚乾燒得好香 而且無燒到完全乾晒食落去乾得來仲有d濕度 好味！法國鵝肝多士(兩件) $118鵝肝超大件又厚身 呢個極度推介又係入口即溶咬落去啲汁滴到成枱都係😹一定要試！😋😋👍🏻

聽日放假，今日收工緊係食盡佢啦，不飽無歸！我地就過嚟食呢間牛石料理，你哋聽個名實以為呢間餐廳只係食牛啦！但係一入到去你就會比佢個冰櫃嚇親，裏面好多魚呀，原來佢哋會做即切嘅魚生，好少喺香港見到呢類型嘅餐廳！同埋最近餐廳做咗個活動，就係Like 佢地社交平台,同埋拎住張實體卡，就可以送一條魚阿。我同我朋友即刻都唔執輸，即刻Like左，咁樣我哋就有一條免費魚刺身食啦！我哋見到有條魚，所以我哋點左個牛嘅拼盤，個擺盤好靚呀，仲有講解啲舊肉係屬於咩，咁樣就唔使擔心自己食咗乜嘢都唔知，我覺得呢個拼盤好正阿，質素超好，見到佢啲雪花都知道好吸引啦！我本人喺呢個拼盤度最鍾意食嘅係牛舌心，因為佢好厚身，出面嗰啲好多都好薄，冇咬口，但係呢度唔同呀，夠厚身，味道一流！其他食物質素都好高特別係呢個蟹粥，好入味好有鮮甜味，而且蟹肉都好豐富，做得好出色！！

今日做完野同接老公放工一齊輕鬆下，去左【牛石料理】探店主打日式美食，刺身壽司🍣 ，串燒，燒肉🥩 好齊！⭐ 非常推薦佢個海膽飯，超級美味！海膽下面仲有吞拿魚，夾紫菜連飯包住一齊食，好味😯！來自日本嘅海膽，好甜！⭐ 我最鐘意食鵝肝！法國鵝肝多士脆口美味，味道調得剛剛好！⭐ 燒蟹🦀 蓋，好香啊，好鐘意食蟹膏，記得要襯熱食啊！😍⭐ 串燒叫了(雞皮，雞腎，雞翅，雞軟骨)，加上檸檬🍋 汁😎呢間串燒調嘅味道剛剛好！特別鐘意個雞翅！脆卜卜！！😍食唔停口！⭐最後仲有個好味個芒果🥭佈甸做結尾，好滿足嘅一餐！搵返日本嘅感覺😘

九龍城對於我來講係一個好特別嘅地方遲吓話俾你哋聽原因🙈🙈今次係我食高質日式料理-牛石料理Order咗個牛石二人和牛會席$988 有😋蟹子沙律 😋日式炒野菜 😋甜品😋刺身三款-金目鯛 油甘魚 三文魚 新鮮肥美 完全冇雪藏味😋牛石燒肉盛盒(日本伊藤和牛A4西冷 日本伊藤和牛A4肉眼背鋒 頂級牛小排 牛舌心）個人認為燒到表面少少焦香5成熟係最正😋鹽燒三元豚 腩口感脆彈 爽口不膩 油脂入口即化😋特色卷物 表面經過燒炙 油香世日啱晒唔食魚生嘅我 有帶子同埋三文魚口味呢家只要like and share fb再加優惠咭可以免費獲得鮮魚刺身原條，先到先得冇得飛唯有食下高質日式料理FF下 頂住先#牛石料理 #tagmonkeyhk

我最鍾意就係食日本野㗎啦今次朋友帶我嚟到食九龍塘嘅呢間日式料理我朋友極力推介，佢話佢已經嚟過好多次啦所以就跟咗佢過嚟🤣🤣牛石燒肉盛 $558呢個燒肉盛有齊晒牛嘅所有部位而且真係每一款都非常高質食落口就知真係冇得呃人👍🏻👍🏻👍🏻非常推薦各位嚟到呢度叫呢個牛石燒肉盛咁嘅質素仲要係中位價錢好滿意❤️❤️👍🏻除此之外仲嗌咗其他嘢真係全部都好高質素🤣🤣和牛炒飯炒得好香，而且炒飯粒粒分明，火候控制得非常好👍🏻和牛亦都好好食，保持到好好嘅水準❤️而且蟹粥都煲得好有鮮味，蟹肉亦都十足，成個粥好香好高分👍🏻

📍牛石料理📍九龍城福佬村道51號地下朋友介紹話呢度嘅日式料理好出色所以今日專誠去咗呢度❤️❤️👏🏻👏🏻一去到店員話Like page送一條魚刺身，佢係先到先得架😲我嚇咗一跳，竟然有咁正嘅優惠嘅咩😂😂真係估唔到！！我覺得呢度嘅海膽值得我去encore！上碟既時候，我呆左，勁大嚿海膽呀，包住塊紫菜一啖食左佢，海膽入口即溶，超重海膽味，入口即溶，勁creamy。海膽愛好者一定要試呀！而重頭戲都嚟啦，即砌刺生，第一次食咁樣一條魚嘅刺身，Like社交平台送嘅都咁有誠意真係不得了❤️❤️食落去種感覺會好唔同，感覺到佢真係好新鮮，係食到刺身有種甜味甘，真係同出面啲餐廳好唔同阿！仲有呢份牛石燒肉盛！😍😍好正！全部肉到好好食！牛肉係會食得出油脂分泌同牛肉比例好好，咬落去牛嘅香味好重😋大家係牛肉同埋魚生既愛好者，我極度推介你哋嚟呢間餐廳試一試，一次過滿足晒你兩個願望！正。

外賣自外賣自取收左$16 2個餐, 夾埋沙津, 湯果d 極細盒共8個盒,全部計$2/盒, 未試過食個外賣收咁貴盒費買果時問點解咁貴佢仲話陣間d 野食黎到就會知等我仲以為有16個盒咁巴閉原來收成$2/盒而且態度極不耐煩要人地俾錢解釋下都費時咁

⁣⁣⁣⁣燒肉以外的午餐⁣⁣⁣⁣牛石料理主打燒肉，今次來試試它的午餐。⁣⁣⁣⁣海膽蔥拖羅碎飯定食$110⁣⁣加拿大海膽配吞拿魚蓉，份量適中，食到最後一啖還有少少吞拿魚蓉。味道中規中矩，沒什麼驚喜所以不會失望。⁣⁣⁣⁣火炙三色丼定食$89⁣⁣鰻魚、三文魚和左口魚，普普通通的定食🍱⁣⁣⁣⁣⁣⁣

與一位朋友聚餐，共二人，D卡位非常寬鬆，坐得幾舒服。我第一次去，吾知關唔關疫情事，吾係太多人，但見入嚟D客都好似係常客咁款😁服務非常好（只有用餐期間有一個服務員添水時態度突然令我有點不悅）其他都非常非常滿意！魚生新鮮好味（利申：我吾係專家，只是平民一個），主角燒肉大部分更入口即溶。拍得住去日本食嗰D😆當然價錢亦吾會平，飲咗3杯啤酒，一個燒肉set（包少少魚生，同豚肉），一份壽司（大概係咁），食咗$1200. 算係咁，最緊要D牛肉真係好食😋

見九龍城呢間和牛燒肉店都有唔少好評，就一於去試下。去到大約7點冇人，唔洗等位，仲有店員在門口招徠，成間店得我地一枱客。叫左燒肉set、刺身同一D小食，樣樣都試下咁。三文魚腩刺身、北海道帶子刺身三文魚腩唔肥亦唔香，刺身亦較薄，麻麻地帶子都有少少鮮甜味，還好雞泡魚乾，非常淋，睇圖都睇到唔係好燒過，有D似即開一包包雞泡魚冇燒過就拎出黎燒肉拼盤份量比較少，牛每樣得兩塊肉全部未溶雪，食開燒肉既人應該明白未溶雪就燒係唔好食所以我地都等左一陣先至燒全部肉都零肉味，要靠落鹽/落黑椒和牛亦唔算好油香最好食反而係雞肉炸軟殼蟹營養不良咁款，同埋全部都係蟹腳，食落瘦削，炸粉多，亦有少少腥燒肉爐要先預熱10分鐘甲羅燒一般，唔鮮甜，冇蟹味牛油燒帶子，還好，牛油燒幾香，帶子都彈牙最後送甜品，芒果布丁，坦白講係全餐最好食既野總結，個人認為價錢略貴，份量都比較少，兩個人食完以上既野係唔覺得飽，但係食左成千一蚊。食完之後要再去第二度食野，於是轉戰九龍城另一間燒肉，食完之後，會更加覺得間係貴又唔好食，大家可以留意之後既食評

9月1日王后生日，食好D，落九龍城揾食，找到間牛石，冇BooK位，唔駛等直入，環境OK，睇下有咩好野先，日式都係果D啦！話明食好D，就食最貴果個餐，頭盆青瓜絲蟹子沙律，一般，再來魚生，6件，三文魚，仲有2款知名，每款2塊，又係一般，再來烤肉，雞，猪，牛脊，A5和牛每款4件，雞腥，猪一般，牛脊，和牛都冇牛味，再黎扇貝，極差，跟住龍蝦頭麵豉湯，只有麵豉湯味，到龍蝦，唔識形容咩味！全餐食得下就係和牛炒钣，須然和牛少，但钣炒得乾身，味道OK，最後芒果布甸，2匙羹食哂。多谢$138O，加一服務費

唔經唔覺已經WFH左兩個星期……老媽子就Cook From Home 左兩個星期，唔好話佢煮到悶，我係屋企都食到有啲口寡寡……今日星期五決定同我老媽子Happy Friday!牛石種類選擇非常豐富，但因為疫情關係，我哋都決定唔食咁多生冷嘅刺身或者壽司，選擇咗烹調過嘅午餐!銀雪魚京燒定食用西京燒汁醃過嘅銀雪魚非常之入味，外皮燒得香脆，魚肉仍然juicy ,如果你鍾意銀雪魚，千祈唔好錯過!火炙三色丼定食有火炙過嘅三文魚、鰻魚和碟魚裙邊。因為用火槍燒過嘅關係，上枱時已經散發出陣陣嘅嘅焦香魚味。魚油更滲入壽司飯入面，所以就算淨係食飯都有着滿滿嘅魚脂鮮味！今次老媽子好滿意呢間餐廳食物味道果然係其中之一，但佢跟滿意餐廳嘅防疫措施做到足同事環境亦非常闊落，唔使擔心交叉感染！好啦，老媽子，下星期五再嚟啦！

因為疫情關係，Lunch多數都係Office 食。但係，每星期都會預留一、兩日跟同事出去食，唞唞氣...咁梗係要搵個環境舒適嘅地方食好啲啦！牛石料理，我已經嚟過好多次，但係lunch就真係第一次，之前行過，見到佢個lunch 餐牌都好多選擇，但最重要係，餐廳入邊非常闊落，每張枱都有自己獨立嘅包廂卡位，做足社交距離，咁就食都食得安心又放心啦！今次我叫咗原條鰻魚定食, 套餐已經包埋茶碗蒸蛋、沙律及麵豉湯，非常豐富。至於飲品，我就叫咗一杯冰凍嘅柚子蜜，天氣咁熱，真係要消消暑。主菜原條鰻魚飯，呢條鰻魚真係有手臂咁長㗎!成個餐份量真係非常之大，如果兩個女仔細食少少，可以share一套餐，都足夠食有餘呢！總括來講，牛石料理嘅lunch選擇種類非常之多，食過軟殼龍蝦海葡萄沙律；京蔥拖羅反卷；明太子櫻花蝦茶泡飯都係一等級，無論你想食刺身、壽司、丼飯、甚至乎便當都有得選擇! 而且餐廳環境夠晒闊落，一入到門口仲提供埋消毒設備，係而家疫情底下絕對係外出食飯安心之選！