牛石料理 (Closed)

牛石料理 除咗主打嘅熱石燒肉，仲有大量其他食品選擇，總有一款岩你口味！有燒肉、刺身、壽司、卷物、串燒、天婦羅、一品料理等！香蔥拖羅反卷$68上層嘅吞拿魚蓉肥美軟滑，正呀！日本三元豚腩$128非常薄切嘅豚腩片，只要兩邊燒至微微金黃色即可，可以加上鹽及胡椒，亦可點少許燒肉汁或蒜汁！牛油果軟殼蟹卷$98份量夠晒多！燒菠蘿$20酸酸甜甜，好開胃！燒日式雞肉棒$28肉質軟淋，又夠多汁！日式雞翼$18燒至皮脆肉嫩！甜品（送）

今日有機會黎到九龍城搵食見到呢間餐廳有多款食物選擇有刺身，壽司，熟食，石燒牛就決定入去試下！另外亦有多款酒種，清酒，梅酒，啤酒餐廳亦好細心，有教學如何自己都可以燒到完美既牛肉刺身盛刺身盛較散叫抵食呢款有三文魚，油甘魚，北寄貝，甜蝦，帆立貝全部都好新鮮鵝肝多士喜愛鵝肝既我又點可以錯過！鵝肝外脆內軟，好肥美配上多士中和左油膩感口感岩岩好好滋味頂級牛小排黎到石燒店又點可以唔食石燒牛呢款牛小排油花好足燒完油香迫哂出黎一咬就充滿成個口好滿足和牛炒飯食牛食到意尤未盡就點多個炒飯炒飯好香，因為用左和牛既油脂一齊炒每一啖都濃濃和牛香好惹味！

今日嚟到九龍城食燒肉同刺身！燒肉套餐有豬牛豚！豚有～日本三元豚西冷同日本三元豚腩～ 原來豚都有西冷！牛肉有伊藤和牛A4西冷，牛舌，頂級牛小排，還有美味A5和牛，牛肉和豚肉雖然同樣美味完全是不一樣的食法！雞肉也很香滑，我們先燒雞肉，因為雞肉比較大件，要燒到最後才可以食用，再來燒豚肉，把香脆的豚肉吃完後再開始吃牛肉我們先燒牛舌心，燒得十分香，外脆內林的牛舌完全是幸福的味道，再來是牛小排，是迷你小型牛扒的口感呢～伊藤和牛A4西冷口感豐富，令人食指大動！我們把A5和牛留到最後，讓和牛帶動味蕾🥰和牛高質香滑，牛味濃郁！甲羅燒 燒得十分香滑，蟹味濃郁，對着麵包一起吃，帶動出兩個層次的美味超級新鮮刺身拼盤真的令人回味無窮，美味三文魚，新鮮香甜的帶子，赤背，彈牙甜蝦！全是超新鮮的食材！吃完燒肉後吃點刺身，不一樣的口感，平衡一下味蕾！

真係好掛住日本🇯🇵，美味嘅刺身🐟🐠🐡、香口嘅燒物🍢🍘越唸越想食，搭屯馬線🚈去九龍城真的很方便，食埋「牛石料理」真的很興奮😆「牛石料理」實而不華，深木色調像極日本地道食肆，石鍋上有隻吸風「手臂」睇落好勁抽下，除咗主打嘅石鍋燒肉、仲有新鮮水產提供各類刺身🦑🦐🐟、炸物🍤🥟、壽司🍱🍣，和式料理都有好多選擇，睇左一輪，都係叫咗個二人餐，一個set樣樣都有啲，可以試多幾款唔同嘅口味嘛😘蟹籽沙律好大碗，青瓜絲爽脆新鮮，爆珠蟹籽超多，冰涼感覺好清新，三點盛刺都好有誠意，厚切大大件，質素仲非常高，三款都各具特色，入口啖啖肉，甘、香、甜美🥢真係好正💯一啖熱茶暖暖胃，火炙三文魚壽司剛好送到，火槍噴過嘅三文魚腩🍣帶點BBQ嘅焦香，暖暖的壽司，調味合度，伴著甜甜酸酸嘅沙律醬零舍開胃，一牒六件兩個人吃完都已經飽飽地了😘沙律、刺身、壽司🍣都吃過了，服務員細心地為我們清理枱面，預熱石鍋，我們休休閒傾吓計，細看石燒燒肉小貼士，一切都準備好了👏👏👏燒肉盛合有四款，真身同Menu 有過之而無不及，粉紅鮮嫩,油脂分布細緻均勻，目測已經好正啦，逐件石燒，吱吱吱嘅聲音伴着烤肉嘅香氣，果然入口即溶，牛件肉味香濃，質感各具特色，絕對

九龍城嘅牛石料理，除咗有熱石燒肉之外，刺身、壽司、卷物、天婦羅、串燒、磯燒海鮮、鍋物、炸物等等和食一應俱全，食物款式選擇極多！仲有自設魚缸，保證新鮮！有Free wifi，加分！Asahi $28食日本嘢飲日本啤，晚市嚟講，價錢唔貴！蟹味噌甲羅燒 $88加入鵪鶉蛋、味噌、蟹子同埋蔥花嘅松葉蟹肉同埋蟹膏，極盡鮮味！加埋兩隻蟹鉗，好似砌到牛角咁，別出心裁！雜錦天婦羅盛合 $89天婦羅粉漿薄而脆，幾十蚊有三隻蝦、兩件冬菇、兩件南瓜、仲有一件蕃薯，的確幾抵玩！燒多春魚 $38勁爆多魚，咸香惹味！牛肉野菜鍋 $118湯頭帶著蔬菜嘅清甜，忍唔住要飲兩碗！牛肉上菜嘅時候，仲係粉嫩嘅紅色！內含娃娃菜、金菇、鴻喜菇、大蔥等，好吃又夠健康！

疫情後真系少左同朋友慶祝生日，不過……best friend又點可以吾去食返餐呢，重要嘅系要搵間坐得舒服又可以慢慢食嘅地方，九龍城 ～ 一個靜中帶旺嘅地方，宜家有左屯馬線就更加方便啦！牛油果軟殼蟹卷，賣相非常靚，砌到好似隻龍舟船甘日本蕃薯，南瓜天婦羅，脆粉夠晒薄身，啱我鹽燒油甘魚鮫，超厚肉，又新鮮，好多時鹽燒都會偏咸或較淡，呢個控制得啱啱好今晚嘅主角出場啦～日本伊膝A5和牛 - 肉眼，頂級牛小排前者入口即溶，滿口油香味，後者就有咬口，2種不同感覺，各有特式。最後餐廳送左個小小cheescake比我地品嚐，劃上完滿嘅句號最值得一讚系佢地上菜安排，每食完一樣再上一樣，時間夾得剛剛好

自從地鐵開通左宋王臺站，嚟九龍城就更加方便，呢區一向多嘢食，香港人都好鍾意❤️今晚去左呢間餐廳，相信好多人都知道，佢出名性價比高，招呼好，食材每天新鮮運到，而且大部份都係卡位，日式和風設計，坐得舒服😌簡單咁Order左個二人套餐，先來蟹籽沙律、刺身三款，唔好以為蟹籽沙律好簡單，新鮮就係王道，份量十足，入口爽甜開胃🥰剌身三款，廚師揀選最新鮮嘅三款海產，賣相精緻，睇見都口水流，入口回味無窮，特色卷物有六件，炙燒三文魚腩壽司🍣，調校味道剛好，根本不需點任何醬汁，直接食用，正😄呢個套餐除咗刺身壽司之外，仲有一個主打牛石燒肉盛合（4款），上枱時候飄煙四起，如夢如幻，賣相實在令客人驚喜，未食都已經心情大喜😜四款牛肉包括：日本伊滕和牛西冷A4、日本伊滕和牛肉眼背峰、頂級牛小排、牛舌心，清清楚楚標明，冇花冇假👍🏻先讓麥飯石板加熱9分鐘，再慢慢把靚肉逐一品嚐，而且燒塊靚嘅和牛想燒得好食都非常講技巧架！記住跟足佢地介紹嘅燒和牛正確方法同步驟呀，切勿一口氣把肉類同時燒烤，以四塊以下為最佳，食野其實都係一門學問👍🏻我敢肯定，佢哋嘅牛肉係超水準，入口即化，油脂分明，絕對頂級🥰鹽燒三元豚-腩，甘香味俱全，唔好以為佢

上次約咗朋友去九龍城食泰國菜見到有間牛石料理比佢門口嘅海鮮魚缸吸引住，即時bookmark今日約埋來試一試牛油果軟殼蟹卷~不只賣相靚味道都唔錯鹽燒油甘魚鮫~油脂夠多肉質幼滑魚油香濃👍😋 日本蕃薯南瓜天婦羅~普普通通可以留quota食第二樣話明牛石料理當然唔少得壓軸出場嘅頂級牛小排~富大理石紋脂肪,肉質鮮美,油花分佈均勻,質地柔軟日本伊藤和牛A5肉眼~肉眼油花豐富有明顯的油脂肉質柔嫩，真的入口即融下次真係要去試下佢地嘅魚生

好耐都冇去九龍城果頭～～依家開通左地鐵，真係好方便！早排諗住食泰國菜，不過到到都好多人，所以我地轉戰日本菜~咁岩牛石料理除左可以食到居酒屋既野，亦可以食燒肉，選擇多多！我地先黎個蟹粥，入面真材實料，食到有蟹肉，而且粥軟綿綿，熱辣辣～一窩粥原來都每人食到３小碗，份量都唔少，食完有少少飽肚感～另外叫左日本和牛A4西冷, 入口即溶, 好香牛味~必試!!亦點左串燒, 有雞皮同雞翼, 燒得好香脆, 唔錯~~最後仲送左個藍莓CHEESE CAKE 比我地, 甜甜地, 又實在, NICE!OVERALL, 價錢合理, 環境又舒服! 係區內唔錯既日本餐廳選擇! 

自從有宋皇臺站之後, 黎九龍城真係方便左好多!!!最近同好友黎到九龍城食牛石料理, 一間日本居酒屋, 但又可以食燒肉!!一黎先黎個頂級牛小排, 一共8片, $238~頂級牛小排 入口滑嫩，鮮甜不油膩，燒完可以直接食、又或者沾醬食都各有風味~~另外我再追左日本伊滕和牛A4西冷, 油花平均, 食落嫩滑而帶有少少膩, 但真心值得試!!食得肉多, 當然要黎個雜錦野菜鍋中和一下, 呢個鍋入面有金菇、娃娃菜、豆腐、等, 好FRESH 好健康!!最近叫左D串燒, 當中雞腎好爽口彈牙~~其實既咸味適中~OVERALL 都唔錯, 下次可以再帶屋企人黎!!

🍭放假諗住嚟九龍城行下食下野，經過見到呢間牛石料理嘅lunch好似幾抵食呢個銀雪魚西京燒都幾好食，外皮脆トト，入口滿口魚油香，魚肉嫩滑，甜甜地咁，又唔貴雞翼同埋多春魚都燒得唔錯，幾香口

朋友共聚，早到見餐廳冇乜人，以為可以慢慢食，誰知道客人越來越多，最後還要被催交檯！食物方面是中上類別，壽司的配合很有層次，由於不是我點菜，所以末知點了什麼款式，但每件入口，除了魚生鮮味，也食得出配料味道。叧一碟烤魷魚，加上沙律醬，送酒一流。食完壽司後，店員送上烤肉，一盆冒煙的鮮肉出場，精緻極了。每份肉上都有竹簽寫出肉的種類，牛肉油花平均，豕肉則較肥，我認為牛肉比較出色，因牛味較出；而雞肉就一般，較淡！最後送上小件芝士餅。高質晚飯，只是要趕交枱，未夠盡興！

牛石料理超高質新鮮刺身&空運海膽&空運生蠔&高質燒肉最近屯馬線開左，所以係九龍城尋找美食🥰餐廳主要食高質燒肉，佢有幾款燒肉餐，我地叫每款2件個個602，佢包左A-5和牛肉眼😍我最中意♥️A4和牛肉眼背去峰，A4- 和牛西冷，頂級牛小排，牛舌心，日本華味鳥雞腿肉同埋日本三元豚西冷&腩，超多款選擇慢慢燒，我地首先係燒左三元豚先，等個板多小小油先再燒d牛肉，餐廳職員教我地放雞肉係爐邊烤住先，慢慢熱，我地仲叫左刺身一齊食♥️有赤蝦池魚等♥️非常新鮮，食落完全無筋，三文魚入口立即溶左！咁岩餐廳空運海膽到貨$138 超抵食我地一人要左一隻，個海膽開到好似朵花咁好睇食落去係鮮甜滑仲有花香味😍果然係鮮開仲有生蠔$78隻買5送一左 昆布心;右 六神高田左邊既昆布心好爽口！右邊既六神高田就creamer 小小🥰幸福的一晚仲有甜品小蛋糕

＃九龍城 ＃屯馬線開通真的很興奮屯馬線開通後, 最高興莫過於唔需要再只留在尖沙咀晚飯🤣😂, 大家可以一齊去九龍城, 睇下有冇機會撞見發哥! 😎🐟燒三文魚鰭 $78 ~ 肉超厚身, 好大件! 足有2件, 燒烤火喉控制得宜, 油份已被迫出, 肉質嫩滑! 🍤大蝦天婦羅盛合 $89 ~ 五蝦一菜, 菜是茄子, 好大好厚的一件茄子! 蝦爽口, 大大隻! 🐚活赤貝刺身 $68, 🦐大赤蝦刺身 $58, 🐟鯛魚刺身 $68 ~ 好新鮮, 好鮮甜, 好爽身, 魚肉厚而無筋! 🤤🤤🤤蝦肉彈牙, 連蝦頭膏都好鮮甜, 蝦一定要好新鮮啲膏才會甜!😎 赤貝超爽脆, 夾上青瓜絲, 一絶! 😎以後又多一個飯堂! 

＃九龍城 ＃屯馬線開通真的很興奮 🚇我雖然平常唔喜愛搭, 但無疑去九龍城係方便好多, 以往九龍城係一個唔🚘揸車就唔知點去的地方, 而家終於發現到屯馬線的一個優點! #宋皇臺站 落, 來吃燒肉! 🤤🤤🥩頂級牛小排 $238 ~ 足有8大塊😱, 塊塊雪花紋路清晰, 入口油香四溢, 唔會太薄至入口得陣風, 反而切得頗厚, 好好好好味! 🐖日本三元豚西冷 $138 ~ 估唔到份量多到一個點😱! 豚肉有西冷及五花腩選擇, 店員細心提醒🐖五花會比較多脂肪, 雖說是口各有所好, 但為著減肥呢個口號, 要西冷吧! 脂坊雖少, 但肉質嫩滑, 燒至幑焦豚肉香氣濃郁!🍣香蔥拖羅反卷 $68 ~ 食飽2道燒肉, 要食點清清的, 拖羅新鮮, 入口即化, , 飯唔會太酸, 味道剛好！ 😌好滿足!