牛石料理 (Closed)

因為疫情關係本來計劃左嘅日本旅行被迫取消....為咗令肥仔唔好再咁意志消沉,今日放假特登定帶佢嚟食燒肉，俾個驚喜佢。估唔到....肥仔佢話「好味到可以媲美喺日本食!」 (開心番安樂晒) 我哋嗌左一個$558燒肉拼盤, 一次過食晒日本嘅牛、雞、豚!(肥仔最愛的和牛，同埋我最愛嘅牛舌心) 伊藤A5和牛-肉眼A4和牛-肉眼背山峰A4和牛-西冷頂級牛小排牛舌心雞腿肉-日本華味鳥三元豚-西冷三元豚-腩等緊麥飯石燒板熱嘅時候，肥仔大廚上身，喺燒肉醬灑上鹽和黑椒醃醃佢哋A5和牛用大火將牛油逼出，燒到表面有小小焦香5成熟就食得!入口嗰一刻牛油同肉汁四溢，入口即溶，食得出絕對係高質新鮮級數量而牛舌心就夠晒厚身，爽口而不韌!肥仔話可以媲美日本食到嘅和牛, 好啦咁以後唔洗去日本啦~去九龍城就得啦!

原先滿心歡喜諗住去漁吉， 點知執咗笠。平時行開都有見過呢間去而帶從來未入過去。 平時經開見到似係食啲中價野正正常常 點知今日一入去全部都係學生食緊學生餐。嗰位女人睇落似老細，串串貢冇禮貌。叫咗menu裏面蟹肉三文魚丼飯， 朋友叫咗咖哩豬扒飯。 蟹肉勁安心 蟹肉加埋都唔夠 一邊拌菜嘅 雞蛋絲同wasabi多。 三文魚仲要係勁cheap嗰隻， 好淡口肉質差。 真係去隔離茶餐廳食冇咁嬲。朋友嗰個咖哩炸豬扒飯 個炸豬扒勁油益。 根本間嘢就係做緊學生餐質素。 佢唔正常水平到達唔到。一定冇下次。勸你哋都係唔好過去食。費事嘥錢！

今晚約咗班好耐冇見嘅朋友仔吹水食飯，想食D大滿足嘅野！去咗九龍城牛石料理，入到去環境都寛落，見到個餐牌樣樣都想食！吉列炸蠔$49外脆內軟，D蠔鮮味十足！炸日本芝士年糕$32，口感一流，又吾肥膩！雞軟骨$36燒啱啱好，好爽口，不過份量有啲少牛油果軟殻蟹卷$98，有啲失望，因為裏面D軟殻蟹淋曬一D都唔脆！另外點左二人和牛會席$988，雖然凈睇個價錢好似有少少貴，但絕對係真材實料，極度新鮮！個餐又多款色：有牛石燒肉盛合四款、蟹籽沙津、剌身三款、鹽燒黑豚腩、炒野菜、特色卷物同甜品、真係好好好好多，完全大滿足，物超所值！由其份A5和牛入口即溶，油脂分泌均勻，正日本三元豚腩$128吾好睇好似好肥膩甘，燒起都幾爽口！多春魚$38不過不失，但有D吾脆！雖然張單成$1500倒睇落有D貴，但食材新鮮都可以接受！我哋又可以食到大滿足甘走，正

疫情關係，無得去旅行。適逢母親節前夕，又黎牛石搵返日本既感覺💓果然無令我失望，個蟹棒壽司每次食都好好食，難怪女兒要encore🤣食飽左都仲要食。另有嗌雞泡魚干，和牛炒飯，壽司盛，蕃茄沙律。不得不提個蕃茄沙律係日本當造既，超甜超有蕃茄味又唔酸，當然有一半都係落左女兒個肚到。😅算啦，佢無得食壽司，等我黎食新鮮魚壽司😋😋😋新鮮又甜美，今次本來想食佢地話promotion $78隻蠔，$1xx既活海膽，但今次太多飯食唔到，等我下次再黎試，蠔同活海膽等我丫😋結論：會再黎牛石食🥰😋

今日同阿女去食lunch,叫咗兩個餐，後來發現其中一個餐同學生餐一樣，問女侍應有什麼分別，她説沒有，但兩個餐係相差$30，後來我發現其實分別在於貴啲那個多一客蒸蛋，之後收銀那位女士過嚟問我吃了蒸蛋未，我說已吃了，佢話咁無得改，其實我都諗住算啦，佢跟住話都係相差十幾蚊啫，我話兩個餐相差$30喎，既然佢咁講，我咪問佢一客蒸蛋幾錢？佢居然答我唔定㗎！😳佢話日頭同夜晚唔同價，咁我問佢咁而家係幾多錢，跟住佢又話日頭冇，再問咁一客係幾多錢，然後佢答五十幾蚊（餐牌上$50幾蚊那個是蟹肉蒸蛋，我想說明阿女食嗰碗係冇蟹肉的）其實改唔到都冇問題，係在乎佢嘅態度（可能佢係老闆娘）跟住仲話下次睇清楚先叫，我話個餐牌你哋應該最清楚，咁點解唔係你哋有責任提醒顧客嗎？我同佢講一定冇下次囉😡😡😡後來佢攞張單埋嚟同我講做番個學生餐價比我，no way, 那$30我仲比得起，我食咗一定會比足錢，所以埋單我都係比番原價，就算有幾好食，都係冇下次。另外，阿女食食下蒸蛋有隻蚊滋飛咗落去

星期六又回到九龍城牛石料理,應該因為疫情關係不用等位,一坐底侍應就比左支<食用消毒藥水>我地消毒餐具,非常窩心放心很多食物新鮮種類很多,推介美食北海道  知內真蠔時令的,肥美海水味重,鮮甜   買5送1架北海道  活毛蟹揀選了店員先比我們過目影相, 毛蟹動也不動,原來毛蟹生猛時,一上水是不會動的燒肉拼盤 新鮮份量也不少,五百幾有這質數非常好刺身拼艋是散叫的<日本黃鯛魚><牡丹蝦> 黃鯛鮮甜有咬口,牡丹蝦彈牙服務一流,就算埋完單出門口時經理都話有消毒搓水液可以幫我們Refill

今日老公生日近近地試下呢間日本野，叫左個2人set dinner， 一黎記刺身都好新鮮好鮮甜，跟住燒元貝燒得過熟有點韌，再來燒肉，A5和牛真係無得輸，肉眼就普普通通，反而個豬就幾正好有豬味，龍蝦麵豉湯ok啦，燒龍蝦都好味，和牛炒飯淡口左少少，最後甜品就sorry, 芒果布甸就真係好行， 我令願食綠茶雪糕。

近年去親韓國都一定會去漁市場到食龍蝦刺身，爽口鮮甜嘅感覺一試難忘，得知九龍城呢間餐廳有法國藍龍蝦刺身食，就即刻仆去試試。法國藍龍蝦兩食 $438 價錢都幾抵，龍蝦刺身上枱時啲觸鬚同鉗同手都仲識郁，新鮮程度有保證，食到停唔到口。食完後龍蝦鉗嘅肉、龍蝦頭會拎咗去炒飯，唔好以為得返啲餸頭餸尾，個炒飯係我近期食過第二好食，炒飯炒得有鑊氣，粒粒分明，配上龍蝦肉同蟹籽，更添鮮味。壽司盛 (18件) $306 唔想煩就叫咗個壽司set，包括深海池魚、黑鯥、鯛魚、三文魚、虎蝦、香蔥拖羅反卷，每款各3件。望落賣相比較一般，黑鯥我係第一次食，味道同口感都幾特別，個人比較喜歡赤鯥 (黑鯥同赤鯥係咪有關係嘅？) 深海池魚魚味同口感都屬中上，香蔥拖羅卷嘅拖羅可以再肥美啲。炸魚鱗 $38 呢個真係好奇先叫，望上去係薄版炸魚皮，但食上去更有口感，慢慢「妹」時好似真係feel到連魚鱗嚟炸，好脆口，重口味嘅我覺得味道剛剛好，友人覺得比較鹹。海膽手卷 $72 海膽甜，紫菜脆，但略嫌份量有啲少，唔夠喉。荔枝梳打 $26 係荔枝玉露嘅梳打版。藍蝶雪梨 $28 味道清甜，賣相顏色都靚。需加一服務費，埋單2人約$1000。如果你

放工最想鬆一鬆，可以跟朋友亂說一通就最爽。 今日跟飯腳來到九龍城一聚，又搵到一間未試過的餐廳，最重要地方坐得舒服，要慢慢同飯腳互道近況。見到門口的生猛海鮮就好想食龍蝦，睇openrice 食評有讚佢的龍蝦唔錯。 所以在門口已經決定要試我們二人坐到闊大的卡位，非常稱心。 這裡可以食麥飯石燒肉，因今次要食龍蝦， 下次一定會再來試。先來飲品，我要了杯百香紫背天葵少冰走甜，飯腳要了一杯熱柚子蜜。 百香紫背天葵好香百香果味，走甜都仍然很好味見到這餐牌，有法國藍龍蝦三款任揀，可以芝士燒藍龍蝦或藍龍蝦丼，而我們選了芝士燒藍龍蝦及藍龍蝦反卷。 非常期待。最先上枱的係銀雪魚西京燒，這個非常推介，非常香也非常滑，味噌味有帶起燒魚的香味，但不會蓋過魚味。 好快一人一塊就KO啦！主角上枱，芝士燒法國藍龍蝦好香，而且肉很彈牙很新鮮，蝦膏及蝦子都齊全，食落非常甘香，齒頰留香。而藍龍蝦反卷最特別是加了紫蘇葉，卷中的龍蝦肉跟芝士燒的一樣很彈牙，而且香葉帶起了龍蝦的味道。另一期待上枱，日本伊籐和牛A4-三角胸排，非常香的牛排，而且粉紅色的肉質，令人流哂口水。 馬上食一件，牛油香馬上散滿口腔，果然係A4,

今次已經是第三次來食，職員態度依然親切有禮，還安排了一間房給我們，魚生夠新鮮，燒肉質素高，最好味是甲羅燒，簡直無得輸！因為傾到唔捨得走，搞到人地要打羊都知！職員依然保持親切的態度，真係超唔好意思！總括而言食物質素依然保持得好，物超所值一定會再來！

踏入九月開學 工作量亦相對地提高 連帶飯腳都變得忙碌  難得有點空閒時間 當然要相約食好西數一數手指 原來18區都差不多去得七七八八 就只差美食雲集既九龍城區 雖然說九龍城區多泰菜 不過其實日式餐廳都不少 經過牛石料理 主打海產、刺身、燒肉  除左招牌和牛菜式 最近仲有提供藍龍蝦 款式都不少 而且食法多樣化   芝士燒法國藍龍蝦拼反卷芝士燒法國藍龍蝦拼反卷 龍蝦聽得多 藍龍蝦都係第一次 因為藍龍蝦產量不多 所以提供藍龍蝦既餐廳買少見少 上枱時芝士香氣迫人 食落肉質新鮮爽彈 香濃味美唔覺膩加上藍龍蝦爆多既蝦籽 口感層次好豐富 而且仲有不多不少既蝦膏 倍添滋味 卷物既龍蝦肉同樣新鮮爽口清甜 而且龍蝦肉份量不少 令人吃得意猶未盡 伊滕和牛A4三角胸排 已經燒好約六七成熟既A4和牛 上枱時油香香氣四溢 油花分佈好均勻 入口細嫩有質感 肉汁豐富雖然未去到入口即融 不過油脂豐腴 令人難以抗拒 吃一口再吃一口菜 剛好平衡油膩感西京燒銀雪魚 燒得剛好 銀雪魚燒得表面金黃 入口嫩滑細緻 而且沒有魚腥魚肉帶有淡淡白味噌既甘甜味 非常獨特 沾點沙律醬又是另一番風 中和甜膩之餘

龍蝦+和牛 超豐盛晚餐😊🥰幾時都話九龍城多野食架啦今次俾我發掘左一間日本料理🥰有齊刺身、壽司、串燒、燒肉同埋主食齋睇menu都唔知揀咩好呀 太多正正選擇啦！🦞 芝士燒法國藍龍蝦 及藍龍蝦反卷 $228我地見法國藍龍蝦係新menu 所以嗌左個兩食上枱嘅時候 真係好興奮呀😍先講講芝士燒法國藍龍蝦 勁多芝士舖滿龍蝦 龍蝦肉非常易起肉 肉質彈牙 唔會過熟😚而且龍蝦好多膏 加埋芝士 好邪惡呀 YUMMY!藍龍蝦反卷 啖啖龍蝦肉 再家埋紫蘇葉同青瓜 好清新👍🏻🥩 牛石精選盛合 $548- 日本伊藤和牛肉眼 A5- 日本伊藤和牛西冷 A4- 日本伊藤和牛A4 肉眼背峰- 牛舌- 牛小排- 日本雞腿肉- 日本黑豚西冷- 日本黑豚腩來得牛石點可以唔食燒肉呢🥳呢到用石燒嘅方法 食之前要先預熱石板吸煙能力也很不錯👍🏻最吸引我嘅始終係三款和牛 特別係藤和牛A4 肉眼背峰勁多油花 入口即溶 好完美呀🤤牛舌也好爽口 雞腿肉嫩滑兩款豚肉亦呈現不同部位嘅肉質口感🍛 鰻魚炒飯 $148飯控朋友話要食炒飯 所以嗌左鰻魚炒飯炒飯粒粒分明 鰻魚都好多呀食完超滿足 我都吃了兩碗🙈🧁 最後餐廳送左個芒果布甸✨九龍城其實好方便 九

好耐都無遇過間咁有heart既日本料理，印象中日本料理師傅都高高在上，除左門口接入送出既standard greeting外，都真係無咩兩句。係九龍城福佬村道既牛石，佢既服務真係一流，可愛大叔店員不時遊走每枱食客，介紹美酒美食，仲會化身攝影師幫大家拍照留意架！有樣野不得不提就係佢地既美女店長，唔單止人靚，仲勁好service，記得晒d熟客仔平日既喜好，絕不hea場👍🏻呢度唔單止刺身壽司新鮮清甜，和牛烤肉都係油脂比例勁perfect👍🏻👍🏻除左美食，呢款柚子梅酒都好有驚喜，原本以為佢一係勁甜、再唔係就勁酸，點知兩樣都唔係；佢既酸甜比例剛剛好，又唔會失卻左清酒本身少少既酒苦回甘👍🏻👍🏻👍🏻

住喺九龍城反而好少喺九龍城食嘢😗 今次反而係朋友帶我嚟屋企附近食和牛燒肉🤗😂牛石料理係九龍城廣場對出個條街，地址方便易搵👍我地被安排卡位，舒服寬敞。 餐牌食物種類非常多睇到我哋眼花繚亂， 除咗刺身，壽司，手卷，串燒， 仲有燒物，料理，天婦羅等😎🦞芝士燒法國藍龍蝦及反卷一場嚟到當然要試下出面少有嘅藍龍蝦😉 因為藍龍蝦比較難捕捉，所以出口量極少，價格亦較高，係比較高級嘅食材❤️龍蝦肉結實，味道鮮甜👍非常容易拆殼，而且有好多蝦膏，多到我地擔心食得太多會太肥😂加埋芝士，味道更濃郁惹味。 呢度菜式用一種食材兩種食法，除咗芝士燒藍龍蝦，仲用咗藍龍蝦製作反卷🍣 第一次食反卷食得咁高級， 除咗藍龍蝦肉仲有青瓜，食落口感豐富， 既有龍蝦肉嘅彈牙亦有青瓜嘅清爽。🐂牛石精選盛合一見到呢塊石頭就知道餐廳點解叫牛石lu😂 燒肉之前，侍應畀咗一個蛋形計時器我哋等，幾分鐘後燒熱咗桌上面嘅熱石就可以用嚟燒牛肉😉每款肉嘅側面都有一塊小木牌寫住佢哋嘅種類， 侍應介紹可以先食脂肪較重嘅牛肉先， 咁就唔使擔心食到最尾太重脂肪會太油膩。 而我哋就由底至高輪流咁樣食。 牛肉可以擺喺熱石嘅旁邊，而雞肉就可以擺正中間。因為雞肉比較難熟

Blue lobster@牛石料理網址:地址: 九龍城福佬村道51號地下電話: 27162728Blue lobster 珍貴而且昂貴，是龍蝦中的極品，愛海鮮的朋友指定來，就是為了一嚐它。$220用不同角度感受一下藍龍蝦的滋味. 新鮮游水仲識得動，生生猛猛就好快變成還桌上美食了啖啖肉架😸第一次食藍龍蝦哦！$88 軟殻蟹沙律 我見好抵食呀，蟹炸完蟹腳位幾脆，雖然炸物有點油膩，但間中一次半次就放肆下啦！$98 雜錦野菜鍋，有湯有菜一次滿足我兩個要求！再點了燒肉，高高興興！店走中高價路線，加上食海鮮價位比一般高，預人均$500-$800 ，視乎吃什麼類型海鮮