牛石料理 (Closed)

女朋友轉新工， 為咗同佢慶祝新開始，一於車佢去九龍城食好西，之前聽朋講呢間日式料理出名和牛，今日同女朋友試下法國龍蝦有幾種食法刺身海鮮船睇相都好吸引，同埋A4和牛望到都想食張枱側面有個金色物體，問店員原來係抽風機，食和牛燒肉嘅時候轉過來就可以抽風芥辣軟殼蟹沙律芥辣味不太重，軟殼蟹好脆口，沙律酸酸甜甜令到個人好開胃刺身我自己選擇左帶子、深海池魚同埋劍魚腩刺身都好新鮮劍魚腩清甜爽口有一種入口即溶嘅感覺帶子大大隻真係好鮮甜， 佢肉質肥食落口感好實在深海池魚質感係脆清甜，完全冇腥嘅味道可以唔使用豉油芝士燒法國龍蝦伴飯卷，龍蝦肉爽甜燒芝士又多芝士燒過之後仲好香食過一次番尋味A4燒和牛串，和牛真係超好食佢大大粒而且肉好厚身，師傅技巧真係好好一粒食落口堅入口即溶，怪唔之得我哋order左兩串佢已經冇晒貨原來真係咁正難得女朋友轉新工，用少少錢食好嘢我都覺得值得，因為佢食完之後好開心而且佢都好滿意

上網搵到呢間食日本料理好多好評，所以就同朋友一齊嚟試吓。最近原來主打法國藍龍蝦，見大家都係咁讚，而且價錢好抵咁，我都叫左一set芝士燒法國藍龍蝦及藍龍蝦反卷（$228）芝士滿滿的鋪係龍蝦上面，輕輕刮開仲係有拉絲效果的，賣相好討好！藍龍蝦嘅肉質好彈牙，而且有蝦味，芝士又唔會搶左個蝦味。呢度好貼心，俾左把剪刀我，咁我就可以同朋友share呢份龍蝦啦！ 另外，反卷都好吸引的，中間的龍蝦肉勁大舊，飯粒又被蟹籽包圍住，口感豐富。大吞拿魚腩刺身 （兩件）咁岩聽到店員話條吞拿魚啱啱返貨好靚好新鮮，所以我就即刻叫咗黎食下啦脂肪花紋分佈真係好平均好細緻，入口即融的口感，加上魚嘅油脂味，真係好想食多幾塊日本伊藤和牛A4 三角胸排呢款燒肉係廚師燒好俾我地的，燒得岩岩好，中間帶點粉紅，食落口感嫩滑，口腔充滿和牛嘅油香，而且帶有一點黑椒味，味道香口。伴碟的什菜都用牛肉的油脂炒，所以都好香！炸紫薯甘栗薯餅紫薯薯餅炸得好脆口，而且外脆內軟，入面d紫薯餡係打得好細好綿滑的。配上店家獨特的醬汁，帶有一點梅酸味，又幾夾，亦中和左炸物嘅油膩感食完之後，店家送左一杯芒果布甸俾我食, 好多芒果肉，好味！

成日去九龍城都係食泰國野，食到有少少厭今次就試下日本菜，係門口睇到佢個menu都幾多選擇，刺身和燒肉都有，可以每樣食少少所以就揀左呢間。..蟹味噌甲羅燒，滿滿的蟹膏，鮮甜味十足，配上白飯減低油膩感！..龍蝦二食，即劏龍蝦起肉，上台時龍蝦仲係微微郁動，証明龍蝦新鮮度十足！龍蝦肉晶瑩剔透，肉質結實彈牙。..同男朋友兩個人揀左個二人前的和牛拼盤，每款肉都可以試少少，好適合有選擇困難症的我😂😂三款和牛之中西冷的油脂分佈最為平均，油脂佔較少，但肉味相對較突出。油脂的香醇和肉感真係魚與熊掌，難以取捨！牛舌都係我大愛的一部份，牛舌厚度十足，店員教路要4面都燒得平均，熟成度才適合進食，果然牛舌的外面燒得焦香，入面軟腍，開頭仲驚甘厚既牛舌會好煙靱，但原來只要識得煎完全唔會有呢個問題呀！..最後再上埋龍蝦二食的龍蝦炒飯。用甘華麗的方法食炒飯都係第一次。龍蝦肉鮮甜醇厚，口感彈牙，不管用什麼方式調理，無論係刺身或熟食，兩者都食出豐富海味。炒飯的米飯每粒分明，口感一流。餐廳最後仲送上甜品作結，好滿足的一餐！

餐廳門口雅緻，有d日本燈籠，好日本feel！餐廳入面的座位大部份都係卡位，好適合同朋友慢慢坐，一路傾計一路食燒肉。賣相首先已經贏曬，賣相好精緻，打卡一流👍🏻而且每款肉都有小名牌放係側邊，真係似十足係日本食高級燒肉的食店！最欣賞三款和牛同埋牛舌。和牛係黎自日本伊籐牧場的和牛😍伊籐和牛的油花豐富，油脂香醇，入口即溶。和牛肉眼A5, 和牛西冷A4, 和牛A4肉眼背峰，當中以和牛肉眼的油脂感最重，所以入口口感都最為軟腍，讓人沉醉於油香之中。和牛西冷A4的油脂則較為平均，油脂較低，肉感較重，配上少許鹽巴，肉味更加突出。膽固醇超標都要食的甲羅燒！富有海味的蟹肉和蟹膏經過燒熟，咸香味十足，食唔停口。原隻龍蝦二食，龍蝦的蝦身首先起肉，以刺身的方式上。第一次食龍蝦刺身，肉質爽口，加上一點的wasabi更能帶出肉味的鮮甜！龍蝦炒飯，賣相又係相當吸晴，炒過的龍蝦肉質感更結實，炒飯中加入芝麻，香味係味蕾中遊走，齒頰留香。最後以芒果布甸收結，是由餐廳送的，好豐盛的一餐。

拍拖紀念日同男友去左九龍城食好西除左龍蝦 仲有壽司同和牛燒肉食 一次過滿足晒小妹幾個願望店內環境寛敞整潔 坐得舒服 牆上仲貼左唔少名人既合照 原來係明星食堂黎點左芝士燒法國藍龍蝦+藍龍蝦反卷半隻龍蝦兩種食法 兩款都好食 各有千秋芝士燒當然係啖啖肉 好香好鮮味 但藍龍蝦反卷又有另一種美味 口感彈牙豐富食完豐盛既"前菜" 先歇一歇 食返小小基本野 叫左土佐豆腐同燒粟米試一試燒物同炸物既功架 結果兩樣都合格之上有佳餚又點能夠缺少美酒🍺馬上整返杯沖繩啤 痛快地啤一啤先之後當然係另一個重頭戲牛石精選盛合有齊牛, 雞, 豚肉除左用上唔同既牛肉部位 其中三款更係日本A4伊藤和牛A4和牛當然超好味 牛味濃郁之餘仲好有口感不過最估唔到就係豚同雞都一樣好出色豚肉既脂肪燒過後非常爽口 薄薄一塊 燒香後份外好食食到勁飽打算埋單 但原來仲有杯啫喱甜品送 可以清一清味蕾既肉味 又幾細心

今晚同女友搵去左九龍城搵好野食,平時大家認知去九龍城一定係食泰國野,但食得多會有d 悶,所以就轉食日本野啦,呢間牛石料理出名係品質超高既和牛燒肉黎到唔算好多人,好快就有位啦,我地叫左幾個小食,串燒同一個和牛set做今晚晚飯,先上係土佐豆腐,外脆內嫩,做得好滑好香,開胃前菜一流,跟住就叫左個好有人氣既藍龍蝦卷物,唔好睇佢size細細件,入面全部都係包住好鮮甜既龍蝦肉,仲有大半隻芝士龍蝦向到比佢慢慢食,壓軸出場係和牛拼盤啦,入面除左上等既和牛之外,仲有豚肉同雞肉,和牛方面有A4西冷,同A5肉眼,味道唔洗點解釋,入口即溶,肉汁豐富,味覺放題一樣,最後都會送杯甜品比你清下個口既油脂,值得一提係餐廳店員服務一流,換鐵版速度超快,一定唔會影響大家將會燒既美味和牛

九龍城一向都係好多唔同美食既地方今次黎到依間一睇就知食日本海鮮既餐廳因為門面就擺哂全部都係龍蝦同長腳蟹首先叫既係炸魚鱗 講真炸魚皮就經常都食不過炸魚鱗真係第一次品嚐 口感就好似炸魚皮不過更脆口 魚鱗一粒粒既感覺 叫左個 法國藍龍蝦套餐 包括左 法國藍龍蝦刺身 法國藍龍蝦炒飯 法國藍龍蝦 係即時新鮮做刺身 因為成個龍蝦頭同龍蝦身全部都仲識郁 刺身口感好爽口 除左依樣之外 跟住就係 壽司盛 total 有 18件 有齊當日既海鮮 同埋 特定既 例如 三文魚 深海池魚 之類 另外再叫咗一個海膽手卷 非常Creamy原先既藍龍蝦頭同鋏會拆岀黎拎黎炒飯 差唔多每啖飯都有蟹膏同蟹肉 超正 必點之選九龍城一向都係好多唔同美食既地方今次黎到依間一睇就知食日本海鮮既餐廳因為門面就擺哂全部都係龍蝦同長腳蟹首先叫既係炸魚鱗 講真炸魚皮就經常都食不過炸魚鱗真係第一次品嚐 口感就好似炸魚皮不過更脆口 魚鱗一粒粒既感覺 叫左個 法國藍龍蝦套餐 包括左 法國藍龍蝦刺身 法國藍龍蝦炒飯 法國藍龍蝦 係即時新鮮做刺身 因為成個蟹頭蟹身全部都仲識郁 刺身口感好爽口 除左依樣之外 跟住就係 壽司盛 total 有 18件

一直以為九龍城只有泰國菜出色，估唔到呢間日本菜同樣驚艷，非常有驚喜！法國藍龍蝦二食，包左刺身同炒飯一開始上左龍蝦刺身先，隻龍蝦仲係識得郁，證明碟刺身係幾咁新鮮🥰食完刺身，佢就會用番隻龍蝦其他部位炒飯，炒飯炒得好香，啖啖都係肉😋另一必食係牛石精選盛合，包左豬肉、雞肉同埋不同部位既牛，好抵食。和牛A4西冷超正，入口即溶，係一大享受😍😍Waiter既服務都好周到，主動問駛唔駛幫我同朋友一起影相，亦會積極咁斟茶👍🏼食曬所有菜已經好滿足，點知最後仲有甜品送，係整得色彩繽紛既啫喱！埋單果陣同朋友講下次一定會再黎食過！店員仲同我地講，只要保留收據，一個月夜晚內再幫襯，就可以有九折😍真係無藉口唔再黎食🤤🤤

牛石料理西班牙人曾經說過：「貴族的血是藍色的，並不是紅色的」無獨有偶，龍蝦中的貴族，藍龍蝦，也是流著藍色的血，至於藍龍蝦是不是西班牙人最初特別馴養，不得而知，但可以肯定，藍龍蝦不論是味道還是肉質，都絕對比普通龍蝦優勝都市傳說，藍龍蝦要脫殻七七四十九次，歷時七年，才能長成30公分，基本上是普通龍蝦的一倍時間，而藍龍蝦並不像一般龍蝦一樣，隨時日在遠飛而肉質變韌，反而，恰似是修練了天山派的八荒六合唯我獨尊功，像天山童姥一樣，肉質保持在小鮮肉時的嫩滑狀態如果是普通的龍蝦，必定是吃白灼或是清蒸，甚或以上湯入饌可是藍龍蝦自身的肉質本來就已經比普通的龍蝦味濃，倘若以上述方式烹調，未免太小覷了藍龍蝦，同時也未免太低估了掌廚的功力自古以來，煮食之道，都是和習武同出一徹，大俠和大廚大都藝高人膽大的，也是講求撘配的，張丹峰和雲蕾的雙劍合璧威力陡增十倍，想不到芝士和藍龍蝦的雙劍合璧味道亦暴增十倍，藍龍蝦味濃郁，芝士味強烈，想不到這個強強聯手不如炒股票的組合，竟然是負負得正的平衡，芝士没有搶去龍蝦的鮮味，龍蝦亦没有蓋過芝士的香味，可以說是中庸之道的活例証燒肉，是用石燒的，用石燒也是對店家的一個挑戰，若食材稍若不

前幾日終於約到大忙人朋友食晚飯！！咁耐無見就緊係要食好d，歡聚一下啦~~我地一個住東，一個住西，所以就揀左喺九龍城落腳（兩個都有直車返歸xppp）朋友喺度book左檯，呢度應該係主打食牛既，但當中亦有好多日式料理刺身等等既東瀛菜式可以選擇，樣樣都好似好吸引咁啵當我地花多眼亂，唔知食咩好既時候，店員就推介我地試下佢地近期熱賣既藍龍蝦，朋友正係海鮮狅熱，頓時點頭叫好，點上一客“芝士燒法國藍龍蝦及藍龍蝦反卷”HKd$228+10%我呢個小牛精就發板要一份“牛石精選盛合”HKd$548+10%同佢一齊share，唔夠先再追加飲品方面，朋友係嗜酒之人，先點上一杯“沖繩生啤”HKd$32+10%之後再加一客“枝豆”HKd$28+10%佐酒作為開幕小妹我就乖乖地飲返杯“白桃梳打”HKd$26+10%已經好滿足我地既燒肉盛合率先登場～先有店員為我地準備醬汁，而檯上就設有燒肉時我最愛沾上既鹽巴跟黑胡麻盛合中有齊三款肉類：豬、牛同雞，當中和牛質素固然不俗！！教我驚喜既係雞肉亦為不錯，而厚切爽嫩既牛舌更成為我心頭好而朋友滿心期待既藍龍蝦亦隨之後上，賣相已夠誘人半大隻藍龍蝦上蓋滿香濃芝士，肉質爽彈而味帶鮮反卷

嚟到九龍城，未必係食泰國嘢嘅，唔經唔覺，周圍都開滿食肆，真係胃別三日，刮目相看呀！見多咗專門食牛嘅餐廳，於是口擘擘咁入咗去其中一間裡面裝修都好有日本風，闊落又好坐聽講紫貝天葵對女性有益，所以我同胃民各自都嗌返杯龍蝦兩食駕到，首先就係要以刺身方式享用，夾夾吓個龍蝦頭郁咗幾郁，原來佢只係壽終正寢，未死晒！可能因為咁，刺身格外鮮甜第二食就係將蝦膏同肉挖晒出嚟炒飯，粒粒金黃，足味非常，而且隻蝦嘅靈魂今次真係被撤回喇嚟得日本餐廳，點都食返啲壽司之類嘅嘢，拖羅反卷真係令人好纏綿社會有階級，肉肉同樣都有，樓梯級嘅擺設，大胃好醒咁由下食上去，通常最肥美嘅都係最離地㗎啦爐要預熱9分鐘，好肚餓好漫長呀有唔同嘅醬汁可以配燒肉仲有三種嘅調味粉，簡單而隆重燒肉過程望住雪花紋都係一種視覺享受，因為入口即溶，要欣賞就望耐啲喇！食完以後真係想戒牛，非和牛不食最後仲有綺麗嘅甜品啫喱，邊食邊埋單，老細話拎住張單下次幫襯有9折喎，雖然冇幾可嚟九龍城，但都開始認真諗吓下次慶宴可以再回頭

男朋友升職加薪話帶我去食好野喎，佢知我鍾意食日本野，於是帶咗我去九龍城食好野。九龍城多泰國餐廳呢樣眾所皆知，但除咗泰國野，仲有好多異國風味嘅野食。今日黎到牛石料理，入門口前已經見到一個個魚缸裝住好生猛嘅龍蝦同長腳蟹，瞬間對餐廳嘅食物質素非常有信心。店內以卡位為主，私隱度好夠，大啖大啖品嚐美食都唔怕失禮。首先出場嘅係海膽丼，海膽好肥美好creamy亦好新鮮 ，份量好多，疊起成個小金字塔咁，睇見就開心，用紫菜夾埋吞拿魚，一流！超好食。另一鋪頭非常推介嘅係藍龍蝦，藍龍蝦產量唔算多，成日缺貨，今日終於有機會一嚐佢嘅滋味，我地嘅係芝士燒半邊蝦加卷物，芝士味道濃郁，同龍蝦好夾，卷物內含龍蝦肉，比以往食嘅蟹柳，味道同口感都高下立分，非常推薦。店員都非常friendly，面帶笑容咁招呼客人，唔洗舉手都會自動幫你斟茶，好細心好有人情味，野食同服務都一流，希望有機會再黎過。

難得朋友得閒，終於約到出黎食餐好，於是去咗美食雲集嘅九龍城覓食。係九龍城食過好多次泰國野喇，今次一於轉轉口味，食餐至愛嘅日本野，眼見牛石料理店外一缸缸生猛活海鮮，唔諗咁多喇，一於佢啦！叫得牛石，大概預計到佢地招牌菜係牛，果然，餐牌上有多款牛肉選擇，而且和牛居多，一睇就知餐廳用料上盛，用靚貨招呼客人。如果覺得天口熱，唔太想對住個熱辣辣嘅爐自己燒肉，可以叫份伊滕和牛A4三角胸排，餐廳燒埋，擺得靚靚仔仔送黎，油脂好均勻，未擺入口已聞到好香，肉質好嫩，入口即化，師傅手勢好好，約7成熟，啱啱好。餐廳最近做緊藍龍蝦promote ，聽就聽得多，但未食過，於是嗌咗一個半份嘅芝士龍蝦加卷物嘅set，芝士味好濃好香，龍蝦新鮮，肉又彈牙，加埋用龍蝦肉整嘅卷物，食完有少少後悔，龍蝦咁好食，早知揀大份d嘅set啦。香港地有供應牛肉刺身嘅地方似乎唔算多，今日見到menu有，所以想挑戰下，自己最生食過三成熟嘅牛，唔知全生會唔會好腥呢，餐廳擺盤好有心思，送緊黎時已經好吸睛，和牛刺身薄如紙，一片片牛肉嘅花紋都有如雲石般，好有美感，餐廳有提供埋生洋蔥同自家調配嘅醬汁，入口好冰凍，唔腥，夾埋洋蔥好好食，未試過嘅朋友可以一

入得九龍城，當然要吃泰國菜？不一定！其實有其他選擇，就好像串燒跟石燒這類日式餐廳。食物：早有聽聞這餐廳有新的龍蝦吃，我們倆就點了一份藍龍蝦丼飯$220半隻龍蝦配上一大碗丼飯，龍蝦肉很多，整個鉗都有一大片肉！雖然這一碗份量不多，但還是滿足了龍蝦控的慾望。牛石精選盛合$548不便宜，但內容物有五款和牛，兩款豬肉跟一款雞，算是抵吃。1.伊藤和牛西冷煮個5分熟，入口即溶油香很重，很香濃的牛油脂香！2.伊藤和牛背駝鋒肉眼肉質比剛剛那個略瘦，建議煎個3分熟，自然軟糯易入口，牛味比較比較出。3.伊藤和牛肉眼脂香更濃更重，肥美油亮的雪花超級好吃，5分熟最佳。滿咀都感到幸福。4.牛小排，脂肪比較多而且近邊，所以不建議太生，7分熟可以品嚐到其最佳滋味。5.牛舌必需要有巧手廚師才能，否則自煎可能會招致惡果牛舌要好吃，必須不可以太熟，5-7分熟就剛剛好！吃下去一層焦一層軟稔，令人大滿足！最後還送了一份甜品［芒果布丁］給我們，不算很特別，但比糯米滋好吃多了！

食晏時間，周圍都多人，排隊又怕食唔切，後來朋友話我知，呢間好好，如果一早諗到食咩嘅話，早啲打去book枱同埋講定食乜，去到就會有得食。我係11:00佢開門時間打去， book好枱， 1:05去到，經理已經喺門口迎接我，我哋從來冇見過，但係我一落車，佢就好似識我咁，仲問我係咪x小姐👍👍👍，一坐低唔夠2分鐘我哋個飯就到啦。我本身好鍾意食海膽，我見到一大陀海膽，超級無敵興奮。我望落去碗飯好似好少咁，其實一啲都唔小，因為呢度已經有一版海膽咁多，海膽好鮮甜，一啲苦味都冇，配上脆卟卟嘅紫菜，簡直就係人間極品。海膽下面有一層薄薄嘅拖羅蓉，一啖拖羅蓉配合上飯同埋海膽，真係絕配。雖然價錢有少少貴，但係絕對係值得嘅